تهرب زوجي مني !!

ريانة المشاعر

ريانة المشاعر

New member
إنضم
2010/02/16
المشاركات
304
أهلين أخواتي

أبد ما فكرت أكتب مشكلتي بس ما شاء الله حكمتكم تعجبني وأثق أنكم بتدلوني على الشيء الصح

أنا توي متوظفة في المنطقة اللي فيها أهلي وزوجي متوظف في منطقة تبعد 500 كيلو اضطريت اني

اجلس عند أهلي علما أني لي متزوجة 3 شهور وكم يوم وحامل ألحين في أول شهوري

طبعا كل إربعاء ينزل زوجي لمنطقة أهله واللي تبعد عنا تقريبا 200 كيلو وهو وعدني أنه يجي يزورني

بس بدأ يطفش وأحسه يتهرب مره تعبان مره عندنا عزيمة مره سيارتي عطلانة مره مالي خلق

وأنا بصراحة أقول براحتك بس ( داخلي ) مقهووووور

بس من جد طفشت ودي أوقفه عن حده وأخليه يجي من الاربعاء ويروح الجمعة مو كله شوق وإلا ميتة عليه لا بس أبيه يتعود يجي من دون ما أقوله وأترجاه أو أسأله متى بتجي كأني أنا اللي شفقة عليه !!

غير كذا أنو لو جاء ورحت أزور أهله نقدر نروح نجلس في شقتنا !!
بس هو يجي يأخذني بنفس اليوم ويرجعني بنفس اليوم :33: !!
سخاااافة ووقاحة أنا عارفة
لدرجة أنو تهاوشت معاه على حركته هذه قال تعب علي !!
من جد بديت أفكر بالطلاق وش هذه الحياة !!
أنا ما قصرت معاه بشيء
وفوق هذا صبورة وكتومة وما أحب المشاكل
بس أحس كافي مو عاد لدرجة أني بأتعب نفسي علشانه
كيف أتفاهم معه هذا ؟!

هل أطنشه وإلا أتكلم معاه لأن صبري بدأ ينفذ:8:





الله يسعد من تساعدني يا رب ويوفقها ويكتب لها بكل خطوة فحر وسعادة وتوفيق
ويحفظ لها زوجها وعيالها ويصلح حالهم ومآلهم والله يصرف قلب زوجها عن الحرام ولا يشوف غيرها
يا حي يا قيوم
 
شيلي فكرة الطلاق من راسك الحمل مخليك مو متحملة شي

أختي كثير عاشوا وضعك وعانوا لين اتلم شملهم

إنت وزوجك لسة مااتعلقتوا في بعض حببيه في الجية عندك عشان يحرص..

اصبري ومع الوقت تنولي بإذن الله..

اطلبي نقل لمنطقته.. ادعي ادعي ادعي إن الله يؤلف بينكم ويحببكم في بعض..ولا تنسي قيام الليل.
 
الخط الفاصل

كيف أحببه في الجية ؟
وهو أصلاً ما يجي إلا ليلة ويروح !!
حتى الناس بدت تشمت فيني :8:

نقل لمنطقته من سابع المستحيلات يالله بعد 3 سنوات الله يفرجها علينا وعليك يا رب

/

ما تقصرين يالغلا على إضافتك
ومساعدتك لي
الله يصب عليك السعادة صباً صبا ولا يوريك في حياتك هماً ولا نكدا
ويسخر لك ملائكة السماء وجنود الأرض
ويسخر لك قلب زوجك ويزرقك بر عيالك
ويكفيك شر من فيه شــر

,
 
طيببرد بااختصار


خلية لاتلاحقينة فترة و\جلاال

جربي
 
الله يعينك بس بجد الجنوبي الشرقي طيب بس افهميه والله ماراح تلقين مثلو لاتسرعين بعدين والله تعب عليه مشوار عليه وطبع الجوبي كسووووووووووووول
 
اذا انتي مب محتاجه الوظيفة بلاها .. وخليج في شقتكم .. عشان ينزل على طول عندج ... :)
الله يسعدج وييسر امورج​
 
اثقلي لاتطاردين وراه والاتطلبن الطلاق بكره يشوف عوينات النونو وينهبل عليكم هبال
الله يسخره لك يارب
اثقلي الثقل صنعه
الرجل يحب المره الثقيله حبيبتي
 
ميرد00

يا جعلك في الجنّة ووالديك ومن تحبين
لاتحسبيني من النوع اللي يمكن أسميه ( صمغ بوتكس )
ترى أنا ما أتصل عليه ولا أقول وين رايح وين جاي ووينك فيه
مخليته يعيش حياته مثل ما يبي كأنه ما تزوج
هو اللي يتصل ويسأل
فاتحه له المجال

والله مدري وش يبي هالرجال !!



الله يسعدك ويوفقك ويكتبلك بكل خطوة كل خير ويبعد عنك كل شر
ويسخر لك من هو أقوى منك ويسخر لك قلب زوجك ولا يصرفه عنك
الله يصب في قلبه لك حب وشوق ولا يغير عليكم ويكفيكم شر من فيه شر
 
لاءءءءءءءءء
الا وظيفتك لاتتخلين عنها
الرجال مالهم امان حبيتي
وظيفتك حصن ودرع لك من بوائق الزمن
الله الله لاتفرطين بوظيفتك ابد
 
عضوه3

كل رجال فيه جوانب سيئة وجوانب حسنة
أبد ما أخاف على الرجال في المشورة ( المشتهي يقطع المستوي )
أجل يجي مشوار 300 كيلو لأهله ثم يروح بعد 300 كيلو عشان عرس فلان !!

يختي أنا ما أعذر الرجال في هالمواقف !!
لأنهم لو بغوا شيء قدروا عليه ونسوا أم الكسل !!

يختي ترى أنا ما همني جيته بس الناس بدت تشمت فيني وأقربهم جدتي
لأن وحده من بناتها مثلي بس ما شاء الله كل إربعاء رجلها عندها يتغدى

وأنا يستخير ويطقطق يجي وإلا لا !!
يا صبر الأرض


قولي آمين
الله يفتح الخير بوجهك وين ما كنتي ويسعدك ويوفقك وييسر لك كل أمورك
الله يحفظ لك زوجك وعيالك ويكفيكم شر عباده
الله يصب عليكم الخير وين ما كنتم ويحرسكم بإسمه العظيم
 
سلة فواكة

لا والله يختي محتاجة الوظيفة ونص
ومنيب تاركتها عشان سواد عيونه
أنا بصراحة ما أحب التضحية الزايدة عشان الرجال !
لأني من جد إذا شفت تصرفاتهم أنقهر وأحنا متعبين أعمارنا عشانهم
صح بأقوم بحقوقة بس ما راح أحملها أكثر من اللازم



يا رب أسعدها ووفقها وأحفظها لعين ترجيها يا رب أقر عينها بصلاح أبنائها وزوجها
اللهم أفتح بها أبواب رحمتك وخيرك ورزقك ومغفرتك
وصب عليها وعلى بيتها سعادة تنسى بها هموم الدنيا وغمومها
 
حبيبة عيالها

والله أني منيب الأحقه وما فيه أثقل مني
حتى أني أنا مليت من نفسي
بس شكلي بأصبر وأشوف نهايتها

الله يسعدك ويوفقك ويحفظك أنتي وعيالك وزوجك
ويسخر لك من هو أقوى منك
ويرزقك بر عيالك وتشوفينهم أئمة الحرم ودعاه هداه مهتدين
ويفرج لك همومك ويكفيك شر الدنيا وما فيها
 
الله يهون عليك انتي كلمية وقوليلة الناس تتشمت فينا وقولي طلعوا علينا كلام واحنا مالنا الا ثلاث شهووور اقترحي علية انه يجي اسبوع واسبوع لا اذا كان فية تعب علية والله يسخرة لك ولا تطلبين الطلاق انتبهي وظيفتك لاتتركينها لو مدري وش يصير والله يسخرة لك يارب ويبعد عنة بنات الحرااام يارب
 
هلا يا الغلا اولا مبروك على عروسة وبعدين حبيبتي شوي شوي على نفسج من العصبية والضيقة ترا انتي حامل وهالشي يضر البيبي وطبيعي اي شي ينرفزج بسرعة وتحسين انه مأساه لانها من اعراض الحمل العصبية وعروف وبعدين انتي توك عروسة يا دوب لحقتي تعصبين وتطلبين الطلاق عيل شو خليتي للمشاكل الثانية طولي بالج وحسسيه بشوقج دلعية وااايد يوم تكلمينه وحسسية انج فعلا مشتاقة تشوفينه وانج مقدرة تعبه الجنوبي يحب الدلع والدلال والحنية واسالي عنه لانه يحب يحس انج تغارين عليه بس شوي لا تزودينها ودايما حسسية بوجودج يعني اذا مثلا ركبتي السيارة خلي شوية من اعراضج في السيارة عشان يذكرج مثلا محارم كتبي عليها احبك وعطريها وخليها بالسيارة لما تنزلين بيت اهلج عشان يتذكرج طول الطريق سويله اشياء تخليج دايما في باله مثلا حطي تنبيه في موبايله على وقت ما يكون فيه عندج وكتبيلة اكيد هالوقت بكون مشتاقة اسمع صوتك يا ليت تكلمني وانشا الله ستجدين ما يسرك الله يوفقج ويسعدج ويسهل امورج
 
حبيبتي الله يسر لك أمرك ويسخر لك زوجك ........ابعدي عن فكرة الطلاق أذا كان فيه خير ...وأذا كان على ها المشكلة الله بيفرجها أن شاء الله .عليك بالدعاء والأستغفار وأن شاء الله ينصلح حالة بالتوفيق أن شاء الله.......تحياتي لك
 
احسها صعبه يجي كل اسبوع تعب عليه ليش ماتقولين اسبوع يجي واسبوع لا علشان يصير مشتاق ولا له عذر والله يعطيك الصبر
 
سفن بارد

ماراح أطلب منه الطلاق
ولا راح أترك وظيفتي
بس الزيارة أبيها أسبوعياً
لأنها من حقي !
بس كيف أصارحه بالشيء هذا ؟!
وأنا أخاف أطنشه يصير ماعاد يجي خير شر

يا رب يا حي يا قيوم أسعدها وبالخير أملأ حياتها وأنزل البركة عليها وعلى أهل بيتها
اللهم أغنها بحلالك عن حرامك وهب لها ذرية صالحة وسخر لها زوجها وأرزقها بر أبنائها
وأفتح لها أبواب خيرك ورزقك وكرمك إنك سميع مجيب الدعاء
 
* .. الحلوة .. *

الله يبارك في أيامك
والله يالغلا ما قصرت
دزيت له مسجات وهو في الدوام
دزيت له مسجات قبل النوم
دزيت له مسجات وقت الصباح
وإذا قلت مشتاقة لك وإلا مشتاقة لشيء فيك يجلس ( يتكبر علي ) !!
طفشت وش هذا !!
بطلت أبين له شوقي أو أمدح فيه لأنه بيتكبر ويطنشني !!

جواله يا حسرتي بس حاط عليه رقم سري ودايم يقول ما أبيك تمسكينه
هذه خصوصيات وما أحب اللقافة !!

الله يبارك في أيامك ويجعلها أحلى من الشهد
والله يسعدك بالذرية الصالحة اللي تبر فيك
ويسعدك بالزوج الطيب الحنون الكريم اللي يدور رضاك
الله يفتح لك أبواب الخير والرزق والعطاء
 
صارحيه بهدوء ودلال وتمسكني ونزلي دمعتين

ترى الجنوبي مايجي إلا بالسياسة
الجنوبي إنت توجهينه للي تبينه لا تنتظري شي يجي منه من نفسه.
الله يفرج همك..هدي أعصابك عشان النونو.. :)
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل