تكيس المبايض مشكله00

[المبدعه توتو]

بسم الله الرحمن الرحيم
انا اعاني من تكيس المبايض000
انا آنسه قبل خمس سنوات كان فيني اكياس كبيره على مبيضين
وتم عمل عمليه قيصريه وتم ازالة الأكياس وكان فيهم (دم وجلد وشعر)
وبين فتره واخرى يرجع تكيس ويعطوني منع الحمل جنيرا00
وروح الكيس00
المشكله انه يروح ويرجع واثر على الدوره تصبح اربع عشر يوم00
والمشكله انه فيني غده خامله واخذ ثايرد 150
وكلوفاج عشان لازيد وزني00
انا ماتزوجة والآكياس تعبتني00
مافي حل انها ماتطلع
ومنع الحمل ما اثر على وانا بنت؟
ويارب تردون على وتحلون مشكلتي
وشكراا

 

[المبدعه توتو]

يارب تردون علي افادكم الله
انا تعبانه وايد الله يفرج عليكم
انا المبدعه

 

[يفداني بقلبه]

روحي عند طبيبه غير هذه اللي تروحين لها
الله يشفيج ياقلبي انا كنت بنت مثلج وجاني تكيس بالمبايض وعالجت بعليه وحبوب منع حمل ما يكرو جينون
والحمد لله ما رجعت الا الحين بعد عشر سنوات توني عروس ورجعت لي

الله يشفينا يارب

 

[بنوته دايت]

الله يرزقي الذريه انشالله بس انصحك انك تروح لدكتوره شاطره في مستشفى معروف واذ كنت في الرياض روحي لمستشفى سليمان الحبيب واطلبي الدكتور توفيق جعفر والله مره شاطر ومعروف والله اقولك عنه عن تجربه

 

[هدوئي سر قوتي]

حبيبتي انصحك بالحجامة والقسط الهندي ..
ابحثي عن طريقتمها في النت ...


مع مواصلة علاج المستشفى وواثقة أنك ستستفيدين بإذن الله .


شفاكنّ الله ورفع عنّا وعنكنّ البلاء ..

 

[عطشان ذوق]

حبيبتي افضل علاج للاكياس الرقياااااااااااااااااااااااااااااء الشريعه
باذن الله ماراح تشوفينها ثانيه

 

[نوسي 2008]

أول مره أسمع أنه حبوب منع الحمل تعالج التكيس
أعرف أنها تجيب التكيس
لأني أخذتها بعد بنتي وكان عندي تكيس بسيط على أحد
المبيضين وزاد بعدها وكانت الدوره متلخبطه مره من وقت بلوغي
وأعطتيني دكتور أبر منشطه على قولتها
أنها تنشط المبيض وكذا أحمل ويروح التكيس
بس بالعكس زاد ورحت لدكتوره ثانيه وأعطتني جلوكوفاج
وغذاء ملكات النحل وكمان الزنجبيل في الماء ويحلى بالعسل
على الريق
والحمدالله الان تعالجت لمدة تقربيا 5شهور وراح التكيس
بالنسبه لحالتي يسمى المبيض متعدد التكيس
وبالنسبه لحالتك زي أختي كيس كبير على المبيض
وكانت تتعالج عند نفس الدكتوره وأعطتها نفس العلاج
وراح منها وتنظمت الدوره عندها
حاولي تغيرين الدكتوره وتكون شاطره :icon30:
وطمنينا عنك