تكمله سالفه الموبايل بوقفل سري

[الطيب كله]

السلام عليكم ورحمه الله وبركاته ..تذكرون سالفتي يوم كشفت زوجي بموبايله المقفول وفتحته بطريقه وقريت المسجات جزاهم الله خير البنات ماقصرو وعطوني تعليمات لاني كنت بسافر حق اهلي وانا ماكنت اكلمه الحين انا عند اهلي في اجازه مع العيال وصار لي اسبوع من وصولي وتصدقون اني ليحين مااكلمه عدل يوم يتصل اتهرب ويوم الي اشيل التلفون قصبن عني عشان اليهال مايحسون بشي اكلمه من طرف خشمي مااحب اكلمه والله انا الحين عند اهلي مرتاحه نفسيا ومستانسه وناسيه كل همومي بس يوم يتصل واكلمه بالقصب عشان اليهال اتضايق واتذكر كل شي والله اني اتضايق واكره اني حتي اسمع صوته .. البنات قالولي احقريه شوي خليه يحس بقيمتج بسبب خياناته المتعدده الحين انا اعمل مثل ماقالو بس مااحس فيه فايده لان يتصل ويكلم عياله مااحس انه يسال ويقول ليش انتي ماتكلميني عدل او ليش انتي ماتتصلين اوليش انتي متغيره علي ابدددددددد المشكله الحين يوم بوصل البلاد شاسوي مابغي اقوله عن الي شفته او الي قريته بس والله مب قادره اصير عاديه لان قلبي شايل عليه واايد ومافي الكلام وياه فايده تعبت ارجو الحل ياحبابي ارجوووكم .....وسامحوني طولت مادري تذكرتو سالفتي او لا ؟

 

[مجروحه و أكابر]

هلا بك عزيزتي

شفتي أن أمر الطناش اللي يكرره البعض إن مافيه فايده

الرجال على باله أنك ماتدرين عن شي ونايم بالعسل

وبطناشك له وحقرانك له فتحتي له المجال أكثر وأكثر

وهذا هو يدق على عياله ومايسأل على قولتك

إذا جا لازم تخطين خطوه لاتقولين أنا مبسوطه عند أهلي وماأدري أيش

الوناسه الحقيقيه لمتك بعيالك وتحت سقف واحد


طيب أنتي لازم تخطين خطوه هنا هو على وشك وصول


قولي ماحسيت فيني وأنا أكلمك أني زعلانه عليك

كل هذا ماأبيك تسافر عني وتلتهي بغير أو لاسمح الله تخوني مع غيري

هنا فرصتك تحسسينه أنك تعرفين وقولي له لو فكرت تخوني راح أقلب الدنيا


وأخلي عيالك عندك وأروح لوحدي عند أهلي ومن الكلام بس بدون عصبيه


وربي يهدي لك سرك

أرجو أن تفكرين بكلامي وتاخذينه بعين الأعتبار​

 

[الطيب كله]

هلا بك عزيزتي​

شفتي أن أمر الطناش اللي يكرره البعض إن مافيه فايده ​

الرجال على باله أنك ماتدرين عن شي ونايم بالعسل​

وبطناشك له وحقرانك له فتحتي له المجال أكثر وأكثر ​

وهذا هو يدق على عياله ومايسأل على قولتك​

إذا جا لازم تخطين خطوه لاتقولين أنا مبسوطه عند أهلي وماأدري أيش​

الوناسه الحقيقيه لمتك بعيالك وتحت سقف واحد​

طيب أنتي لازم تخطين خطوه هنا هو على وشك وصول​

قولي ماحسيت فيني وأنا أكلمك أني زعلانه عليك​

كل هذا ماأبيك تسافر عني وتلتهي بغير أو لاسمح الله تخوني مع غيري​

هنا فرصتك تحسسينه أنك تعرفين وقولي له لو فكرت تخوني راح أقلب الدنيا ​

وأخلي عيالك عندك وأروح لوحدي عند أهلي ومن الكلام بس بدون عصبيه​

وربي يهدي لك سرك ​

أرجو أن تفكرين بكلامي وتاخذينه بعين الأعتبار​

مشكوره اختي مجروحه واكابر علي كلامج اول يوم كنت معاه زينه يكلمني بشوق يوم اسافر عنه وكل يوم يتصل ويطلبني ولاززززم اكلمه بس الحين يوم مطنشته هو بعد مطنش يكابر ويعاند ابغي الحل يعني اطنش عل طول اوارد مااااااقدر

 

[(ياسمين)]

الله يعينك يا اختي العزيزة ويسخرة ويهدية لكي ... وانتي اصبري علية على شان اولادك!!! وعليكي با الدعاء يرد القضاء ......

 

[وصيت قلبي~~]

الله يهدي قلبه ويعصمه عن الحرام
اختى عليك اتباع الطرق السليمه والجذريه لهذا المرض
واقرئي حلول الاخوات كيف عالجن مشاكلهن
اعجبتنى قول احداهن انها حلفت زوجها على المصحفاذا عاد انها محرمه عليه
واذا تمادى هدديه بالفضيحه

 

[المنقبة]

الله يعينج حبيبتي و يهديه و الله انا كرهت شئ اسم رياييل حسبي الله عليهم

 

[الرميصاء]

اعتصمي بالله وعليك بلاستغفار يوجد في المنتدى للدكتورة ناعمة عن الزوج الخائن حتستفيدي ان شاء الله

 

[حبيبت رشيد1]

الله يهديه لكي ويحنن قلبه عليك ويبعده عن الحرام عليكي با الدعاء الله يبعده عن بنات الحرام

 

[الطيب كله]

مشكورين خواتي علي ردودكم جزاكم الله خير انا الحين بخير بس من يتصل مادري شويصير فيني انقلب وماااابي اكلمه والخدامه حست فيني وانا مابا حد يعرف ابغي احل المشكله بروحي بس مب عارفه هذا الريااال الاصلاح مافي فايده لاني عجزت يتاسف ويرد مدمن بنات ومغازل وتلفونات ادعوله بالهدايه

 

[العولمة]

اختي ممكن تعلميني شو الطريقة لفتح قفل الموبايل

 

[الطيب كله]

اختي العولمه هو يوم احد يتصل عليه يتم مفتوح فتره بسيطه وبعدين ينقفل انتي احسن شي اتصلي عليه بدون مايدري ووشيلي التلفون وجيكي الي فيه انا جذيه سويت جربي

 

[lat242]

بصراحة احر شي هالموبايل بقفل ماه الا معنى واحد لكل متزوجة ان زوجها مغازلجي والله سالفة حسبي الله ونعم الوكيل