معلومات الياقوتة السمرا
- إنضم
- 30 مايو 2008
- المشاركات
- 293
- مستوى التفاعل
- 0
- النقاط
- 0
تكملة موضوع دخان بلا نار
بسم الله الرحمن الرحيم
اكمل لكم قصتي والتي بدأتها من قبل بعد أن اتصلت عليَّ الحرمة وقالت لي انو زوجك هذا لعَّاب وانا أعرفه وسكرت السماعة في وجهها
والمرة الثانية اللي سافر فيها زوجي جننتني وقالت: ترى زوجك متزوج عليكي وهو الحين عندي وسكرت وفورا اتصلت على زوجي وقلت له انت فين قال أنا في المطار وبمجرد ما أصل أعطيكي رقمي وفعلا لمن وصل اعطاني الرقم وكان كل كل ليلة تقريبا يكلمني وفي نبرة صوته حنين وشوق ليَّ وقلت له على موضوع الحرمة استغرب وقال هذه وحده فاضية ولمن أجي أحل المشكلة وفعلاً لمن جا ركب كاشف في التليفون وكانت تتصل وتحاول تخرب بيتي بكلامها وانا المسكينة اصيح لأني مرة حساسة، المهم جن جنوني ودخلني الشك وزوجي كمان لدرجة انه كان جنب الهاتف ولمن يخرج ويكون عند الباب تقول هو عندي كذبتها وانا شايفته من الشباك هو عند الباب وقلت لها انت وحدة كذابة وتبغي تفرقي بيني وبين زوجي وسكرت السماعة واستمرت تشككني في زوجي مدة سبع سنين وانا ماني شايفة أي أعراض لشكوكها وهو عنده علم بكل شي وحتى لمن سافرت معاه كان طول الوقت معايه وما لاحظت شي
وسارت كل ما تتصل ما أعطيها بال بس بيني وبينكم كنت شاكة لكن ابغى دليل وكان شكي كله في سفراته أما هنا ما في شي كذا أنا حاسة
المهم آخر مرة سافر فيها وكان وهو رايح بيتجنن عليَّ ويحضني وشفت الدموع في عيونه وكأنه رايح المقبرة وودعني بحرارة وودع أمه وشفت نظرته لي ولأطفاله نظرة غريبة وفي هذه المرة سافر معاه صاحبه وأخوه وجلس اسبوعين وجا
والغريب في الموضوع انه هذه المرة ما كان أحد يتصل عليَّ أبدا أقصد الحرمة هذه
وسوست وقلت في نفسي اش فيه هذه المرة واتصلت على زوجي حلفته أيمان لك علاقات مع بنات أو شي قال لا وانا كنت وقتها حامل وقال نفسي آخذك معايه لكن عشان الحمل
ولمن رجع من السفر كان مشتاق ليه ولكن حسيت في وجهه إنه مو طبيعي كان مريض أسنانه كلها ملتهبة وما كان يحكيني ايش سوى زي دايم وكنت اسحب الكلام منه سحب وكان مخبي الكاميرا عني لاحظت هذا الشي
وبعد اسبوعين وراني الصور صور مناظر طبيعية خلابة وبس
انا ماني مرتاحة ابدا وحسيت انه هذه المرة مسوي شي غلط اش هو ما أدري وبعد فترة طويلة ثلاثة شهور تقريبا اتصلت عليَّ نفس الحرمة وقالت أنا اللي كلمتك زمان وانا فاعلت خير وسوف ارسل لك الصور اللي ما شفتيها المهم ما صدقتها وشوي والقى ظرف تحت الباب واشوف في صور فاضحة لزوجي مع بنات واجهته غضب غضب شديد وقال من فين جبتيها ومن هذا الكلام وبعدها ما خليته يلمسني اللين ولدت وهو اعترف وحلف انه أول مرة يسوي كذا ورحنا الحرم ودعا ويقول انه تاب وشفته قدامي يبكي نادم، ولمن ولدت دعيت عليه من القهر وانا اللحين عنده وأهلي مايدروا عن الحكاية ، لكن في داخلي نار مشتعلة لأنه انعدل شهر يصوم ويحافظ على الصلاة ويبكي يوميا ويوتر لكن كله راح بعد فترة رجع لحياته الطبيعية وهذه المرة ما سافر ولله الحمد، وبعدين سرت أشك في كل تصرفاته وشفت عنده أرقام من خارج البلد وشقشقتها كلها وهويدري وما يحرك ساكن وصار ما يجيب فاتورة الجوال على البيت، وحلف لي إنه مسح كل الأرقام وهي أرقام سواقين فقط لا غير ، فأرشدوني ماذا أفعل ؟؟؟؟
هل أرجع بيت أهلي وأقول لهم اللي صار أم أجلس معاه عشان أولادي وحبنا واخلاقه الطيبة معايه
ارجووووكم حلوها ليه
اسم الموضوع : تكملة موضوع دخان بلا نار
|
المصدر : الأستشارات الزوجية العامة