تكفووووووووووووون ويش رايكم

[ملكتني يمينك]

السلام عليكم ورحمه الله وبركاته
اخواتي تكفون دعوه من القلب لزوجي صلح حادث ومنوم بالمستشفي كلما قالوا بيطللعونه وننتظر اليوم المحدد بفارغ الصبر يرجعون يمددون له تكفووووووووون ادعوا له والله حياتي من غيره ماتسوي هلي بالرياض وانا بالجنوب عند اهله مو مقصرين علي ولله الحمد الله يسعدهم ووجوده بالمستشفي اريح له بس مررررررررره تارك في بيتي وبيت اهله اثر كبيييييييير وويش في رايكم اني اجيب له هديه عشان نجاح العمليه وخروجه لبيته بالسلامه
انا عندي ميزانيه ولله الحمد
لاتبخلون علي بردودكم
لااراكم الله مكروها

 

[*ملكة الحب*]

الله يخليه لكم ويطلعه بالسلامة​

 

[حبي لهـ وحدهـ]

الله يشفيه ياااااااااارب
و يخليه لك إن شاء الله
يالغلا مايبغى لها سؤال
أكييييييييييييد لازم هديه
عشان سلامته .

 

[ملكتني يمينك]

مشكورين على المرور الله يسعدكم بس ايش اجيب له مليييييييت من العطور والملابس والكبك ابي شي جديد ومعبر

 

[رقيقة قلب]

أكيد لازم له هديه واذا زرتيه في المستشفى خذي له بوكيه ورد حلو بعد

 

[ملكتني يمينك]

انا طبعا وعدت اهله واقاربه بحفله وعشاء بسلامته وقررت يكون الورد يتوزع عالحضور لاني باصلح حفله كبيره باذن الله بس ابيكم تقولون لي هديه تكون خاصه فيه زي عطر او شماغ وكبك بس ابي شي غريب باذن الله بيطلع من المستشفي الثلاثاء او الاربعاء

 

[حبي لهـ وحدهـ]

أمممممم طيب خلينا نفكر و نقولك
على شي حلووو .

 

[نــور عـيـونـه]

الف الحمد لله على سلامتـــه
أول شيء تطلبي كاتوووه كبيييير وتخلينهم يكتبون عليه بعض الكلمات من تعبيرك أو جاهزة

عندي لك كم عبارة اختاري منها اللي يناسبك


اكسجيني, أنت
وأنفسآك, انا
و صحتكـ يا نور عيني ..
رآحتي ,
أنتبه يا روحي ,
بــ صدركـ آنـاا


من رحلت ..

يعلمْ الله كم ذبلت ..!


ربي }..إسقي "اسم زوجك" الفرح دون إكتفاء..!!

فإني أحبه فـلا تــريني فيه بـأســاً يبكينـي ..!


ثانياً فصلي له ثوب يكون قماشه فااااخر جداً وطقمي معه ساعـــة و عطـــر..

ثالثاً إذا تقدرين وميزانيتك تغطي غيري ديكور مجلسه بيفررح فيه مرره..

هذا اللي عندي و إن شاء الله البنات يساعدونك اكثر

بالتوفيق ياقلبي


نـــور عـيــونــه


​

 

[NEW GIRL]

زيني البيت واستعدي لخروحه من المستشفى واعملى حفلة مصغرة احتفالا بخروجه من المستشفى مع اولادك وشغلي شريط اسلامى زفة له والله ينبسط عن تجربة يفضل ان يكون الاحتفال في غرفة الضيوف وقدمي له الهدية وهدايا اولادك ولا تنسي ان تكتبي و عبارات والصقيها على الجدران في مكان الاحتفال )مثل اسعدتنا وشرفتنا يانور بيتنا )

 

[الدانه2000]

حمدالله على سلامته من الحادث
وان شاءالله طهور ويطلع لكم من المستشفى بسلامه عن قريب
وبالنسبه للهديه
وش رايك اذا السياره سيارته ياما تصلحينه له او تجيبين له سياره جديده وتفاجئيته بالمفاتيح لما يطلع من المستشفى
بس ترى قويه الحركه اخاف يتعود منك وبعدين تبلشين

 

[قمر الرياض]

الله يشفيه

اشتري له جوال جديد

 

[والله مشتاقه]

اول شي الحمد الله على سلامته وثانيا الله يخليكم البعض ويرجع لك بسلامه اما بنسبه الى الهديه
شماغ ماركه او عطر رجالي فرنسي او تغيرين جواله
مايشوف شر انشالله ,,,,,

 

[عيوني الثنتين]

الحمد لله على سلامته وانا رأيي من راي البنات بس احس لو تشتري له جوال هديه وتغلفيه وطبعا لاتنسين الحفله والحركات الله يخليكم لبعض

 

[ملكتني يمينك]

الله لايحرمني منكم يااغلي اخوات
ياعمري سيارته راحت في الحادث الاول وانعدمت راحت في خرايطها طبعا لانه مصلح حادث قبل سنه وجلس بالعنايه والحمد لله الحين صار بخير واخوه طلع له سياره هديه بس السياره لي صلح فيها حادثه اللحين سياره اخوه الخاصه طبعا مو الهديه والحمد لله علي كل حال كلما قام رجع طاح
وميزانيتي تقريبا 5 الاف طبعا انا مدرسه قران كريم باصلح منها عشاء وحفله وابي هديه خاصه فيه

 

[ملكتني يمينك]

ادري رفعت ضغطكم
بس توي شاريه له جوال جديد ماكمل شهرين وهو معه

 

[اه من برد الشتا]

حمد الله على سلامته-----انا رائي العشا وجمعت الاهل شي مهم تغيرين ديكور غرفت النوم لو شي بسيط مفارش شموع تفصلي لي ثوب هذا بعد حلو ربي يخليكم حق بعض

 

[انتظار السعد]

الحمد لله على السلامة ...اما بنسية للهديه ساعة ماركة كل ما شاف الوقت يتذكرك فيها..

 

[ملكتني يمينك]

اما ساعه عاد قسم بالله انها فكره ماقد جبتها له
الله لايحرمني منكم

 

[عدوة بلاك بييري]

الحمدالله على سلامته والله يحفظه لكم يارب
بالنسبه للهديه جيبيله ساعه فخمه مع مسباح فخم يعني فخم بمعنى الكلمه ويكون شكله حلو ولونه
واشتري مفرش جديد فخم شوي والغرفه سوي فيها حركات حلوه<وعيالك بعد مايسلمون عليه ويجلسون معاه شوي صرفيهم عند اهل زوجك ودوركم بالاحتفال>
والله يسعدك ياقلبي هذا اللي عندي اتمنى اكون افدتك

 

[الدانه2000]

وش رايك تحمست انا معك انا احب هالحركات دايم اهدي زوجي

وش رايك بعد ماتخلصون الحفله والعشاء اللي بمناسبه خروجه
تكونين حاجزه بفندق جناح لمده ليلتين وتسبقينه عالجناح وتحطين لمساتك وتغيرين مفرش السرير بجديد تكون في ابيات شعر باسمه
وتسويله حركات وتشترين فستان ناعم ومغري ماقد شافه
وتكونين ماخذه قميصين نوم وبجامات للصباح تكون كييييوت

وعلى فكره اول مايدخل الجناح ويجلس تقومين تشغلين سي دي او شريط في ابيات شعر وغزل اه هو يعني تكونين منسقه مع ناس يعرفون هالامور
وش رايك؟؟؟؟؟؟؟؟؟؟