تكفووووووووووون ماعرف اتصرف!!

ه

هزتني دمعتها

New member
إنضم
2008/06/19
المشاركات
13
مساء الخير با فراشات..
ابغى مشورتكم في مشكلتي.. انا متزوجة من 7 شهور تقريبا و الحين ولله الحمد حامل..

المشكلة مع زوجي.. هو يشتغل في المباحث.. مرة كنت قاعده معاه على الماسنجر شفت اسم بنت.. و قال لي ان وحدة في الشغل مضطر يكلمها لانهاتجيب له معلومات.. وبس.. وان هو عطاها الايميل علشان ما يعطيها رقم موبايله.. و عدا الموضوع..

و بعدها اكتشفت ان محادثاته تتخز..ن يكلمها باسلوب عادي بس في شوي كلام حتى لي ما يقوله.. و يكلم تقريبا 4 غيرها.. و في المحادثات يعطيهم رقمه الثاني اللي انا عرفته بالصدفة.. وان باكلمج انشالله ومن هالكلام..

هو لاحظ اني متغيره و عرف اني اقرا المحادثات فاتحني في الموضوع و قال ان بنات لازم يكلمهم عشان ياخذ منهم معلومات للشغل.. مع العلم ان موبايله الثاني دوووووووم في السيارة.. ما يجيبه البيت كللللش..

الحين اول باول يمسح المحادثات.. و جات فاتورة تلفوناته.. اكتشفت ان عنده رقم رابع بعد بس ما يستخدمه.. و الرقم اللي يكلم البنات منه كلها مكالمات بالساعه و الساعتين.. و تاكدت من الارقام.. ارقام بنات.. مع العلم ان هو ما يقعد في البيت الا حوالي ساعتين او ثلاث طول اليوم بعذر شغله.. بس يجي حق النوم.. وما يطلعني.. من تزوجته طلعت معاه مرتين او ثلاث..

قولولي شاسوي؟؟ تكفوووووون.. انا صغيرة عمري 18 ولا اعرف شلون اتصرف.. اخاف افاتحه بموضوع الفاتورة يقول انتي تدورين وراي.. و الرجال ما يحب هالشي.. ارجووووووووووووووووكم ساعدوووووووووووني..
 
الله يكون في عونج يا ربي

انا مشكلتي قريبه منج

انتظر ردود الاخوات
 
جبيبتي انتي صغيره

وببدايه زواجك وحامل

لاتنفرين زوجك منك ... ناظري كيف معاملته لك ان احس يحترمك بدليل صار يمسح المحادثات
قد يكون يتابع الشغل وقد يكون لا ... لكن تصرفك هو الاهم
تابعي من وراه بدون مايحس فيك
حبيه واهتمي فيه وابعدي عن المشاكل
جطي ببالك اغلب الرجال يكلمون ويمرون بهالتجربه بعضهم من نقص في زوجاتهم زي لبسها زينتها اهتمامها
وقد يكون اسلوبها غلط معاه
وبعضهم زوجاتهم ماقصروا بس هم كذا
لكن الاهم تصرف الزوجه بحكمه لتحافظ على بيتها وزوجها

لو فغلا صار يخون اجمعي الادله وواجهيه بالوقت المناسب وبهدوء خليه يستحي منك ويفشل
والله يعين الحميع
 
لا حول ولا قوة إلا بالله العلي العظيم من جد الرجال كلهم خونة وما يملى عينهم إلا التراب
واجهيه وهدديه بالانفصال وخليه يترك الخرابيط هذه وبعدين هذا اللي يقول عنه مو عذر قولي له انا اكلمهم
 
الله يعينك أختي

إذا واجهتيه بتتعبين انتي وهو بطبيعة الحال بيدافع عن نفسه ويحطك إنك غلطانه لأنك تفتشينه وتدورين وراه

حاولي بطريقة ما تجمعين الأدلة على مكالماته

سواء بتسجيل المحادثات وتخزينها عندك... أو تخين الرسائل إلي تجيه بالجوال أو هو يرسلها

وهكذا لكن لا تواجهينه

لا تقصرين في حقه من الكشخة والدلع وإلي يحبه

وإذا جمعتي أدلة وتأكدي إنك ما قصرتي في حقه بشي... واجهيه مواجهة هادئة لا ترفعين صوتك

وممكن تتركين له الأدلة برسالة... وتكتبين له إن وحده من البنات هذولا أرسلت لها في البيت المكالمات إلي بينه وبينها وارسلت لك المحادثات الي في المسنجر وفقط تحطين مكالماته مع هذي البنت

وتروحين بيت أهلك.... ذيك الساعة بنحرج ... وما راح يرجعك الا باعتذار وتاخذين عليه عهوود موثقة إن ما يرجع للمحادثات هذي...

وان شاء الله الاخوات ما يقصرون

الله يعينك يا غالية
 
اشتغلي معاه في المباحث وكلميهم بنفسك...

أمزح حبيبتي لاتصدقين...

حبيت بس أدعي لك بأن الله يفرج همك ويجعلك وحيدة في قلب زوجك

ولكن بيني له أن حتى عمله لايبيح له هذه المكالمات وبهذه الساعات..المباحث المفروض كلمة ورد غطاها .. موساعة وساعتين...
وانتي ياحبيبتي روقي وهدي أعصابك وعيشي ملكة الأنوثة والنعومة في بيتك عشان نفسك أولا وعشان النونو ثانيا وبالتالي ستملكين قلبه ...

ولكن اجمعي الادلة إذا احسست بالخيانة واستخدميها فقط في الوقت المناسب.
أعانك الله ووفقك..
 
حبيبتى اللة يكون بعونك بس على فكرة 70%من الرجال خاينين انتبهى على نفسك وصارحى با الحقيقة بس بهدوء لا تسمحى الى حرمة تاخذ مكانك واللة يكون بعومك
 
مشكلتك نفس مشكلتي

تماما
لاتصدقينه شكله راعي بنات انتبهي له ولازم تحطي
حده قبل مايتمادي اكثر واكثر

شوفي انا صار لي 6سنوات وانان اعاني من خيانته لي وياليت بس شفت محادثات سمعته وهو يكلمهم وشفت بلاوي بس خليها على الله

الله بياخذ حقنا منهم

اتمني من الله ومن الجميع يعطونك حل اللي بيفيدك ويفيدني

لي عوده مره اخري
 
روعة روح قال:
جبيبتي انتي صغيره

وببدايه زواجك وحامل

لاتنفرين زوجك منك ... ناظري كيف معاملته لك ان احس يحترمك بدليل صار يمسح المحادثات
قد يكون يتابع الشغل وقد يكون لا ... لكن تصرفك هو الاهم
تابعي من وراه بدون مايحس فيك
حبيه واهتمي فيه وابعدي عن المشاكل
جطي ببالك اغلب الرجال يكلمون ويمرون بهالتجربه بعضهم من نقص في زوجاتهم زي لبسها زينتها اهتمامها
وقد يكون اسلوبها غلط معاه
وبعضهم زوجاتهم ماقصروا بس هم كذا
لكن الاهم تصرف الزوجه بحكمه لتحافظ على بيتها وزوجها

لو فغلا صار يخون اجمعي الادله وواجهيه بالوقت المناسب وبهدوء خليه يستحي منك ويفشل
والله يعين الحميع
أنقر للتوسيع...
انا زوجي نفس زوجها دلعته وخليته مثل الطفل وجمعت الادله وتكلمت معه بهدوء لكن مافي فايده يجي من دوام ويجلس على النت بساعات وانا وقت راحته يعرف انا وين

كم مرة اشوفه زعلانه واذا سئلته قال واحد معي في دوام متهاوش معه

بس انا اعرف ان وحده من اللي يكلمهم ماردت علىه وطفش من اسلوبها او طالب منها شي ورفضته

صرت اعرف كيف يتعامل معهم وكيف تصير نفسيته اذا تكلمت معه بهدوء او بعصبيه دائما يقول لي مو انتي اللي تمشيني على كيفك للحديث بقه عن الازواج الخاينين


الفرج يارب
 
أهم شي لاتتضايقين أنا عارفه أنه شي مو سهل لكن وكلي أمرك للي خالقك والله مايضيعلك شي سبحانه وأهتمي بنفسك واكلك وعيشي حياتك بأحلى صوره لانك اذا اهتميتي زياده راح تمرضين نفسك على الفاضي
والله يكون بعونك وينصرك ويسخرلك ويسعدك يارب ويفرج همك وهمي والمسلمين أجمعين
 
بناااااااااااااااااات انتبهو ....
كثرة خيانة الازواج بسبب البعد عن الله وبسبب كثرة المعاصي والتهاون فيها ..
مثلا::: مافي مشكله ان البيت فيه دش :no:...
وانا وزوجي البارح سهرانين على فيلم .. او مسلسل .. :evil_lol:
حبيبي هذي الاغنيه هديه لك مني:::: اثنينهم يسمعون الاغاني والاغاني بريد الزنا .. :evil_lol:
رايحه للشوبنق وعبايتها موساترة ابدااااااااا :: مطرزه.. كاشفه عن وجهه ..لابسه ملابس زينه ورايحه فيها :sly:
اصلحو انفسكم وبيوتكم والله ثم والله سوف يصلح حال الازواج ....
السعاده الابديه الدنيويه هي تقوى الله ..
 
الله يعينك حبيبتي00

بس لابد من المصارحه00

توك بداية زواج لاتخليه يتمادى00

فهميه انه لكل شئ حد00

الله يوفقك يارب0
 
حبيبتي سوي نفسك مصدقه كلامه وعامليه احسن معامله ولما يكون جالس عالنت سوي شاي وقعدي معاه وشوفي شو يسوي وقوليله الله يعينك حبيبي حتى في البيت ماترتاح من الشغل والله انك انسان مخلص لشغلك وبيتك يعني اذا كان يسوي غلط راح تكسرين عينه والله يوفقج
 
تعرفي لو اني منك النوعيه هاذي من الرجال هو مكلم مكلم بنات والله اعلم ويش يصير بينهم لقائات وقلة حيا وغير تحويل مبالغ لحساب البنات غير عن بطايق الشحن والهدايا لو اني منك لعيش حياتي بالطول والعرض واشتري كل اللي بنفسي لانك لو انتي ماشتريتي غيرك بياخذ الفلوووس واسرق من جيبته وحوش فلوس ودايم انغزه بالبيت اقوله دقه بدقه وكما تدين تدان ومن دق باب الناس دقو بابه ومن هالكلام لين مايتادب اهم شي تكوني نضيفه وحلوه بالبيت وسوي نفسك ان جوالك يدق وضحكي خلي واحد من اخوانك يسوي معاك حركات وضحكي ونتي تتمسخري لازم يعرف انك كبيره وفاهمه ارجووووووووووووووووووووووكي لاتسكتي عن حقك ارجوكي حااااااااولي
 
الله يعينك والله مشكله
انتي حامل الحين انتبهي النفسك الين تقومين بسلامه بعدهاا حاولي اتعالجين الامور بهداوه ويمكن في خلل بتعاملك معه
توك صغيره ومالك 7 شهور مافهمتيه والابعد عرفتي شخصيته عدل
عطيه وقت يمكن فتره وتعدي بعد ماتوالدين بسلامه
لاتواجهين الحين حاولي تجذبين زوجك عادي حتى لوو طووولتي مو مشكله ذاا ابوو البيبي الي بيجي لازم اتضحين باا الووقت اشووي عشاان يبطل
انا ضد المواجهه مع احترامي للجميع خليها اخررر الحلوول وبعد مااتتعبين
لن الحين هووو يداري خاطرك والايبيك تزعلين ياقلبي طيب ويسوي هشي من وراك لاكن لوو واجهتيه وصارت مشاكل واعترف راح يكون بعد كذا عادي كل شي بيسويه قدامك
انا من نظري غلط الوحده تصر على زوجها انه يعترف بشي غلط هو سواه لئنه ممكنتاخذه العزه با الاثم
واخرتها انتي الي بتموتين قهررر لاتظغطين على زوجك
اجلي الموضووع البعد الولاده
بقولك شي طريف صار الوحده اعرفها
طبعن من زمان الموضوع من 8 اسنيت تقريبا بس الحمد الله اتعدلت الامور والحين هي مرتاحه
امهم
كان زوجها يتابع القنوات الاباحيه طبعن ابو الشباب يسكر عيه الغرفه ويتركها بروحها
كانت بتموت من القهر وسوت مشاكل طويله عريضه
المهم خلصنا من التلفزيون صار ابطقطق على النت مواقع اباحيه
وبعدها اكتشفت انه يكلم وحده وبعدها الرجال صار يسهر من فتره الفتره
المهم شتقوول يااليتسكت على الدش والنت على الاقل كان عندي
الحين الحمدالله مع الصبرر والستر استرت زوجها وبيتها وما عملت مشكل رجع كل شي احسن من اول

كوني ذكيه لاكن لاتبينين ان انتي كذيه عليه
مافي شي بدون نهايه ابدا وحطي في بالك ان النهايه بيدك بس احسني التصرف
واطلبي المشوره من المختصين
بتوفيق سلامي
 
حبيبتي عليك بالاستغفااااااااااااااااااار
قال صلى الله عليه وسلم(من لزم الاستغفار جعل الله له من كل ضيق مخرجا ومن كل هم فرجا ورزقه من حيث لايحتسب )
استغفري اكثر من الف مره
أكثري من قول حسبي الله لااله الا هو عليه توكل وهو رب العرش العظيم
ودعواتي لك وكل من ابتليت بهذا البلاء ان يفرج عنها ويسخر لها زوجها واجعله لايرى غيرها ولايحب سواها
آمين يارب..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل