نصيحتي لك أختي لا تستقدمين من فيتنام ولا تقربينهم
أنا استقدمت وحدة وجلست عندي أربعة أشهر
والله إني أنا اللي أشتغل في البيت وهي تبكي
ليل ونهار وأترك شغلي وأجلس اهدّي وأسكت فيها ولازم تكلّم عيالها كل يومين بالتليفون ولو قلت لها خلّي مكالماتك في الأسبوع مرّة وحدة صاح صياحها حتى جيراني يسمعون
صوتها وهي تنوح !!
مثل البيبي وعمرها مو صغير كانت توريني صور بنتها عمر بنتها 18 يوم كلمنا عنها صاحب مكتب استقدام نصحنا
وقال :تبون نصيحتي لا تجيبون من فيتنام لأنهم أثبتوا
إنهم مايستحملون الشغل وعاطفيّات بزيادة وما يصبرون عن عيالهم ولا عن أهلهم!
تصدقين إنها كل ماتشوف في بيتي شي تليفزيون أو كمبيوتر أو أي لعبة لعيالي على طول تفتح موّال البكاء
حقها تقول (بيبي أنا مافيه سيم سيم ) يعني عيالي ماعندهم زي اللي عند عيالك وبيتي مو زي بيتك !!!
وربي إنها الأشهر اللي جلستهم عندي كانوا من عمري
وكل ما تذكرتها يجيني صداع وغثيان .
هذي نصيحتي لك والله يدبّر لك الخيرة المباركة .