تكفووون ماعاد فيني حيل اتحمل

[العمر رشفه]

السلام عليكم
أنا صديقه جديدة معاكم
وابيكم تساعدوني ...أنا محتارة بزوجي احسه مطنشني دائما ومو حاس بوجودي مع اني جميله جدا بشهادة الجميع ونظيفه ومرتبه وانيقة وبنت اصل وفصل
بس دايما مسافر واذا جلس معاي مايعطيني وجه ياعالنت أو عينه بالتلفزيون
اكثر من مرة ناقشته وفتحت معاه الموضوع بس يقولي وش تبيني اسوي لك
وعشانه تنازلت عن أشياء كثيرة واخرتها يقول أنتي انانيه
واحس انه مهتم بواحد من اصحابه بشكل جنوني وربي كأنه هو زوجته
لدرجة انه لازم يشوف صورة قبل النوم
فهل هذا شي طبيعي أو لا
حتى يهتم بزوجة صاحبة هذا اكثر مني مرة طلعنا احنا وصاحبه هذا وزوجته كنا بطريق سفر وطول الطريق ساكتين دق على صاحبة وسأله كيفك وكيف اهلك شوف لاهلك يبون ياكلون شي او محتاجين شي وانا بجنبه مافكر يسألني
سااااعدوني انا ماعاد فيني اتحمل تكفوون
وشكرا

 

[العمر رشفه]

مافي احد رد حرااااااااااااااااااااااااااااااااااااااااااااااام ليش

 

[سمسم كيوت]

اوماااااااا عاد يسال عن زوجه صديقه وانا لا
والله اذبحه بيديني ماتحمل انا
مدري صراحه حاله زوجك غريبه لدرجه انه لازم يشوف صوره قبل النوم شي غريب!!!!

 

[سيدة كووول]

حبيبتي انتي حلوة و كل شي فيك
بس مافيك شوية دهاء شلون تكسبين زوجك ؟
الرجال يوم يكون مشغول و انتي تقولين له ليش انت مشغول ؟ ها مب طريقة
حاولي تغيري طريقتك معاه
اول شي العناد و التملل و كثر ليش و دايما تجيب لمشاكل
اضغطي على نفسك شوي
و قبل لاا تقولي كلمة فكري زين هي سلبية ؟ ولا ايجيابية ادا سلبية لا تقوليها
الرجل احيانا بل غالبا ما يكون له صديق مقرب
وانا نفس الشي زوجي له صديق مب قريب الا روحه و عقله
بس انا مشيت معاه فالخط
ادا رحت اشتري لزوجي شي اقول له شو مقاس فلان ؟
باخد لكم طقم
ادا جبت عطر اجيب اثنين
دايما بالبيت عندنا لين صار شرات اخوي
و يوم وقفت في مشكلة كان اول واحد يوقف معاي هو واكيد زوجي طبعا
بس تصوري لو انه انا عاديت الرجال كان بيقول لزوجي كلام يخليه يتردد في شغلات
اكسبي زوجك عن طريق صديقه
يعني يوم يجيب طاري الرجال لا تتمللين
حاولي ترضين زوجك على قد ما تقدري
وقللي اتصالك و لهفتك
و ردي لي خبر و الله زوجك بيتغير

 

[مترو الحب]

حبيبتي
غالبية الريايل اللي وراهم مسوليه وسفر شرات طبيعة ريلج
يعني طووووول وقته دوام ومسوليه
لمن يرجع البيت يريد يحس انه عق المسوليه وفيه حد ماخدها بداله
لازم تكونين كوووول لان كثره السؤال والنقره تطفش الريال
هو راجع البيت يريد يحس بالحنان والراحه
وبطريقتج تقدرين تكسبينه.

 

[~رودينا~]

الله يعينك مثل ماقالت سيدة كووول ومترو الحب وان شاء الله تنجحين بكسب زوجك