تكفوون سعدوني

[المغفله]

1. السلام عليكم ورحمت الله وبركاتوو اخباركم
2. اخباركم اعلومكم
3. انا بصراحه تعبت من زوجي تعبني مدري وش الي يرضيه تعبني مره ليل ونهاا ابكي منه تخيلوو وربي ماقصرت معه اصلح له كل الي يبغاه اتعب عشان ارضيه طول الوقت اطبخ له غداا وعشاا من غير اقهوت العصرر وحلهااا وفطيرهاا وتنظيف بيت زياده على هذاا يقول اني مقصره وربي اماا قصرت تخيل اكتشفت انه يخوني قبل كنت شاكه ماني متاكده بس الحين متاكده مره
4. فتحت جواله وشفت البلاوي يمكن 20 بنت واناا مادري كنت مغفله مادري عن شي من غير المرسيل الي في جواله
5. لي منه ولد احس انه مهو مهتم فيني ولا في ولده وزياده على هذاا مايصرف على بس على بيته وولده وانا اقوله ابي اغراض لي انا محتاجه يقول مهرك وين تخيلو لي سنتين واناا متزوجه يقولي بعد عشر سنوات اشتريلك
6. يعندني وربي تعبت مدري وش اسوي
7. تكفون شوروو على عطوني رايكم يسافر ويستانس ويقول لي لاتطلعين من بيت اهلك الابستاذن اكون عند اهلى ادق عليه مايرد على او يكون مقفل او زعلان انا طفشت احس انه يبي يسجني وبس مدري وش يبي :icon28::icon28: اعصابي نار منه جاني المرض منه
8. احس اني ابي اكل احبوب نفسيه منه رافع ضغطي
9. نفسي اقول كل الي في قلبي بس
10. عطوني رايكم

 

[ورده ممزقه]

نصيحه لوجه الله لاتعطي زوجك اكبر من حجمه ولاتفكري فيه كثير.سوي الشي اللي يرضي الله ثم يرضيكي لاتضيعي عمرك وانتي تفكري بواحد مايفكر فيكي.قومي بواجباتك الزوجيه.وادا تبغي شي منه اطلبيه منه بحب واحترام عشان ضميرك يرتاح.الله يصلح لك زوجك ويسخرلك ياه.

 

[المغفله]

مشكورره ياقلبي على الرد
انا اقوم بكل وجباتي بس يقول مقصره انتي مدري وش اسوي
وطلباتي ماينفذهاا لي كل يوم بعدين ماعندي بس اشوفه مهو مقصر مع نفسه وغيره وانا لا لا ماعندي

 

[دانة الشام]

معلش ياأختي طولي بالك واستهدي بالرحمن وكل مشكلة ولها حل بإذن الله ...اعملي جولة في القسم في كتييييييييييير زوجات عندهم نفس مشكلتك اقرأي المشاكل والحلول واستخدمي مايناسبك منها وادخلي في قسم الزوج والزواج كمان في مواضيع جدا مفيدة وبتخليكي قوية قادرة على أخذ موقف ومافي شي صعب بس الحياة بدها صبر وطولت بال ....أهم شي تعتني بحالك و بابنك ومتل ماقلتلك خليكي قوية وكلك ثقة وطالبي بحقوقك بجرأة وبنفس طويل وبدون استسلام ...وفكري شو نقطعة ضعف زوجك يلي ممكن تستغليها لصالحك يمكن بدك شوية صبر لحتى تكتشفيها مو بالضرورة فورا تعرفيها ....المهم لاتيأسي وغيري اسمك عزيزتي أنتي أبدا لست مغفلة إنتي إنسانة مثل باقي البشر حياتك الزوجية فيها بعض المشاكل وبإذن الله كلها قابلة للحل فقط توجهي لرب العباد بالصلاة في جوف الليل وكثرة الاستغفار وقراءة سورة البقرة يوميا وبإذن واحد أحد فرد صمد تنفرج كربتك ....الله يحن عليكي ويخترلك الخير.

 

[المغفله]

امين يارب الله يسمع منك

 

[الحلم الضائـع]

اعرفي نمط شخصيته واقراي عنه كثير
ليه تشيلي في قلبك قولي له انا ابغى سعادتك وانت تبغى بس تنكد عليه صدقني ماصار يهمني تكون مبسوط
زوجك لازم يعرف انو ممكن يخسر حبك ودلعك له
حاولي تطنشيه تشغلين نفسك عنه ولاتدلعينه زياده لانه مايستاهل
بدل ماتقعدي تكرفين له في البيت اهتمي بجمالك واناقتك اشغليه في نفسه
خليه يفكر اشبك متغيره عليه واشبها زايد اهتمامها بنفسها
اذا زعل لاتدينه وجه غير اسلوبك معه بيني له انو مايهمني رضاك بحركاتك بس مو بالكلام

هذا رايي بس انتي ادري بزوجك

​

 

[المغفله]

مشكوررر ه دانه الشام على الرد
احس انك ريحتين من كلامك
امين الله يسعدك وابشري راح اغيره

 

[المغفله]

مشكوره ياالحلم الضايع على الرد
زوجي مشكلته عصبي وزعو مره ويحب يعناد احس انه يعرف كل البنات احس انه عارف كل شخصيتي من معرفته لبنات اذا زعل علي ينكد علي حياتي في البيت يقفل الباب عليه من غير الجوال الي معه والامحمول من غير اسلوبه لي انا ترى عمري 23 وهوو 25 احس من حركاته انه مراهق مدري متى يعقل مافي اسبوع الا ماتهوشناا انا ياست منه افكررر بطلاق مدري وش يعقله

 

[نبضات جوري]

الله يسعدك غلاتى والجا لله سبحانه

وحاولي قد ماتقدرين اذا شفتيه رايق اجلسي معه جلست مصارحه
وقوليله عن الاشياء اللي يبيها منك واللى انتى تبين منه اختري الوقت المناسب لحوار هادئ
والله يوفقك ياقلبي

 

[سادنة القمر]

لاحول ولاقوة الابالله
حبيبتي اذكري الله وصلي واستغفري بنيت صلاح زوجك
شوفي انت لازم تحقرينه يعني تطنشينه بالعربي والله الرجال ماينفع معاهم غير اذا حقرتيه انت باين انك طيبه وعلى نياتك وماتقوليله لا وكل شي جاهز له غدا عشاء فطور غصب يسوي فيها قوي عشانك طيبه بس هو مايقول طيبه بيقول ضعيفه وماتقدر تقول شي
انت احقريه بطريقتك با الاسلوب الي ينفع مع زوجك
صدقيني بينتبه انك لك شخصيتك واذا سالك اشفيك متغيره ولا زعلانه افتحي معاه الموضوع بهدواء قوليله يبن الناس انا شاريتك وانت مابادلتني نفس الشعور انا صاينه بيتك ومو مقصره معك بشي انا ام ابنك وعاد انت باسلوبك جيبي الكلام حبه حبه بس كله بهدووووء بس كوني وقته مزبطه حالك الله يهديه ويصلحه قوليله اتق الله فيني انا انسانه واذا مانفع معاه ادعي ربك يكتبلك الي فيه الخير ويهديه ويصلحه الله يكون بعونك بس فكري برويه وانت تعرفين شخصيت زوجك وش الي ينفع معه واذا بالمره مانفع حاولي تشغلين اشرطه عن الموت عن الجنه والنار حاولي تذكرينه بربه حاولي حبيبتي جاهده قوي شخصيتك لا تقولين هو يخوف قوي بالعكس هو صغير وان شاء الله تقدرين تشكلينه لساته طري اهم شي توكلي على الله في امرك كله

 

[المغفله]

مشكورره ياقلبي
الله يكتب الي فيه الخير

 

[مآمه آحلى قمرين]

يا قلبي انتي بس زي ما قالو البنات طنشيه انتي سوي اللي عليك يعني لا تعطينه فوق حجمه متعي نفسسك دلعي نفسك اذا كنتي تعبانه موب مجبوره تشتغلي ؟!! يعني يوم قولي تعبانه ما اقدر تغلي عليه اهتمي في ولدك ومالك فيه ان شاء الله الاخوات يفيدونك والله يعينك ع ما بلاك يا قلبي

الله يهدي سركم يا رب

 

[المغفله]

مشكوره ياسانة القمرر على رايك الحلوو والله ما قصرتي
الي قهرني زياده موضوع الخيانه مدري كيف افتح الموضوع معه مخي متشوش

 

[المغفله]

الله يعطيكي العافيه والله فيهم خير خواتي ماقصرو
الله يوفقهم

 

[EID الحوراء]

حبيبتي اتبعي نصايح البنات ولاتخافي منه
أنا تقريبا كنت زيك لاكن بعد ما شاركت في النتدى أستفدت من المنتدى و البنات الله يجزهم خير وسرت قويه وبقوه ولله الحمد وما سرت أهتم فيه مثل أول بالعكس سار هو اللي يدور رضاي وأصبحت ماألبس له ألبس لنفسي ولذاتي وهذي نصيحت مرة اخوي
الله يهدي زوجك ويرده لبيته وما أوصيك بالأستغفار

 

[آخ منكـ يالدنيا]

الله يكون بعونك ياقلبي

والله هذا اللي اقدر اكتبه...

 

[هدمر]

الله يعينك ويساعدك
اصبري وشكواك الى الله

ادعي له لعل يهديه لك
ظالما انك بتؤدى الا عليك ماعليك من كلامه خليك واثقه من نفسك لان الله يشهد بذلك اذا انت صادقه
تاكدي انك اذا صبرت واحتسبت يجي الفرج باذن الله


اصببببببببببببببببري وما صبرك الا بالله ​

 

[عذراء الحب]

حبيبتي خليه اخر اهتماماتك ولا تفكرين فيه ابدواذا جا واتفلسف وقال مقصرة جيبيه وخليه يقول وش الي مقصره فيه وواجهيه انه هو بعد مقصر ومو مهتم وانك صابره وساكته مو عشان سواد عيونه وانك عارفه بلاويه
المهم طنشيه ويه وي الطوفه والله مايستاهل تجيبين لنفسك مرض مفسي عشان خاطره هالي مايسوى
قسم بالله ودي افقعه الله يكفيك شره ويسخره لك

 

[تألمت حتى تعلمت]

حبيبتي لاتشكين ولا تشيلين هم زوجك لساته صغير اخويه كان كذا مع زوجته وبنفس سن زوجك تقريبا بس صدقيني اذا صبرتي واحتسبتي ربي بيهديه وبيصلحه لك

لاتعصبين وتشيلين في قلبك الشغله بسيطه كل مامليتي روحي بيت اهلك ومن هناك روحي المكان اللي تبين مع اهلك كانت زوجت اخويه تسوي كذا الين ربي هداه سوي اللي عليك ولاتعطينه وجه وخليه يعصب ويخاصم سوي انه ماهمك عيشي حياتك في بيتك بكل هدووووووووووء
ناقشيه ببرود وربي يهديه وادعي بعد كل صلاه ان الله يسخره لك
اشوف ان سنه صغير عشان كذا ماهو متحمل مسؤليه عادي مع الوقت بيعود

 

[المغفله]

مشكوره يالحوراء على ردك
انشاء الله راح اتبع نصايح الاخوات كلهااا
اختي انتي تقولين اهمليه طيب مثال بوش
ماتكشخ له وش رايك
تراني ماعندي احد ينصحني اليوم ربي رزقني بخوات الله يوفقهم