السلام عليكم.. الله يرضى عليكم
اول شي انا في حيره ودخلت المنتدى هذا للاستشاره والفضفضه وايجاد الحلول ..
مدري وين ابدأ ..انا متزوجه لي تقريباً عشر سنوات ..عندي ثلاث.. خلال الـ خمس سنوات مضت كان حياتي مستقره وفيه حب ..كان فيه اشيا حلوه ومرُره.. وكان وظيفه عاديه بس الراتب مايكفي ..بعدها درس زوجي وترك وظيفته وتخرج ..وتوظف في
عمل اختلاط خلال هالسنتين.. ورادت الفلوس بعد الـ خمس سنوات تغير زوجي احس ماعاد فيه انسجام ولا حب ولا حوار ولا نقاش ولا شي.. هو اجتماعي مع الناس انواع اسوالف والضحك ..ويحب الدراسه والتعليم وطموح ..وشخصيته قويه يبي بس يتحكم ويسيطر ..ماكان يبيني اختلط مع احد ولا اجي لاحد ولا ياخذ رأئي بأي شي حتا باسماء اولاده ..وحتا شغاله ماعندي اكرف ليل ونهار مايعبرني ..وقد ضربني وتدخلو اهلي وتهاوشو معه . واحس انهم كرهوه وطفشو وماعاد يهتمون فيه زي قبل ..وبعدما توظف بمجال اختلاط تغير زياده اشوفه مو طايقني ..ويقولي من زين جسمك .انا اكلم بنات مو عاجبك انقلعي هذا اذا تهاوشنا وعصب ..بس اذا رايق ع الجوال 24 ساعه بالواتس ..حتا حظرني ..مككالمه وواتس.. ومرات احس انه يخوني بس يقفل باب غرفته واسمع همسس يكلم بس للاسف ماني متاكده..
انا فكر اتركله البيت واطلب الطلاق لاني منجد تعبت مره نفسيا وكلشي ..كرهته ..واولادي بعد لويبغاهم ياخذهم لانه هم بعد مايعطيهم وجه بس يهاوشهم ويضربهم ..ودي اقوله انك اذا تخوني طلقني وخذ الي تكلممها ..مااستفدت منكشي.. بس طبخ وتنظيف كني شغاله لاتقدير ولاشي.. ولاهديه.. ..انا سويت كل شي حلو بس الحياه اخذ وعطى ..وماشفت شي.. حتا اهلي نمتغيرين يسالون عني ويكلموني بس بعد ابنشاكل تغيرو احس ملوو ..
طبعا انا لاصديقات ولا احد ازوره ولا اجي لاحد ..طفشانه وانقرفت من حياتي ..مدري وش اسوي ..رافض الوظيفه عشان الاولاد من يجلس معهم ..ورافض فكره الشغاله.. احس انه يكرهني ويبي الفكه مني ..بالله تكفون وش اسوي ..انا ابي بيتي وولادي بس حياتي طفش مافيه شي جديد بس عصبيه ..واليوم زي امس ..
مدري اتطلق ..ولا اروح لاهلي فتره ارتاح نفسيا يمكن يحس ويفقدني مع امي ماظنيت احسه يلعب بذيله ..هو ع فكره موراعي مغازل ولا يدخن ولا يشرب ..ومحافظ ع صلاته ودوامه ..بس دايم مقفل غرفته ويكلم بهمس وجواله مايطيح من يده ..احسه يخوني..
ماعاد هو طايقني ..ودوام الاختلاط عادي وافقت عليه لاني واثقه فيه بس هو تغير مدري ..
وش رايكم ..لاتخلوني ولا تبخلو علي بردود ..ابي وحده توجهني
اسفه كان ملخبط كلامي واي سوال انا حاظره.. اذا مافهمتو شي..
انا طبعي هاديه حتا مع اهلي ..ولا اعرف من الحياه الزوجيه شي اول ماتزوجت بس مع مرور الزمن عرفت كل شي ..بس زوجي اول كان معي وحنون ..اللحين تغيرر ..
يمكن لاطلبت الطلاق يرتاح مني يمكن ماعاد يبيني ..انا تكلمت معه بس مايتحاور معي مايعطيني وجه ولايبي اقوله شي بس شغل البيت وبس ..
هو فيه اشيا مقصر فيها ..بس انا تعبت لا احنرام ولا نقدير ..ماكاني زوجه..
اختي انتي اذا مو متاكده انه يكلم بنات لا تظلميه الا اذا عندك دليل ولاتتسرعين وتطلبين الطلاق لاسباب عاديه موجوده في كل زوج ودام انك تقولين هو مو راعي حركات وغزل خلاص اتطمني وارتاحي من هالناحيه ودام هو محافظ على صلاته وصيامه يعني اكيد انه يخاف الله ومو راح يظلمك
انتي روحي عند اهلك فتره ارتاحي فيها مثل ماقلتي وغيري جو ومنها غيري لووك جديد لان دام هو بمكان شغل مختلط راح يطلع فيك عيوب الدنيا كلها من الي يشوفه بالشغل لان الرجل الي يشوفه بالعمل راح يفكر ان هالنساء حتى فبيتها متزينه وبكامل اناقتها
وكمان دزيله رسائل على جواله حب وغزل واشتياق كانكم مخطوبين الحين
والله يوفقك ويبعد عنه بنات الحرام ومايشوف غيرك وانتي اكثري من الاستغفار والدعاء والجئي الى الله هو القادر على كل شي
ياختي مو كل نساء عندهم شغاﻻت انا ماعندي صادقه شغل كثير وكون مضعوطه لكن حاولي تخصصي لنفسك وقت واهتمي لنفسك مو له غيري لك انتي انثي خاليه يحس بانوثتك صوت الهادي ومكياج مو ﻻزم مكياج كثير روج وكحل بالعين وربي شعرك وكوني شاطره بالفراش والله يعينا على رجال
اختي ...ما تتركين بيتك ..الا اذا كنت متأكده انك حترجعين أقوى ...بس انك تتركين بيتك على اساس انه يشتاق لك وللعيال ..فتأكدي انه ماراح يصير ...اولا انت اوحيتي لي بالضعف وانك متساهله على وايد اشياء فيها حق لك ...ثانيا مسالة انك واثقه فيه او لا هذه ترا ماراح يشوفها .. زوجتي واثقه في وانا ماراح اسوي شيء ووو....لا ...ومسألة انه ضربك وأهلك ادخلوا ...فهذا سبب لك ضعف وركون وخوف من عدم تخطي اي شيء يعصبه عليك ...لهذا تمادى ..في عصبيته عليك ..وعلى عياله ...انت وااايد خنوعه ...وخويفه ...ومشتته ...وملخبطه ...مع نفسك ومع عدم معرفتك كيف تتصرفي ومع عدم أخد حقوقك ومع عدم سيطرتك على امورك ...وبالأخر حتشوفي ...انك خسرتي زوجك امام لخبطاتك ..وعدم فهمك وعدم وقفتك امام كل اللي يصير لك ...انت ما وقفتي وقفة امراءه تحافظ على بيتها وعلى حبها لزوجها ...آثرثي الانصياع امام تسلطه ورغباته و من ضعفك امامه حاولتي تهربي بانك تطلبين الطلاق ...انا معك اذا في شيء زاعجك وعارفه انه ماراح يتصلح وانك ما كنت ضلع فيه ان يوصل لهذا وانك عملتي كل شيء ..هنا اطلبي الطلاق بس لما تطلبينه يجب ان يكون طلبك وانت قويه مؤ ضعيفه ...مثل اللحين تقولين ..يأفلان اذا ماتبيني طلقني بس ترا هو واايد زين واسم الله عليه يصلي ويصوم وما عنده حركات بس انا طلبت الطلاق ...ايش هذا ...انه زين وانه يصلي وانه يصوم هذا بينه وبين ربه وهذا واجب عليه ...بس انت وينك فيه ...ما الشيء اللي يقوم به معك ...وين واجباته ...ولا هو منظر بس ...لافته للبيت يوجد رجل ....لا ..اصحي ..ضروري تصحي من اللي انت فيه من هذا التساهل ...لاتبحتين عن اهلك يوقفونه او يدافعون عنك اذا انت ما وقفتي له ..اهلك ماراح يعطون لك السعادة والعيشه الهنيه مع زوجك ...اهلك اذا في موضوع كبير ويحتاج تدخلهم هنا يدخلون ...اما مسائله سيطرة بيتك وأمورك وسعادتك وهناك ...فهذا مسؤليتك انت ...اسفه ..ممكن عصبت عليك شوي بس والله ماأبي الا مصلحتك ...انا مثلك لا اخرج وما عندي اصحاب وحتى بيتنا ما اروح له ليش ...مع أني كنت وااايد اخرج و اتفسح وأواصل القريب والبعيد ...بس كنت حزينه كنت حاسه أني في شيء غلط زوجي احبه ومتوافقين مع بعض وحياتي مستقره هذا اللي كنت إتخيله ...بس في شيء بعيد ما افهم زوجي لما نكون متراضييين وتمام نكون متقاربين واايد بس لما يعصب ويزعل صحيح أوقف له بس ما افهم اروح لبيتنا لاهذاء وافهم اكثر وارتاح ..وأشوف أمي وخواتي وأبوي أنسى ...أنسى مشكلتي واللي كان المفروض أوقف عليه واضع اساس ...الى ان جاء يوم وقررت ...أني اركز على حياتي بعمق ...وتركت الناس والخروج وكللللل شيء وركزت على زوجي وبيتي لقيت ان زوجي محتاج اشياء انا كنت غافله عنها ...انا تحدث عن نفسي لأني ًابيك تفهمي ان عدم خروجك مؤ بضروره سبب للمشكله وانك اذا خرجتي ...ستحل مشكلتك ...يجب ان تكوني قويه ..وانت في بيتك ...ضروري يشوف زوجك قوتك ...ضروري يشوفها ويحسها انه فعلا انت مسيطرة على كل شيء يحدث وانك اذا وافقتي على انه يدرس في مكان مختلط مؤ لأنك واثقه فيه وانه يستحق ...وافقتي لانه في مصلحه لك ولعيالك وله انه يطور ويشتغل بعدها وافقتي لان في مردود من هذا يرجع لك ولعياله ...تدرين انك اللحين تبنين فيه هو حتى يطور نفسه في شخصيته وحياته ..وانت واقفه مكانك بس تخدمين فيه وتوافقين لأنك واثقه فيه ...وفي الاخر حيشوف نفسه انه فوق وانت ماتناسبينه ...يبي شيء بمستواه وبمستوي أفكاره وحياته ...وتخسرين لأنك انت اللي قدمتي له هذا على طبق من فضه ...وتأكدي الخسارة مؤ صايبتك انت بس عيالك بعد ...حرام ...كل هذا يوقف بس لو انت تقررين مع نفسك انك توقفين هذا اللي يصيًر وهذه الفوضي ...سيتوقف وتمشي الامور أحسن ...انتهزي الامر اللحين ...طالما انه في طور نمو شخصيته ونظرته لنفسه وترفعه عنكم هو الان مثل طفل يحبو ويحاول ان يمشي على قدميه ...ابي منك قرار مع نفسك وخطواتك معه يجب ان تكون مدروسه حتى لإ يصل الى خلق مشاكل وتعصيب
أختي "نور العمر" اقولك ربنا يصبرك ولكن حاولي تكوني دائما بمظهر أنيق أمامو حتى لو عندك أشغال قد الجبل براسك .. تذكري دائما أن الرجل يحب أن تكون زوجته متزينة ومتعطرة ولابسة شيك لأنو لو لم يجد فيك هذا سينظر الى الخارج وسيفضل غيرك عليك حتى لو لم تكن أجمل منك بمجرد أن يراها بلباس جميل ومكياج وعطر فواح وصوت رقيق سيراها أفضل منك .. فلا تعطي له الفرصة في ذلك .. الآن لاتجعلي اهتمامك بما يفعله مع جواله أو مع من يتحدث .. أقلعي هذا عن تفكيرك وابدأي بالاهتمام بنفسك ...
مثلا ضعي الكريم والكحل والروج والعطر في حمامك وعندما تكونين مشغولة بالعمل اجلعي لباس معين للعمل والتنظيف وبعد انتهائك انتقي مالديك في الخزانة من اللباس الجميل ادخلي خذي شور سريع سرحي شعرك حطي كريم بيديك ووجهك حتى تبقى يديك رطبة ولاتخشن من العمل واذا وجهك دهني لاتضعي مرطب احضري لها صابون خاص للبشرة الدهنية ضعي الكحل والروج وتعطري واخرجي وهكذا كل يوم وهذا لن يأخذ من وقتك الا القليل واذا نظمتي جدولا ليومياتك سيكون أسهل عليك ..
بالنسبة للنحافة كلي أكلات دسمة كثيرا مثل النشويات والبروتينات وكل الأكلات التي فيها كمية كبيرة من السعرات الحرارية واذا أحسست بأنك لا رغبة لك بالأكل أو أنك تأكلين قليلا وتشبعين كثيرا فأنصحك بعد الأكل بمضغ اللبان لأنها تساعد على الهضم وستشعرك بالجوع السريع هذه عن تجربتي الشخصية ..
وبالنسبة ل ص د ر ك فافبحثي لها في الانترنت التمارين التي تكبرها واسألي عن الاعشاب التي تفيدها ..
أرجو أن أكون قد أفدتك .
اسمحيلي خيتو اتكلم بصارحة لانك طلبتي النصيحة
الغلط منك شخصيتك جدا ضعيفة وكثير مضحية اذا احنا وحسستينا انك خادمة له فما بالك هو
هو يشوفك خادمة له ولأولاده ويمكن ايبحث عن حبيبة ويتزوجها
يا أختي انت صانعه لنفسك اعذار كثيرة وانت نكدية وشخصيتك مملة ماعندك شي جديد كله شكاية ولاصقه فيه عبالك اذا طلبتي الطلاق راح يركض وراك لا خيتو زوجك عارف انك تموتي عليه وشخصيتك ضعيفه وراح ترجعي له بكل ذلك واتتنازلي عن اغلب حقوقك بالمقابل هو ايجلدك بالزواج من اخرى
حياتك ملخبطة وتائهه وانوثتك وشخصيتك لاغتنها
ويعني سمحت له يروح مكان مختلط عبالك لو ما سمحتي له راح يحط لكلامك اعتبار؟؟ابدا راح يعاندك ويمشي كلمته لان هو الرجال هذا رده راح يكون
انت تتعاملي معاه بالقوة بصورة روجلية
يا اختي اكيد ايقارن بينك وبينهن لانك مو حاطة لنفسك مكانه وانت اللي تخليتي عن كل شي حتى ابسط حقوقك وقت لك مافي فكيف تريديه يعطيك هدية اذا انت بنظرة ما تستاهلي
تربيتك لأولادة ما يشوفها شي تستاهلي عليه هدية لانك محسستنه انك الخادمة
اولا التجيء لله وادعية ان يغير حالك من حال الى احسن حال وادعيه ما تتمنينة
سورة البقرة بيها بركة
الاستغفار والصدقة
والقاعدة الربانية (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)) اذا انت تغيرت ايتغير اللي حولك
ثانية ابحثي عن ذاتك وقويها وقوي اللثقه بنفسك
رتبي امورك حطي لك جدول
اهتمي بنفسك وجمالك
اللبس والكشخة عادي تلبسي وتكشخي وتشتغلي بالبيت بكشختك وتمارسي لغة الانوثة
سمعت ان ماء الورد والتين والزيتون يكبرون مناطق الانوثة لدى المرأة والله اعلم ((وانت ادعي الله)) وكذلك البسي ملابس تبين مفاتنك وانت وقت الشغلي تعمدي الاغراء البريء الغير متعمد
ثقفي نفسك وطوري نفسك زوجك يحب المثقفة الي لها كلمة تفرض نفسها وتطورها والحمدلله معك نت يعني تقدري تقري وتتثقفي وتطلعي فوق
أدخلي صالون الذات لتجدي ذاتك لأنوثة جزاها الله خير في قسم الزوج والزواج
اولا اختي ...انه مسائلة انك نحفانه وما عندك صدر شيء هذا أبدا ماتركزي عليه بس المهم تكوني راقيه ولبسك وحركاتك وتصرفاتك تبين ان فيها رقي ...المهم ان ضروري تعالجيها نظرته لك ضروري ...يجب ان تخرجي الاشياء اللي فيك ...الحلو اللي طمستيها ...وراء أعمالك المنزليه والاهتمام بمتطلبات بيتك وعيالك وزوجك ...اولا خدي قرار التغيير ...مهما كانت نفسيتك يعني مالك خلق ..لاتتهاوني امام هذا ... حفزي نفسك ...طول الوقت ...اعطي دعم لنفسك أوقفيها ..وانا راح أعطيك نظام ...لندخل الى اول شيء يتشتتك اولا وهو البيت ...ماراح تفكرين زين وتتصرفين وتكونين مرتاحه الا اذا كان بيتك مرتب ترتيب عميق ..اذا اتصلي بإخواتك يساعدونك في هذا وخدي ثلاث ايام يكون عمل شاق للبيت من تنظيف وترتيب ...والاهم غرفتك ...لانه فيها الراحه ...زينيها عطريها ...بعد ذلك عيالك ...يجب ان تكوني حازمه أمامهم يعني تنظمين موعد نومهم مكان لعبهم ...وانهم يأكلون بس في المطبخ وما يخرجون الا بعد ما ينتهون وانت واقفه عليهم ومسيطرة على هذا ...موعد نومهم يجب ان يكون نومهم ساعه معينه حتى يكون لك ساعتين مخصصه لك ولزوجك ...قبل النوم ...وقت ذهاب زوجك للعمل ورجوعه تكوني انت انشغلتي بالتنظيف وووويجب ان تنتهي من هذا قبل رجوعه بساعتين او ساعه وربع في هذه الساعتين تكوني مرتاحه وان الامور ماشيه مثل ماتبين وتقدرين تعطين بهذوء ومو معصبه ومتوتره وكل امورك تقومين بها بسرعه لا هذه الساعتين تهتمين فيها بنفسك تتحممين وتششورين شعرك وتلبسين لبس حلو ناعم شفاف مع حركات ..وتركزين على زوجك ...بعدين تهتمين بعيالك ...اذا عيالك يبون يلعبون فاشتري لهم اقلام والوان وكراسات يرسمون عليها ويلونون ويلتهون عنك ...بس في مكان واحد مايتحركون منه وجميع البيت إطفيء الأنوار وأجعلي الغرفة التي هم فيها فقط اللي يكون فيها النور هنا ستجدينهم هادئين ويحسون بالاطمئنان ...كلامك مع عيالك كله يكون فيه نبره حب مثل حبيبي انت قوليها لعيالك حيحسون بحبك لهم واذا تهاوشون وياء بعض فيكون العقاب كما يلي ..انك تاخدين الظالم والمظلوم وتوقفيهم امام بعضهم يعني مقابلين بعض وتطلبي منهم ان يكون عيونهم على بعض وتطلبي ان يتأسف كل واحد منهم للآخر ثم يحضنون بعض ويدغدغون بعضهم ويضحكون الغايه من ذلك لكي يكتسب كل واحد منهم ان الاخر تتأسف منه وعيونهم مقابلين بعض حتى يوكد للآخر انه متأسف فعلا ويحضنون بعضهم حتى يكون قلوبهم على بعضهم ..مرة مره الا وتلاقيهم صاروا هادئين ...والذي لايت أسف هو الذي يعاقب ...اريد من هذا ايحاء للزوج انه يشوفك كيف مسيطره على عيالك وعندما يسمعك كيف تكلمينهم يتعلم هو كيف يكلمهم لان الاب يغير من الام الناجحه مع عيالها فيصير يتقمص دورها وهذا عن تجربه علميه كيف يحاور عياله عن طريقك انت ..لما ترجعين امراءه وأنثى رائعه ستدركين انه هنا قوتك اعطيه الاعتقاد ان النساء اللي يشوف فيهم رائعين ومعتقد انهم كذلك في بيوتهم انت كذلك مثلهم ...أنصحك لا ترسلي له رسائل حب الا اذا تاكدتي من انه يعطي ما يرضيك وانه يستحق هذا الكلام منك لكن يجب ان يكون هذا وانت قويه ..اذا ممكن ان تطلبين من إخوانك مساعده انهم يساعدونك بمال قليل منه تطلبين من خواتك انهم يشترون لك ملابس عطر اشياء لك انت مهمه وتعطيك تغيير ...وكل ماينتهي مثلا العطر اطلبي منه ان يجلب لك مثله لانه اعجبه وطالما انه اعجبه أكيد سيجلبه لك ...زوجك لن يهتم بك الا اذا رأي انك تستحقين ذلك ...يبي شيء قوي ...وفكرة انه يغلق على نفسه الغرفة هذا موضوع سندخل فيه بعد ان توقفين على قدمك ...ويشوف التغيير و يلمسه من تصرفاتك وأفعالك ...لانه زوجك يبي امراءه قويه انت اللحين ثقيف نفسك وادخلي في دورات المنتدي مع أنوثه مغربيه وملكه بالفعل واثقه بالله و مجلة برنسيس أمور وغيرهم الكثير اللي نستفيد نحن منهم أيضاً يارب يارب توصلين للي تبيه ويوفقك ربي انه سميع مجيب والقادر على ذلك ولا تنسي الدعاء ان الله يصرف بنات السوء عن زوجك وعنك ...آمييييين
ليس لي الخبرة الكافية بالأنماط ولكني أخمن أن زوجك نمطه شمالي شرقي ..
وأنا أيضا زوجي شمالي شرقي وفيه من صفات زوجك الكثير ..
ولكي تنجحي في أسلوب التعامل معه أنصحك بأن تبحثي في المنتدى عن نمط الشمالي الشرقي وكيفية التعامل معه ..
أنا أفعل هذا ومازلت أتعلم ولقد استفدت الكثير بفضل الله ..
أتمنى لك التوفيق .
وإذا أردت أن تتأكدي من نمطه فأنصحك بأن تفتحي موضوع جديد تسألين فيه الأخوات عن نمط زوجك وتكتبين كل صفاته بالتفاصيل الذي تذكرينه ..
أنا فعلت هذا وطلع معي شمالي شرقي .
جزانا وإياك ..
إذا أردت معرفة علم الأنماط ومعناه فادخلي قسم (الزوج والزواج) وابحثي في المواضبع المثبتة عن موضوع بعنوان (البوصلة الشخصية .. ) وستجدين فيها مرادك ..
وفقك الله .
زوجي شرقي
ابحثي عن مواضيع الشرقي واقريها وابدي طبقي
من اليوم اكشخي والبسي تدلعي في بيتك خلي العصبية في صوب واستمتعي بكل شي حتى الملايع ورا اولادك اتركي حبوب منع الحمل وجربي مباعدة ثانية تناسبك ما تسبب هالمشاكل والتعب
زوجك بدأ يهرب منك لازم تتصرفي
التجيء لله يا اختي قبل كل شي واستمدي قوتك من الله
اقري وتثقفي وتغيري ودام معك نت استغلي فيه بحر من الثقافات
**شوفي اختي الله يرضى عليك ويهديلك زوجك وتتعدل حياتك للاجمل .. خواتي كفو ووفو .. اذا زوجك خالط نساء فأكيد راح يشوفك صفر لانهم متكشخات وانتي ياحسرة بملابس البيت والهم واصل معاك والدمعه بطرف العين .. صح الوحدة تحب على زوجها لكن المصيبه اللي تخليه كل حياتها وتموت وتذبح نفسها علشانه .. لا تخلييين زوجك محور حياتك وانك عايشه بوجوده وانك من دونه ولا شي .. لا لا هو مجرد اضافه جميله لحياتك وشريك بحياتك .. العلاج .. اول شي فكري زين فكري بعقلك وخلي قلبك والعاطفه .. هالزمن ماعاد فيه وحدة جااهله بامور الزواج والبس والكشخه والدلع .. شوفي هالبنات المغازل بالاسواق كيف تسوي وتفكر حتى تجذب الرجال تحط من هالمكياج والبس الزين والشعر الصبوغ والمرتب والعطر الفواح .. والدلع والكلام الزين والرزة والثقل .. صحيح انه حرام ولا يجوز بس شوفي كيف سحبته من ذيله .. انتي حبي نفسك وعيشي لنفسك واكشخي لنفسك .. يختي انا احيانا تجيني حالات طفش وضيقه اذا كنت وحدي واشوف نفسي بالمرايه اجيب المرض الشعر منفوش والوجه ذابل والله تجيني كأبه على كأبه .. على طووول اروح اتسبح واتعطر وامشط شعري واحط مكياج خفيف والبس لبس بجامه جميله الوانه فاتتحه وتجيب الراحه موشرط بجامه البسي اللي تشوفينه حلو .. والله تغيرت نفسيتي وحسيت اني ولا احلى واتحمس واروح اسوي قهوة وحلا واروق .. هذا في حال زوجي مسافر ولا غايب عني .. وانتي كذالك زوجك طالع ومو مهتم فيك ولا شايفك ولا يجلس معاك اعتبري وجوده مثل عدمه ..وجددي نفسك وفكري بعقلك لمتى وانتي تفكرين فيه ومتى يحن لك ويرجعلك مثل اول .. والله يااختي على حالك هذا مستحيل يلتفت لك الا اذا هداه الله سبحانه .. ليش الوحدة ماتحاول تجيبه من ذيله .. ويحس ان فيه وحدة جمييله موجودة بالبيت .. اول شي حبي نفسك وذاتك واقري كيف تقوين من ذاتك .. زوجك يحب البنت الرزينه الواثقه من نفسها وخفيفه الدم .. لا تشتكي ولا تبكي ولا تنكد عليه حياته .. هذي اول خطوة تسوينها ..ثانيا غيري شكلك لنفسك مو عشانه حتى نفسك تحب التغيير وتبغى التغيير .. غيري من شعرك اذا عندك عيوب بالوجه مثل الحبوب استخدمي علاج وغسولات .. صدري استخدمي وصفات تكبر الصدر .. انا سويت طريقه كبرت صدرت وشدته مع الاستمرار بتشوفين الفرق .. كنت كل يوم اشرب مغلي الحلبه مع الحليب واحط معه نعناع جميييل هالمشروب يفتح البشرة ويعطي نظارة ويكبر الصدر وكمان كل يوم تتسبحي عشان الريحه واذا قربتي تخلصي دلكي**صدرك بمويه دافيه مايل للحرارة ولما تتنشفي حطي زيت الحلبه او السمسم .. وكمان حطي منه قبل النوم ولا تلبسي سنتيان عشان يكبر ويلقى مجال يكبر .. واي شي تحسين انه ناقصك سويه لك ولنفسك .. وروحي عند اهلك عشان تتغير نفسيتك وتغيري جو .. وخذي ملابس حلوة وكشخه وخلي عنك ملابس البيت القديمه .. وخليك بشووشه اضحكي وسولفي واستقبليه وخليك عروووس واذا قالك شي ازعجك ارميه ورا ظهرك ولا تعطينه مجال يزعجك اصلا ومع قيام الليل والاستغفار وتقرب الى الله راح تلقين حاجتك والله يااختي اني جربت الاستغفار تحقق لي شي ماكنت اظن انه بيتحقق وربي قادر على كل شي .. ادعيله بالهدايه ولا تتركينه وتخليه ينساك ولا تلزقين فيه مري عليه اعطيه شي سوي له شي .. مثلا اطلبي منه يبعد ملابسه وسوي له مساج وتعلمي كيفية المساج تقربه من قلبه وخليك نسيم خفيييف يرتاح ويشتاق له .. والله يسعدك ويوفقك ويسخرلك زوجك وعيالك **
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ))