بسمة رجى
New member
- إنضم
- 2009/06/19
- المشاركات
- 180
السلام عليكم ورحمة الله وبركاته صباح الخير لأحلى بلقيسات كيفكم بنات ان شاء اللله بخير وكيف هلشناب معكم الله يسخرهم لنا ويجعلهم طوعاً لنا لا علينا ويحنن قلوبهم علينا قولوا آآآآآآآمين بصراحة حابة ا×ش بالموضوع عدل بس تكفون تكفون لا أحد يهاجمني ويقلي انت انت لأني بصراحة حابة أقلكم اني ماني مسويه جريمة ولاكن بعض البلقيسات الغاليات تعتبرني مجرمة وهي الزوجة الأولى " يعني فهمتوني أنا زوجة ثانية لاكن والله يبنات تزوجت من رجل متزوج لأن ظروفي كانت مرة صعبة بحكم بعض المشاكل في حياتي فلو كان أي رجل مو بس متزوج راح أتزوج وأرتاح وزوجي بصراحة كان ناوي الزواج سواء مني أو من غيري لأنهم عيلة معداد المهم خلينا في صلب الموضوع أنا شماليه غربيه وزوجي جنوبي شرقي وكلاً له نمطه وطباعه والحمد لله قدرت أسايس أموري يمكن 90 بالمية بعد مافهمته لاكن المشكلة في زوجي ومزاجيته الصعبة المتقلبة بدون أسباب وأنا متضايقة منه بالحيل فهو من يوم تزوجني لاكان رايق مع زوجته الأولى ينقلب علي بدون سبب ويتلكلكلي على الصغيرة والكبيرة ويفرد عظلاته علي بدون داعي ولو أسويله البحر طحينه مافي فايدة ولما يكون متهاوش مع زوجته الأولى تعالي شوفي كلالالالالالام عسل ورومنسيات وطلعات ونزلات وهدايا وعشى برا ومن هالكلام طيب يبنات انا وش ذنبي يقلب علي بدون سبب وينكد علي عيشتي وخليني أنام بدموعي أغلب اليالي يعني من فترة تقريباً عشرة أيام أقسملكم بالله أنه معيشني بجحيم ونكد ما يعلم فيه الا الله وطبعا كان له شهر متهاوش معاها بسبب فلوس وشغلات كذا ومعايا أموره عال العال وبعد ماتم الصلح بينهم وطبعاً مرضاة ورضوخ لطلبها هي بصراحة أعطته وجهها الثاني وهو من جهته قلب علي يدخل مكشر مو عاجبه شي فيني بستنى مني الكلمة ويطير في وكل ماقام ولا قعد يهدد بالطلاق انتي ماتلزميني انت أطلقك بس أصبري علي ومن هالكلام مع العلم إني منجبة له ثلاثة أطفال أمس كان مسافر معاها مع العلم كان دوري ومرتبين على المشيه فجأة ليقيته آخذها حتى ولا أعطاني علم ولما كلمته رد علي بمنتهى الإهانه وبلهجة شديدة وجارحة وكأنه يكلم عامل من عماله استغربت من أسلوبه المهم قلتله متى بنمشي قلي أنا مشيت قلتله لوحدك قالي لا معي حبيبتي بالحرف الواحد ولا دارى على مشاعري وحسسها أني ولا شي عنده المهم الله أعلم وش صار رجعلي من السفر شخص ثاني حبي قلبي عمري روحي ومن هالكلام وحشتيني ياعمري أنا ولا شي دونك وعشى بره بصراحة أنا عزت علي نفسي وفقعت الدمل اللي في قلبي سنين قلتله انت بصراح لك حالات وحالات معي وأنا ما أتحمل تقلب المزاج حقك كويسه معاك خليك معي كويس لاكن تتلاعب بمشاعري على مزاجك هذا اللي مراح أخليه يصير بعد اليوم وأنا ماني هبله أو ما أحس وتهينني ولا كأنه شي صار ومن هالكلام بصراحة يبنات تعبت من الكتابة وجاني هبوط أشرب شي مالح وأكمل ردودكم الله يوفقكم
