تكفون شورو علي وياليت الاستاذه ناعمه تسمعني وتنصحني محتاجتلها

[تـ ع بت أشتااق]

يابنات تكفون ابغى رائكم انا صح ولاغلط والله طفشت من المشاكل أنا زوجي مانعني اروح لبيت أهلي وطرحت المشكله قبل كذا بالمنتدى وانا سكت ماطلبته لاني اعرفه لقال لا لا عنيد مرررره والمشكله بينه وبين ابويا وزوجي يقهر ابوي فيا مايخليني اروح لهم وانا طاوعته قلت اجيه بالطيب يمكن يخليني اروح بعدين لاكن اتصل اليوم ابوي علي يقول لمتى انتي ساكته ليش تخلين الرجال يوطي على خشمك مو من حقه يمنعك وانا راح اشتكيه
والله يابنات طفشت ماادري انا سكوتي صح ولا اتكلم مع اني اعرفه عنيد واخاف اتهاوش معاه يخرب بيتي وانا عندي بنت ولد ناس تقول لاتسكتين له ولاتخافين منه وانا مو خوف بس مابغى اخرب بيتي وناس تقول اسكتي يمكن مع الوقت يقول روحي بس ابوي حالف مايسكتله ويشتكيه ليش يحرمك منا شورو علي الله يسعدكم

 

[تـ ع بت أشتااق]

يابنـــــــــــــــــات وينكم مالي غيركم

 

[ذكرى عاشق]

الله يكون بعونك حبيبتي
بس انا اقول لو كان ابوك شخص عصبي وعنيد الافضل انه مايكلمه لان الوضع بيزيد سؤ شوفي احد من اهله يمون عليه ويعرف منه السبب اللي يخليه يمنعك وربي يسخره لك

 

[تـ ع بت أشتااق]

مشكوره اختي بس ابوي مايقبل كلام احد ابد بس انا أسال هل علي اثم لو سمعت كلام زوجي ولارحت لاهلي مدري انا صح ولا لا

 

[أم احلى وردتين]

لا يا اختي ماعليك اثم طاعة زوجك اولى
احرصي على بيتك وهدي ابوك
ومصير الايام تلين القلوب
بس كم لك مارحتي عندهم؟

 

[انت غير]

ياقلبي انتي الله يكون بعونج ..

طيب قولي لزوجج انج بتروحين..لاهلج لان احد منهم تعبان الله لايقوله .
وحاولي فيه ودايم جيبي له ايات واحاديث عن صلة الرحم ..


اتمنى اني افدتج ياقلبي

 

[اميرة المكان]

الله يكون في عونك

الجئي الى الله بالدعاء ان الله يسخرلك زوجك والاهلك
اسمعي كلام زوجك طاعته واجبه واهلك وصليهم بتليفون
الله معك

 

[الدلع]

شوووووفي ابوج يمكن مشتاق لج , ويحاتيكي ويحبج , واهو له حق فيج

طيب قولي حق زوجج انا ماراح اروح لأهلي بشرط لااااااااااااتروح لأهلك

اذا يرضى وطبعا ماراح يرضى ,انا ابيج تتناقشين مع زوجج بأقناع بعقل وبحزم لكن من غير مشاكل

قولي له انا ماني طرف في مشاكلك ومستحيل اكون قاطعها ,,,,,,و ترضى انت بهذا انك تمنعني اكون باره باهلي,,,,,,,,,,

وما طلبوا شي كبير طلبوا زياره وماراح تنامين ,

قولي ابوي تعب فيني وربي وكبر وتعب والحين ما طلب الا شوفتي وتمنعني يرضي منو , ترضى تتعب على عيالك وتكبر وتتعب

ويجي زوجها ويقول مو لازم تروحين او يتحجج ,,,,,,,,, وشنو يكون موقفك اذا صار هالموقف جاوب بكل صراحه

المفروض انك تكون عون وتساعدني اني اسعدهم , عشان ربي يبعث لك الزوج الصالح لبناتك بعدين اللي يسووون نفس

ماراح تسوي

واذا انتي رحتي لأهلك حاولي تقربين بينهم بذكائك عاد ,,,,,, لاتسولفين عن مشاكل زوجج معاك عند اهلك والعكس صحيح

لاتسولفين لزوجج عن مشاكل اهلك او سبهم له اذا كان فيه .

اذا سافر احد من اهلك جيبي هديه وعطيها زوجج قولي من فلان والعكس صحيح حتى لو ماجابو هديه بس للتقريب بينهم.

لما تروحين لاهلج اخذي من العشاء مثلااااا وعطي زوجج قولي امي تقول لاااازم تذوقه حتى لو ماصار هالشيء.

اذا رحتي لاهلج لما تردين البيت خلي مزاجج عال العال وابسطي زوجج على كثر ما تقدرين عشان اهو اللي يطلب انك تروحي

مو انتي

طبعااااااا كل هذا يبي وقت وجهد وتصرفات حكيمه وانتي قدهاااااااااااا وقادره وراح تعلمينااااااااااااا بالتطورات الطيبه ان

شاءالله ومع الوقت ان شاء الله يصيرون زي السمنه على العسل وتستمتعين بحياااااااااااااتك سعيده مع زوجج واهلك وعيالك

اذا كانو موجودين ويرزقج الله اذا ماكان عندك .

ترى الاهل عزوه والابو سند , وهم لاتنسين زوجج يمكن شاب ومتهور او ما يملك اعصابه وانتي قادره تروضيه

كثري دعوات ولجوء لله , وكثري استغفار

يلااااااااااااااا ابي دعوه لي ولعيالي وزوجي واهلي يالتوفيق دنياااااااااااااا واخره

وزوجي مااااااااااااااايشوف ولايحلا له مره غيري

 

[ام فراااس]

الله يعينك أختي ‏
حاولي أنا تفهمين من زوجك سبب منعك وقولي له ترضها لأختك أن يمنعها زوجها عنكم
وأذا كان ابوك وزوجك مايتواجهون ومايكلموا بعض
أن تصلحي بينهم لو بالكذب يعني لو تكلم ابوك عن زوجك
قولي أنه ما يذكركم الا بالخير
وأنه عدم زيارتي أنا ما أفضي
أو هو هالايام مو فاضي
مو لقال الرجل كلمة في أهلك نطيتي وقلتيها لهم حاولي تحسنين صورة أهلك
عند زوجك وصورة زوجك عند اهلك
اعذرين أختي بس والله أبي مصلحتك وأنتي تذكرين بوحده اعرفها تجي تشكي من زوجها لأهلها كرهت أهلها في زوجها وهي تحبه وماتصبر عنه ويوم تدخلو صارت مع زوجها وصارت ماتبي تهد بيتها والأهل مالهم
الفشيله و وزوجها عرف يذلها هي وأهلها


والله يوفقك ويصلح بين زوجك وأبوك

 

[سيدة عالمها]

والله حاسه بك
حبيبتي في عهد الرسول صلى الله عليه وسلم امرأه توفي والدها ومنعها زوجها ان تذهب لعزاء ابيها تخيلي وفاه ووداع اخير ومنعها فاطاعت زوجها ولكن شق عليها ذلك فذهبت للرسول تشتكي حالها فقال لها رسول الله صلى الله عليه وسلم بما معنى كلامه عليه الصلاة والسلام انه قد غفر لابيها بسبب طاعتها لزوجها
والظاهر لنا ايضا ياعمري انك ان شاء الله مرتاحه مع زوجك في باقي حياتكم وانك تحبيه الله يسسعدكم
وعليك ياقلبي بالدعاء ان الله يالف بين زوجك وابوك يارب
وتعذري لااهلك باي عذر غير انو زوجك مانعك حتى لايكبر ذلك في انفسهم
الله يصبرك ويسخره لك ويسخرلك اهلك

 

[المتغيرة للأفضل]

حبيبتي لازم تحاولي تصلحي بين زوجك وابوك وحاولي تقنعي زوجك بانك مشتاقه لاهلك ومحتاجه تزوريهم .
واذا لم يقتنع فليس عليك اثم ولكن عليك ان تحاولي الاصلاح وانت برأيك من المخطأ؟ اذا كان زوجك فلا تطيعيه وان كان ابوك فتحملي قليلا بعدك عن اهلك الى ان تهدأ النفوس

 

[احلام احلام]

الله يفرج عليج قريب
اختي اللي اعرفه انج تطيعينه والاثم عليه
والله يكون بعونج ....شكل الخلاف بينهم كبييييير

 

[تـ ع بت أشتااق]

الله يجزاكم خير ويارب يوفقكم كلكم والله يوفقك يادلع ويوفق اهلك وعيالك وزوجك ويجعلك قرة عين زوجك ويجعله قرة عينك مشكورين ماقصرتو وادعولي بالله بكل صلاة ربي يصلح بينهم بداية المشكله قبل سنه منعني 4شهور وبعدين لما هديت النفوس خلاني اروح ورجع ابوي اشتكى ثاني عشان زوجي تاخر شهر بالدفع لظروف لما عرف زوجي رجع منعني مره ثانيه وابوي الحين يقول راح اشتكيه ليش مايجيبك وقلت لابوي لاتزيد المشاكل راح يخليني اجي بعدين بس لاتشتكيه انا راضيه ماابغى بيتي يخرب وتتدرون ابوي يتمنى اني اطلق واتركه ويقول عياله خليهم عنده ومااظن في احد يقدر يصلح بينهم وهذا طبع ابوي لحقد مايسامح مره وجالس يدور الزله على زوجي وزوجي ينقهر ولازم ياخذ حقه ويحط حرته فيا ويقهر ابوي في