تكفون ساعدوني .

[هلابينو]

السلام عليكم ورحمة اللة وبركاتة

أنا عندي مشكلة نفسية مسببتها لي اختي

دايما تقول عني غبية لدرجة اني الحين أخاف اسولف مع الناس لايقولون شهالغبية شقاعدة تقول

مع انى ناجحة في حياتي المهنية والزوجية

ودايما تحرجني قدام الموجودين من الأهل وتضحكهم علي

أن ولله الحمد دايما يقولون عني جميلة

انا موشايفة نفسي حلوة شايفتها عادية

لمي أسولف لها وأقول في العرس وحدة اسألتني عن اسمي او قالوا شهالحلا

تقولي صدقتي !!!!!!!!!!!

تحاول تكرهني بصديقاتي

في بعضهم ماجوا عرسي بس اتصلوا وباركوا لي

هي تقول انتي مالك قدر عندهم لو لك قدر كان جوا البيت بهداياهم أو حضروا العرس

بس أنا مقتنعة ان الناس ظروف

دايما كلماتها لي غبية مالك قدر عند الناس محد يقدرج

 

[لحن الغرام]

غاليتي مشكلتك حلها بيدك

اولها ثقتك في نفسك المفروض ماتهزها اختى ابد لانك انتي ادرا في حالك

وبعدين وقفيها عند حده بس بينك وبينها ابحثي لها عن شي تهددينها فيه لو تطاولت عليك في يوم وكوني صارمه معها بس لا تخسرينها

الا اذا كان هذا هو الحل ..وحتى لو حصل اتركيها فترة لين تنسى هالكلمة وبعدين صالحيها مهما كان انتو خوات ..

 

[هلابينو]

أحاااااااااااااااول
مشكورة ياقلبي عل الرد

 

[ام شهد]

تصير من بين الخوات ..بس ما ادري شو طبيعة علاقتكم مع بعض ...فيه خوات للاسف ما يحبون بعض ويتصيدون الاخطاء لبعض واذا كانت من هالنوع فخليج واثقة من نفسج وحاولي اتحسسينها بهالشي وانج تقدرين اتعاملينها بالمثل

اما اذا كنتوا تحبووون بعض فخبريها ان هالشي يزعج...وان شاء الله ما بتردها ويمكن انتي فاهمتنها غلط والموضوع يصر في اطار المزاح

والله يوفقج الغالية

 

[شهودة]

غريب يعني الأخوات ممكن ايصير بناتهم غيره لكن بعد الزواج يموتون على بعض
أعتقد إني اختك تغار منك كثيرا لذلك تحاول ان تنتقص منك في كل مناسبة لانها تحس أنك الأفضل
كوني واثقة بنفسك ولا تعيري كلامها وانتقادها أي اهتمام وحاولي أن توقفيها عند حدها ولا تسمحي لها اهانتك أمام الناس الله يحفظك ولا تنسي النصح لها فهي بالنهاية أختك

 

[كنزي]

السلام عليكم

اكيييييييييد اذا علاقتكم ببعض قويه تكلميها و تقولي لها ان هالشي مؤذي و انج ماراح تسمحي لها بأذيتيج اكثر
لانه مو من حقها انها تسبب لج الضيج

اذا كنت اصغر عنها كلميها بأحترام و لكن بجديه
و اذا كنت اكبر عنها هاي مصيبه بس يظهر انج الصغيره
الغيره موجوده اكيد بين الاخوات و هذا شي طبيعي بس ما تكون واضحه في الكبر انكا تظهر ما بين فترة و اخرى في مواقف

الله يعينج على اختج بس اكييييييييييييد هي تكن لج مشاعر وايد حلوه و انت بعد
و ترى ماشي في هالدنيا مثل الاخت

و دعائي لج بالتوفيق و النجاح في الدنيا و الاخره

 

[د.هديل]

السلام عليكم :icon26: :icon26:


هذ التعامل من اختك نابع من اخلاقها

فعاملي الناس باخلاقك :icon31:

وكوني واثقه من نفسك


وشكراً

​

​

 

[ام عنود]

انا مع الخوات...

كلهم كلامهم صح

نفذي الي قالوا...ولا مالقيتي نتيجه

اتبعيعي معاها نفس الاسلوب

يعني...لو حاولت تحرجك امام الناس...رديلها بالمثل...خلي شخصيتج اتكون قويه

لو قالتلج غبيه...قوليلها انتي اغبى

لو حاولت تفقدج تالثقه في نفسج...قوليلها الحمدالله انا واثقه من نفسي..والدليل اني تزوجت وريلي ايموت فيني

ومن ها الكلامج...


نصيحه يالغاليه...
لا اتخلينها تتمادى معاج...لان مع الوقت الموضوع بتشربك وصعب اتحليله


واخيرا...
بادليها بالمثل...وانشاءالله ايفيد معاها


دعواتنا لج

 

[شمايل]

انا اشوف انك تطنشيها كل ماقالت شي قوليلها عادي ،انا راضيه، ماعليه،ماأخذت رايك
وهي حتبدا تنحرج وتسكت وتخاف تكررها مره ثانيه لأنك حترديلها
كوني واثقه بنفسك ،خذيها قاعده أضحكي على طول من كلامها مهما كان قاسي

 

[douo25]

انا ما اقدر ازيد الاخوات كلامهم صح ميه بالميه
وما اقول الا الله يعينك

 

[*غير الناس*]

أستغرب من أختك المفرض تحبي الخير لأختك أكثر من نفسك وأختك أقرب الناس مهما كثرو الصديقات الله يهديها بس زي ما قالولك الأخوات ولاتسكتيلها أبدا بس بدون تجريح يعني ردي عليها بكل ثقه ودافعي عن نفسك من غير ماتنتقصيها

 

[ليل الشتا]

خليك واثقه من نفسك قد يكون مع أختك أحساس بالنقص وبضعفك تتطلع هي أقوى منك واحسن في نظر الجميع أبدا لا تتضايقي خليك طبيعيه وإذا قالتلك شي ضحكي ضحكه بثقه