تكفون ربي يوفق ويسعد ويحقق لها الي تتمناه الي تدخل,,,<<باقي يوم بس

[غرام انسانه]

السلام عليكم ورحمة الله وبركاته
صباح الخير حبايب قلبي
ويسعدلي صباحكم يارب..

بدخل بالموضوع على طووووول
انا بكريه وفي التاسع خلاص يوم الاربعاء ان شالله الي هو بعد بكرا عندي تنويم طلق صناعي
انا عندي بس بعض الاسئله ياليت القى اجوبه الله يوفقكم يارب..

اول شي حبيت اسأل عن الاكل اروح صايمه ولالا لان الي اعرفه انهم راح يعطوني دوا يمشي بطني صح ولالا..؟؟:21::21:
وثاني شي من ناحية اللبس وش البس ..؟؟<<تخبرون بررررد انا اتوقع انهم بيعطوني اللبس حقهم صح ولالا لزوم الفحص كل شوي,,!!صح؟<<لاحد يضحك وربي بكريه ولاادري عن اي شي :31::31:
وثالث شي تنصحوني قبل لااروح المستشفى الصباح مثلا لاني بروح الصباح اشرب عصير برتقال مع زيت خروع؟؟ لان دكتورتي قالت لي اشربي شوي منه فـ حبيت اسال الي مجربين
اشربه ولااشرب كف مريم ولااثنينهم ..؟:8:

للعلم ان رحمي مفتوح 2 سانتي وتتوقعون راح اطول مع الطلق ولالا ..؟يعني مثلا بروح الصباح عالساعه 8 ونص متى بيركبون لي الطلق وكم ساعه تتوقعون اجلس عشان اولد ان شالله ..؟؟:8:


تكفـــــــــــــــــون حبايبي والله اني خايفه ومتوتره شوي مدري وش بيواجهني ابيكم تعلموني كل شي وابي نصايح بعد لاهنتو
ربي يوفقكم ويحقق لكم كل الي تتمنونه يارب والله والله اني بدعي لكل وحده فيكم ترد علي بصيامي بكرا
بس تكفون طمنوني
وبعد الولاده ان شالله وش نصايحكم لي بالمستشفى يعني متى اكل متى اشرب متى البس المشد...؟؟


ربي يوفقكم ويسعدكم يارب,,,

 

[احاسيس مخمليه]

الله يسهل عليك يارب وتولدين طبيعي ان شاء الله

الابره الشرجيه يعطونك اياها عشان تنظف بطنك عشان وقت الولاده عاديه مامنها خوف

واشربي خروع انا بصراحه ماجربت كف مريم

بالنسبه للبس البسي قميص بيت عادي لانك اذا رحتي بيعطونك لبس المستشفى واكيد بيكون دافي جو المستشفى اتوقع

وبالنسبه لوقت الطلق كم تاخذين والله مدري البكريه تطول عموما وتختلف من وحده لووحده

ويمكن اذا رحتي يقولون لك امشي


ونصيحتي لك قبل تروحين كلي عسل او تمر وامشي

يمكن ربي يكتبلك طلق طبيعي احسن من الصناعي


وبالنسبه متى الاكل والشرب عادي

انا ولدت قيصريه واعطوني اكل ثالث يوم

الطبيعي اتوقع عادي نفس اليوم يجيبون لها

والله يكتبلك الولاده السهله يارب

 

[رقــه وعـذوبـه]

اشربي كف مريم وتمشي على طوووول وانشاء الله تولدين طبيعي

 

[غرام انسانه]

ربي يوفقكم ويسعدكم يالغاليات
الله يجزاكم الف خير يارب....



الباقين نورونا بتجاااربكم ..^_^

 

[حيدرة]

انا بصراحـــــــــــــة بكرية قعدت اربع ساعات وولدت طبعا نصيحتي لك بالاكثار من الرطب لانه ذكر في القرآن عندما السيدة مريم جاءها المخاض قال الله عزوجل (وهزي اليك بجذع النخله تساقط عليك رطبا جنيا)
وبالنسبة لي ماشؤيت شي ولاتكلت بس اكثري الدعاء والاستغفار وسورة الطارق بس وقفي عند الايه انه على رجعه لقادر لاتقولينها خلاص .........ز

الله يسهل عليك ..........

 

[**ملكة بطيبتي**]

الله يسهل ولادتك يارب

 

[سكن قلبي واتربع]

الله يسهل ولادتك يارب وماتحتاجين طلق صناعي بالنسبه للاكل كثري في الرطب والاستفغار والصدقه اما بالنسبه للمشد البسه ثالث يوم لااني ماستحمل

 

[أم كادي]

هلا حبيبتي

ربي يسهل عليك بتسهيل من عنده

الصراحه ما اشجع الطلق الصناعي لأنه متعب و أنا جربته قبل ...

أحسن شي من اليوم شربي زعتر لأنه يحمي الطلق الطبيعي ، و الخروع زين لأن لو عندج ولادة يزيد الطلق و ينظف البطن
و من يومين نصحتني وحه من صديقاتي أني أشم المره أذا وصلت المستشفى لأنها تفتح المهبل بسرعة لمجرد انك تشمينها و بجربها أن شاء الله في ولادتي
وقالت لي كلي بقدونس يخفف الألم ...
وربي يسهل عليك و بشرينا عاد عقب ما تولدين

 

[تناهيد الحكي]

الله يقوومك بالسلااامه مااعندي اي خلفييه

 

[فديت البسمة]

الله يقومك بالسلامة ياأختي لاتشيلين هم وان شاءالله ربي بيسهل ولادتك شوفي انا بصراحة ماعندي خلفية عن الزعتر او كف مريم ايش فايدتهم لكن انا بولادتي الاولى كنت طلق صناعي متعب بس الحمد لله ربي يهونها وخصوصا اني اكلت 7 رطبات قبل اروح المستشفى وقبل كل وحدة كنت اقرا سورة الزلزلة وفعلا الحمد لله بسرعة حطوا لي الطلق لان الرحم انفتح بسرعة وولدت بعدها ب5 ساعات تقريبا.....لاتنسين الاستغفااااار.

 

[ملكه بطبعي2]

ربي يسهل عليك ولاتنسيني من الدعاء وقت خروج الجنين انا ربي يرزقني بوالد تام الخلقه والخلق

 

[غرام انسانه]

يارب ياكريم يوفق كل من ردت علي ويحقق لها كل الي تتمناه يارب
الله يجزاكم الجنه ان شالله تكفون لاتنسوني من دعواتكم
وباذن الله باذن الله راح ادعي لكم كلكم ربي يوفقكم
جزاكم الله كل خير يارب....

 

[ميونتي]

الله يتمم لك على خير ويفرج عليك لاتخافي اهم شي وقولى وافوض امري الى الله ان الله بصير بالعباد وكرريها - واقرأي سورة الزلزله 7 مرات وامسحي على بطنك وكلي رطب كلي تمر واستغفري والله اني في بنتي البكر ما اذكر الي حصلي من كثر ما ربي سهلي وانفتح الرحم 10 سم مشا ء الله بسرعه لكن خفت وكانت المويه نزلت عليه بدري وتأخرت مارحت المستشفى فإضطروا يعملولي قيصري لأن الجنين رجع لفوق بدل ما ينزل للحوض لكن حتى القيصري كانت مسهله وماتعبت فيها وبعد 15 يوم وانا مثل الحصان لأني كنت اكل اكل صحي وامشي ولله الحمد وحدها على نعمه وفضله ومنه وكرمه دعواتك ربي يسهلى ولادتي الثانيه باقيلي شهرين ونصف الله يتمم بخير.

 

[انفاس عذبة]

تقومين بالسلامه يارب

 

[بعدك حيل يتعبني]

ودي افدتج لكن للان ربي ماكتب لي

والبنوتات ماقصروا فديتهم.

شفت موضوعك وماحبيت ادخل وطلع وفو بدعووه لك عزيزتي.

الله يهوون ويسهل عليك ويجعل ولادتك سهله كـ المااااء وتشوفين جنينك بين يديك ياكريم.

ولاتنسيني بالدعاء ربي يرزقني ويرزق كل محرومة ياكريم.
**

 

[رقم1]

الله يسهل عليج انا وقت الولاده خذت معاي ماء ورد وحطيت فيه ملعقة عسل وكل ماجاني الطلق شميته وشربت منه والحمدلله . الله سهل علي ، الله يحفظلج ماررزقج ويسهلج

 

[ام فريح]

اللة يسهل غليج