تكفون خالتي بتموت قهررررررر

[فلونكة]

:busted_red:السلام عليكم ورحمة الله وبركاتة

أعرف تقولون وش جابك بهذا القسم وأنتي بعد ماتزوجتي:surrender: ( أقولكم مجهزه للمشاكل ههه )
لا تقولون شي والله زواجي بعد إسبوعين بالضبط :harhar1:
المهم ... في شي مضيق خلقي وخلق ناس كثير فقلت مالي إلا الله ثم بلقسيات نااااااس فاهمة وعارفة ... السالفة وكل مافيها أن خالتي صار لها 14سنة والله مارزقها بعيال
وهي سليمة وهو سليم بس طويل العمر قرر يتزوج عليها:busted_red::busted_red::busted_red: .. أدري تقولون من حقه بس خالتي صابرة عليه وتخيلوا مسكنه امه وابوه عندها وتقوم وتخدمهم ويجون حمواتها عندهم
موشي يقهر واللي يقهر كمان أنو اللي بيتزوجها طويل العمر بنت خالتة <<<<< إكتملت والله
عشان كذا احنا نقول لخالتي انقلي من بيتك إشترطي علية .. أنتم وش رايكم ...

أدري بتقولون وش دخلك .. شايله همها وبوصل لها ارائكم .. تكفوون لا تخيبون ضني بكم ...
دعواتكم لي بكره عندي أختبار وهذا الموضوع مضيق خلقي ..:sad_1::sad_1:

 

[ضحيه]

شوفي هذولا الخونه ان اكتشفت ان زوجها ولد امه يعني اذا كان يبغى خالتك يحط لها بيت برى ويخلي بنت اخت الحلوه تجي عندها الله ينتقم من الظالم غير كذا مافيه الا ورقة طلاقها لان هالنوعيه بتتعب معاهم

 

[فلونكة]

أختي الله يجزاك خير ...
مدري وش ينفع مهم الرجال يالله عليك بالظالم ..

 

[مريم دهش]

قولي لخالتك تكون قوية وتصبر وإذا هي ودها ببيت تطلب هذي فرصتها وتستخير قبل كل شي وبعدين ما تدرين يمكن الله يكتب لها ذرية أعرف كثير صار لهم كذا الله يفرج همك وهمها .. آمين

 

[نور كندا]

عدم انجابها سبب قوى لزواجه والتعدد يجوز ازا كانت هناك اسباب قويه متل مشكله خالتك مالها غير الرضوخ

 

[انيس الروح]

اول عزيزتي لا تقولين شدخلك هي مثل امك الخاله والده مثل ما يقولون
وانا رايي وراي لها طبعا انها تشترط بيت واذا بيرضيها بمبلغ يعني علشان يجبر كسرها مع ان الفلوس ما تجبر كسر زواجه بس ما في اليد حيله 14 سنه مده طويله ولازم الرجال بعد يشوف له عيال يمكن خيره لها يمكن من ياخذ الزوجه الثانيه يقدر ربي وتحمل هي ترى تصير اسال الله عز وجل ان يقدر لها الخير وين ما تكووووووووون وانتي بعد مبرووووووووك الزواج مقدما

 

[أمبرة]

تسكن خالتك ببيت لوحدها وتخلي أهله يروحون مع العروس الجديدة بعدها يعرفون قيمتها0

 

[حياتي حمودي]

اه اه اه ياقلبي وربي شي يقهر الله يعين خالتك احس بحسره في قلبي مدري لاني ممكن احس بنفس الاحساس
بس جد شي يوجع القلب لاكن اشوف تشترط عليه يسكنها في بيت لوحدها والله يرزقها ويرزقني ويرزق كل محرومه بالذريه الصالحه

 

[وحشتوني]

انا اقول تطلب بيت لسببين مهمين
اولا علشان يعرفون قدره يوم كانت قيمه بهم <معرفون خير غير لم يجربون غيري>مثل ينقال
ثانيا تكون مستقله وتعيش حياته وعلشان ماتشوف العروس ع طول وتشوف شلون يستقبلونه وتتعذب كل لحظه
والله يصبره ويسخر زوجه له

 

[عطريه]

والله انا من راي الرجال يخنون العشره طلقو امهات اعيالهم علشان الثانيه شوفي اذا طلبت بيت ما راح يوافق لانها مامعاهااولاد حتى ممكن يماطل ومايقول لا ثم يمكن يبدا ينسحب اشوى اشوى لانه مافيه شي يربطه بها بلعكس جلستها مع امه وابوه يخليه يجي عندها ويمر عليها كثير والخيره فيما اختاره الله

 

[جامعيه عاطله]

الله يعينها

 

[دنيا المحبه]

تسكن خالتك ببيت لوحدها وتخلي أهله يروحون مع العروس الجديدة بعدها يعرفون قيمتها0

بصراحــهـ هذا اللي لازم تسويه..

 

[تعبت اكابر]

الله يكون بعونها والله يرزقها بالذريه الصالحه ياااااااااااااااارب ...اكيد بتكون صدمه لها

 

[فلونكة]

الله يسعدكم فين مارحتوا ...

 

[روان2009]

ياختي اذا كانت سليمة ,,تقوله أجل الموضوع كم شهر ،عشان سمعت عن دكتورة ممتازة بروح لها ،،

وبعدين هي لازم تكثر من الدعاء والاستغفار والصدقة وصلاة الليل,,

واخر حاجةسمعتها الحجامة والقسط الهندي،،علاج للحمل

وكانت لي صديقة زوجها يبغى يتزوج عليها ،،قالتله طلقني أول فأنا صغيرة وحلوة وماعندي عيال وألف واحد يتمناني

وسبحان الله بعدها رجعلها والان مشاءالله عندها اولاد وبنات،،وبطل من الزواج

الله يسخر لخالتك زوجها ويرزقهم الذرية الصالحة

 

[ام حنونه جدا]

ربنا يرزقها الخير ويعوض عليها بالذريه الصالحه وتخليها في البيت لانها لو سكنت بعيد هايكون مروره عليها قليل تخليها تحت عنيه وعلشان اهله حتي يسألوا عليها بس لازم شويه تضحيات يعني لو شافت او سمعت من العروسه الجديده حاجه وربنا يرزقها الذريه الصالحه ويجعلها قره عين زوجها

 

[ماليزيا]

انا مثل خالتك زوجي قرر يتزوج عشان العيال بس ما يستاهل اضحي معاه
يعني ابركها من ساعه يوم قال بتزوج:bleh:
اذا زوجه خالتك نشمي وينشد فيه الظهر ويقدرها لاتهدم بيتها بالعكس لازم تكسبه
وياااارب يرزقها بالذريه

 

[الطيرالمهاجر]

خليها تشرط عليه يحط لها بيت مستقل لانه مصيبه اذا عاشت هي وبنت خالته في بيت واحد بنظرهم بتصير هي الغريبه وماراح يذكرون انها الاولى واللي صبرت عليه الله يفرج همها