تكفون اول مره إشارك ساعدوني قبل ينتهي الوقت وأندم

[ابتسم دوما]

الله يجزاكم خير ردوا علي اول مره أشارك ومتضايقه من تجاهلهم اشوف مواضيع بعدي وشاركتو فيها وانا لا
حيل محتاجة مساعده ماعاد عندي وقت الخميس بيروحون اخواني عشان ينهون مع زوجي واهله الموضوع اللي ما ادري شنو نهايته
تكفون موضوعي كاتبته ردوا له وساعدوني
تفاؤل انثى ردي علي ساعديني بنات بليز محتاجتكم

 

[أحب حبك]

ومن شو خايفه يا اختي؟
اولا وقبل كل شي استخيري الله وبعدها شوفي اللي خير لك
وع فكرة يا اختي حب تملك هذا حب لا يفتخر فيه يعني مثل لما تحبي تحتفظي بحاجة مثل كوب وتخليه بالرف لا تشربي فيه ولا تهتمي فيه ولاشي لكن المهم يكون معك
يعني اللي يريده زوجك منك انك تكوني مجرد زوجة بالاسم بدون حقوق ولا شي ولا تطالبيه باي حاجة لان عارف ان اذا تطلقتي راح يتزوجك غيره وهذا اللي ما يريده
وبصراحة اختي انت اللي ذليتي نفسك ولا عطيتي نفسك اي كرامة كل مرة تتنازلي اي حب انت تتكلمي عنه والي متى راح تنتظري عشان يصحى من اللي هو فيه اذا هو مايريد يساعد نفسه
واذا تقولي اخاف بنتي تتعقد الحين خافي ع بنتك الحالة اللي انت فيها وهي بعد راح تخليها تتعقد اكثر واكثر

فكري زين بكل حاجة وانت اعلم باللي يناسبك وانصحك تستخيري وتلتجيء لله

 

[ابتسم دوما]

لا يا اختي انا ما ذليت نفسي انا كنت اتصرف حسب توصيات استشاريين مختصين بالمشاكل الزوجيه وكنت احاول احافظ على بيتي وزوجي من الكلبه اللي تحوم ورانا
لكن قضاء الله وقدره انه هذا نصيبي والحمدلله على كل حال وماني ندمانة على شي لاني صبرت وما هدمت بيتي عشان لو شنو يصير مستقبلا ما أندم لاني حاولت بكل الطرق وما الوم نفسي لو ولو
والحمدلله عندي ثقة بربي انه ما صار لي الا ما يكون خيره لو جهلتها اليوم بكره اعرفها ربي ما يكتب الا الخير وتوكلت عليه يدبرني ويتولاني برحمته وقدرته ..

 

[حياه عسل]

ربنا معاكى علشان حاولى تحفظت على بيتك

 

[ماجدة العلي]

حبيبتي كلشي قسمة ونصيب
وانتي حاولتي بكل الطرق نحافظي على بيتك ماشاء الله عليكي وهو ولا حاسس بهالشي
حبيبتي اتركي الكبار والاهل يحلو الموضوع وانتي يلي عليكي عملتيه
ربي يهدي بالك

 

[نورر العيوون]

لا يا اختي انا ما ذليت نفسي انا كنت اتصرف حسب توصيات استشاريين مختصين بالمشاكل الزوجيه وكنت احاول احافظ على بيتي وزوجي من الكلبه اللي تحوم ورانا
لكن قضاء الله وقدره انه هذا نصيبي والحمدلله على كل حال وماني ندمانة على شي لاني صبرت وما هدمت بيتي عشان لو شنو يصير مستقبلا ما أندم لاني حاولت بكل الطرق وما الوم نفسي لو ولو
والحمدلله عندي ثقة بربي انه ما صار لي الا ما يكون خيره لو جهلتها اليوم بكره اعرفها ربي ما يكتب الا الخير وتوكلت عليه يدبرني ويتولاني برحمته وقدرته ..

الحمد لله انت انسانة عاقلة ومؤمنة....واذا تم الطلاق فالخيرة فيما اختاره الله ...

كرري انا لله وانا اليه راجعون...اللهم اجرني في مصيبتي واخلف لي خيرا منها...

ولعله خير فالطلاق قد يكون بداية حياة سعيدة ان شاء الله ...يغني الله كلا من سعته...

وليس كل سقوط فشل ...وربنا يفرج كربك..

 

[أحب حبك]

الحمدلله خيتو دامك رحت اختصاصين قبل واحنا ما نعرف كل اللي صار لكم بس اقول لك كان زوجك يحبك ولكن الحين ما يتحكم بعقله ومثل ما قلت لك قبل انت اللي تعرفي شو تريدي احنا ما نقدر نحكم على حياتكم
ودامك متوكله على الله فلا تخافي من توكل على الله فهو حسبه واستخيري الله عشان ربنا يكتب لك اللي فيه خير ويكون معك في مشوارك
واكيد راح يصير لك اللي فيه خير والتجيء لله هذه الفترة وعليك بسورة البقرة والاستغفار حاولي اغلب يومك والدعاء بيقين والصدقة وقيام الليل وابكي وتضرعي لله
ومافي احد منا يقدر يساعدك فلا نعرف التفاصيل واللي فيه خير لذلك خيتو انصحك ان تطلبي العون من الله واللي فيه خير لك ولبنتك والله يكون بعونك في كل الخيرات واعلمي وثقي ان اذا رجعتي له فهو الخير لك ولكن يحتاج لك صبر وجهاد واذا صار الطلاق فهو خير لك وبداية حياة جديده ودايما انظري للأمور بناحية ايجابية
ثقي بالله وابكي له وتضرعي وفرغي توترك بسجادتك راح ترتاحي
الله معك وان شاء الله تبشرينا بمعجزات ربانية تغير حالكم الى أحسن حال