تكفون الفزعة الظاهر حياتي انتهت

[ريانية]

انا اكتشفت وبالصدفة انا زوجي مسافر لتلايلاند مع انة قايل لي انة مسافر لليابان...
وشلون اكتشفت عن طريق الخطوط الجوية ...لاني كنت اسالة ومو عارف متى وقت الرجعة ..فاتصلت على الخطوط الجوية واهم من اسمة قالوا لي...
انهرت....يعني معناتة رايح لمكان فسوق وفجر..
لانة من شهر كان مسافر دورة لتايلاند وقلت لة وديني معك واهو رفض..وبغد ما جاء اشوف صار وسخ معي وما يستحي...ويطلبني اسوي حركات ربي حرمها وماكنت اطاوعة..واشوف رقم دائم يجية من تايلاند..وكان يقول انة من الشغل..احسنت نواياي لاني وحدة عندي طفلين وماابي مشاكل فاحسنت النوايا..المشكلة يوم رجع من السفرة الاولى قال تايلاند وسخة وسخة وسخة وماتنفع للسفر..الحين بالصدفة اكتشفت انة فيها....والمشكلة انة قايل لي انة رايح يحضر اجتماع مهم باليابان..قلت لة وديني معك قال ما ينفع لان معي قروب عمل...بعد ما اكتشفت سوالفة..بتقولون لي امسكي نفسج ولا تواجهينة انا اقول لكم اني ما قدرت لاني اتصلت علية الحين من شغلي وانا اصيح الظاهر الشغل كلة سمعني وانا اصيح وقلت لة انت وين قال ليش..قلت انت وين..قلت انت بتايلاند قال لي ووجهة قوي شعليج...رديت علية وقلت انت واااحد منحط وحقير وسافل يعلني الموت اذا رجعت البيت عندك...وناوية ادخل هلي بالموضوع لاني احس اني كرهتة​

 

[خدود الورد]

الله يفرج هممممممممممممممممممك

 

[غدير الكويت]

لازم أهلج يدرون لأنه سكوتج بيخليه يسافر ويسافر خلي اهلج يكلمونه ويحطون عليه شروط أولها فحص السلامه من الامراض والله يعينج ويفرج همج

 

[لـون الشفق]

ريانية أهلك لايدروووون لأنك راح تنسين بسسسس هم ماينسون

نصيحتي قولي له افحص قبل ماتلمسني لأنك كذبت علي بس بأسلووب هااديء ريانية

ترانا كلنا إذا عصبنا مانفهم :schmoll:

وإذا رفض ليتك تعلمين واحد من أهلك أخوك خالك عمك تكون بينك وبينه وبين زوجك علاقة كويسة

وعسى الله يفرجها عليييييك ...

 

[لهف نفسي]

الله يفرج همك ويكون في عونك ...

 

[حبك بعثر الدنيا]

الله يبردعلى قلبج يارب وتريثي قبل لايصير شي لاتحمدعقباة..
تحملي التروي والصبر علشان تقدرين اترتبين افكارج واتكونين مسيطرة على نفسج لاسمح الله صار شي من بينفعج وعندج عيال ..
توكلي على الله واكثري من الاستغفار...
انة احس اني توترت مو عارفة شاقولج ...
بس ربي يمسح على قلبج ويردة لج نادم على ماسواة فيج ...
قلبي معاج

 

[سيدة عالمها]

حبيبتي
نصيحه لاتواجهينه لانه بعد كذا بيصير عيني عينك وبيقولك عاجبك ولا بكيفك
الجاي الى الله وادعي من كل قلبك ربي يصرف عنه الحرام واستودعي الله بصره وقلبه وفرجه
الله يحميه هو وكل مسلم ويردهم اليه ردا جميلا

 

[rara2]

الله يفرج همك

 

[ام على +]

ما تحسين انج تسرعتى ................. لنفرض انه بتايلاند وجابلج اوراق العمل شنو بيكون موقفج اهو عارف ردت فعلج علشان جذى قالج اليابان ............ شنو وظيفته

هدى وان قالج شنو قلتى قوليله انصدمت وما كنت عارفه شنو اقول ..................... مبدئيا لين تعرفين السبب


ان كان عمل .................. معذور

ان كان وناسه ................. تتوقعين هالايام الشباب يطوفون الوناسه على شان زوجاتهم

 

[سموه العز]

الله يعينك انا زيك تعبت من هالخيانه
لا تتهورين
هالايام لاتردين على اتصالاته
بس صعبه احد يدري ماهي زينه بحقك ان زوجك راعي سفريات وخرابيط

 

[منحشه]

يااختي الامور ماتنحل كدا لازم تتاكدي عشان ماتتسرعي في الحكم وتندمي

الله يصلح الحال

 

[&أجمل احساس&]

حبيبت قلبي ادعي وقولي يارب اربط على قلبي وخليني اتصرف صح

اكثري الاستغفااااااااار والله مافي مثله

اسئل الله العظيم رب العرش العظيم ان يصلح حالكم ويعف زوجك
ويرده لك

 

[نعومه كول]

حسبي الله ونعم الوكيل
ربي يكون بعونك ياقلبي وينصرك عليه

 

[المتغيرة للأفضل]

حبيبتي اهدأي شوي والامور ماتنحل بهذه الطريقه انت تسرعت بمواجهتته خليه يجي عندك اول وبعدين تتفاهمي معاه يمكن عنده شيء هناك الان بعد ما واجهتيه اسمعي منه ولكن بهدوءاطلبي منه تحاليل وخذي منه وعود ان ما يرجع لهذه الامور وتذكري دائما ان هذا زوجك عليك ان تتغاضي عن اشياء

 

[ميعاد عواد]

انتبهي لنفسك لايجيب لك الامراض
الله يحفظك باسمه العظيم
يعني بالعربي امتنعي عن جماعه

 

[umm yusuf]

ربي يفرج هنك ويسخر لك زوجك

 

[ريانية]

انا مقهورة حتى ما افتكر يتصل

 

[MISS ARMANI]

اشرطي عليه انه يفحص قبل لا يلمسك والله يعينج انشالله ..

 

[طيف 888]

ماقصرت لون الشفق كلامها عين العقل

 

[جراده شياكه]

الله يهديه يارب