الله يجزاكم خير خواتي المشكله من الاسبوع الي فات تاركنا بيت اهلي ولا اتصل وراح دوله ثانيه يجيب زوجته الاولى وعياله ولا قالي وانا بااتصال بحماتي وتخبرني وجابها امس البيت من يوم نزلني بيت اهلي راح لها ويمشيها ولا سال عنا اتصلت على امه قال انا عطيتها مصروف وهي جات هنا بغيابي ولاجلست تنطرني لان حصل شقتي مغلقه انا طرشت خويتي عشان تقفلها لان هي قريبه وبيت اهلي بعيد شوي ساعه تقريبا وتو الحين اتصل قال ليش يوم جيتي هنا ماقعدتي تنطريني وانا قفلت شقتي ولا معه مفتاح الا الباب الشقه لانه ياخذ اغراضي ويوديها لزوجته وكشفته وتجي هي بغيابي وتاخذ اغراضي والله تعبت مستحيل يمر شهر مايضربني وليته ضرب مبرح الا راسي صاير فراغات من كثر الفلع تعبت دورولي حل لاتقولون ارجعي ابي ارتاح والله تعبت وبناتي انظلموا وبنتي صارت تخاف منه وبس اصرخ تجي تضربه وتصارخ عمرها اربع سنوات والله حرام كسرت خاطري معاد اقدر اتحمل اكثر بعد؟؟؟؟ تكفون انا بحاجه اشتشارتكم ودعاكم ان ربي يرده لنا ردا جميلا ويسخره لنا يااااااااااارب!!!!!
