تكفون ادخلو وساعدوني مع زوجي

[ملاك الحلا]

بنات كيفكم رحبو فيني انا عضوة جديدة بهالمنتدى الاكثر من راااااائع وقررت اخيرا اني اسجل فيه .... مو عارفه شلون ابدا بمشكلتي بس يمكن يعتقد البعض انها تافهه ... بس انا انقهرت منها والله ... ماراح اكثر كلام بدخل على طول ...امس انقهرت من زوجي لانه كتووووووووم ولا يحب يحكي لي شي ورغم ان بعض الامور تكون عاديه ويخبيها عني واعرف من اهلي واسكت مااقوله شي وانا كللل شي اقوله وهو بعد يسالني واجاوب عادي لكن هو لاااا مايحبني اساله لدرجة امس في سالفه بين اخوي وبينه وانا عارفتها لانها جدا عاديه واخوي يقوله هالسالفه عند باب السيارة وهو ينتظرني عند باب اهلي ويوم ركب السيارة قلت وش اخبار اخوي ابو فلان قال ابد بس يقول بيطلع طلعه مع خوياه ويقول روح معي بس وانا لحد هنا عادي صدقت جلست اقوله سالفه نفس سالفة اخوي واثاري اخوي قايله السالفه كامله وهي عاديه وانا قاعده اقوله قالي اخوك قالي قلت ليش ماقلت لي تكذب علي تقول عنده طلعه ويقول روح معي يعني كذبه استغربت مو لها الدرجة مافيه ثقه وهذا مو اول موقف احسه مايحب يقولي شي وانا متاكدة لدرجه احسه لو يحبني كان يثق فيني انا انسانه صريحة واللي بقلبي كله اقوله له لكن هو يحتفظ لنفسه ويسحب مني الاخبار المهمه لما اعرف من اهلي لكن هو لا مستحيل يقولي شي لو سمع من اهله خبر قلت والله ماعاد اقولك شي خلاص كل واحد فينا يحتفظ لنفسه وانت اللي حطيت حاجز بس انا عارفه اني مو قد كلامي فترة وارجع لطبيعتي وغير كذا بنات انا صرت احط ببالي انه مايحبني لانه صراحه من بعد زواجي ماجاب لي هديه ابدا ولو ورده انا لي قريب اكمل سنتين بنات ادري طولت بس دلوني كيف اتصرف مع طبعه الكتوم خصوصا اني طبعي اجتماعي وهو كتوم واغلب وقته يسكت واحس فراغ وبس افكر خصوصا اني ماحملت وهذا الموضوع ماثر على روتين حياتي واضطر اطلبه مشيني طلعني سولف معي وبث... اعطوني ارائكم وحلولكم الله يسعدكم وادعو لي بالذريه الصالحه

 

[ملاك الحلا]

يالله 38 مشاهده ولارد ماتوقعتكم كذا يابلقيسيات

 

[نــور عـيـونـه]

شوفي يا قلبي اغلب الرجال هذا طبعهم ما يحبون يتكلمون حتى لو كان الشيء عادي برضه مايتكلمون عنه..

يمكن زوجك ما يقولك لأنه ملاااحظ عليكِ تجيبين له كل اخبااار اهلك وكل شيء كل شيء تقولينه عنده

وطالما طبعه كتوم فهو مايحب هذا الشيء ومايحب انك تنقلين الكلام عن لساانه مهما كان هذا الكلام عادي وطبيعي..

جربي ماتقولين عنده اي شيء تسمعينه وإذا مثلا صار بينكم موقف أو حدث معين عادي

لاتعلمين احد فيه حتى اهلك حسسيه انك مااسكه لساانك وماتتكلمين الا بالشيء المهم جدا

طبعا لاتفهمين من كلامك انك ثرثاره لااا بس هو طبعه كتوم والناس من هالنوع يشوفون كل الكلام بربره و ماله داعي

حاولي تخلينه يتعود يتكلم ويسولف معك كثيير بأي مجال هو يحبه ومع الوقت بتلاقينه تلقائيا يسولف بكل شيء

الله يهدي سركم ويرزقك بالذريه الصالحه المعافاه إن شاء الله

​

 

[دانة الشام]

صدقيني ياأختي الغالبية العظمى من الرجال لهم نفس طيع زوجك .. عكسنا نحن معشر النساء أي شخص يشغل زر التشغيل وعلى طوووووووول نحكي قصتنا حياتنا كلها من الألف إلى الياء هههههههه وصدقيني هذا رجولي أكثر ,, كم أكره الرجال الذين لايبقى بقلبهم سر ,, ويتناقلون الأحاديث ومع الحدث أول بأول وأحيانا قبل الحدث مثل القنوات الاخبارية .. لاتدققي معه على هذه النقطة لأن ذلك سيزيده حرص على الكتمان.. حتى أنتي ليس من المفروض أن تخبريه كل مايحدث في بيت أهلك وكل أخبارهم ,, ليس كل شيئ يقال أمام الزوج .. انتبهي ..!! على فكرة مع الأيام والعشرة سيأخذ شيئا من طباعك أي سيتطبع بطباعك وسيصبح أكثر انفتاحا تجاهك ويوما ما ستصبحين بيت سره صدقيني ,,لاتستعجلي الأمور ,, فالرجل يحتاج لوقت أطول من المرأة حتى تصبح زوجته موضع ثقته أي إن حدثها بأمر ما لن تذيعه ,, وهذا مايدفع بعض الرجال لإخفاء الحقائق عن زوجاتهم خوفا من إفشاء الأسرار ونشر الأخبار ..لأنهم يعلمون طبيعة المرأة بأنها تخرج مافي جعبتها بسهولة .. لاتغلطي فتكثري من الالتصاق به والطلب منه أن يخرجك ويسليك ويرفه عنك ,, هذا قد يشعر الزوج بالملل وكأن وجوده فقط لاخراجك من حالة الملل التي تنتابك,, أنصحك أن تجدي لنفسك متنفسا آخر .. سجلي بدار تحفيظ قرآن نادي رياضي ,,عودي لممارسة هواياتك ,,المهم أن تخلقي لنفسك جوا جديدا يضفي الحماس على حياتك ويجددها ووقتها ستجدي الكثييييييييييير من الأحاديث العامة التي ممكن أن تفتحيها مع زوجك .. لاتركني للكسل والخمول والروتين لأنها أعداء الحياة الزوجية.. ربي يرزقك الذرية الصالحة عاجلا غير آجل ياااارب.

 

[ملاك الحلا]

والله افرحتني ردودكم بس مشكلة زوجي احسه لو واثق يتكلم بالذات يابنات طبعه يحب يسحب مني اخبار ولا يقولي لو كان كتوم مع الناس اقول مو مشكله هذا طبعه لكن احسه يحذر مني وانا يابنات ثقيله ولا ابين اني اقول لاهلي شي ابد كان فيه احد موصيه اصحك تعطي الحرمة سر لكن على كلامكم وانتو الصادقين ماعاد اقوله شي ولو سالني اعطيه على وجهه واقول مالك شغل ودايما اذا تكلم ويفلسف يقول لازم الثقه بين الزوجين ولازم المراة تثق بزوجها لان شفت حركة بايخه وذكرته بالله اذا انا مااشوفه عين الله تشوفه وصار يقولي اهم شي الثقه وهو مايطبق الله يعينا عالتعامل معاهم ويسخرهم لنا