&تكفون ابي مشورتكم بزواجي ,,او رجوعي&

ا

الهيمنة

New member
إنضم
2007/11/16
المشاركات
48
السلام عليكم ورحمة الله وبركاته


بدون مقدمات.....

تطلقت ثلاث مرات وفي الاخيره رجعنا المفتي وبعدها طلقني الرابعه....بعد ما تزوج وصارت مشاكل

وبعد خروجي من العده اتصل على اهلي يبي يرجعني وطلب مني ما اتزوج واني اصبر حتى يقدر يروح لمفتي ويرجعني ويطلق زوجته ...مع ملاحضتي انه واجد يخاف م زوجته ويحترمها

وخايفه ارجع ارجع للمشاكل مره ثانيه ومب عارفه شسوي


والحين واحد جاي يخطبني مرتاح ما ديا وله زوجتان وكبير بالستين وانا بالثلاثين

بس يمدحون اخلاقه ومدي محتاره شتنصحوني فيه

الله يخليكم شيرو علي ,,,,,,,,,,,,,ودمتم في رعاية المولى
 
عندك عيال اولا؟
ثانيا الاستخاره وصلاه الليل

واقري دعاء الاستخاره واكثري من الاستغفار بنيت ربي يدبر لك اللي فيه الخير
والطاق 3 موات خلاص!! على اي اساس يدبر شيخ يرجعكم هي لعبه!!

الله يسخر لك ويهدي سرك يارب
 
الطلاق 3 مرات كيف ترجعينلة..؟

مافهمت انا اعرف ان الدين تقدر الوحدة ترجع لزوجها المرة الاولى و الثانية و الثالثة بعد الثالثة خلاص مافية رجعة الا لازم تتزوج و تتطلق بهطريقة هذي ممكن ترجعلة بعد ماتزوجت غيرة و الله اعلم
 
استخيري كثيررررر

وانصحك لا ترجعين للاول إلا بعد ماتتأكدي اكثر من شيخ ان الطلاق ماصار


وانا اشوف تشوفين حياتك مع الثاني لان اذا طلقك الخامسه يمكن ماتلقين احد يخطبك بعدين لان باين على زوجك انو مره متهور وعندو الطلاق لعبه الله يهديه
 
حبيبتي الطلاق مو صفقه بيع وشراء مايستطيع يرجعك بعد الثلاث
توكلي على اللي خاطبك واستخيري وقرري
 
كيف بترجعي له وهو طلقك اربع مرااااااااااااات

استغفر الله ولاتخلين الشيطان يلعب بعقلك
 
مايصير يرجعك بعد ثلاث طلقات الا بعد ماتتزوجين وتطلقين في هالحال ترجعين له ...
نصيحة اذا ماعندك افطال او حتى عندك استخيري وتزوجي الي خاطبك والله يوفقك ويستر عليك ....
 
شكرا لردودكم والله ارتحت لها كثير عندي اربع اولاد منه

بس علا قولتكم متهور ,,,,المفروض اكون حازمه وما ارجع له...

الله يوفقكم ويهدي حرتكم مثل ما هديتون

ودمتم في رعاية المولى...
 
أختي إنتِ أساساً مالك رجعة له حتى لو المفتي أفتى لكم
أستغفر الله العظيم وش هالذمم الوسيعة
والعريس استخيري ربك فيه
 
(ما خاب من استخار ولا ندم من استشار)

وانا اقول استخيري في الثاني كثير لانه الاولي مستحيل الرجوع خمس طلقات وفي رجعه اول مره بحياتي اسمع هالشي
 
فخاكري اسأل المفتي شو قال بعد الطلقة الثالثة ....!!

شو هي الفتوى اللي طلعت بخصوص هالموضوع؟

صدق صدق ابغي اعرف
 
حبيبتي سبب الطلاق انه كان وقت غضب وكان طلاق بدعي يعني مره بحيض ومره في طهر جامعني فيه

علشا كذا ابطل المفتي الطلاق

الاخير لانه كسر البيبان وضربني ضرب رحت فيه للمستشفى

والله يكتب الي فيه خير
 
الهيمنة قال:
حبيبتي سبب الطلاق انه كان وقت غضب وكان طلاق بدعي يعني مره بحيض ومره في طهر جامعني فيه

علشا كذا ابطل المفتي الطلاق

الاخير لانه كسر البيبان وضربني ضرب رحت فيه للمستشفى

والله يكتب الي فيه خير
أنقر للتوسيع...

اهااااا

الله يكتب لك الخير والصالح

طيب وش سالفة زوجته ؟؟؟ هل انت الثانية والا الاولى ؟؟؟

مبدأيا ً اقول لك شوفي مستقبلك ودوري راحة نفسك والاستقرار
 
مرحبا اختي
انا اقول والله العالم ان الزواج الي فيه الرجال يطري الطلاق كثير
هذا مرخص بزوجته وماعرف قيمتها ابد
استخيري على الزواج الثاني وتوكلي على الله
وانشاءالله تتوفقين
 
ضامنه زوجك ماراح يطلقك مره ثانيه لاحظت ان زوجك متهور والطلاق على لسانه
استخيري الله في زواجك الثاني وتوكلي على الله
 
الهيمنة قال:
حبيبتي سبب الطلاق انه كان وقت غضب وكان طلاق بدعي يعني مره بحيض ومره في طهر جامعني فيه

علشا كذا ابطل المفتي الطلاق

الاخير لانه كسر البيبان وضربني ضرب رحت فيه للمستشفى

والله يكتب الي فيه خير
أنقر للتوسيع...


:tears:


كل هذا وتفكرين تردين له؟؟؟

يانساء العالم ..

والله إنكم بشر ..


والله إن لكم حقوق لازم تاخذونها ..


والله إن لكم أحترامكم ..


والله إن لكم كرامة ..

والله إن لكم عقول تفكرون فيها ..


والله إن الرجل عمره مابيفكر مجرد تفكير إنه يدوس لكم على طرف إذا وقفتوه عند حده ..


والله إنكم تقهرون اللي ماينقهر..


عندج عيال والا ماعندج .. فكرتي تردين والا مافكرتي .. خلاص بــــــــــــــــــــح .. راحت عليكم .. 3 طلقات مع الرابعة free فوق البيعة .. يعني مستحيل تردين إلا إذا تزوجتي من واحد ثاني وصار زواج شرعي كامل .. مع الدخول .. وإذا لاسمح الله صار طلاق أو وفاة الزوج الثاني .. ممكن تردين له بعقد جديد..!


السموحة منكن الغاليات لأني انفعلت .. والله اني احتريت وايد .. وأكره أشوف الضعف والسلبية من بعض الحريم ..
 
مثل ما تفضلوا الاخوات الرجوع مافيه مجال بعد هالطلقات كلها ..
واستخيري في الارتباط مره اخرى .. وبالنسبة لأولادك ..كيف حيكون وضعهم ؟؟
الله يوفقك لما فيه خير لك ولأولادك ​
 
اختي نور البدر بالعكس انا معك بالكلام الي قلتيه كنت ابي واحد يفكر مثلي بس كلهم يقلون لي ردي له

وعلشان كذا متردده خايفه من الجاي واكون غلطانه

بالنسبه للاولاد من طلقني وهم عند ابوهم مو معي ولا راضي يعطين اياهم

بس الظاهر اني بتوكل على الله وبتزوج يكفي ضعف....وادعو له لان شكله مسحور الله يعافيه لعياله وبس

ومشكوره ردودكم وتفاعلكم ودمتم في رعاية المولى,,,,,,,,,,
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل