بنت الشهامه
New member
- إنضم
- 2015/05/19
- المشاركات
- 106
السلام عليكم ورحمة الله وبركاته انا سبق وتكلمت عن عيال زوجي لكن بقول لكم بالي حصل البارح كنت بصاله قاعدين ومع ابوهم قال لولده جيب لي منديل لحقته قلت لحظه لاتدخل لأَنِّي في اغراض لي مابي احد يشوفها ومن حقي لازم خصوصيه لي ودخلت وأخذت منديل وعطيته زوجي وجلسنا شوي مع بعض وتسحرنا وجلست ونا والولد على جواله ويضحك معي وعادي كل شي تمام التمام ودخلت غرفتي اخذ دواي واشرب ماء قبل اذان. الفجر وإذن الا زوجي دخل علي وحش ويهاوش ولا كأني زوجته أحسه كانه عدو خفت منه ومن شكله قسم بالله يابناات كأني قاتله ولده والا حارقته حسبي الله وكفى الولد قال له انني ضربته على راْسه حتى لو ضربته شي خفيف زي اي ضربه لمى تضربي ولدك شي عفوي مو معذبته انا بالعكس العب معه دايم ومع اخوانه وأخته وساعتين قسم بالله مجادله ويبي يطلقني زوجي تخيلو تخيلو معاناتي يبي يطلقني وانتي مو طيبه ولا اصلح والله حسّيت بقهررر وبكيت بكاء مع شهقات لأَنِّي انصدمت وتألمت يطلق مرا وحده وهم أصلا ماكملو شهر عندي ونا متزوجه لي 5 شهور وربي ظلمني ومقهور عشاني قلت لهم بالمدرسه روحي لي أمكم لانها افضل لكم وعشان بنتها عمرها 12 يبي لها من يمشط ومن يهتم فيها ولهم اخو عمره 6 الان وراح يدخل المدرسه قريب من يهتم فيه هي تبي تصحيهم والا تقوم بنفسها انا وش ذنبي وربي نومي ملخبط وماقوم الصباح انا مو مرتاحة قسم بالله ان حتى امهم بيتها جنبنا دقيقتين بسياره وهم عندها انقهر أنهم عنذي وش ذنبي هي لو مريضه او بعيده ارحم الف مرا انا شوفو اليوم الي صارلي عشان ولده شكى بكرا ايش يسوي فيني ومن شوي يبي يطّلع بعياله وياخذ لهم غرفه ويبي اخوي يجي يأخذني ترجيته يصبر الين العصر عشان مابي انكد على امي واخواني وربي حالته الماديه تعبانه واخواني قائمين معه ويعطونه وامي تحبه ونا سبق وعطيته فلوس من جيبي أساعده ومرا دفعت 7 آلاف عشان اسوي سيارته واشياء كثيره عطيته انصدمت انه بكل سهوله متخلي عني وفضل عياله علي وربي بكيت من وانهرت من الصدمة وأخذته ونا مجملته بعيون اخواني وانه كفو بس صدمتي اليوم قويه مايبي احد يقول لهم شي طيب هو شي عفوي انه الواحد ينصح يعاررض شي عادي وهو انهبل ترا امهم مع اخوه وأخوه كاره عيال زوجي مايبيهم بس اليوم عرفت مالومه فيهم متعودين يتصلون ويتشكون حتى مجلس الرجال قال هذا بخليه غرفه لعيالي ومافي غير فراش لي كم شهر ونا انتظر المجلس كنب او مساند وستاره ومكيف ولمى عّم عنده قالي ابي اجيب لهم دواليب وسراير ومكيف يعني ماينقص عليهم ونا مقدره وضعه شارلي لهم مراتب ونا معه مختارتها وكويسه مو عارفه كيف أتصرف تكفوووون علموني مادري بكرا وش يصير لي بعد حسبي الله ونعم الوكيل مطلق ام عياله وحده قبلي ونا مرتين مطلقه كله منهم ماخطيت عليهم وهالحين انكبت لزوجي هذا قسم بالله ماشرط علي إربي عياله لمى ضبط وضع الشقه ونا مساعدته فيها جابهم والله ماتهنيت وهذي جمايل فعايلي يبي يتخلى عني امانه ردو ترا بنته الي قالت اخر مرا خلاص وعشانها جلس ماخرج فيهم وتركني حسبي الله ونعم الوكيل وشكرا لكل من يهتم بالرد
