تكفون ابغى الفزعة

[احاسيس ام]

السلام عليكم يالغاليات اليوم عندنا طلعة كبيرة في استراحة وابغى اسوي صنف يكون مميز وسهل بنفس الوقت سواء حلا ولا معجنات ومحتارة والله يابنات خاصة وانه قبل مااروح للطلعة بيجيني ضيوف يعايدون وزوجي صايم والدنيا مكركبة فوق راسي ولا تقولون لي جيبي من برا لاني مرزوعة في قرية بعيدة عن كل شيي لاتطنشوني تكفون

 

[عاليه الصيت]

عندي وأنا ام هندي خخخخ اذا تبين حلا عندك الحلا التالي تجيبن كيك الشكلاته الجاهز وتقطعينه مستطيلات وترصينه في صينيه وتحطين عليه 3 بسكوت تويكس وقشطه و2جبن كيري ودريم ويب وكريم كرملا وحطيه عليه و زينيه بالهرشي
واذا تبين فاهيتها سهله اعجني كاس الا ربع مويه معه ملعقه صغيره خميره وملعقه صغيره ملح وملعق صغيره سكر وملعقتين كبار نيدو وملعقتين كبار زيت وكوبين دقيق كويتي وكوريها كور على قد قبضه اليد وافرديها على طاوله مرشوشه بالدقيق وخلي سمكها يميل للخفه وحطيها على الصاج وقصري عليه لما يبدا ينتفخ اقلبيه لاتخلينها يطول مره وحطيه في صحن مغطيته زين عشان ماتيبس وهكذا
نجي للحشو دجاجه مسلوقه مفتته او مقصصتها مربعات الي يريحك وتبين تحطين معها فلفل رومي مقطع مربعات صغيره (اختياري) وبصل وثوم وبهاراتك وملح ولما يخلص حطي ملعقتين جبن سايل ومايونيز
وقصصي الخبز مثلثات صغيره بالتساوي وحطي الحشو ولفيه
وبالهنا والعافيه
ابيك اذا استفدي شي تدعيلي كل ماسويتيه ان ربي يدخلني جنته بلا حساب ولا عقاب ويغفرلي لي ولجميع المسلمين ان شاء الله

 

[احاسيس ام]

مشكورة حبيبتي عالية الصمت واسال الله انه يحقق لك كل ماتتمنين في الدنيا والآخرة