تكفون أبقي ردودكم بسرعه؟؟شاسوي مع بنتي؟؟؟

[مهيضة زوجها]

مرحبا شحالكم......عندي بنت عمرها سنتين ونص وهي اول وحده الله يخليلنا ويخليلكم...وهالايام بديت اعلمها على الحمام اكرمكم الله ...والحمد لله بدت تعلم على البوله كرمتوا اما الخروج...متروعه منه حدها وسوتها مره في الحمام وصادتها ردة فعل جامده وصار لها ثلاث ايام ماخرجت وصارت تحبس حتى البوله ونفسيتها تعبانه وايد ودايم تصيح وما تشتهي تاكل ولا تلعب ولا تسوي شي ...الصراحه خايفه عليها وايد ونفسيتي اتعبت مب عارفه شاسوي محتاره تكفووون فيدوني ...الله يجعله في ميزان حسناتكم... ويرزقكم الفردوس الاعلى من الجنه...قولوا آمين.....

 

[((شوق القصيم))]

غاليتي

شيء طبيعي انه تخاف من اول محاوله لاستخدام الحمام

لاتيأسين حاولي انك تستمرين بتعليمها

وياليت تجيبين لها ((ملابس داخليه من البلاستيك تنباع في محلات الاطفال))لان الشتاء قرب واخاف انها تبرد عليك من البلل

بس لاتيأسين وحاولي انك علمينها وممكن تستعينين بالكرسي تعليم الاطفال على شكل العاب وحيوانات

يجذبهم اكثر وتحطينه لها في الحمام

وتحاولين انك كل ربع ساعه تودينه الحمام

بس لا تغفلين عنها

 

[ام القمره]

والله ماعندي فكره بس حبيت ارفع الموضوع

 

[Pink Dove]

اختي ياريت ماتضغطي عليها كثير لان مرحلة اكتمال اجهزة التحكم عند الطفل قادمة في الطريق يعني اوقات لا تستطيع التحكم رغما عنها .. اشتري لها العاب وقصيريه ملونه بها العاب .. ومعلقة في الحمام بها اشكال ملونة وحببيها في الامر وعلميها انها جميلة ونظيفة وهي بتستجيب ان شاءالله​

 

[قطرة الغيث]

نفس المشكلة عانيتها من بنتي في البداية
طبيعي ان بعض الأطفال يصابو بقلق عند رؤيتهم للخروج _أعزكم الله_
قد يكون الحل في البداية ان تراقبي وقت الإستفراغ عند بنتك وتلبسيها حفاظ في ذلك الوقت (ما أحس بوجود مشكلة إذا عودتيها بداية على البول فقط في الحمام )
بعد ما تتمرس على التبول ف الحمام إبدئي معها في الخروج بس لاتبدي لها أبدا الإشمئزاز منه بل عززيها وامدحي إنجازها الرائع واقنعيها أن الكل يفعل ما تفعله حتى لاتشعر أنه مرض أو شي مخيف
ممكن تعانقيها وهي في المرحاض إذا شعرت بقلقها وخوفها ليطمئن قلبها مع الربت على ظهرها وتشجيعا على المواصلة
كوني صبورة ولاتؤزمي نفسك فهذي مرحلة لابد منها في حياة الطفل فأعينيه ليمر بها بسلام
وفقك الله

 

[مهيضة زوجها]

ربي يجعل لكم من كل هم فرج... ومن كل ضيق مخرج ....ويرزقكم من حيث لا تحتسبون...جزاكم الله خير...ويجعله في ميزان حسناتكم....

 

[روعة روح]

صح القصيريه احسن حل
خلي واحد برى وواحد بالحمام

وجربي تخلينها تلعب مع عروستها وتحطها على القيصريه

المهم بسطي الموضوع

 

[بنت الرمال]

نفس المشكله حصلت مع بنتي بس لا تخافين فتره وتعدي انا شريت لها قيصريه واعطيها لعبتها لما تدخل الحمام حتى اشغلها وماتخاف منه