تقشير عدل مدل لشفايف تاخذ العقل..

Qu33n-Cleopatra

Qu33n-Cleopatra

New member
إنضم
2011/06/20
المشاركات
34




lipscare.jpg


بسم الله الرحمن الرحيم
والصلاه والسلام على المصطفى الامين

ضروري بيكون هناك بعض الجلد الجاف على شفايفك
خصوصا مع التكييف طول اليوم والجو الحار الجاف
الجلد يتقشر من روحه ويطيح لكن اذ انتظرنا لما يطيح من روحه شغله مزعجه شوي وكلش مو منظر جذاب
ويطلع شكلك وكاتك مريضه
وحتى مع الترطيب المستمر هذا مو كافي ضروري تقشير دوري للشفايف
وعلى خاطر جذي فيه جم خطوة ضروري نتبعها:
............
اول شغله جيبي كل الشغلات الي محتاجينهم:
منشفه شاخنه على قد ماتتحملين او قطن
او مكعبات ثلج
فرشاه اسنان
مقشر للوجه
ماء
مرطب الشفاه
ويلا نبدا على بركه الله
1- بللي القطن او المنشفه بالماي الشاخن وحطيه على شفايفك لما تبرد المنشفه او القطن او تحسين الجلد صار ناعم ورطب وجاهز تشيلينه برقه
2- حطي كميه مناسبه من مقشر الوجه على شفايفك لانو يساعد وايد على ازاله الجلد الميت
3- افركي برقه المقشر على شفايفك بالفرشاه بحركات دائريه خفيفه
4- استخدمي القطن مره ثانيه لازاله المقشر بدون دعك
ونظفي المقشر عدل
5- اغسلي شفايفك بمويه بارده نسبيا مو وايد والمسي بإيدج وشوفي اذا بعده فيه جلد جاف على شفايفك
6- استخدمي المرطب الي متعوده عليه ومرتاحه معاه
وحافظي على ترطيب شفايفك على خاطر مايرد ويتكون عندك مره ثانيه
*ممكن تقشري شفايفك مرتين بالشهر
* الدعك يكون خفيف وايد بالفرشاه
*لا تحاولي ترطبي شفايفك بلعابك وانتي بككرامه لانو اول الاسباب لجفاف الشفايف


9230_200.jpg



تمت
​
 
مشكووووووووووووووووره حبيبتي ع هذي المعلومات بس اش تقصدين بمقشر الوجه..
يشرفني اني اكون اول وحده ترد ع موضوعك
 
أطيب قلب:
الشرف لي فديتج .. قصدي فيه المقشر الي تستخدمينه لتقشير بشرتك بالعاده
انا استخدم مقشر ممتاز للبشرة retain A يستخدم لمدة 3 أيام وقت النوم

وهذي صورته
images


كل بشره ينفع معها مقشر معين (خليك على المقشر الي متعوده عليه بشرتج يكون احسن واضمن )
أسعدني مرورج يا الغلا
 
الدكتوره مدحت لي منتجات اولاي وايد (لكن ماسبق وجربت ).. واتوقع عندهم مقشر للبشره
 
شيخه العمري:
العفو فديتج ... شرفتي موضوعي بمرورج الغلا
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل