تقاوم النوم!! شو الحل ؟؟ ** تم الرد **

[Um_3alya]

بسم الله الرحمن الرحيم
السلام عليكم ورحمة الله وبركاته
عندي استشارة كنت احسها عادية وتزول لكن الامر صار اصعب
عندي بنت عمرها الان 3 سنوات ومشكلتها النووووووووووووووم وبالاحرى مقاومة النوم
المشكلة بدت من عمرها شهرين وكنت احسبها فترة وتعدي ولكن مستمرة الى الان!!!!:sad_1:
لما تنام 10 دقايق تصحصح بعدها لمدة 4 ساعات او اكثر حتى لما كانت بيبي نومت الدقايق
عندها مثل الساعات :clap:ما شاء الله عليها
ولما كبرت صارت لما ادخلها غرفتها تنام اقعد عندها اقرا قران واحكي قصص وانشدلها ولا تنام
واكون انا ويها بروحنا في الغرفة لأكتر من 3 او 4 ساعات بعدين تنام ويكون ضاع من وقتي كثير
لاني جالسة احاول (على فكرة انا ما عندي غيرها يعني هي وحديتي)
وتصير مشكلتي اكبر لما ازور اهلي او اهل زوجي لان ما ترضى تنام لو اقعدلها عشرين ساعة إلا
لما ينام الجميع تخيلي ...!!!:tears:
وعلى فكرة انا لما احاول معاها عسب تنام وتكون مرهقة فجأة توقف او تصفق :clap:او تنط على الكرفاية وتسوي اشياء ثانية كلها عسب تصحصح عمرها وما تنام !!
لما علمتها انها لازم تقوم في الليل عسب تدخل الحمام وترد تنام
طبعا هي تدخل الحمام وتصحى وما ترضى تنام وتقولي ما ما خلاص انا ما بنام
وفعلا تتم صاحية فترة طويلة اكون خلالها مرهقة لاني ما اكتفيت نوم
واتم معصبة :icon28:عليها واضربها واصارخ بشكل احيانا هستيري وطبعا لما ترد تنام يكون الوقت
مو مناسب لنومتي انا الحين في الاشهر الاخيرة من الحمل وخايفة من اللي بيصير بوجود بيبي صغير
وخايفة اكثر انه يكون مثلها مقاوم للنوم!! ارجو من الاستشارية و اللي بيدخل الموضوع يسامحوني على الاطالة
ولكن شرح الموضوع تتطلب هالشي ومشكووووووووووورين مقدما

 

[د/همسه هذيل]

السلام عليكم عزيزتي :
مع الاسف حبيبتي مافي حل لبنتك غير انك تحاولين معاها على وضع نظام معين للنوم اما نظام كل يوم تنام في وقت هذا ما ينفع و كل يوم بتعاند و بتلعب على زيادة المدة اكثر و مين يروح فيها انتي عزيزتي هذه غلطتك من ذو البداية من الاشهر الاولى كان المفروض عودتيها ... بس عادي حتى الحين تقدرين .. وديها كل يوم بنفس الموعد و اقرئي لها القصة و اتركيها حتى لو لم تنم بعد و اذا صاحت عادي تركيها دخلي بعد 10 دقائق هديها و غطيها و طلعي و هكذا كل يوم لحد ما تنام و كل يوم راح تقل مدة الصحيان لحد ما تنظبط انشاء الله .