تغير زوجي وانقلب الى شخص ضلم بعد ماكان يحبني
السلام عليكم استاذتي ناعمه محتاجه نصيحه ومستعده ادفع لك مع مراعاة ضروفي انا تزوجت لي الان تقريبا سبع شهور وحامل بالشهر الخامس كان زوجي يحبني ويحترمني ويفعل ماريد وماطلبه بل يقوم بواجبي ع اكمل وجهه ثم بدا يتغير الى درجه انه لايريدني في البيت ارجع .. وصلني الى اهلي وقال لاخوي مريم مالها رجعه بالبيت صدمه انقلب الى وحش كاذب ومنافق معدوم الضمير ايضا يمارس الكذب والحلف بالكذب حتى يتخلص مني كان طيب القلب وضميره صافي لايعرف الكذب لايعرف الخداع يخاف الله ولا اعرف مالذي غيره بداية مشكلتي عندما استلمت راتبي طلب مني ثلاث الاف ريال بعدما علم انيي حولت لاهلي ثلاث الاف ريال تعذرت وقلت من اين اتي بالمال اريد ان اثث باقي البيت واريد ان اصرف ع المطبخ فجاه رايت في عيونه شي من الكراهيه والانتقام اخذني الى المدرسه لاني مدرسه وبنص الطريق وقف عند صرافه وطلب بطاقة صرافتي قلت لماذا فجاه عصب كالمجنون وقال مابي منك شي بس اريد ايداع فلوس اخذته سلف من احد اصدقائي وحلف لي صدقته واعطيته الصرافه وسحب مني غصبا عني الف وميتين حق اثاث الكهربا من ثلاجه وفرن وغساله وغرفه ومكنسة كهربا لانه اخذناه بالقصاد باسمه واخذه من فلوسي لم اقل شي سوى انني قلت له اجل سدد الكهربا وفرش مجلس الرجال من الفلوس اللي اخذت ويناضر لي باستحقار قال ومستانسه بعد المهم تناقشنا بالطريق وبكيت لانه قال خوذي من اهلك اللي حولتي لهم بدها تنرفز ورجعني للبيت وقال اتصلي ع السواق يوصلك وانا طالع رايت باب السياره مفتوح ودخلت السياره وفتحت شنطة السياره ورايت شهاردة تعرف لي انا ع انني موضفه مع العلم اخبرني بانه يريد الثلاث الاف ريال يريد ان يقدم سواق باكستاني ويبيع فيزته ويستفيد من فلوس يستثمر عشر الاف كما قال المهم بعدما رايت الورقه طار جنوني وقلت له كيف تتجرا وتاخذ من وراي ليش ماصارحتني طيب قال طيب مايضرك بشي ولا تدفعي فلوس المهم بكيت لاني حسيت بالضلم ورحت مع السواق الى المدرسه وبعدها رجعت للبيت وقال سوف نسافر لاهلي مع العلم منطقة اهله نفس منطقة اهلي فقلت حسنا كان صامت وانا بقلبي شهادة التعريف ليش اخذها تناقشنا بالطريق ولم يعطيني الجواب سوى نضرات شخص متلذذ بدموعي فانهرت من الدموع وبوست يده طلبت منه الا ياخذ قرض من البنك باسمي وناضر لي قال بطلي تمثيل الدموع انتي منافقه بعدها انجرحت بقوه وانهملت من الدموع اللذي لم يرحمني ابد نزلني عند اهلي وهو عند اهله واخبرت اهلي بانه تغير واخذ الفلوس غصبا عني وقالوا اهلي اختك سوف تذهب معك في بيتك بيتي في منطقه بعيده تبعد اربع ساعات عن اهلي عشان مايسوي شي غلط وخططنا ع اساس كذا المهم جاء واخذني بعد يومين الى اهله وجلسنا يوم عند اهله وكنا لانتكلم مع بعض بعد مامشينا قلت مر فيني عند اهلي اريد اخذ شي قال حسنا المهم مرينا اهلي وانصدم اني اختي وبناتها اثنتين وحده لها سنه وشهرين ووحده لها شهرين اختي معلقه اركبت معنا لتذهب معي وكانه حقد المهم مثل قدام اختي انه عادي وانا اعرفه زين وصلنا للبيت وفرشت لاختي وبناتها وجيت لعنده حتى اخذ مفرش هو نام بالصاله وقال ليش ماخبرتيني قلت ليش بتسوي شي ماراح تسوي شي زعل وتغطا ونام المهم داومت بكره جيت عنده بالصاله قلت توصلني للمدرسه قال دقي ع السواق يوصلك اتصلت ع السواق داومت مدة ساعتين واستاذنت من المديره ورجعت مع السواق وعبيت المطبخ من خضروات وفواكه ومعلبات عشان اختي موجوده وعبيت الغاز ورجعت للبيت وهو بالصاله اشوفه يطقطق بالجوال لم اعره اي انتباه جعلت السواق ينزل جميع الاغراض عند باب بيتي وانا ادخل بالمطبخ ورحت لاختي بالغرفه وقلت له ترى المطبخ فيه كل شي اذا بغيتي اي شي اللي خلاني افعل هذا كله لاني قبل شهر اقول له خلينا نعبي المطبخ يصرف الموضوع ودايم مطبخنا فاضي وكانه عايش حياة عزابيه ياتي بقشطه وجبن وخبز فقط بعكس لما كنا عند اهله يعبي لهم المطبخ ومايسوي شي اذا قلت له شي وكانه يريد يوفر من راتبي عشان ياخذ منه لان له شهرين اذا احتاج شي اعطيه من فلوسي المهم جيت من المدرسه اسولف مع اختي الا دخل والشر باين من عيونه قال لي تعالي وخوذي صرافتك قلت ليش قال عشان تذهبين للبنك وتاخذين كشف حساب للمدة ثلاث شهور قلت ليش قال عشان اطلع فيه فيزة السواق المهم قفلت الجوال وخبرت اختي قالت لا ليش ياغبيه يمكن يسحب عليك فلوس ولا كذا المهم جاء للبيت معصب قال ليش ماتجين قلت مابغى اروح للبنك المهم عصب وتكلم علي وشوي ويمد يده المهم حاول يسايسني حلف انه ماراح يسوي شي غير فيزة السواق قالت اختي خلاص يامريم هو حلف قلت انك حلفت لكن اقسم بالله اذا صار شي غلط وربي لادخل اهلي المهم حقد علي وقال مشكوره ع الثقه وركبت السياره معه ورحنا للبنك وهو طول الطريق كاتم وساكت وعلامات الغضب وسحبت الورقه كشف حساب ورجعت معه وهو طلع من البيت رجع بالنغرب الا اختي قالت تريد تذهب للصيدليه وخبرته قال انتي لاتروحي خليها تروح هي مع السواق المهم دقت اختي ع السواق وجاء واخذها هو لبس ملابسه العسكريه وطلع واتصل ع السواق وقال رجع اللي معك ولاتجي للبيت ولا اهدر دمك المهم السواق خاف وعلم اختي انه مايقدر يوصل اختي ترجته اختي بس تروح للصييدليه تشتري حليب للبناتها وصلها ورجع وجتني اختي وقالت شفتي وش سوى زوجك علمتني قلت خبري اخواني يتصلون عليه ويوقفونه عند حده المهم اتصلت ع اخوي واخوي اتصل عليه وصارت مشاكل بينه وبين اخوي وجاء وهو معصب من الدوام قال انا ماشي لاهلي واخذ ملابسه وراح لاهله وجلسنا انا واختي ببيتي لمدة يومين بعدها جاء وهو معصب وقال لاختي يلا اتصلي ع اخوانك خليهم يجونك ياخذونك اختي انقهرت لانها حست بالاهانه وتكلمت عليه المهم كبرت السالفه للدرجه وصلت انه مد يده عليها وضربها وتجمعوا علينا الحاره من صراخ اختي وكان هو بيده شنطة الذهب حقي طلع يبغا ياخذه واختي متمسكه فيه تصارخ جا من جيارننا وضربه بالعقال وفكتنا زوجة جارتنا ودخلنا ببيت جارتنا وهو بالبيت جلس المهم اهلي دروا وازعلوا وجاء اخوي معصب وصارت بينهم مناوشات بالطريق بالجوال واخوي يهدد هو حس بالندم وارسل لي رساله قال تعالي اريد اقول لك شي جيت للبيتي وقلت وش تبي المهم حسيته متندم او خايف مدري مشاعر مختلطه قال انت ليش تدخلين اهلك وليش تصدقين اختك قلت انت جبته للنفسك انت من طلبتني ثلاث الاف ريال وانت الشر قايم معك تحاول باي طريق تضايقني المهم تعذر وتاسف ودنق ع راسي وبوسني ورضيت عشان وضيفتي مابغيت اخرب ع نفسي مع العلم انا تعاقد وبس يبقى لي شهر واترسم وهذا اللي خلاني اتهاون معه واعطيه فرصه جو اهلي واخذوا اختي واعطيتهم صرافتي وشنطة الذهب حقتي لاني مابغى مشاكل منه عشان الصرافه ومشواو رجعت للغرفه عنده قال الذهب وينه قلت اعطيتهم مع الصرافه باحط احد للمشاكل خلص معهم الصرافه والذهب ومااراح يتدخلوا المه شال بخاطره وزعل قال بكره تمشين معي لاهلك وترجعين الصرافه والذهب قلت انت متزوجي ولا متزوج الصرافه بكل لعانه قال متزوج الصرافه تروحين معي بكره المهم عندت وقلت لا نمنا ع خير وبكره وصلني للمدرسه وبعدها رجعنا للبيت من الدوام وقال دبري لي الف ريال قلت من وين لي صرافتي مافيها ولا ريال كله راح للبيت فرشت الصاله وعبيت المطبخ اساسا ضل بصرفاتي الف ريال بس سحبته قبل لاعطيه اهلي مع اختي لما راحت مع السواق عشان كل مابغيت شي اخذ من فلوسي بدون الصرافه واخليه يقطع الامل انه يحصل الصرافه المهم قال دبري خليهم يحولون قلت اهلي من وين لهم مامعهم شي قال اجل بكره تفتحي حساب جديد قلت ماريد ومستحيل قال اجل البلا منك انتي قلت اي المهم تغدينا واخذنا قيلوله وهو من العصر يروح ويرجع ودبر الف ريال ع كلامه عشان السياره خربانه يبغى يصلحها وصحاني من بعد المغرب امشي نسافر لاهلنا انا حسيت ان راح يصير مشكله كبيره قلت انا ماريد اسافر انت سافر انا عندي اشغال كثيره للمدرسه عطلت كل اشغالي المهم عصب علي وتكلم كلام وشوي ولا يضربني بالمره عصب قلت انا عارفه انك بتسافر تدور المشاكل حلف انه ماراح يسوي شي وقال بس عندي اشغال اخلصها وماقدر اخليك لحالك وسايسني ويبوسني ع جبهتي ويترجاني المهم قلت خلني اكسر الشر واروح معه وياليتني مارحت المهم سافرنا بعد ساعه ونص بالطريق قال اسمعي ترى مالك رجعه معي للبيت بعدها انصدمت وسكت واخذت الامر عادي وقلت اوكي وحسيته ارتاح ونفس غضبه لاني اقتنعت وانا اريد ابين له ان مايهمني ولا اني خايفه من شي المهم قهرني قبل لانوصل ناقشته بالموضوع وقلت هذا بيتي وارجع له غصبن عن اللي مايرضى ماتبغاني بالبيت عطني ورقة طلاقي المهم قال ياويلك اذا رجعتي وقف عند بيت اهلي وقال انزلي قلت مابي انزل نزلني عند اهلك ابي اشوف ابوك وفتح السياره وجر يدي ونزلني غصب واتصل ع خالي وقال خبر اهل مريم ترى مالها رجعه للبيت وناويه بكره ارجع للبيتي مع اخواني عشان دوامي.... ماني عارفه ليش سوى كذا وليش انقلب للدرجه ذي مع العلم لما كان عزابي كان مغازلنجي وصارحني بايام الخطوبه انه كان مغازلنجي وتاب واختارني انا من بين كل البنات وعلمني بعلاقته مع بنت خاله بس انتهت العلاقه ودايم يحلف لي مابينهم شي كيف ارجعه زي اول يحن علي ويحبني للجنون كيف ارحع طيبته مع العلم هو كان شخصيه جنوبي بس تغير صار قلبه اقسى من الحجر اويتلذذ بدموعي اذا بكيت ولا هو نادم اذا حرمني من شي او متغير علي بالعكس يستانس لما اقول له اصلا مايهمك يقول اي صح
اسم الموضوع : تغير زوجي وانقلب الى شخص ضلم بعد ماكان يحبني
|
المصدر : الأستشارات الزوجية العامة
