تعليم اولادنا عن يوم القيامة ليس خطرا

[راجيه الرضا]

حاليا بدأ الترويج إعلاميا إن "تلقين أولادنا عن يوم #القيامة" ده خطر على المجتمع، وإن الكلام ده لازم يتم حذفه من بعض مناهج المرحلة الابتدائية
(يعني طفل عمره 9-10 سنوات)

أنا شوفت #الخبر مُتَداوَل على صور إخبارية، ورغم علمي إن الحرب على الدين مستعرة، إلا إني شكيت إن الخبر فوتوشوب أو فيه مبالغة وقلت لا مش للدرجادي..!

بحثت عنه وللأسف لقيته صحيح..

الحوار بالظبط على لسان ضيفة البرنامج :
[[[تعليم الطلاب في منهج رابعة ابتدائي عن أهوال القيامة = ده جزء من تكوين تفكير جماعات التك*فير والهج*رة، وألف باء تأسيس التنظيمات التكف*ير*ية عشان تخلي الفرد فيها يخاف و(((يترك الدنيا وراه))) أول حاجة بتدرسيهاله هي عذاب القبر وأهوال القيامة.. تقوموا تدرسوها لعيالنا في رابعة ابتدائي!!]]]

رد المذيعة موجهة كلامها للمشاهدين:
[[[طيب ده سؤال أهو إلى من يهمه الأمر بقى لو كنتم عاوزين ناس متزنة فكريا وتتعامل مع الدين في نطاقه الحقيقي إللي هو لا إفراط ولا تفريط إللي هو دين وسط و ((دين محبة)) = يبقى أكيد الحاجات دي محتاجة إعادة نظر لإن كده فيه خطر.. دي أفكار موجودة حاليا ولازم يكون فيه مواجهة حقيقية وبنوجه بلاغ للنائب العام بالتحرك]]]

*تعليم أولادنا إنهم يجعلوا الدنيا في إيديهم مش في قلوبهم = ده بقى خطر..
*تعليمهم إن فيه آخرة هنقف نتحاسب فيها على الشر والظلم إن لم نتقي الله = ده بقى خطر.
*تعليمهم إن تعمير الدنيا ما يشغلهمش عن تعمير الآخرة = ده كده تفريخ لجماعات الظلام

عاوزين ولادنا بدون أي دروع تحصنهم إيمانيا ضد فتن الدنيا وابتلاءاتها..
عاوزين طمس لعقيدة الخشية والخوف من الله، والإسلام محبة وبس..
وغير كده = يبقى الإنسان والأطفال في خطر..

ونبص نلاقي دعاة من غير ما يقصدوا يدعموا بدروسهم الكلام ده للأسف ويقولوا ما تعلموش الأطفال قبل سن 7 سنوات أي شيء عن الترهيب..!

أهو دعاة حقوق الطفل عاوزين يرفعوا السن لحد 9-10 سنوات كمان.. مش 7 بس..

صدق من قال: علموا أولادكم العقيدة فإنها الآن تنزع..
الناس إللي لسة معتمدة على التعليم النظامي إنه يربي الدين وأصول العقيدة في أولاده = يراجعوا نفسهم..

#أسماءمحمدلبيب
أمةالله-عفا الله عنها​

منقول بتصرف

 

[النسيم المسافر]

الموضوع جاء في وقته المناسب لي كان ودي اطرح سؤالي
انا قبل فترة كلمت اولادي عن فتنة المسيح الدجال اعوذ بالله منة والان ابني وبنتي يخافوا مرة بذات الولد اصبح ضروري ينام جنبي او في نفس الغرفة معي عمرة الان ثمان سنوات ندمت لاني تكلمت بس كمان كلامة يريحني لما يقولي انا اثق واحب الله وكلامة ولما يقولي كيف بمامعنى انقذ نفسي منة اقولة استعذ بالله من شر فتنتة اخاف اني سببت لهم شيء نفسي مع اني اكلمهم ان الله حامينا واللي يذكر الله ويعبدة مايخاف