تعرفون وحده كان معها تكيسات وحملت بليييييز طمنوني

[يفداني بقلبه]

السلام عليكم يا بلقيسيات
اخباركم:icon26:
مشكلتي كان معي تكيسات وانا بنت من عشر سنين وشلتها بعمليه
والحين بعد زواجي صار معي نزيف مرتين وما جاتني الدورة برمضان
ولا شوال وجاتني بعد نزيف استمر اسبوعين
ورحت لمستشفى وصوروني طلع معي كيسين بالمبايض كل مبيض فيه كيس
نفس المشكله الاولى بس ما ادري وش حجم هالكيسيين
حولوني لمستشفى الولاده وعطوني موعد الاسبوع الجاي وما ادري اصبر للاسبوع الجاي والا اروح اعالج بمستشفى خااص:tears:
تكفون طمنوني هل في وحد منكم او تعرفونها كان معها تكيس وعالجت وحملت :sadwalk:
وابغى اسم مستشفى ودكتور او دكتورة شاطرين بالاحساء دخيلكم:tears::tears:​

 

[حبيبي علاوي]

انا اخت زوجي كان معها كيس فوق المبيض وماشاء الله تعالجت ومعها بنت الحين
وماطولت بالعلاج يمكن شهرين وتعالجت قبل زواجه وبعد زواجه جلست 5 شهور وحملت

 

[يفداني بقلبه]

الله يجزاج خير يارب
الله يبارك لها في بنتها ويشفيني ويرزقني بالذريه الصالحه وكل محرومه
ماتعرفين وش نوع علاجها !!!

 

[يفداني بقلبه]

يا خواتي وينكم ابي فزعتكم
معلومه صغيره بعد انا احس بالالم اثناء الجماع

 

[ساميه1]

انا كان فيني كيس تعالجت لمدة شهرين وراح الحمدالله بس توني للحين ماحملت
واختي كان فيها كيس من زمان قبل ماتتزوج وتعالجت والحين عندها 3 اعيال ماشااءلله
ومرت اخوي الحين هي حامل بالشهر الثاني واكتشفو انه فيها كيس واهي حامل

 

[يفداني بقلبه]

الله يطمنج يارب
ويرزقج الذريه الصالحه وتبشرينا بحملج قريب
بس وش نوع العلاج اللي اخذتيه حبوب منع حمل والا ايش
المشكله انا مو كيس واحد اثنين بالمبيض الايمن واحد والايسر واحدومثل ماقلت صار لي من سنيييييين ورجع الحين

 

[القمر المنير200]

أختي كان عندها تكيسات و عالجت وحملت وهذا عندها طفلين

و أنا ألحين عندي تكيسات و إن شاء الله بعالجها

و بتعالج عند دكتورة غادة في عيادات دكتور جميل خطاب يمدحونها

و يمدحون كثير الدكتورة نجوى في مستوصف الإدريسي بس مارحت لها لاني بديت عند الدكتورة غادة وبكمل معاها لان اختي تعالجت عندها و الحمدلله حملت

 

[يفداني بقلبه]

القمر المنير200
الله يطمنج مثل ما طمنتيني اجل الدكتورة غاده زينه بروح لها باقرب فرصه
الله يشفيج ويرزقج الذريه الصالحه يااااااااااارب

 

[الاسيره15]

ياخوات ترى فيه فرق بين الكيس والتكيس الكيس الدهني يجي حجمه كبير وينشال بعمليه والتكيس جمه صغير وتتعالج بالادويه

 

[راجية رضى ربى]

حبيبتى اناكان عندى كيس على المبيض واخذت علاج لمدة 6شهور خف نسبة بس رجع ورحت للمداوية ام عبداللة السلمان وعطتنى تحاميل والحمدلله راح ادعيلى احمل الشهر ذا وانا عندى بنتين ولد

 

[يفداني بقلبه]

الاسيره 15
انا يمكن عندي الاثنين
امس رحت لدكتورة نساء وكشفت علي وصورتني مهبليا
وعطتني كلوفاج
راجيه رضى ربي
الله يعافيج يارب ويرزقج وتحملين قريب
وين هذه الحرمه ؟

 

[برود باند]

أختي حملت بعد سنة من زواجها يوم حملت اكتشفوا ان فيه كيس بالرحم جنب الجنين



وسوت عمليتها بالمستشفى الجامعي بالرياض والحمدلله الجنين ماصار فيه شي ولد عادي وحملت بعده وجابت بنوته حلوة


فلاتخافين


انتي بس اتكلي على الله وروحي لدكتورة شاطرة

 

[العجيبه]

انا كان معي كيس دهني مع العلاج والابر راح والحمد الله حملت ..

 

[يفداني بقلبه]

برود باند
الله يبارك لاختك فيما عطاها يارب
بس انا صار لي تكيس قبل لا احمل
العجيبه
الحمد لله على سلامتك ومبروك الحمل يالغلا
بس وش كان علاجك وين عالجتي اذا ممكن

 

[برود باند]

اللهم امييين اخيتي


ايووه الدكتور قال لها انه موجود قبل الحمل بس هي مافحصت حالها قبل



فلما حملت اكتشفته

يعني خير ان شاء الله .. راح تحملين وراح تتخلصين منه بطريقه سليمه ان شاء الله

 

[يفداني بقلبه]

اها
هو خطر على الجنين اتوقع لاني اللي معي كيااااااااااس كثيره مره
مو واحد ولا اثنين
والحمد لله اني ماني حامل الحين لين اتعالج وتروح الكياس ان شاء الله احمل يارب

 

[العجيبه]

انا علاجي كان بالاحساء ..
يااختي ظليت اربع سنوات ابد ماحملت ماخليت مستشفى الا رحت له محدن عرف حالتي كلهم يقولون لي ضعف مبايض
وانا يااختي من النوع يقول ماابي الدكتور يكشفني ابي دكتوره >> تعرفين الدلع الزايد ..
وبعدها اسمع الناس تمدح الدكتور عنا بالاحساء ورحت له والله عرفني بس عن طريق السونار ..
اما الباقي كنت اروح لهم يكشفوني من تحت ..
اما ذ1 بس سونار عرف معي كيس وبعدها عطاني علاج وابر مااذكر بضبط شنو العلاج والابر بس الابر كانت حـاره مره
من اجي وانا اتالم اصبر عشان بس احمل ..
والله سبحان الله على طول حملت بعطيك اسم الدكتور بالخاص ..
الله يرزقك خيتو ..

 

[يفداني بقلبه]

مشكورة يالغلا والله يجزاااج خير
ويثبت حملج يارب

 

[سيمفونية الحزن]

السلام عليكم بلقيسيات حبيت اطمنك( يفداني بقلبه)من تزوجت وانا معي تكيسات في الرحم ورحت لمستشفيات خاصه قالولي لازم تاكلين حبوب منظم دوره وحبوب منع الحمل عشان تنزل تكيسات ولا سمعت كلامهم رحت لمستشفيات حكوميه قالوا ماراح نسوي لك شي دام الكيس اقل من 10سم ولا تاكلين اي شي لا منع ولا منظم لانه راح ياثر عليك واحتمال يسبب لك عقم المهم راجعينا دايم عشان نطمن عليك.كل الي سويته اني صرت اروح لحرمه تمرخ كل ماجتني دوره بس وبعد سنه وثمانيه اشهر حملت بدون اي تدخل طبي او شعبي وللحين عندي كيس على المبيض والحمدلله على كل حال.

 

[اللؤلؤه البيضاء]

اشربى البردقوش ينزل هرمون التكيس عن تجربه فى اليوم 3 كاسات جيبى ملعقه من البردقوش وانقعيها فى كاس مى حار وبعد ربع ساعه صفيه واشربيه فى شهرين باذن الله راااح يروح وتوكلى على الله وادعيلى انه الله يرزقنى الذريه الصالحه