ميلك شوكليت
New member
- إنضم
- 2008/06/18
- المشاركات
- 17
السلام عليكم ورحمه الله وبركاته
ادري انكم بتتوقعون اني بنت مراهقة ولا حبي فاضي وماله داعي بس والله مو كذا الموضوع
انا من أول نظرة شفتها فيها من أول يوم لي في
المدرسة الثانوية وقفت كذا ثواني اطلع عليها
ولا شلت عيوني هي مو ملكة جمال يعني
ملامحها شوي آسيويه وقصيره لكن في عيوني غير
احس لما طلعت فيها شفت روحها ماشفت شكلها
في البدايه ما اخذت هالشعور على محمل الجد
بس مع مرور الأيام , هي علمت صديقاتي , في الفصول الثانيه
وصرت اسمع منهم عن آخلاقها عن الأشياء اللي تحبها والأشياء اللي تكرهها من سوالفها يعني
وربي ما ابالغ حسيت انها تشبهني في كثير
أشياء يعني سبحان الله وذوقها زي ذوقي
وهي هادية وطيبه مثلي طيب الكل بيقول
انا ما اعرفها بس والله حتى صديقاتي اللي كنت
معاهم نعيب على البنات اللي يحبون المعلمات
ونقول وش بيستفيدون يعني بيتزوجونهم ههه
بس الحين احس ان هالشي غير وصديقاتي
عارفين هالشي يعني ان حبي هذا مو حب
طفوله ومراهقه وانا كبيره وعمري باقي اسبوع ويصير 17 يعني مو لهادرجة بصير غبيه في الإعجاب
ومره صديقتي لماشافتني بهالحاله كلما تعبر او يصير
عليها مناوبه احاول اني بس اشوفها حتى لو من بعيد
ما ابين لها ان في شي لأني خجوله وانتظرها بس
متى تطلع واحفظ جدولها بس ما حاولت ولا مره اني
اكلمها وصديقتي تعرف اني خجوله واخاف مرره من الصدود نقطة ضعفي ان احد يحقرني ولا يطنشني
ما اقدر اتحمل يعني تجيني كآبه واحباط وخايفة مره من هالشعور فصديقتي قالت لي فكره هي ان اكتب لها رساله ابين لها شعوري
بس احس ان هالحركة مو حقت كبار او ممكن
ماأعجبها لما اسوي كذا والله حيراانه ماني عارفه
شسوي ولو كتبت لها رساله شبكتب فيها ؟؟
ابيكم تساعدوني انا كنت اقدر اسأل أي احد
أو منتدى حق بنات في سني مو حق كبار وعندهم
مشاكل واستشارات اهم بس لأني حسيت بالنسبه لي الموضوع مو بسيط وأتمنى ان الله
يحقق لي هالأمنيه واكلمها واسولف معها واصير صديقتها , طيب يمكن صعبه صديقتها بس عالأقل
تعرفني تبتسم لي واكون في قلبها زي ماهي في
قلبي او اقل بشوي ><
واذا تحسو االمفروض تعرفوا اكثر عن شخصيتها عشان تساعدوني بقول لكم بعض الاشياء عنها
هي كبيره شوي يعني نهاية الثلاثين او الأربعين
مي متزوجه هادية كثير وحبوبه ولافكروا ان اذا
تعلق فيها واجد بتضرني هي طيبة اعرفها وسألت ناس كثير
عنها اللي علمتهم وحتى اللي درسوا معاها من الكبار
سـألت خالاتي عنها من بين السوالف بس ما ادري عن طريقه تفكيرها
مررره محتاجه مساعده ابي قبل الخميس الجاي لأني ناويه اخلص هالموضوع بسرعه وارتاح ولآن بيصير يوم ميلادي السبت الجاي فأتمنى يكون يوم حلو .. والله من كل قلبي اتمنى
والله تعبت نفسيا كلما شفتها وحسيت ان كلها
كم يوم واطلع من المدرسة وبيظل هالشعور من
طرف واحد في قلبي وانا خلاص كبيرة مابي احس اني زي الأطفال
تكفون لاتقولولي انسى لأنها مو بس مرحله عابره
هالمعلمه انا شفت فيها كل الصفات اللي أعتبرها
مثاليه بالنسبه لي ابتسامتها تذكرني بأمي الله
يرحمها ضحكتها وطريقه كلامها تذكرني بنفسي لما
كنت صغيره صرت حتى لما اشوف احد في اي مكان
يشبه لها شوي اصير احبه تخيلوا لها الدرجة..
ساعدوني بكل ماعندكم من آراء وافكار انا ماقدر
اكلم احد كبير في الموضوع مايعرفو الا صديقاتي
استحي ان احد يعرف فاعتبروا انكم اخواتي الكبار
وانا اختكم الصغيره صار لي هالشي فكيف بتساعدوني
بليز اللي تحس انها بتجرحني لا ترد -___-
