تعبت ومليت ابي اتزوووووووج

[جنون العآشقين]

السلام عليكم

آنا نفسيتي تعباااااانة جداً تعبت ومليت اتمنى اني اتزوج وابعد عن اهلي بعيد بعيد بعيد مليت وطفشت :schmoll: اهلي فقر اكلنا الفقر ابوي كل راتبه قروض لسيارات اخواني وكأن حنا مالنا حق نعيش مثل الناس اغار من بنات خالاتي وصديقاتي اذا لبسوا وكشخوا وسافروا وطلعوا واشتروا وانا بس اطالعهم واتمنى واحلم :sad_1: واهلي اذا قلت بطلع لمشوار مع اخوي وانا اكذب بطلع اشوف الدنيا اهلي سووا سالفه وين تطلعين طلعت روحك عسره وين ووين مافيك نفع ويوصون اخوي وهو اصغر مني احس اني عاهرة :crazy: وانا يعلم الله اني ملتزمة وماشافوا علي شيء ,,
وساعات تجيني كأبة ابي اتزوج اللحين وابي اسافر اللحين احس اني مكتومة ومو طايقه نفسي وحتى ماابي اكلم اهلي واقول ابي اطلع لاني عارفة بدخل بمتاهات مالها نهاية :no:

وانا ملكة جماااااااااال وبشاهدة الجميع الحمدلله ولكني ماانخطبت القراااااايب ماايبون القرب والي بعيدين يتوقعون اني مغرورة لاني جميلة وهادية زيادة على كيذا اذا شفت كشخت البنات انقهر زيادة وابوز ويتجنبوني ...
مليت تمنيت مليون شاب وفكرت فيهم:blushing: وهم ماحلموا فيني ولايدرون عن هوى داري ..
واذا احد خطبني من اخوي يرفضه اخوي ليششششششششش يقول اختي صغيرة وانا ماحللللللت اخوي طول عمره :thumbdown: مو من حقه يرفض لا هو مدلعني ولا هو مزوجني ...
والكرف عندنا خدامة لكن امي عصبية اذا قالت كلمة وحدة ونسيت ولا رفضت تسوي سالفه وتدعي علي بيت معدوم لديهم لغة الحواااااااااااااااااااااااااااااااااااااااااااااااار !!

 

[Ms.RoZa]

ومن قالك ان الي بيتزوجك راح تعيشين معاه قصة روميو وجولييت يابعد عيني .. ؟
ومن قالك ان إذا تزوجتي بترتاحين من الكرف .. ؟
ومن وين دريتي انك راح تتزوجين واحد أفضل منكم ماديآ ؟

حبيبتي الشباب الحين كلهم ديون ومشاكل اسهم وبلاوي زرقاء وبطاله .. !
ناهيك عن مسؤوليات الزواج والبيت والرجل والحموله ..

وانا أشوفك ماقدرتي تتحملين أمك .. وشلون بتتحملين الناس لامؤاخذه ..

انا معك انه كل بنت تحلم بالزواج والإستقرار
لكن خليك واقعيه بتفكيرك وتذكري ان أهلك هم عزوتك ويبون لك الخير ..

عمومآ تابعي موضوع إستاذتنا ام منصور تلقينه مثبت فوق .. راح يفيدك كثير إن شاء الله

 

[جنون العآشقين]

ومن قالك ان الي بيتزوجك راح تعيشين معاه قصة روميو وجولييت يابعد عيني .. ؟
ومن قالك ان إذا تزوجتي بترتاحين من الكرف .. ؟
ومن وين دريتي انك راح تتزوجين واحد أفضل منكم ماديآ ؟

حبيبتي الشباب الحين كلهم ديون ومشاكل اسهم وبلاوي زرقاء وبطاله .. !
ناهيك عن مسؤوليات الزواج والبيت والرجل والحموله ..

وانا أشوفك ماقدرتي تتحملين أمك .. وشلون بتتحملين الناس لامؤاخذه ..

انا معك انه كل بنت تحلم بالزواج والإستقرار
لكن خليك واقعيه بتفكيرك وتذكري ان أهلك هم عزوتك ويبون لك الخير ..

عمومآ تابعي موضوع إستاذتنا ام منصور تلقينه مثبت فوق .. راح يفيدك كثير إن شاء الله

ميخاااااااااالف مستعدة اخاذ واحد ميزانيته بالقطارة لكن مو مثل اهلي اذا معهم قرشين يعطونه اخواني لو بتزوج على الاقل بكون ام وماابي اعيش قصة حب لكن ابي افتك من اهلي الي مهما حاولت ارضيهم مااااااااااايرضون

 

[Ms.RoZa]

ههههههههههههههههههههههههههههههههههههه

بكرا بتقولين يازين أمي وضربة عصاها وياشين الناس لو دلعوني !

ادعي ربك يرزقك بالزوج الصالح وجميع بنات المسلمين

 

[ج ـنون الكـون]

عيشي مع واقعك ولو كاان مر .. تأقلمي معه حتىا لو كاان قااسي
لان لا البكااء والصرراخ ومده البوز بتخليك ثريه وتحقق لك امنياتك
كووني اكثرر اقعيه واصبري واتحملي
غيرك عااانا بزماانه ورغم هذا متحمل وصاابر ..(وانتي جاات ع خرجه وصرراخ وكشخه) ..<= ليتها اكبر همووووومي ..

000
شووفي (سهام اليل لاتخطــــــــي)
ادخلي موضوعي المثبت في نفس هذا القسسسم وسووي كل الي مكتووب فيه وادعي لي

وربي يفرجهاا عنك يااااااااارب

 

[جنون العآشقين]

ههههههههههههههههههههههههههههههههههههه

بكرا بتقولين يازين أمي وضربة عصاها وياشين الناس لو دلعوني !

ادعي ربك يرزقك بالزوج الصالح وجميع بنات المسلمين

وعد ماراح اقوله
يارب ياكريم يارحيم

 

[طمطوجه طرباخ]

شوف يـآ حلوه ..

الزواج مو عشــآن تفتكين من اهـــلك .. لاتحطين السالفه

هذي في بالك لانك لو ماتزوجتي رآح تطلع في راسك نخله ويجيك

اكتئـــآب .. ترى الزواج مغثــــــه اغث من انك بنت

اول شي بتكونين مســؤله عن زوج وماتدرين كيف بيكون

اصلاً طالعي قسسسم الاستشـآرات العامه مافي احد يمدح كلهم

ازواجهن خونه والا مو محترمها والا رافع ضغطها وكل يوم مبكيها

والا اللي يتفل عليها والا اللي جايبها قطعه اثاث بس ياكل وجنس وبس

ويطلع ويجي يبي البيت نظيف والطبخ والكوي والحوسه وانتي بهالوقت

تبين مشششاعر بــآين من كلــآمك فيــآ قلبي ..

والله الشباب الحين ويـــيين تلقيـــــــن واحد تمـآآآم

كلهم بلوتوثات وبلاوي وخيانات وتلقين الواحد مدري كم مره

طلع مع بنات .. فيه شبـآب صالحين عشششان ما اظلم بس قلييييل

وتـــرى الحيــآة وانتي بنت اجمل مافي واحد بشخصه تهتمين لامره

ويعذبك يعني امك وابوك واخوانـــك اكييييد مهما كانت الاسباب والمعامله

السيئه مستحيييل بيوم يهينونك والا يقطونك ..

بس الرجــآل ,, الله واعلم بــه

ادعي ربك بالرجــل الصـآلح ..

وترى مو بس انتي اللي ودك تتزوجييين

الحين كل ماقابلت بنت قالت ودي اتزوج يحسبون الزواج

وناااسه ودايم في كل مكان حى لاحظي الشاتات اللي بالقنوات

حتى قناة المجد اغلب بناتها يبون الزواج .. وتلقين اعمارهم 17

18 .. ماعليك ياعسل ربك كاتب اذا بتتزوجين اولا بس انتي ادعي

الله يسخر لك ويرزقك ماتتمنين ولا تحطيين احد في بالك من الشباب

عشششــآن ماتتحطمـــين ..

 

[حمضيات]

اهم شي لاتتأثر نفسيتك عشانهم يعني طوفي وخلي اهتمامك كله بنفسك ودراستك ومستقبلك..والزواج متى ماجا حياه الله لا تستعجلين من زين الزواج عاد انا متزوجت بس الزواج عندنا يجيب المرض

 

[أنثى تعشق المطر]

.. مــلح الــعذآرى ..​

​

أنا حاسه بإحساسك ومقدرة شعورك لكن نصيحة مني ​

لاتفكرن ولاتحطين في بالك أن الزواج أهم شي في الدنيآ..!​

وانتي ماخلقتي علشان تتزوجين وبس فيه أشياء ثانيه مهمة ​

عندالشخص غير الزواج .. وأنا .. ما أقصدإنه ماتفكرين في الزوآج ..!؟​

فكري..لكن لايكون هو أكبر آمالك وماتفكرين إلا فيه ​

لإن كذآ إنتي بتتعبين ..​

أشغلي نفسك بأشياء ثآنية​

صدقني كثير تزوجز يتمنون بس يردون بنآت​

عشان يسوون أشياء ويستمتعون فيها ​

بعد الزوآج راحت عليهم ..!​

وحتى لو تأخر زواجك لاتفقدين الأمل​

والله مآتدرين وش مخبى لكِ بالغيب يمكن خير لكِ إن زوآجك يتأخر
أحسن ماتتزوجين واحد ومايقدرك لا سمح الله ولايسعدك ويصير همك همين..!​

إحتسبي الأجر ومثل ماقلت لكِ فكري بأشياء ثآنية ​

حــولي تكونين نأجحة بحياتك..​

ومن قالك إن كل الهموم عندكـ..!​

إنتي عندك أشياء كثيرة غيرك فآقدهآ ​

​

ومادمتِ في صحة وعافيه وعلى الاسلام فهآذي أكبر نعمه ​

وحاولي تتقربين لأهلك أكثر وتكسبينهم ​

وتسأليهم ليه يعاملونكبهالمعآملة وإنتي أسألي نفسك ليه يعآملونك كذا ..!​

يمكن تكونين مقصرة معهم وإنتي ماتدرين ..!
​

وإذا قصدك على الناس أنهم ياخذون عنك إنك مغرورة بسبب سكوتك​

شوفي نفسك وتصرفاتك زين راقبيها ​

وحاول انك ماتتركي هالإنطباع عند أحد​

أبتسمي لهم وتقربي لهم ​

أبدأيهم بالسلام​

حآولي تكونين بسيطة بالتعآمل معآهم أكثر

​

حبيبتي​

أكثري من الإستغفآر والصدقة وقيآم الليل بنية الزواج

والله يرزقك الزوج الصالح اللي يسعدك ويفرحك ​

ويرزقك الذريه الصالحه الباره بكِ​

عاجل غير آجل آميـــــن يآرب العالمين​

​

دمتِ بخير​

​

أنــثى تعشق المطـــر.!​

 

[غيابك اتعبني]

والله ثم والله انا كنت مثلج

كنت ابا اعرس عسب افتك من اهلي وحبسهم لي في البيت

كنت اغار من ؤبيعاتي يوم يتكلمون عن رياييلهم وانا لا

بس والله حسافه يوم عرست تلعوزت واااايد وتمنيت الف مره اني بعدني بنت في بيت اهلي مكرمه ومحشومه بدل الاهانات وكلام اهله وتصرفاتهم

لا تحطين في بالج العرس هو الحل .. العرس بلوه

 

[رنة خلخــال]

عجبااااا.. اللي ماتزوج مو راضي واللي متزوج مو راضي من شوي قريت موضوع لوحده متزوجه من سنه ونص وتشتكي من زوجها انه حابسها ومايخليها تطلع لاهلها الا بطلوع الروح ويسافر مع ربعه ويخليها. تقول مانطلع ولا نتمشى والادهى والامر انها لقت بنت تراسله ومرسلتله صورتها.
يعني الانسان لازم مايأمل نفسه ويحلم ويتوقع ان احلامه راح تصير حقيقه.
وحده قريبتي كان حلم عمرها تتزوج علشان تسافر لبرا ووفقها ربي بزوج يحبها ويعاملها كويس ويلبيلها طلاباتها إلا السفر قالها لاتحلمين اطلعلك جواز وتسافرين مستحييييييييييل.
اهم شي ماتستعجلين مو اي احد يخطب توافقين لازم تاكدون من الرجل واخلاقه هذي عشره عمر مو لعب عيال.
واكثري من الدعاء ان الله يرزقك الزوج الصالح.
وبالنسبه لمسأله الغرور ,الانسان مايحس بنفسه يتصرف احيانا بغرور بدون ان يشعر ويمكن انك تتصرفين بغرور لانك تحسين بنوع من النقص فتحاولين تعوضين نقصك بتباهيك بجمالك وهذا شي يجنب الناس محبتك.
اضحكي مع الناس وعامليهم بلطف وكان الله في عونك .​

 

[كنافة بالجبنة]

فديتج فقر وعندكم نت !


الموهيم

ان شا الله ربج بيفرجها على الجميع

 

[جنون العآشقين]

مو فقر مدقع لكن الحمدلله

 

[غزال ومايصيدونه]

اختي جنون العاشقين
مادري كم عمرك وكيف دراستك معاكي؟
بعض الاخوات ردودهم شوية محبطة
وياليتهم قالوا خيرا او صمتوا افضل
بس ما عليكي
مرة لا تستجيبي لأي شي يحبطك
واعرفي انه ربنا اذا احب عبدا ابتلاه
انصحك انك تبعدي عن الغيرة
واعرفي انه الدنيا ارزاق
وانه ربنا سبحانه وتعالى هوا الرزاق وهوا بيده كل شي خير او شر
استعيني بالله
وحاولي ما تبيني غيرتك او انك تبوزي وتزعلي لو شفتي غيرك احسن مظهرا منك
لانه اكيد في غيرك غيرانين من جمالك
حاولي تهتمي في نفسك شوية ولا تخلي الناس ياخدوا عنك انطباع انك مغرورة
خلي الابتسامة دايما على وجهك لما تقابلي احد
وحاولي تكتسبي صداقات ويكون لكي علاقات حلوة مع الناس عشان يعرفوا انه انتي انسانة طيبة ومو مغرورة
وان شالله ربنا يعجل لك نصيبك ويجيكي رجل يعاملك كملكة زمانك
اتمنى لك الخير من كل قلبي ودعواتي لك بحياة أفضل باذن الله ومشيئته

 

[Rteeel]

ما الومتج اختي حتى انا ابي اتزوج اليوم قبل باجر

عموما ما النا الا الدعاء

بس انا مو فقر بس جد عندنا ثقافة ان البنت مالها الا بيت ريلها

يعني مخلوقين لهم نسعدهم ويشقونا لا ونروح لهم بريولنا !!

 

[khaleejiya]

لو تسوين اللي تسويه محد بيحل محل اهلك وباجر بتتمنين لو تعيشين كل حياتك معاهم
لكن هذي نفسية البشر ابدا ما يشبعون ولا يملي عيونهم التراب

 

[**ريما**]

يارب ياكريم يرزقك بالزوج الصالح

اللي يخليك ملكه ويقدم لك كل ماتتمنين ..


بس حبيبتي عليك بقرأة سورة البقره يوميآ والأستغفار تراااها كنز عظيم مايعرف مفعولها إلا اللي مجرب

فالاتبخلين على نفسك ..


والله يرزق كل وحده تتمنى الستر والزواج ..


أختك / ريمــــــــــا:icon26:​

 

[أنفاس الأمل]

استغفر الله
شو بلاكم يابنات الزواج سنة الحياه ومصير البنت تتزوج ليش تكرهونها بالزواج
وتخوفونها منه

وبعدين موشرط ان اللي بنتاخذه يكون خاين ولا كذاب او مخادع

وزوجج على حسب ماتشكلينه الحياه الزوجيه اكبر بوايد من اللي انتوا تفكرون به اوك لو كرفت البنت بتكرف لزوجها جنتها ونارها قبل لاتفكر ان زوجفئها خل تفكر باللي اكبر من زوجها رب العالمين اللي ثوابه اعظم واكبر

-يعني البنت تتزوج احسن ولا تفكر بأمور مو زينه ؟؟؟الزواج يغض البصر عن امور كثيره ممكن ان البنت تلجألها مثلا يمكن تروح تكلم شباب بهدف انها تفضفض واطلع اللي في خاطرها والاخر يستغل الضعف والالم اللي تحس به بشكل ثاني ويبدا يستدرجها

فيا حبيبتي لو حسيتي ان في احد جا وخطبج من اخوانج وهو من خيرة الرجال وماوافقوا كلميهم قوليلهم شو هو السبب كلميهم فهميهم قوليلهم البنت زوجها ستر لها حتى لو اني مستوره عندكم بس بعد الزوج ستر

والله يوفقنا ويرزقنا الزوج الصالح معاج يارب

 

[moon shadow]

انا مع رد احدى الاخوات

لاتخلي الزواج اكبر همك .. انا كنت مثلك بس الحين الحمدلله غيرت النظره تماما

جلست ابحث عن اشياء احبها اشغل وقتي فيها مع اني ادرس ابحثي بالنت عن تطوير الذات عن اشياء تحبب الناس فيك.. بحثت عن صديقات يعينوني عالخير ويدلوني عليه ويدعولي بظهر الغيب

ومنجد يااختي لو مااتحملتي اهلك مستحيل تتحملي الناس الثانيه .. مافي احد احن عليكي من اهلك رغم قسوتهم

احنا نشوفهم قاسسين علينا ومايحبونا ..بالعكس

خلي الاستفغار علي لسانك وصدقيني كل مالانسان قرب من ربه ربي معاه ومايخيب ظنه ورجاه

وخلي قناعه عندك لماتدعي انك تدعي ربك السميع المجيب وتيقني باجابة الدعاء بعد البعد عن الاسباب المانعه للاجابه

الهي يرزقك الزوج الصالح التقي النقي مخموم القلب اللي يسعدك بالدنيا والاخره ويفرج همك وكربك اختي

 

[محرومه من زوجي]

ومن قالك ان الي بيتزوجك راح تعيشين معاه قصة روميو وجولييت يابعد عيني .. ؟
ومن قالك ان إذا تزوجتي بترتاحين من الكرف .. ؟
ومن وين دريتي انك راح تتزوجين واحد أفضل منكم ماديآ ؟

حبيبتي الشباب الحين كلهم ديون ومشاكل اسهم وبلاوي زرقاء وبطاله .. !
ناهيك عن مسؤوليات الزواج والبيت والرجل والحموله ..

وانا أشوفك ماقدرتي تتحملين أمك .. وشلون بتتحملين الناس لامؤاخذه ..

انا معك انه كل بنت تحلم بالزواج والإستقرار
لكن خليك واقعيه بتفكيرك وتذكري ان أهلك هم عزوتك ويبون لك الخير ..

عمومآ تابعي موضوع إستاذتنا ام منصور تلقينه مثبت فوق .. راح يفيدك كثير إن شاء الله

كـــــــــــــــــلام ماعليه غـــــــــــبار