تعبت نفسيا من بنتي.......

[jawa]

السلام عليكم ورحمة الله وبركاته

أنا مشكلتي في بنتي ...

مشكلتها الطيبه الزايده مسااااااااااالمه حيل وتحب كل الاطفال

وتبكي اذا اي احد قالها انا ما احبك

وتبي الكل يحبها ولا يزعل عليها

هذا كله عادي عندي

لكن انها تنطق ولا تقدر ترد على اللي يطقها يعني جبااااااانه حيل

وحساااااااااسه واذا خافت تقعد تبكي من بطنها

حتى اخوها الصغير يطقها وانا امسكه اقولها طقيه ولا تقدر

تكسر خاطري حيييييييييييييل

شسوي فيها..؟

ابي اعرف شلون اخلي شخصيتها قويه..

عمرها3 سنين

اخوها طايح فيها طق واهي ساكته

والاطفال عارفين نقطة ضعفها يعني يمشونها على كيفهم واذا مارضت قالوا ترى نزعل عليك

وتقعد تبكي وتلبي طلباتهم

بموت قهر منها

اللي عندها خبره في هذي الحاله تنصحني وتعلمني شسوي معاها

وجزاكم الله خير

 

[sandrila]

اختى العزيزة انت محتاجة لخبيرة اطفال وانصحك ان لا تاخد المشورة من اى شخص غير مختص حاولى تطالعين الكتب الخاصة بالاطفال او تبحثين فى غوغل عن المواضيع المناسبة اوتقومين باستشارة متخصص وايضا هناك من يقومون بلاستشارات مباشرة على التلفاز ابحثى وسوف تجدى.

 

[جـود]

والله كأنك تتكلمين عن بنتي

 

[أم حمد]

أنا بعد من راي ساندريلا لازم تشاورين أهل الخبرة والمعرفة لأنها بعدها صغيرة وإن شاءالله الله يحفظها ويخليها لج يارب...

 

[jawa]

مشكورين على الرد

بس والله تعبت من كثر ما احاتيها

ابيها تعيش مثل اي طفل وماتكون حساسه زياده عن اللزوم

 

[غرشوب رعبوب]

سبحان الله والله العظيم اني توني بكتب مشكلتي مع بنتي !!! واللي اغرب ان بنتك نفس بنتي بالضبببببببببببببببببببببببببط بس الفرق ان بنتي كبيره عمرها تسع سنين ولين اللحين اعاني معاها

مادري اختي يمكن اسلوبي معاها كان غلط من البدايه يعني الله يسامح اللي كان السبب كنت اتعرض لضغوطات ونفسيتي زفت وحملت عليها وانا توني مخلصه الاربعين وتعبانه وكله بالمستشفى فكنت بحاله مايعلم فيها غير رب العالمين وصراع مع اهل زوجي مرير والضحيه بنتي كانو يبغون ينسونها اني امها ويعطونها فكره مب حلوه عني اني قاسيه وبضربها ويخوفونها مني وللاسف سويت اللي يبونه وكنت اضربها يوم اشوفها تنفر مني وتخاف واي شي تسويه اعاقبها عقاب قاسي عليه ماحسيت انها شبعت حنان مني وحب

والله يا اختي حاسه فيج اللحين هي اغلى واهدى عيالي وطيييييييييييييييييييييييييييييييييبه وحنونه لاخر درجه والكل يحبها ويموت فيها وانا نفسي اعوضها بس ماعرف كيف

 

[jawa]

انا اتعامل مع بنتي بكل حنان

ولا افرق بينها وبين اخوها بالعكس اذا اخوها ضايقها

مسكته وطقيته وتقعد تبكي ليش تطقينه حرام صغير

مشكلتها ماتدافع عن نفسها ابدا وتحب كل الاطفال اللي من سنها


وحنووووووووووووووونه بشكل مو طبيعي

مادري شسوي معاها اذا دخلت الروضه والمدرسه

لانها خوااافه وجبانه حيل

 

[ملكة قلبة]

والله يا اختي كل عيالي كذا واذ اا كبروا تغيروا احد بقى على حاله واحد صار ميبغى احد يقربه

 

[الجوووري4]

من رأيي لا تاخذين الراي الا من أهل الراي واللي عندهم خبره في هالشي ,,,
هالحاله حساسه جدا وتريد علاج صح والا مافي فايده من العلاج .....
الله يعينج

 

[غصن البان]

ما بيدي شي والله :dunno:

الله يعينج اختي ,...بس لا تهملين الوضع واستشيري اخصائي نفسي خاص بالاطفال ...


قلبي معاج :icon26:

 

[jawa]

اشكركم على المرور

ابوها مو راضي يقتنع بالطبيب النفسي

يقول عادي اتركيها وراح تتغير

الله يكون في عوني

 

[اتمنى انحب]

يحليلها

 

[{عشق الخيول}]

ننتظر راي اهل الراي ....

وبعدين اكتبولنا شصار ...

 

[Miare_uae]

فديتها حبيبتي بنك رقيقة جدا وحساسة ... يا رب يخليها لك

حبيبتي لا تودين البنت الصغيرة عند دكاترة نفسانين .. والله بعدها صغروووونة وانتي تقدرين تغيرينها بنفسك

بس اتني روحي لاخصائية وسأليها شو اسوي وخذي برأيها وطبقي على بنتك

انا عندي بنتين والحمد لله شخصيتهن قوية ... الطفل ياخذ من طبع اهله

لو هي تخاف علميها تكون شجاعة وعندي لك فكرة حلوة انا اتبعها من بناتي

لو تحبين تغرسين اي طبع في عيالك .... استخدمي الصفة المهمة لي فيهم لي هي الخيال الواسع
وخصوصا في هالعمر ... الطفل يتخيل ابسط شي تقولينه ويصدقه ...

سوي لهم لعبة مسرحية وتكون فيها هي الملكة لي تصدر الاوامر ولازم اخوانها هم لي يتبون اوامرها يعني مثلا يكونين جنود ...

وخلى الحوار انها قوية وشجاعة وعندي سلاح تقاتل فيه العدو .. والجنود يسمعون كلامها ولي ما يسمع كلامها تعاقبه بالسجن .... وخلي اخوانها يقولون تعيش الملكة هههههههههه اندمجت في المسرحية

المهم ... استخدمي القصص قبل النوم وقولي لي كان في بنت صغيرة ( واسمها على اسم بنتك ) وانها راحت الغابة وقضت على الشريرة .......... الخ

ممكن تشركين بنتك في الانشطة الرياضة السباحة والكاراتيه لان الرياضة ترفع المعنويات وتزيد الثقة بالنفس

ترى الطيبة والحساسية والرقة شي حلو ... ولازن بنتك تعرف انه شي حلو مب تنتقدينها وتقول جدامها انها ضعيفة او خوافة ... بالعكس وقت ما تصيح قولي لها انت رقيقة وحلوة مثل سنو وايت كانت تصيح لما حد يضربها ... لكنها لما كبرت صارت قوية ومحد ضربها .. انتي متي يتصيرين كبيرة ... يالله قولي للي ضربك انا قوية وانت ما تقدر تضربني


طبعا لازم تمنعين اخوانها وغيره من استغلال هالشي ... اصلا الضرب لازم يكون شي ممنوع

استخدمي سياسة ( كرسي الاشقياء ) نوتي جير على قولة بناتي ... حطي في البيت كرسي في مكان معين وعلمي كل الاطفال ان هالكرسي حق الياهل لي يضرب ... وخليه للي يضرب بس .. مب كل عقاب يكون له نفس المصير .... اي حد يضربها حطيه على الكرسي وقولي له عقابكم تيلس على كرسي الشياطين لمدة 4 دقايق ( دقيقة لكل سنة من عمر الطفل ) .... وببعد ما تمر الدقايق اطلبي منه يعتذر من الشخص لي انضرب


طبعا الضرب بين الاخوان شي عادي لا تحاتين او ينشغل بالك .... انا بناتي مثل الشرايك .. دايما بينهم عض وشد شعر . .... ههههههههههههههههه

 

[some1]

حياتي ،،
خلليها ،،،
هذا وضع طبيعي ،،
صدقوني انه البنات يتغيرون ،،،

 

[jawa]

والله كلامج مثل العسل يا أخت miare uae

ومقنع حيييييييييل

بنتي عندها الخيال الواسع

وأنا مره قلتلها لاتصيرين خوافه وانصدمت من ردة فعلها

قعدت تبكي حيييييييييل تقول لاتقولين خوافه انا قويه

بعد عمري بنتي

من بعدها ماقلتها خوافه

كله اقولها انتي قويه وشاطره

اهي مؤدبه وحنونه ومطييييييعه وحساسه بسم الله عليها

بس شخصيتها الضعيفه حيل والخوف والحساسيه الزايده هي اللي مضايقتني فيها

لكن راح اتبع تعليماتج وان شاء الله تتغير

وأشكر كل اللي ردوا علي

وجزاكم الله الف خير

 

[همس بلقيس]

استشيري اخصائية اطفال اكيد بتفيدج

 

[زيتونه]

حااااااول تسالين دكتورة يمكن يكون عندها الحل او تسالين امج مثلا

 

[مايا]

تكبر وتتغيرلاتشيلي هم بتصير لك كذا :showoff:

 

[some1]

طولي بالك حبيبتي ،،
حاولي تستشيري طبيبة اطفال نفسية
بتساعدك في ايجاد حل لبنتك