تعبت من زوجي الظالم

[صمود بنوتة]

أهلين حبايبي انا اليوم جايبه لكم مشكلتي واتمنى أحد يأخذ بخاطري وهي انه زوجي النذل متزوج من فتره ودايم على مشاكل معا زوجته وهي من جنسيه ثانيه ومعا كذا يحبها ويفضلها علي وانا اللي متعبني اني مش مقصره معاه ولافي شي والله العظيم انه كل شي يبيه اسويه له وهو مبسوط مني ومجردماترضاء عليه نساني انا وعيالي لا اتصال ولا شي المشكله انا قلتها بختصار مااقدر اطول اكثر ابي مشورتكم شسوي تعبت احس انه ظالمنى وابي الطلاق بس مش قادره وانا عندي أطفال لا وتخيلو مجرد مايجي يبيني زي الحيوانه اوسع سدره ومااحسبه ولا عن شي تكفون ردو على والله من الحره مش عارفه اكتب

 

[صمود بنوتة]

الله يخليكم ردو بسرعه على لانه بعد فتره بيرجع شنهو اقول له ابيه يتادب تعبت معاه

 

[مصاصه بالفراوله]

لا تزعلي اصبري كثير كانو مثلك و صبرو و في الاخر يبين معدن التانيه لان مافي زي بنت البلد

و هو رح يشوف الفرق لاكن لا تسوي زي اللي تقول خلاص استسلم و اخرج ممن حياته لا هادي معركتك لانه ابو اطفالك و انتي اولى به منها
اصمدي و ابقي لاته ممكن يكون اسلوب تطفيش لكن انتي للي لك الحق

 

[أم أسـيـل]

الصبر ياحبيبتي مفتاح الفرج

 

[تااامي]

الله المستعاان00غاليتي الصبر ثم الصبر00وبشر الصاابرين

عليك بالاستغفاار وقياام الليل والدعااء لزوجك 00تقربي من الله وسوف تشعرين

بالرااحه النفسيه 00ولا تجعلي زوجك محورر تفكرك اشغلي نفسك بأشيااء تفيدك دنياا ودين

والله يسخره لدينه ولك ويحنن قلبه عليك ان شاء الله

دمتي بمحبه وود عزيزتي

 

[صمود بنوتة]

مشكورين ياعمري على الردود اللي تجبر الخاطر بس والله تعبت من كثر ماانا امشي واعدي له تدرون شنهي مشكلته انه يخاف منها حتى الاتصال اذا اتصلت يرد على بنفس شينه عكس اذ اهي اتصلت والله انها تدري انه مايحبني ويخاف منها وهي مبسوطه من ها الشي والله اني صرت اخاف ادق عليه حتى لو احتاج ماادق لانه يكلمني بصراخ وتنرفز يعني شوفيني مااحبها عشان اهي تنبسط والله احس بحرقه في قلبي

 

[صفاء القلووب]

حبيبتي الله ييسر امرك ايش رايك اذا انت بتفكري بطلاق اعتبري نفسك مطلقه يعني لاتسالي عنه ولا تعاتبيه ولاتطالبيه كانك مطلقه وطنشيه
والله غيرفتره صغيره ويلحق وراكي بس اسمعي غيري شوي من شكلك ولاتحسيسينه انك منتظرته اعطيه الخامس ولاتنسي قيام الليل ولالستغفار

 

[نورة النورة]

يارب فرج هم اختى ورد لها زوجها ردا جميلا​

 

[الكزس الخفجي]

اهلين

الله معك ويفرج كربتك الصبر والله مع الصابرين

 

[صمود بنوتة]

مشكورين ياقلبي