تعبت من تصرفات زوجي افكر بالطلاق

[اسوميي]

م لكم بالطويلة احاول اختصر الموضوع لكم
زوجي ي بنات مرا معقد عكس اخوانه تماما هو اكبر واحد عمره 29 انا 6 سنوات نفس الحال وكل سنه اخس من الي بعدها
المشكلة بالنسبه اقولكم موقف وأنتم احكمو
لمن نطلع ليش يشوف وش لابسه انا عريان ممنوع وبنطلون ضيق لا ليه طيب العباية هو ينقيها لي اوكي يأخذ وحده اطول مني واوسع مني النقاب اسلامي اوكي رضيت بس لازم ترمي الطرحه كمان ع عيونك م اشوف شي وثلاث طبقات فوق وجهي اوكي ابي نقاب العادي الي الكل يلبسونه يقول ملفت النقاب حتى يدي لازم ارخيها وسب وينك الين اكره الطلعه يعني جر بالسوق م اشوف زين
لمن امشي يطالع باين مني شي ولا لا لدرجه فتحته العباية الي تجيك في الأسفل بنطلونك باين تحت تحت مرا مرا طيب اربط العباية يعني صرت كل طلعاتنا بس مخاصمه هذا مرض تتدرون ليش
لأنو لمن نروح مكان كوفي مفتوح خليطي يخليني اكشف بحكم خلاص تمشيه اشربي تنوسي شوي لمن ارجع البيت أقولك ليه تخليني اكشف خليك دايما ع شي واحد يقول حرام تونسي شوي عشانك بس خليني ثاني مرا أبشري ن تخليك تكشفي
مادري تعبت منه صرت م اطلع برى اقعد بالبيت احسن حتى لمن اروح لاهلي يخلف م يسامحنا لو طلعت من غير امي مع أمك وبس والله اطلع و ماقوله الله يسامحني
الدين يسر مو عسر
مثلا وقفنا نشتري قهوه وانا كنت لافه ظهري يقول ليش لافه تبين تورين الهندي جسمك انا من الصدمة ضليت ساكته عجزت
لدرجه كلمت أمه وتفاهمت معه بقول ايوا ايوا ويمشينا
تفاهمت معه برضو انا يقول انا أغار عليك الحين الي يغار ع حرمته يطلع مريض
ماغنو جوالي مفتوح م اطلع مع احد و لا عمره مسك عليا شي عشان يشك فيني
وهو حضرتًو لمن نروح مكان عام عيونه يمين ويسار ع البنات لمن اساله يقول انا رجال م يعيبني غير جيبي
احس مافي الا الدعاء بغيره بس عجزت معه يعني أعمارنا لسه 29 كلمت لو كبر وش يسوي

 

[راجيه الرضا]

اختي لو الأمر يتوقف علي هذه الأمور فقط اصبري.نعم لا يحقق له اتهامك بالباطل لا يحق له بأي حال حال لكن ممكن تكون كلمه طلعت منه من فرط غيرته.لكن لابد ولها من وقفه انك لا تقبلين اتهاما كهذا وتنبهيه انك زعلتي من الكلمه لأنك لا ترين غيره.ولكن لا لدرجه الشجار.اما عن غيرته فشيء جميل فلتحمدي الله عليه غيرك يفتقدنه.ولكن ما تعجبت له كيف جعلك تكشفين في مكان مختلط ...ام انني فهمت خطا والمكان رغم اختلاطها له ستار مغلق

 

[سين على الهواء]

والله اني داخله المنتدى بفضفض من جديد عن شك وتشدد امي معي والقى موضوعك اللي يشاااابه حياتي بس مع امي واحيانا ابوي.. تخيلي امي ثقتها فيني صفر لدرجة انها تلاحقني كل مااقرب لباب الشارع تخاف افتح الباب ، ولما اجي اقول لها مثلا بتجي فلانه تاخذ مني غرض معين ماتتطمن تحس اني اكذب وتتكدر وتبدا تلاحقني بعيونها او برجولها وآخر موقف صار لي قريب مره كانت صديقتي بتاخذ مني غرض وقلت لها انه كذا كذا واني بحط الغرض بالباب واسكر الباب عشان يجي زوجها وياخذه ( لاحظي اني جالسة اتحفظ كثر مااقدر عشان امي لدرجة اني احط الاغراض من قبل مايجي الشخص وحتى اذا عندي طلبية اخلي المندوب يحطها ويمشي واجلس عشر دقايق بعدين اخدها ومع هذا ماسلمت من شكها) الزبدة حطيت الاغراض وسكرت باب الشارع ورجعت الا اسمعها تكلم نفسها وهي مستعجلة بالشغل تقول: بسرعة بسرعة اروح اشوف الحين تفتح الباب للسواق او تطل عليه مع الباب ، بروح اشوف وارجع عشان ماتحس << كل هذا تكلم نفسها وماتدري اني موجودة واسمع


انا منحشره وهي امي وابوي فما بالك الزوج لذلك اقول الله يعينك على ماابتلاك زوجة اخوي تشتكي مثلك بسبب تشدد اخوي اللي هو يشبه لتصرفات زوجك بس مايطلبها تكشف مستحيل يعني مافيه تناقض لا متشدد على طول وطبعا اخوي تربية امي هي اللي نشأته على التشدد والتزمت لدرجة انه وهو مسافر مايخليهم ينامون عند امهم ويتصل عليهم يوميا يخاف يطلعون لشي والنت ممنوع يفتح وهو موجود بالبيت والسناب ممنوع يصورون فيه حياتهم وووووو الخ

كذلك وحده من خواتي زوجها شاب صغير عااااادي مو متدين واهله مثله لكن اختي ملتزمه ومع هذا من اول ماتزوجت وهو مشدد عليها بالعبايه مع ان عبايتها راس وقفاز ونقاب مسكر بس تخيلي اذا مشت وفيه مويه بالشارع ورفعت عبايتها يهوشها يقول لاترصين عبايتك على جسمك! مع ان خواته عبايات مزركشه ونقاب لنص الخد .. النوعية هذي تنرفزني الله لايبلاني فيها وعلى قولتك الدين اسهل واكثر مرونة من كذا
صحيح اني مااحب اطلع ببنطلون تحت العباية مع ان عبايتي راس برضو ومقتنعة فيها وكذلك البنطلون عندنا ممنوع وانا مقتنعة بالمنع ولكن البسه بغرفتي وآخذ راحتي فكل شي بغرفتي لكن مع هذا ماسلمت من الشك من التشديد و من الوسواس تخيلي ياويلي ويلاه لو البس ملابس كمها فوق المرفق تخييييلي << انا سردت لك هالمواقف من باب من شاف مصيبة غيره هانت عليه مصيبته


الله يكون في عونك كثري من الدعوات في جوف الليل ان الله يسخره لك ويليّن طبعه ويخفف غيرته عليك

 

[mhaanwar]

اولا أعانك الله اختي علي هذا الزوج أنصحك ان الا تفكري في الطلاق ولا تذكريه امامه اطلاقا ادعي الله ان يسخره لكي وحاولي ان تتكلمي معه بالين صدقيني هذا حال أغلب الرجال ومنهم زوجي لو جلست معه بالسيارة لازم ما أطالع علي الطريق وعيوني اكونو تحت في السيارة وحتي في الطريق احس ظهري تقوس من النظر الي الارض تصدقي انه يغير علي من اخوانه تحلي بالصبر والدعاء فقط سمعت بي قصه المراه التي طلبت من امام المسجد ان يطلقها من زوجها ولا تريد الرجوع إليه فاشترط عليها ان تطبخ له اكل ولكن كل الاغراض تطلبها من نساء الحي لا تأخذ شي من بيتها وعندما تطرق باب لتسال عن غرض توضح سبب طلبها والنساء يحكين لها معاناتهن مع ازواجهن فعرفت المراه ان كل بيت له أسرار وليس كل النساء عايشات في سعادة فطبخت الاكل وقالت له هذا الطعام ولكن لا أريد الطلاق من زوجي دي عبره لينا نحن نصبر علي ما ابتلانا الله به وان شاء الله يجزينا الجنة أمكن كترت كلامي اسفه والله بس حبيت اوضح ليك كلنا او اغلبنا تعاني من تعقد او غيرة ازواجنا