تعبت من الاعتذار .....ايش الحل؟؟

[س من النساء]

تعبت من الاعتذار لزوجي للأسف صار له فترة يوم يصحى مبسوط ويوم البوز شبرين
في البداية كنت أعتذر والأسبوع هذا صار عندي زي التبلد واللامبالاة وفي الأخير يرضى من نفسه والحين سافر وهو زعلان ولا فكرت أعتذر له سبب الزعل هو ...العلاقة الخاصة بيننا (؟)
اذا جاء وقت النوم أتقرب منه وأداعبه لكنه يقاوم ويمنعني وأحاول وأحاول وفي الأخير ينام أو يسوي نفسه نايم الله أعلم
وبعد ما أنام ألقاه لاصق في يبغى(؟) وأنا اذا نمت ما أحب أحد يضايقني لأني أنام بصعوبة ولا إرادي أبعد عنه والله أني ما أدري عن نفسي (على فكرة أنا ما كنت كذا بس ما أدري ايش صار لي)
ولما نصحى الصبح أكون أنا اللي زعلانة لكن ألقاه هو اللي زعل ويطلع للدوام وهو زعلان اذا رجع من الدوام واتغدى أحاول معاه عشان أعوضه لكن يمنعني ويقول "اتركيني في الليل لما أكون أبغى تسوي فيها ثقل"؟؟؟ ونجلس ناخذ ونعطي في الكلام وكل واحد يتهم ثاني وفي الأخير أسوي اللي هو يبغاه بدون نفس
وأمثل أني مبسوطة.
بعض المعلومات عن زوجي
طيب وحنون ،يحب بقوة ،اذا أحب انسان يتفانى في اسعاده وهو يحبني جدا جدا لدرجة أنه أحيانا يقول لو لا سمح الله صار فيك شي أموت ما أقدر أعيش بدونك
جاد جدا ومخلص في عمله ،يخاف الله كثيرا
آسفة على الاطالة وكلامي غير مرتب ولكني أكتب وأنا أحس أني راح أنفجر وأكتب اللي يجي في بالي على طول​

ساعدني أبغى حل​

 

[ضمة شوق]

حبيبتي زوجك جنوبي فيه موضوع عن الزوج الجنوبي اقريه راح يفيدك
للا امراه لاتنسى والله يوفقك

 

[وداعة]

حبيبتي زوجك جنوبي ولايحب المبادرة في الجنس يحب تتمنعي عليه بدلع مو برفض .... ومايحب قمصان النوم الفاضحة لانه تعني له المبادرة بالجنس من ناحيتك ... يحب الالبسة الطفولية اللي فيها براءة .... جربي وبتشوفين النتيجة