تعبت منها والله

[al_ghala88]

السلام عليكم والرحمه .....


كيفكم خواتى انا اول مره اشارك فى هالمنتدى


بقول لكم شى اتعبتنى والله هالدورهـ



تخيلو شهر تجي وشهر لا وشهرين احياناا تجلس ماتجي


ولما تجي يالله اتعب والله منها


مابقي شى مااستعمالاته


كمون مااحبه اسفرغ منه


قالوا لى اشربي زنجبيل شربت ومانفع وقالوا قرفه مانفع


تعبت والله لما تجينى قسم بالله احس انى اتهوور مااعااد اصبر على شى


اخر شى صرت استعمل الدخون ادخن بالبصل والكمون والمره


واكل حبوب (( بونست )) بس والله ماادرى هل يضر الدخون والحبوب


والله تعبت ويمكن الحبوب اهى اللى تاخرها

ماادرى وش اسوى


رحت مره المستشفى سوت اشعه قالت الحمدالله يارب سليمه قالت باقي تحليل هرمون وبما انه غالي


تركته وطنشته



ومره من المرات رحت اسوى اشعه عورنى جنبي

وهى تسوى الاشعه استغربت اسالتنى النيرس قالت اتنى ليه مافي دوره

انتى بنت

ماادرى وش شافت بالاشعه تدرى من خلال الاشعه انها ماجتنى

والله تعبت وخفت وش سالفه وخفت بعدين لماااتزوج مايجيني عيال


وش الحل بنات ماادرى هو من العاده السريه كنت اسويها قبل وتركتها الحمدالله

جاوبني وش سر هالدوره ؟؟؟؟


اليوم لما صحيت من نوم لقيت نقط كذا بنيه هاذي هي .. والا اليش بالعاده ماتكون كذا حمرا بس اليوم بنيه وهل يصح لى الصلاه والصووم والله انى خايفه مع العلم عمري 23

وسالت امي تقول ماادرى

جاوبني لو سمحتو

 

[عذرادنيتي]

ياهلا فيك اختي واو يشرفني اكون اول رد بالنسبه لانها تجيكي ملخبطه يعني تتاخر وتجي قبل موعدها هذي بسبب الهرمونات وجربي اشربي بردقوش خذيه من العطار وفوريه في مويه واشربيه خذيه من العطار وصفه سمعتها من دكتور مفيده جدا انا مجربتها ان شاءالله تفيدك وبالنسبه للبقه البنيه ان تنزل علي بعد ما اخلص يعني دليل على الطهاره يعني ان شاءالله اكون افدتك اختي

 

[أع ـشـق ع ـيونك]

أن شاءالله ماعلى قلبك الآ العآآآفيه
اشربي يانسون وبابونج يعني قبل لاتجيك الدورهـ وبعد اشربيها لما تجيك
والقرفه بعد مرررررررررهـ كويسه
يمكن عندك خلل بلهرمون عشان كذا متلخبطه عليك
الله يكون بعونكـ.

 

[~أماسي~]

حبيبتي الطبيعي الدورة تجي كل شهر مو شهر تجي وشهر لا ..

وأتوقع أن السبب لخبطة في الهرمونات والافضل أنك تروحين للدكتوره

وتعطيك العلاج المناسب ،،لكن أغلب الدكتورات ينصحون اللي فيهم لخبطه بالهرمونات

البنات أنهم يصبرون لاانها تتعدل بعد الزواج ..واستشارتك اعتقد أنها استشاره طبيه بحته

..بالتوفيق يارب *****

 

[مهره مالها خيال]

تبغين نصيحتي
لتأخر الدوره لازم تسوي تحليل الهرمونات وسويها بمستشفى حكومي وهي تطول تأخذ أقل شيء اسبوعين الى تطلع النتيجه
وبالنسبه لآلآمها روحها لممرخه تمرخك والله تخف الآلآم كثير ولا يقولوا لك بنت ما تنفع تمرخ انا بنت وتمرخت وماجاني الا العافيه الحمدلله

 

[al_ghala88]

اشكرك كل من رد على وطمني ...


بس وش البقعه البنيه تنزل على الحين ماادرى وش هي دوره والا ايش مع انا بطني يعورني


ومااادرى اصلي او لا وش اسوى يابنات

 

[صمت الحنينـ]

واضح ان عندك اضطرابات بالهرمونات
لازم تتعالجي

 

[اميرة الكـــل]

البقعـــــــــــــه البنيه
هاذي بداية الدوره انا يصير معاي كيذا
اول مااشوف هالبقعه اشرب قرفه علشان تنزل من غير ألم
وأول يوم أشرب حلبه علشان تسهل نزولها
واليوم اللي بعده استخدم خلطه علشان تنظف الرحم
يعني اعشاب ونباتات انا اسويها
واخر الايام اخذ تمر مع ثفه او البعض يسميه رشاد مع حبه سوداء
ومرتاحه على هاألاشياء وتنزل طبيعي ومن غير ألم
هاذا نظامي لو تبغين اقولك وش مكونات الخلطه
قولي لي....

 

[al_ghala88]

ياليت ياعسل تقولينها اكون شاكره لك ونستفيد منها والله


يعنى الحين مااصلي صح ولاااصوم

 

[لحظه ممكنه]

آختي آذآ كنتي سمينه ترى آلسمنه تجيب لخبطه في كل شي بآلجسم

ولو ترآجعي دكتوره نسآء يكون آفض بآذن آلله
آتمنى لك آلصحه​

 

[اميرة الكـــل]

الخلطـــــــــــــــــــــــــه كالأتــــــــــــــي....

كوب حلب مطحون>>>>اذا ماتبغين ريحه تقدرين تحطين ملعقه او ملعقتين وماراح تطلع ريحه..
كوب ماش الأخضر مطحون>>>الماش يقوي الرحم
فنجان حبه حلوه اللي هي الشمر>>>مطحونه
فنجان فلفل اسود>>>مطحون
نصف كوب حبه سوداء حبة البركه اقصــــد>>>>تطهر الرحم وتنضفه وتنزل الدم الفاسد
تخلطينها كلها مع بعض وتاكليـــــــــــــــن
ملعقتين كبار مع كاس حليب دافي اول ماتصحين من النـــــــــــــوم يعني على الريق
الثلاث ايام الاولــــــــــــــــــــى

اما الأربع ايام الأخيره او الثلاث ايام الأخيره
تحطين تمر بدون نوى مع ملعقه سمن دافي
وتعجنينهم مع بعض وبعدين تسوين كور
وتخلطين التمر مع الرشااااد
يعني 7 تمرات مع رشاد مايكون مطحون
و7 تمرات مع حبه سوداء ماتكون مطحونه
وتاكلينهم فاليوم الواحد مع قهوه او حليب عاد كيفك
لحد ماتخلص الدوره...

ملاحضه..
بيطلع معاك كتل دم متجمد لأن الخلطه تنضف الرحم
لاتخافين عادي وترا الخلطه تناسب المتزوجه واللي مو متزوجه...


واهم شي وقت الدوره ماتتعرضين لتكييف بارد
ولا تتسبحين اول الايام لأن الرحم يكون مفتوح وراح يسبب لك اشياء
انتي في غناء عنها
ولاتشربين بارد
وعادي استحملي كلها 7 او6 او 5 ايام بالشهر يعني تحملي ماراح يضرك شي
بالعكس بتنتفعين...

ابي منك دعوه حلوه ان الله يرزقني اللي فبالي....

وأي استفسار انا حاضـــــــــــــره...

 

[ضحكة عيونهم]

الله يعينك وسوي نفس ماقالو لك البنآت ..

اميرة الكل
ماقصرتي مشكوره جعلك العافيه
الله يفتحها عليك ويحقق لك اللي فبالك يارب

 

[أنثى تعشق المطر]

هلآ ياقـلبي ...

لاتوسوسين
طبيعي تتخلبط عندك الدوورة طآلمآ فيه لخبطة بالهرمونآت ...
وبمآ إني مجربه هالشي رآح انصحك فيه مثل ماسويته ..
حآولي كل يوم تشربي مغلي البردقووش جدى ممتآز ..
ركزي بأكلك وشوفي وش نوعيته أكيد لها دور كبير ..
حآولي يكون أكلك صحي شوي وابتعدي عن الموآلح والحوآمض بالذات لا قرب موعد الدوورة ..
استشيري الدكتورة بحبوب زهرة الربيع النسائية جدآ ممتآزة ..

لاتشيلين هم المستقبل ولا تشيلين هم شي

وتأكدي ان النفسيه بعد لها دوور بلخبطة هالامورر ..!!

انثى تعشق المطر.!​

 

[al_ghala88]

اشكركم بنات ماقصرتو والله

بالاخص اميره الله يعطيك اللى فبالك

ويوفق الكل يارب تحياتى

 

[موسوسه]

والله انا اذا جتني معد اقدر اكل بس استفرغ واي شي اشربه قرفه او يانسون اوقشر استفرغ
ودايم احط فكس برجولي وبطني والله الحمدالله يخف الالم جربي الفكس وان شاء الله ينفعك وادعيلي

 

[نوني*]

يعنى الحين مااصلي صح ولاااصوم

لآ ياحبيتي ..

تصلين وتصومين .. لين ما ينزل الدم > البقعة البنية هي الكدرة والصفرة.. فاذا أتت قبل الحيض فالأصل هو الطهارة لذلك تصلين وتصومين ... أما بعد ما ينتهي الحيض فلها حكم آخر =)

أنا مستفتية :22:

 

[القلب الحاني]

ازا الدورة شهر تجيك وشهر ماتجيك اكيد عندك زيادة في هرمون الحليب هوه اللي ينظم الدورة

خدي منظم الدورة اعرف وحدة كدا نفس وقالوا لها زيادة هرمون الحليب

والله يشفيك