تعبت مع عصبته زوجي و مزاجيته مفشلني حتى من اهلي

أ

أحساسي روايه

New member
إنضم
2013/01/17
المشاركات
52
السلام عليكم
تعبت من عصبية زوجي لدرجه فشلني من اهلي
من اهله مارح اطول باكتب لكم اخر مشكله صارت معه


قبل اسبوع ولدت وتعبت حيل ف ولادتي عشان ولدت نهايه الثامن وشرب ولدي من مويه وتعب شوي تو طلعوه من عنايه ومعه هالفتره ف المستشفي


بس ولدت جلست معي امي واليوم ثاني طلعت
قبل ما اطلع كلمني زوجي قال مافي تروحين لاهلك نفاسك ف بيتك
واهلي مارح يقصرون قلت طيب
واهله بالعاده ماقد قصروا بس عند اهلي اكون مرتاحه اكثر


بس جاي يطلعني الظهر قال دام الولد ماطلعوه اجلسي عند اهلك "عشان اهلي قربين من مستشفي مو زي بعيده ساعه ونص واوصل لمستشفي "
وانا مستغربه منه هاذي اللي توه موصيني ارجع بيتي
قال خلاص قلت متأكد قال ايه
وجاي اخوي وخذاني انا وامي و حاول فيه يتغدي والا يتعشي معنا
ورفض
طلعت لاهلي وكانت بنتي عندهم من ولدت
وابوي قال دام زوجك مو فاضي باسوي لك عشي واعزم اعمامك
والعصر دق زوجي قال روحي مستشفي ترضعين ولد قلت طيب
طلع اخواني مشغولين واحد راح يجهز للعشي وثاني مداوم
قلت نص ساعه وباروح اخواني مشغولين
المهم عصب وقال تجهزي وبا اخذك من وباوديك بنفسي وخلاص مارح تجلسين عند اهلك
وخذ البنت معك قلت وعشي وسكت مارد
وجاي وخذاني ورحت لولدي ورجعنا بيتنا
وزعل ابوي واخواني قالوا الحين العشي لمين وعصب عشان تاخرنا نص ساعه
وف سياره حاول يراضيني وقلت اللي زعلني اهلي يسون عشي لي وما اجلس
قال كله منهم وتعرفيني اذا عصبت كان ذالحين عندهم وسكت
وشوي صار زي الملاك جاب كل شي ويساعدني
وجاب هديه وكان طقم ذهب
بس الحين ابوي ماقال شي بس اخواني زعلوا
قالوا ليش زوجكً ماعنده كلمه




هالموقف مو اول مره يصير كذا فجأه شي تافه يصير ويعصب منه ويخرب كل شي ويغلط ع وعالكل
انا عادي باصبر بس مفشلني مع اهلي و اهله يغير رايه ويعصب ويغلط ع اي حد بس يهدى يرجع عادي كأن ماصار شي




بنات حد زي كذا وكيف اتعامل معه وربي تعبت
اذا سكت تمادي واذا تكلمت تكبر سالفه
 
السلام عليكم....انا اشتركة في منتدى نسوه عشان بس احصل حل لها لمشكله وهي نفس مشكلتج عصبيت زوجي وإحراجه لي قدام أهلي وأهله،صدد دق مليت،عاد انا مستحيل يعتذر بشكل مباشر ،،،، وطفح الكيل من تكبر الشمالي شرقي!!!؟؟؟؟ اللي عندها حل تسدحه هني الله لايهينكم
 
بصراحه ما في حل
انا صار لي موقف مع زوجي امس رحت اجتماع للامهات في روضة ولدي وزوجي قال لي متى ما خلصتي اتصلي فحطيت جوالي ع الصامت وتفاجأت بعد ما خلص الاجتماع ب11 مكالمه اتصلت عليه وصار يصارخ لدرجه ما فهمت شي من كلامه وكان المفروض أروح لفصل ولدي اسأل معلمته عنه بس بسبب صراخ زوجي خفت كثييير ودخلت الفصل وكانت معلمته بتكلمني بس ما قدرت اكلمها اخذت ولدي ومشيت ومو اول مره يصارخ فيها انا تعودت على عصبيته في الشقه بس صعبه يصارخ وانا بمكان عام انصدمت فيه حيييل انا بصراحه قلبي تعب من تصرفاته تبلدت مشاعري تجاهه وكلمته بالليل قلت له ليه تعصب كذا قال انتي السبب ليه ما انتبهتي للجوال ومع كذا حاول يتكلم معاي بس انا طنشته لاني من الاساس ما اناقشه اذا عصب حتى لو هدأ بعدين مستحيل اناقشه لان الشمالي الشرقي طبعه ما راح يغيره وهو يقول لي انتي تعرفيني لعصبت اقول كلام ما اقصده انا الي مصبرني عليه شي واحد أمي واطفالي لاني ما اشتكي لاحد ابدا عن مشاكلي مع زوجي حتى امي فما ابقى اكدرها ولا ابقى اطفالي يتربون مشتتين بين الام والاب
 
السلام عليكم

العصبية مثل اي عيب في الشخصية

لذا يتوجب منك دراسة الأشياء التي تزعجه فتبتعدي عنها

و ان تبتعدي عنه عندما تصيبه تلك الحالة

و تعاقبيه بالصمت بعد زوالها .

الانسان العصبي هو شخص تعرض لماضي اليم اضطر فيه الى الصمت امام التعسفات يا اما اللفضية او الجسدية

و عندما كبر يدفع الجميع ثمن صمته .
 
صحيح مو كل شمالي شرقي عصبي وينسى نفسه اذا عصب انا كثييير من اهلي شمالييين بس ما يرفعون صوتهم على زوجاتهم حتى اذا عصبوا ما يغلطون بالكلام
 
حالولي تساسي بالكلام ولاتتكلمين من يعصب هدي حالك مشان اطفالك تحياتي
 
الله يعيننا ويصبرنا بس
والله حتى ولادتي احس ما تعبت فيها الا منه ومشاكله
ارتفع ضغطي و نفسيتي تعبانه بس الله لا يحرمنا الاجر

انا بتحمل بس مشكله اهلي وش ذنبهم ؟؟!
انوثه ابتعد عن ايش وهو اسباب تافه تعصبه ومشكله حتى ما يتفاهم ولا يفكر وقتها

نهرين صعبه ابعد عن اهلي مره متعلقين بنتي و اروح لهم ويجوني

احس كم شهر ويجيني سكر والضغط من كثر ما اسكته غير الحين جابيه ولد وبنتي باقي عمرها سنه
 
بما ان اهلك عارفين اسلوبه قولي لهم ان لا يزعلون من تصرفاته ولا يدخلونك بالمشاكل الي اهو يتسبب فيها تركيهم يتفاهمون مع بعض ولا تتدخلين بينهم لانك تدفعين ثمن تصرفات زوجك وانتي مو سببها وهذا الشي راح يأثر على نفسيتك وانتي تكلمي معاه وقوليله ترضى زوج بنتك يعاملك مستقبلا بهالاسلوب
 
لا هو مو سبب تافه انتي بتشوفيه تافه لأن شخصيتك مختلفة عنه

اعطيك مثال

لو كنت منتبهة لشي وكلمني شخص معين مثلا اختي الكبيرة

اقولها نعم ؟؟ و انا افكر في شي ثاني

الا شوي و الاقي نفسي قاعدة اصرخ في وجهها

لأني استمع لكلامها وافكر في لي كنت منتهبة له اول ما كلمتني

فلما اشوف ليش عقلي مو قادر يفكر يرسلي اشارة انها هي السبب

فأصرخ بدون شعور ولو اني عطيتها اشارة اني قاعدة اسمع

ولكن كانت اشارة من الاشعور بس عشان اخلص منها ههه

وهذا شي سبب لي مشاكل معهم بس لما فهموني صارو لما يشوفوني منتبهة لشي ما يكلموني

مثلا لو انتي لي انصرخ عليك بتقولي وش ذنبي وليش اتحمل عصبيته

وكمان هو هيك مو قادر يتحكم

فادرسي الأشياء لي تعصبه عدل

وهو ما جاء واخدك من عند اهلك الا وفي سبب

ادرسي زوجك عدل

و الحين خلاص لي صار صار فلا تنكدي على نفسك "وش ذنب اهلي ...وش ذنبهم "
 
التعديل الأخير:
والله انا عانيت سنوااات وسنوات بسبب هذا التصرف يعصب ولا يحترم صغير او كبير بالاخر بلغت اهلي انه زوجي عصبي وامي اخذت فكره اما في البيت فصرخ مره علي بدون سبب وولده قله بابا انت عصبي؟ وهو يمووت في ولده وخلص بطل الله يديمه
 
انوثه ;
فهمت قصدك بس لو عصبيته ع كلام و صراخ تهون بس يخرب كل شي


يعني زي موقفي هالمره وش اسوي ما اقوله ان اخواني مشغولين والا وش اسوي
رحت قلت له وخرب كل شي
وترا مو اول مره يسويها
وكيف ابعده زي هالموقف ؟؟!
والله حتى مواضيع تافه و عاديه اتردد اقولها عشان يمكن يكبر سالفه ويعصب ويغلط ع


القمر الابيض :
زوجي متعلق ف اولاده بس بعد صغار مالهم سنه يمكن طريقة ولدك تفيد مع زوجي
 
ص

نفس مشكلتي انا اخر مرة عصب علي في المستشفى قدام الناس وفي السيارة اتخاصمنا وسارت مشكلة كبيييرة .. هذا طبعه وهذي عادته هو يعصب على اتفه شي وعلى كل شي وعلى لا شي ..والله حتى الخرجة والسفر يخربه بعصبيته اللي مالها داعي تتحاشين ايش ولا ايش
 
حتى لو صغار استغلي الفرصه قوليله قريت في النت انه الطفل يتأثر بصراخ الاب وممكن يصير عنده توحد بسم الله عليه او اذا كنت ترضعين نبهي انه تعصيبك بأثر على الطفل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل