تعبت مالقيت حل

[يوري:]

عندي مشكلة لها تقريبا سنتين مالقيت لها حل

اتمنى من الخوات يعطوني اراء حكيمة على اني بذلت جهدي لحلها ولم استطع راح اكتب لكم نبذة بسيطة عن المشكلة
من دخل نت بيتي ماشفت خير
اول انا ورجلي مابينا اسرار ايميلي وايميله واحدلكن صرت اشوف في ايميله صور دمار زعلت عليه حتى يلغي القروب المشترك فيه قام وراضني والغى كل شي وبلاخير اكتشفت له ايميل ثاني واختلفنا
الان المشكلة اكبر صار يدخل على مواقع ويسوي بنفسه وقلة الرغبة اتجاهي مايجامعني الا تأنيب الضمير فقط لانه يحاول ولكن يتعب تعود على ملامسة عضوه بيده

انا والله تعبت واندمرت نفسيتي احس انوثتي راحت اول البس قميص النوم واكشخ اما الان اشوفها ارميها بالزبالة

واجهته وقلت له انا مايعجبني وضعك وللأسف يقابل بالنكران
حاولت اجذبه كل يوم شكل واتحنن له عشان مايرجع لعادته لكن للأسف بمجرد مايحطني بيت اهلي يرجع يسويها
ووحاولت اجلس بالبيت كثير عشان مايفضى نت لكن انصدمت مسك يدي غصب علي وقال انا بوديك لبيت اهلك وبكرة ارجع اخذك
والله يابنات جرح كبير لاينسى وانا كنت حامل باول بيبي لي المفروض يحرص على نفسيتي ولكن....
ومرت الايام وانا مانام الاوالدمعة بخدي كنت اتمنى اذا جيت على السرير بنام يجي يحظني غبي يحظن اللاب تب جماد
وانا انسانة لي مشاعر واحاسيس ..

يتمنى اني انام عند اهلي كم يوم عشان ياخذ راحته بس انا والله استحي من اهلي ماودي اتكلم عنه عندهم الله ستر عليه مااحب افضحه المشكلة صار يوديني لهم بكثرة امي تلح علي بالسؤال ليش وليش...وافضل السكوت لكن بيجي يوم واكيد امي بتعرف

ولدت بعد مرور اشهر حمالي كلها بالمشاكل

قلت انشاء الله بعد نفاسي يتغير ولكن .....

ينتظر متى انام عشان يفضى عليها

بنات انا احس اتدمر نفسيتي قلق وااعصب على اتفه سبب

اذا رحت عند اهلي وعند سؤال امي عن اخباري لااستطيع الاجابة عليها واكتفي بنزول دمعتي لا اراديا والله ماصرت املك دموعي

احيانا اقول مريض واحس اني خلاص مااتحمل يقرب جنبي

ولا اريد نكران معروف يعطيني مصروفي اي شي احتاجه يجيبه لي

احسه سواق وليس زوج

اخيرا اتمنى تدعون لي ولاتنسوني ....

اكتب لكم وعندي احلى بنوته:11:نايمة جنبي
وعطوني ارائكم

 

[رضا ربي غايتي]

الله يفرج همك ويشفيه وكل مبتلى حاولي يشوفك دائما وانت على سجادتك وادعي لله واطلبي بالحاح لان رب العالمين رحيم واكثري في سجودك بالدعاء ان الله يصرف قلبه عن تصرفاته المشينه .
فان شاء الله لو شافك احتمال كبير يوزان بين تصرفاته وتصرفاتك ويحاسب نفسه واكثري في السجود من قول اللهم صب محبتي في قلب زوجي صبا صبا وارني ذلك .

 

[الم الرووح]

اول شي ربي يحفظ بنوتتك ويحفظ بنتي اللي في بطني اللي من يوم حملت وضروسي تعورني ..
واذا على مشكلتك يا عيوني زوجك يبغاله تفاااااهم انتي لازم تتفاهمين معاه ..
ولازم يعرف انك زوجه ولك متطلباتك الشخصيه اللي ما يقدر يلبيها لك احد غيره ..
اول شي مشكلة النت, بداية ادعي قولي يارب اصرف زوجي عنه ..
واشغليييييه .. مره بالقمر اللي جنبك ومره بنفسك .. ومره كلميه عااااااااادي ..
بيطنشك في البدايه بس ما عليه ازعلي ارفعي صوتك وخاصمي عادي بس بنعومه شوي
لانه ما راح يتقبل منك في البدايه
, وامك ما فيها شي خليها تعرف يمكن تساعدك وتقول لك شي انتي غافله عنه .. ولا احلى من الام
يا قلبي , يا زين احد يكون عندك تشكين له ويعلمك وش تسوين في مشكلتك .. لانه احيانا وانتي في المشكله ما تنتبهين على اشياء كثير تكوني غافله عنها ..
وبعدين روحتك عند اهلك تعطيه مجال يسوي اللي بخاطره فحاولي تقللين منها شوي ..
وخليك بالبيت وحاااااولي تخلينه يطلعك اي مكان السوق مطعم اي مكان عشان يحس انك موجوده ..
اذا استمر هالوضع بيهمشك مع مرور الوقت ..
ربي يهديه ويسخره لك ..
قلبي معاك يا عسل

 

[حيل دلوعه]

الله يفرج همك يااااااااااااااااااااااااااااااااااااااااااارب

 

[نبراس الدعوة]

اسال الله له الهدايه انه قدير على كل شي يااختي عليك بصبر لان عندك بنت وبعدين يااختي الزامي الاستغفار والذكر يمكن هذا عقاب من الله لكي التواب من الذنوب والدعاء الله معاك

 

[وجدالمشاعر]

الله يفررررررج همك ويحفظ لك القمررررر الي معااااااكي واكثررررري الاستغفاااار وراااح تشووووفي الفرررررررق

 

[حناااان الكون]

الله يحفظ لك بنوتك من كل شر يارب

لا تقلقين حالك ولا توترين حالك عشان شخص مطنشك لكن عليك بالدعاء والاستغفار ان الله يفرج همك

بعدين حاولي تجلسين معه وتعرفين منه وش الاشياء اللي حبها فيك وايش الاشياء اللي يفضل منك انك تغيرينها ... بمعنى الاصح ليه يعمل العادة السرية ؟؟ وش اللي يجذبه لجل يعملها ؟؟ هل ما يجد اثارة من ناحية جسمك ؟؟ هل انتي ما تشبعينه او ما ترغبينه بحالك ؟؟ هل حركاتك محدوده ؟؟ لبسك كيف ؟؟ هل يفضل منك بعض الحركات وانتي ممتنعه ؟؟

جربي تعملين له ليله ولا ألف ليله غيري فيها استايلك في لبسك ان كنتي متعوده ع لبس محتشم وساتر غيري نوعي بالحركات .. بمعنى حاجة ما تعودتي عليها من قبل اعمليها الان ... وأحرصي بعدها دائمآ تاخذين حقك منه يوميآ بحيث ما تعطينه فرصه أنه يختلي بحاله أو ما تصير عنده طاقة لجل يمارسها ​

 

[يوري:]

الله يجزاكم خير ماقصرتوا ....

على قولتكم الصبر مافي احلى منه بس اللي امر فيه صععععععععب ماتتخيلون معنى تفقدين انوثتك

والله لما اشوف المتزوجين احس اني غيرهم كاني ماتزوجت ماطلبت كثيير ابي منه يضمني ويحسسني بشوقه لي مابي منه يجي يؤدي واجبه وادري انه جاني عشان تأنيب الضمير تخليني ابكي غصب علي

احس اني ازعجتكم بس معليش اعذروني لاني ابي افضفض ابي اكتب ابي احد يساندني ويفهمني وخصوصا المشكلة حساسة مااقدر اتكلم فيها مع احد

واحيانا اقول الى متى استمر بهذا الوضع ....

 

[يوري:]

حنان الكون اشكرك لتفاعلك معي
سأجيب على كل اسألتك

اولا العادة السرية جزء من الماضي وطبيعي ان يحن لها ولكن عندما يدمن عليها ويفضلها عن الجماع يصبح مرض
ثانيا طبعا زوجي اخذني وهو مقتنع تمامابشكلي وجسمي واناقتي ودايما يمدحني الا بعد ماطاح في الجهاز وهو ماصار مثل اول انا متزوجة لي 5 سنوات والتغيير حصل في 2 الاخيرة
يمكن طفش وحب التغيير
ثالثا اشبعه جنسيا واحاول التغيير والتجديد في الوضعيات ولم ارفض التغيير ابدا

 

[يوري:]

تبقى سؤالك الاخير ذكرتيني بالماضي
مرة اجتهدت ولبست ملابس مغرية ماخذتها من الخارج وعملت احلى شي لكن للأسف تم الرفض وبعدها طلعت مشوار واحاول ان اتناسى الموضوع ولما رجعت لقيته مستحم عرفت بوقتها انه فضل المواقع على ان يمارس معي بكيت في تلك الليلة ولم استطع النوم والاكل بسببه
واخاف اعيدها وانصدم خلاص وكلت امري لله سبحانه

لكن المشكلة ما صارت لي نفس يقرب لي خلاص احس اني بديت اكرهه وانا خايفة من هذا الشي

 

[العشبه الخضراء]

اختي حطي في بالج انها مرحله وبتعدي الريال في او لحمل للزوجه ما يتقبلون شكلها والجماع معاها ويشعرون بعدم الراحه وانا اقولج انها مرحله وبتمر بس الصبر وبعدين الريال مثل الياهل اذا منعتيه من شئ يتمسك فيه اكثر لا تحاولين تفتحين هالموضوع معاه وتزيني له واجلس معاه بس شو بعيده عشان ما يحس انج تراقبينه والعبي مع بنتج وسولفي معاها ولاتروحين عند اهلج يمكن لانج تضايقينه يوديج عند اهلج بس انتي لاتضايقينه وخليه في حاله صدقيني بيمل ويترك هالشي امسكي اعصابج وخليج هادئه معاه واكثري من الاستغفار وادعيله في سرج وفي الليل حاولي تخلينه يجلس معاك في الغرفه قبل النوم ولا تنشغلين ببنتج في وجوده معاك والله يهديه