تعبانه وابي مشورتكم او حتى نصايحكم****

[الهيمنة]

السلام عليكم ورحمة الله

صار لي متزوجه 14 سنه ,,,,مريت بطلاق ورجعه وطلاق وزواج من رجل ثاني وطلاق

مما سبب لي مشاكل مع اهلي طبعا كان المفروض يقوفون معي بس سبحان الله لاني مالي ام ووحيده مالي اخوان الا من ابوي الكل ضدي

المهم ,,,,انا الحين مع زوجي الاول رجعنا والحمد لله امورنا حلوه ....وما انكر انو تغير كثير ...سابقا كنت مصابه بالسحر والعين والحمد لله رقيت نفسي وتشافيت ومريت بكتئاب والحمد لله تشافيت

المشكله اني الحين حامل بشهري السابع وبدت الاعراض الي تجيني اول ترجع لي

من البكا وضيقت الصدر ....انا بديره مالي الا اهل زوجي وطبعا من المشاكل الاولى ما احب احتك معهم كثير خاصه بعد ما زوجو زوج

المشكله مالي احد اطلع معه اسولف وياه ...اهلي قاطعوني لاني رجعت لزوجي واولادي

وصداقاتي كلها قطعتها ام زوجي...لانها ساكنه معنا بس من قوت شخصيتها هي الي تدير البيت كان احنا الي ساكنين عندها

لها 5 اولاد غير زوجي بس ما احد متحملها الا انا الي مغلوب على امري

زوجي دايم طالع برى واذا جا جلس مع امه العصر والمغرب وباليل استراحه انا بديت أطفش من الوضع خلاص مليت

ومدري شسوي عيالي لسى صغار مقدر الهي نفسي معهم كثير

وزوجي لو اموت مقدر اسولف معه لان كل شي يقوله لامه واسبب الثاني انه يخفي عني اشياء كثير

الحين مدري كيف انفه عن نفسي احس نفسي بنفجر وخايفه انفجر في وجه زوجي وتصير مشاكل مره ثانيه
ومقدر اروح ولا اجي لاني ساكنه في قريه لا سبر ماركت ولا اسواق واول ما اطلع من البيت الكل يعرفني
ودمتم في رعاية المولى

 

[ام سارهـ]

اختي الحبيبه فكررررررري زين انتي تطلقتي اكثر من مره
وبعد عندك عيال ؟؟ يعني مالك الا الصبر الصبر
ويعني لازم ناس تسولفين معاهم والله ماجاب لنا المشاكل الا الناس وكلامهم الفاضي
اولا عزيزتي اشغلي نفسك بالاذكار ابد لا يتوقف لسانك عن ذكر الله
سبحان الله والحمدلله ولا اله الا الله والله اكبر ولا حول ولا قوة الا بالله >>> احب الكلام الى الله دووم كرريه
الاستغفار
صلاة الليل الدعاء
واذا ضاق خلقك تعالي اشكي لنا وفضفضي ويانا لين ترتاحين
اما الناس ابعدي عنهم ماوراهم الا القيل والقال
واحمدي الله اللي ربي رجعك لزوجك ورزقك بالحمل والله انها نعمه كبيييييره يالغاليه
والناس ماراح ترحمك لو اطلقتي كمان لا قدر الله

الله يريح بالك ويسعدك ويقومك بالسلامه

 

[الهيمنة]

مشكوره ام ساره على الرد

بس انا ما قلت ابي طلاقسي

الي ابيه شي اشغل نفسي فيه

الوحده تذبخ تاكلي تقومي تطلعي لوحدك زهق

يعني معقوله طول وقتك يا ام ساره تذكرين الله وما تشوفي احد اذا كذ الله يعطينا ما عطاك

 

[الأمل المفقووود]

حبيبتي اعيش ويا زوجي وبين اطفالي وبيتي افضل مليون ره اعيش عند اخوان مايبوني والا لو كان والدينك مو جودين كنت قلت لكي روحي لاك وابوكي بس ربي يصبرك الهي حالك بالنت واتعرفي على صديقات وانا مستعده اكون اول صديقه لكي واذا تبين نتواصل سن انا جاهزه ربي وياكي وطالعي مصايب العال ومنهم انا اكيد بتهون عمصيبتك ومشكلتك

 

[الهيمنة]

تسلمين يا عمري الامل المفقود كلامك مثل الثلج على قلبي

اتمنى والله الاقي صديقات مسن

على الاقل الاقي احد اتكلم معه اذا احتجت شي

الله يوفقك دنيا واخره ويفرج لك كل هم يارب ولا تشوفين ضيقه بدنيتك ابد

 

[الوردوالياسمن]

ربي يسخر لك وعندك مملكه بلقيس الهي نفسك فيه

 

[ام سعود2010]

حبيبتي انا تقريبا نفس حالتك والله مللل ما القى احد اسولف معاه احيانا من الملل اسولف مع شغالتي
وعيالي 2 صغار وانا ساكنه بمنطقه بعيده عن اهلي وما فيها شي بر
وزوجي بلييييييييييييييييييد ما يعرف لا يسولف ولا يتمشى بنا
والله الوحده شينه بس اتفرج بي الماسن واشوف خواتي وصديقاتي اللي تبي تطلع واللي طلعت ورجعت ويقولون لي ما طلعتي؟؟؟؟
اذا لقيتي حل علميني وياليت اقدر اضيفك عندي مسن بس ما عندي رسايل خاصه اتشرف بي معرفتك

 

[مصاصه بالفراوله]

انا اشوف ان تجلسي مع زوجك طالما ان عيالك حولك و متربيين قدامك
و اذا على الطفش كل وحده و عندها انواع و اشكال الطفش في حياتها بس انتي خليك ذكيه و اعرفي كيف تتجنبي المشاكل و اللي يجيب ضيق الخلق
و اعرفي انه طالما نفسيتك مرتاحه رح تكوني مبسوطه لو لوحدك

و النت ما خلا و لا بقى و بكرة تولدي و النونو ما يخليلك وقت تطفشي​

 

[الهيمنة]

الورد والياسمين تسلمين على المرور الحلو

ام سعود والله انا الي اتشرف باضافتك برسلك ايميلي على الخاص

مصاصه بالفراوله مرورك نور الموضوع بس وين الاقيها الراحه اذا راحت حالت الطفش وضيقت الصدر والبكا اقول الحمد لله واكون باحسن حال بس المشكله لا جتني وحسيت نفسي بنفجر ولا ادري كيف اتصرف هنا المشكله

 

[مصاصه بالفراوله]

لا جاتك حاله الطفش قومي اتوضي ولا اعملي دوش واستغفري ولا
اقول لك
طلعي مواهبك و اذا عندك مكينه ولا ادوات رسم ولا اي هوايه اشتغلي عليها و لا تخلي الفكرة هي اللي تسيطر عليك انتي سيطري على مخك​

 

[الهيمنة]

مشكوره حبيبتي على الرد

ان شاء الله الله يهون علي بس

 

[احلى فجوري]

الله يعينك ويساعدك يارب انا اقول لو في مركز تحفيض للقران سجلي فيه والله رح يشغلك طول الوقت او اتعرفي على جيرانا او اخوات من المنتدى وانا اتشرف اكون صديقتك والله يعينك ويسهل امرك يااارب

 

[الهيمنة]

أ حلى فجور شرفني مرورك

بالنسبه لتحفيظ زوجي ما يحب الارتباط يوديني ويجيبيني ...ومن ناحيه ثانيه امه دايم دخل بافكاره انها ممكن تتعرف على ناس يخربونها

الحين النت وحاطه ايدي على قلبي اخاف يلغيه لان امه دايم تشكي منه ما تبيني اجلس عليه تقول يخرب والمره السنعه ما تدخله

خليها على الله..ومشكوره حبيبتي