تعبااااااانه ونفسيتي تعباااااااانه

[احلام ورديه]

السلام عليكم ورحمة الله وبركاته

بنات ارجوكم ساعدوني

انا هالأيام نفسيتي وااااااايد تعبانه والسبب ريلي

هالأيام عليه ضغط الأمتحانات ويطلع بسوالف عمره ماخطرت على باله

ليش تلبسين كعب عالي .. انا ماحب المره الي تلبس كعب ..

ماحب انج تلبسين ضيق .. مره كنا نمشي في الحديقه وكان ليل وماحد جدامنا

كنت ماخذه حريتي في المشي قالي سكري عباتج قلتله انا بلبس عباية راس علشان ترتاح

رد علي بخشونه وصوت عالي (( والله مب كيفج كيفي انا ))

هالسوالف عمره مافتحها على انه صار لنا تسع سنين متزوجين

وبعدين طلعاتي معاه بنعال من غير كعب بس اذا زرت احد البس الكعب

والضيق اعتقد ان مافي وحده هالزمن تلبس فضفاض

وعباية الراس قلتها بجديه لأني احسها الريح واستر

بصراحه تعبة معاه وكل يوم يطلع لي بسالفه يديده مره انتي جذابه ومره مهمله ومرات ومرات

على اني صابره معاه وحتملته في كل شي وبصراحه بدا الشك فيني بس قلت

خله يخلص الأمتحانات وبعدين يحلها الف حلال

 

[aldana]

معليش حبوبه لا تضيقين خاطرك ... أهم شي تحافضين على شخصيتك واللبس اللي يميزك ويبرز جمالك وأنوثتك ...لا ترضخين لأوامر أحد ولا تفكرين براحة أحد على حساب أعصابك .

الرد الطبيعي للزوج المتحكم ...((( ولو حبيبي أنت كلامك على عيني وراسي ...وسوي اللي في راسك ...وغذا قالك لا تطلعين بهذا اللبس ....خلي ردك دبلوماسي ::::

معليش حبيبي أنا مبسوطه وحابه كل العالم تشوفني مبسوطه ومتشيكه ...لأن هذا أنا وهذي شخصيتي معليش لما أكون طفشانه ألبس اللي تقول عليه )

 

[احلام ورديه]

حبيبتي المشكله انه يلااااااااااااحظ

يعني بسكته بكلمتين حلوين ومره ثانيه يحاسبني

ويقلي انتي ماتسمعين كلامي انا ماسوالج شي

وانا يوم اقول شي ماحب حرمه تكسر كلمتي

ودووووووم يبين لي انه سي السيد وان كلمته لاااااااازم تمشي

وانا تعبت من اسلوبه واحيان تكون نفسيتي تعبانه مثل هالأيام وما اتقبله

تصدقين صار لنا ثلاثه ايام مانكلم بعض وعلى شي تافه

 

[نسائيات]

اختي الغاليه
تسعة سنوات زواج هل لاحظتي على زوجك انه تغير نوعا ما هل خانك يوما
الرجال عندما ينظرون لنساء الغير تحصل لديهم ردت فعل عكسية تجاه زوجاتهم يغطونهم من فوقهم لتحتهم رغم انهم قبل ما كانوا يطلبون مثل هذي الطلبات
بس تصير مثل عقده عندهم

 

[احلام ورديه]

حبيبتي هي صارت خيانه قبل ست سنوات

والحين الأوضاع مستقره نوعا ما

بس هالأيام طايح لي في امه

ياريتج مثل امي .. وكل تصرف اتصرفه مايعيبه ويشبهني بأمه

 

[نبراس الخير]

الله يكون في عونك حبيبتي الرجال مايعجبهم العجب

 

[نسائيات]

ليش يبيج مثل امه ؟؟؟؟
انتي مب عيوز
من اي ناحيه يبيج مثل امه ؟؟؟
يمكن يبا حنيه ويبا احد يطبخ له و يدلعه بس لا ترضخين تكونين مثل امه لانك لستي امه بل زوجته

 

[عنقود عنب]

يمكن انه مضغوط من الامتحانات

اذا خلص الامتحانات وما تغير ..فلكل حادث حديث

الله يكون في عونك

 

[احلام ورديه]

غالياتي هو يبيني من ناحية الطباخ .. اكلات مال اول

على اني حاصله على امتياز بالطبخ هذا بشاهدة الجميع

يبيني من الفير وانا قاعده مايحب اقعد الساعه عشره

بصراحه طرت علي فكره قلت بيربها بس خلني استشيركم اول

اليوم عقب مايخلص الأمتحان بيلس معاه يلسة صلح وبسأله شو الي يبيه مني بضبط

وبعدين بخبره على الي في خاطري وهو اني ابيه يعاملني حرمه متزوجه وليست طفله

ولي شخصيتي ومستحيل احد يكون مثل احد