تعامل مع الاعراض علي انها كورونا

[راجيه الرضا]

تنبيه هام
اي اعراض تجيليك دلوقتي هيا كورونا الي ان يثبت العكس،،،
شفت وباتابع حالات كتير اتفاقمت وزادت فقط لان اول دكتور شافوه مهما كان حجمه قالهم ده دور برد،،، ده دور حساسيه صدر،،، ده دور نزله معويه،،، واداهم علاج اهبل،،، والعيان روح وتعامل عادي مع اللي في البيت وعدي البيت كله،،،،،

عندك اعراض اعزل نفسك وتعامل كانك مصاب بالكورونا واعمل التحاليل ولو احتاج الامر اعمل الاشعه المقطعيه وخد علاج الكورونا،،، ولو التحاليل والاشعات قالت مفيش كورونا،،، خلاص اخرج من العزل،،، غير كده انت بتعدي عيلتك كلهم

الكورونا الموجه دي بتصيب اطفال عادي جدا مش زي اللي فاتت
الكورونا الموجه دي بتستمر اعراضها لفتره طويله خصوصا النهجان والتكسير في الجسم بيقعد. اسابيع،،،
الكورونا المره دي اعنف في الاعراض مش اشرس بتتعالج عادي انما اعراضها اقوي كتير،،،
تاني عندك اعراض اعزل نفسك،، اعمل التحاليل،، خد علاج الكورونا اللي اغلبه يمشي مع اي دور برد لغايه ماتعرف انت عندك كورونا والا لا،،، وانت محتاج تزود ايه علي العلاج العام اللي خدته،،، هل محتاج كورتيزون،، هل محتاج ادويه سيوله،،،،
الموضوع فعلا باه كتير اوي وباشوف البلاوي اللي الدكاتره بتعملها بكل استهتار

ورجاء لكل الدكاتره اللي حيعالجوا كورونا من كل التخصصات ،، اي عيان باي اعراض مهما كنت واثق انه مش كورونا اعمله التحاليل مش حتخسر حاجه انما العيان اللي حيتشخص غلط حيخسر كتير جدا


د.عمرو لطفي