تعالي نتناقش في موضوع اكيد انتي مريتي فية

[أنــا]

مرحبا بنات ...

اممم ماعرف كيف ابدا الموضوع لكن الحين ببدا ببسم الله الرحمن الرحيم









عزيزاتي المتزوجات ...

انا متزوجة من 5 سنوات .... و زوجي و الحمدلله وووووووووووووووايد زين و طيب و حبوب و لو شو ما وصفلكم اياة ما يوفي في حقة ...

ادري بتقولون شو تمدح فية ..بس بعدكم ما يتكم السالفة

............................
................................................

...................................................................



انا عندي بنتين و الحمدلله و ريلي ايموت فيهن و ايحبهن و انا عيشة بيت اهل زوجي و ناس طيبين و يحبوني وايد .........................المشكلة يا جماعة زوجي ايحب ييلس في البيت و ما يطلع .... اذاطلع ايروح عند الشباب و يرجع يعني كلها ساعات و يرجع الوقت الي هو فية طالع يا دوب العب مع بناي و البسهم و ااكلهم اللا هو ياي ... يعني انا بعندي في غرفتي ما نزلت ... المهم


المشكلة ... اني دووم ف البيت اذا طلعت بيت اهلي او مع صديقاتي .. يعني معاه ابد ما اطلع .معاة . صدقوني لو بقولكم ما طلعت معاة من سنتين ما بتصدقون و بتقولون اكذب بس هذا الصدق مليت من البيت لكن ما اقولة ... و ساكتة.. و كل ما اقولة طلعني ... ايقول اوكي و يوم تي حزت انا نطلع ايقول صدق تبين تطلعين المكان هذا .. اقولة هيه .. و ايتم يشغل نفسة و يقعد ساعات اطول ف البيت و مايطلعني ... يعني توصل الساعة 9 او عشر يقول باجر .. شو رايج العصر او المغرب انا طبعن اكون فاهمة قصدة انه مايبا ايطلعني فا اقول اوكي ........... والله محتارة معاة كل مرة اكلمة و اناقشة ف الموضوع ايقول اوكي و ان شاء الله انتي ما طلبتي ... يعني شو بقولكم ايقول كلالالام اينقط عسل ليش ما تقولين حاضر بوديج وين تبين فالج طيب ... و باجر ننسا الكلالالام ...


مللللللللللللللللللللللللللللللللللليت والله و لاعة جبدي ... اليوم اتحججت اني اريد اروح اشتري حق بناتة قال اوكي بنسير و يوم المغرب اتلبس و قال صدق تبين اتسيرن ... جيةو هو بيطلع عند ربعة قلت لة خلاص الله ايحفظك ... و ترجع سالم ... و بعد ساعة رجع البيت ...و قلت له خلنا نطلع و رجعت نفس السالفة باجر بوديج.....................................





شو اسوي فية مليت مليت من كل شيء .. احس ابضيق ... كل الي في البت ايقولون لي ليش ما تطلعين مع ريلج ... اقولهم انا اطلع و انتو ماتشوفوني ... شو اريكم



شو الحل

الي مرت بنفس التجربة اتقولي شو الحل معاة .............................

 

[أنــا]

محد ردعل موضوع

 

[ام مها]

حبيبتى اذا قالك خلاص بكرة قوليلة كلمة رجال ولازى كل مرة تخلينى البس وتكسرباخطرى اذا انت تتفشل تطلع معى قول ما ازعل وشوفى النتيجة كيف بتكون

 

[سلة فواكه]

حبيبتي كلنا بالهوا سوا
بس اذا قالج باجر
قولي له وعد برقبتك ووعد الحر دين وترا هذا الدين بتم اطالبك فيه ليوم القيامه بدلع

 

[أنــا]

لش ماشي ردوود وايد ...

 

[صمت الامارات]

هلا الغالية أنا مريت بنفس تجربتج والله جنج توصفين ريلي !!!!!!!!!
عشت بيت أهل ريلي سنة وهو على ها الحال !!!! مطمن بيطلعون أكيد بطلع معاهم كنا نطلع بس زيارات الاهل

طلعت وسكنت في شقة وهني انجلب الحال !!!!!!! يخاف اني أكون روحي فكنا نطلع مطاعم السينما ....الخ

انا ما اقصد انج تطلعين من بيت اهله انا اخبرج تجربتي .....وا\ا حسيت انه ما له بارض يطلعني أقوم وانا أعزمه والله يستانس ويرد يعزمني .
جربي سالفة انج تعزمينة ........

والله ايسر عليج ويحنن قلب ريلج ويطلج اليوم وباجر والي عقبه واتقولين خلاص تعبت خخخخخخخخخخ:clap:

 

[أنــا]

شكرا بنات على الردوود انا استنست على ردودكم ...

و نفذت الي قالن عليهالخوات اتلبست و و كشخت و قلتله ودني اريد غرض من برع و يوم طلعت تم كلة على اعصابة و يقول الجوحار و مادري شو المهم اني طلعت غصبن عنة ... و ياريتني ماطلعت يلست البيت ابرك من الطلعة

شكلي خلاص بفقد الامل منة .. و بتم كلة اطلع بروحي ... ياما عزمتة و ماشفت عزيمة منة "(


الله ايوفقكم و يوفقنا المهم انه زين معاية و الطلعة خلاص ماريدها ... شكرا خواتي على الرد

 

[الأترجة]

هلا أختي .... معاناتتك مريت فيها من قبل .... وكنا يوم نطلع يقول حر ما أتحمل .... وأنت شيلي البنت ... مو أنتي اللي

تبين تطلعين ... أنزين تحملي ...ولا بنرد ... بس أنا زوجي ما كان يحب يقعد بالبيت .... كله برا.... وإذا تناقشت

معاه بهالخصوص يقول .... متأثرة بالأفلام والمسلسلات ... ترى كل اللي تشوفينه كلام فاضي ... ولا تفكرين

إنه في ناس عايشه شذي ..ويقد يتطنز علي وعلى مشاعري ... وأنا المسكينه مالي غير دمعتي ... تقريبا تعودت على

الوضع وصرت أكثر جديه .... لكن دوام الحال من المحال ... تغير زوجي بعد ما إنفصلنا ببيت بروحنا ...

سبحان مغير الأحوال ... وسنه عن سنه والتغيير مستمر ... وبعد ما كان يستهزء بمشاعري ... صار أهو

الرومانسي وأنا الجديه وبزياده ...ويحب يطلع للأسواق ولو لسبب تافه وما يسوى ... فسبحان مغير الاأحوال .

.. أعتقد والله أعلم أن الزوجين لما يستقرون في بيت منفصل عن الأهل .يكون أفضل .... لأن يوطد العلاقه ما

بينهم أكثر ..فالزوج هنا .يشعر بالمسؤليه وضرورة التواجد في المنزل ..وتلبية طلباته ....وتصبح هناك عشرة

حقيقيه (بديت أتفلسف وأتكلم فصحى) ... مو مجرد نوم وخلاص ... كله متكل عالأهل وموب سائل ولا فاكر

بهالمسكينه ولا يعرفها إلا في الفرش .. هذا والله أعلو

دمتن بود

 

[سواحه]

احسن خلي يالس في البيت ليش يطلع علشان ايشوف المشخلعات والبلاوي

والله لو عليه يالس في البيت اربع وعشرين ساعه ما اقوله اطلع

وبعدين احمدي ربج منو محصل له رجال يالس في البيت

 

[حنين الارض]

أ نــــــــــــــــا
الله يهون عليك كربتك ويفرج همك ويعطيك ما تمنيتيه ويوفقك يارب وجميع العضوات ياااااااااااااااارب

 

[shamashemo]

انا زوجي لا يحب الخروج بشكل عام الا زيارات عائلية فقط يعني من بيت الى بيت:icon1366:لا يحب الحدائق ولا يحب الاسواق حتى في الاعياد.. بس الزيارات ،والله قعدت 4 سنوات وانا اخرج في الشهر او الشهرين مرة على الاكثر ،واذا خرج معي يكون مبوز ومتضايق ،وبصراحة انا تأقلمت مع الموضوع واولادي الان كبروا شوي فحين اشعر بالضيق اخذهم افسحهم بمفردي وزوجي راضي ،ولكن احسد من تتفسح ومعها زوجها ولكن ما العمل هذه هي طبيعة زوجي،نصيحتي لك زني عليه ولا تكلي ولا تملي وكوني لابسة انت وبناتك ومستعدة وقبل ما يدخل البيت بعد عودته من عند اصحابه اخرجي انت وبناتك واركبي السيارة:sly:وقولي له فسحنا،حرام البنات يبون يخرجوا مع ابوهم ،جربي الطريقة وخبريني بالنتيجة:smoke1: اختكshomshom

 

[سمرلاند]

ريلج بيتوتي..
ما ادري شلون اساعدج المهم ان مقاضي البنات لازم تخلصينها مع الدريول ولا تعتمدين عليه لانج ما بتخلصين :no:
اما بالنسبة للطلعات فانتي ابتدي معاه بالتدريج يعني حتى لو في البداية تقولين له نتمشى بالسيارة عشر دقايق لاني حاسة اني مخنوقة...
وشوي تطول الخمس دقايق الى عشر ومعاها عصير:msn-wink: ...وبعدها عصير وسندويش خخخخ
وشوي شوي مطعم :essen:
وعودية ان هالتمشية تكون اسبوعية في يوم محدد ووقت محدد ليييييييين يتعود يطلعج

 

[أنــا]

شكرا بنات على الردوود و الله ايفرج هموم الجميع امين

وبحاول اسوي الاشياء الي قلتولي عنها

 

[عيون بو سلطان]

الغاليه أنا مريت بهالشي ويا ريلي
قبل في بداية زواجنا هو اللي كان يقولي يلا تلبسي بطلعج....... عقب انجلب الحال وصرت اترجاه عشان يطلعني!!!!!!!!

تمينا على هالحاله فتره طويله جريب السنه وأنا طول الوقت هالسالفه منكده علي...... مايطلعني إلا في الشهر مره ولا مرتين وبعد ما ازن والح وشوي بصيح عشان اطلع!!!!!!! وإذا طلعنا أكثر طلعاتنا تنجلب نكد ويكرهني في الساعه اللي طلبت فيها إني اطلع.....

آخر شي تميت افكر بيني وبين نفسي شو السبب اللي غير ريلي علي ولا عشان كنت عروس كان يجاملني...... وبعدين اكتشفت إن مافي شي مشترك بينا!!!!!! ولا حتى في الكلام!!!!!!!!! طبيعي يتملل من الطلعه وياي!!!!!!!! والحين يالسه اغير من نفسي قد ما اقدر واشاركه اهتماماته واشوف شو يحب

يعني مثلا غصبت نفسي إني اتابع وياه البرامج الرياضيه لأن هذا أكثر شي يستهويه حتى ونحن في السياره...... تلقينه مشغل تلفزيون السياره طول الوقت عشان مايطوفه أي شي........ في البدايه كنت اتملل واحس بضيق بس عشان ريلي كنت اتحمل وصرت اتابع وياه بكل اهتمام واسأله ولا اسأل اخواني عن آخر الأخبار الرياضيه عشان مايطوفني شي....... الحين من يوصل البيت يقولي تعالي نشوف التلفزيون ويا بعض ومايرضى يقعد بدوني وصرت اتابع وياه مباريات وبرامج واتناقش وياه حتى لو ماكنت فاهمه شو السالفه خخخخخخخخخ..... المهم امشي عمري

صرنا إذا طلعنا بالسياره نسولف أكثر من قبل لأنه صار مايخش عني شي ويقولي كل اللي في خاطره..... والسبب اللي كان يمنعه من هالشي إني كنت دايما انتقده إذا سمعت شي مايعيبني....... بس الحين لا........ اقول حق نفسي دام هالشي مايضرني ولا يضره ولا يضر علاقتنا ليش انتقده خله على راحته.......

يعني حاولت ادخل وياه في الجو مثل مايقولون وصرنا مانتهاوش في طلعتنا مثل كل مره ولا ننكد على بعض وصار هو يقترح علي اماكن نسيرلها لو نطلع ساعه ونرد........ ما احسسه بضيقي من أي شي وانسى أي شي مضايقني منه واحاول استمتع بوقتي عشان ماتنجلب طلعتنا نكد

هذا اللي اقدر افيدج فيه والله يسخر لج ريلج إن شاء الله

 

[سلافاااا]

يسلموووووووووووووووووووووووووووووووووووو