تعالوا ننوع أشكال الخير

[راجيه الرضا]

تعالوا ننوع أشكال الخير خاصة في الأيام الفاضلة الجميلة اللي جاية...

تعالوا نخصص يوم أو أكتر ندعي فيه للناس الكبار التي ماتوا من زمان في عوايلنا... خاصة اللي قرابتهم بعيدة شوية.

تعالوا ندعي للقرايب الكبار اللي ولادهم ماتوا أو ربنا ما رزقهمش الولد... نبقى إحنا ولادهم.

تعالوا نفتكر كل اللي ماتوا من جيرانا وإحنا صغيرين والا حتى وإحنا كبار ونخصهم بالدعوات.

تعالوا نخصص يوم أو أكتر للي كانوا من أهل الكبائر أو اللي كانت سارقاهم السكينة من الجيران والقرايب وماتوا على كده.

تعالوا نطلع صدقة جارية ولو جنيه عن ناس ما كانوش يملكوا يطلعوا عن نفسهم لحد ما ماتوا أو ما كانوش يعرفوا يعني إيه صدقة جارية..

تعالوا ندعي أو نعمل خير أو أي حاجة حلوة للناس اللي كان آباءنا وأمهاتنا بيحبوهم ولسه عايشين... لأن من أبر البر أن يبر الرجل أهل ود أبيه.. كما في الحديث.

أقول لكم الأوسع من كده:
تعالوا نعمل حاجات خير في ثواب كل اللي ماتوا من أيام سيدنا آدم لحد دلوقتي..
دعوات... صدقات... ختمات.
تخيلوا لما ربنا يلاقينا بنعمل كده لناس يمكن ما شفنهمش أو ما يقربلناش ومع ذلك مشفقين عليهم وبنتمنى الخير والجنة ليهم... هيرحمنا سبحانه أد إيه.

أختم بالموقف ده:
شافوا واحد من العلما بيحج في سن كبيرة وصحة مش ولا بد وجاي من بلاد بعيدة مع إنه حج قبل كده...
فقالوله: تاعب نفسك ليه وانت الحمد لله حجيت قبل كده!!
فقال لهم:
قرأت إن الإمام ابن حزم لم يحج فخرجت السنادي بنية إني أحج عنه!!
مع إن ابن حزم مات من مئات السنين لكن فيه مسلمين قلوبهم وسعها يكفي العالم كله.

فكروا وابدعوا في الخير، ووسعوا دايرته علشان ربنا يسخرلكم اللي يعمل لكم زي ما عملتوا لغيركم... أو يرحمكم لتفكيركم في رحمة غيركم.
وكل عام وأنتم بخير.
#خالد_حمدي

 

[Lena Dareen]

جزاك الله خير علي التذكير رجو

مشكوره علي النقل

 

[راجيه الرضا]

جزاك الله خير علي التذكير رجو

مشكوره علي النقل

لينو ما أجمل طلتك بعد غياب

 

[صدقه جاريه]

والاحلى من ذالك اايضا قول (( ربي اغفر لي ولوالدي وللمسلمين والمسلمات الاحياء منهم والاموات )) اذا لم نجد ماانفعله لهم لاصدقه ولا حجه فطلب المغفره من الله غايه كل من في الارض وتحتها اسال الله ان يغفر لي ولكم ويرحم من مات ويغفر له ويوسع مدخله وويجعل قبورهم روضه من رياض الجنه ،، داائم انت راجيه سباقه في نشر كل خير لك منا جزيل الشكر واصدق الدعوات على ما تقدمينه لنا من معلومات ونصائح

 

[راجيه الرضا]

والاحلى من ذالك اايضا قول (( ربي اغفر لي ولوالدي وللمسلمين والمسلمات الاحياء منهم والاموات )) اذا لم نجد ماانفعله لهم لاصدقه ولا حجه فطلب المغفره من الله غايه كل من في الارض وتحتها اسال الله ان يغفر لي ولكم ويرحم من مات ويغفر له ويوسع مدخله وويجعل قبورهم روضه من رياض الجنه ،، داائم انت راجيه سباقه في نشر كل خير لك منا جزيل الشكر واصدق الدعوات على ما تقدمينه لنا من معلومات ونصائح

واياك أختي الغالية