تعالوا كلكم وانصحوني وخاصه الخبيرات الله يفتحهاا بوجيهكم يارب

[الله لايحرمنا]

اهلاا اخواتي شلونكم ان شاء طيبين ,,
انا عضوه جديده واعجبتني هالمركز الرائع وابي اطرح مشكلتي لعل الله ان يكتب لي حل بين ايديكم ..واررتاااح

اولا ,, انا فتاه عمري 22 متزوجه من اربع سنوات ووعندي بيبي واحد عمره 3 سنوات..
زوجي عمره 28 ... زواجي كان تقليدي جدن ,,عشت اول 3 شهور عيشه رائعه جدن حملت ووبدئت المشاكل نوعا ما مع الوحم ... ليش نايمه وش هالنوم ..؟؟ وبعدين مره سمعته يكلم امه ويقولها هذي كله نايمه اذا قمت نامت واذا نمت قامت ,,, يقولها باسلوب دفش وحاقد .. طلعت وتهاوشت معاه ليش يطلع اسراري ومشكلنا برا البيت .. هذي النقطه الاولى من بعد هالموقف احس انه دايم يحش فيني عند اهله مدري ليش !!

نقطه الثانيه زوجي كان كثير الجلوس مع اخوته لدرجه مزعجه فلقد اصبح كلامه كله عن الحريم بل واصبح ينادي الرجال باسماء امهاتهم من كثر جلوسه مع الحريم يعني يقول عبدالله ولد الجوهره :thumbdown: من كثر مخاطله الحريم هههههه ولادهى انه اصبح كالحرمه بين اخواته وصلت فيهم انهم يفرجونه على كلوتات جديده توهم شارينها من السوق :icon28: من كثر الاحتكاك بهم
لا واذا جو بنات خالته يجلسون معه ويلبسون اجله صلاه واليدين طالعه والسوالف والضحك والرجلين
المهم اني ماتحملت وبدئت المشاااااااااااااااااكل
انا ابيه يتغير احد غير المحارم ممنوع الدخول اساسا
واخواتك سلم ساعه ساعتين واطلع ماله داعي اخذ سوالف الحريم وجالس الرجال مثل كل الرجال ...
المهم قاوم وانا قاومت زعلت عند اهلي شهر وبعدها رجعني وبدءء يخف بس حسيت انه كرهني ..
مش مثل اول .. المهم بدء يبرد من ناحيتي واصبح يقولي انتي تكرهي اهلي ومدري وش بعد ...
المهم بعد ذلك .. ولدت وتحسن بعد الولاده ولكن بعد ماكبر ولدي واصبح عمره سنتين بدء زوجي يتغيررر ثاااني

وطلع سريع العصبيه .......
يثور على اتفه الاسباب .... ومايسمع كلامي ابد مثلااا طلعت مره انا وياه نشتري مكتبه للتلفزيون فلم نجد شي مناسب لما رجعنا وجلسنا بعدها باسبوعين رائيت مكتبه في مجله فقلت لزوجي وش رايك في هالمكتبه ؟ قال : ليش قلت للصاله ؟؟ قالي من قال اني ابي مكتبه انا لااريد مكتبه الا اذا انتي بتجيبينها من حسابك ! ,,,,,,,,,,,,,,,,, كيف انت لا تريد ومن اسبوع كنا ندور في السووق يغير الموضوع ويقلبه علي ..! خلاص مكتبتنا زينه انتي اصلا مايملى عينك شي ... بل ليش عشان قلته بس !

وبدئت المشاكل وعلى اتفه سبب يسبني ياقليله الادب يااحماره انقلعي انطمي <<<<<< كل هالكلمات واكثرر!!
جربت ارد عليه بنفس الكلمه اذا قالي ياقليله الحيا اقول انت والله قليل الحيا وزاد الطين بله وبغى يطقني !
والحين اذا تلفظ علي اسكت واناظره باحتقاره:icon1366:


اذا رحناا لاهله انواع السوالف والضحك والكركره معهم وانا ولا لي وجووود :icon28:
واذا قلتله في البيت تعرف من تضحك وتسولف له يقولي اجاملهم طيب جاملني يااأخي !!

دايم يقولي كلمه قاهرتني جدن يقولي انتي بزر :bleh:
وانتي ماتستاهلين شي !!!

ياربي صبرني
طبعاا انا احياننا ارد واحياننا اروح غرفتي واحياننا اقوله احترم نفسك واحيااانن اقوله البزر انت والله
يعني بصراحه انا متذبذه مو عارفه شلون اتعامل معااااه حيرني من جد

هو بيتوتي ,,,,, دايم جالس في البيت بس جالس وعلى اتفه شي يثور لو يطيح طفله بياله شاهي سبه وعصبب عليييه ...

من ناحيه الفلوس هو بخيل نوعا ماا ليس على البيت لاا البيت يجيب لهى كلل شي
بخيل على انا يحدد لي مبلغ كل شهر 500 ريال يقول هذي مصروففك من ملابس وادويه مع فاتورة جوالك ! .,,,,,,,,,,,,,,,,,, والله لو انك معطيني 5000:busted_red:

دائم التحكم في لبسي وعبائتي ,,,
جنني من ناحيه لبسي لا تلبسين كذا ولا تسوين كذا
وانا بصراحه مااطاوعه دايم احيان واحياان ..,,
بس موضوع لنا اربع سنوات نتهاوش عليه وهو موضوع ملابسي ..

احيانن يتريق علي على اساس انه يمزح !
واي فكره تجي من عندي مهيب زينه ولا تصلح حتر لو افكار لتعديل البيت ! احيانن احس انه مقتنع بفكرتي وكل شي بس مايبي يبين لي انه مقتنع ,,.

واذا قلت له جيب لي شيي ماعمره قالي طيب يقول بشوووف والله مادري .. واخر شي يجيبه بس يقهرني انه ماقد قال طيب مثل ماانا دايم اقوله ابشر ياحبيبي ..

يالله يابنات قولولي وش رايكم فيه وكيف اتعامل معه بليييز لاني تعبت والله :tears:

 

[لحظات الم]

كل المشكله مبنية على العناد ومين يمشي رأيه على الثاني
أختي كتبت رد طويل لكن للأسف إنمسح راح أحاول أختصر
حاولي تحسسيه إنه هوالسي سيد , لما تطلبي طلب قولي اولا: حبيبي ممكن ,,,حبيبي الله يعافيك اريد....
لما يرفض طلبك قولي على راحتك حبيبي ,,, زي ما تحب حبيبي والله لها مفعول سحري
كل مارفض شئ بعد الموافقة لا تعصبي يمكن احد اثر عليه انا اقول يمكن اقفلي الموضوع وإفتحيه لاحقا طبعا مع إختيار الوقت المناسب يعني يكون مبسوط منك من جميع النواحي
لما يبدي رأيه في لبسك ولو بسخريه سوي نفسك مهتمه برأيه وخذي برأيه يعني مثلا منجد كذا أحلى ما لاحظت أجل باخذ بذوقك حبيبي هو في أحلا من ذوقك الله لا يحرمني منك
اخيرا اتركي الإنتقاد خاصة هذه الفتره نهائيا فقد اصبح واضحا انه لا يتقبل رأيك لهذا السبب
لا تنسي ان تمدحيه دائما شكله ذوقه تصرفاته ووو حتى لا يأخذ المدح من غيرك وتخسريه
تحياتي لك أختي واسأل الله لك التوفيق وطمنينا عنك.

 

[موزة خلفان]

اختي الكريمه الكثير من النساء تعتقد انها تزوجت من الرجل لتغيره في يوم وليله وما يحدث هو الصدام بين الشخصيات يليه سوء الفهم والعقد والمشاكل في الحياه الزوجيه
زوجك وللاسف لم تحسني فهمه بالطريقه الصحيحه ولم تستطيعي استيعابه بحسناته عيوبه لذلك كرهك
حاولي ان تغيري من نفسك وتستوعبي زوجك وتنظري له نظرة مختلفه وبطريقه اخرى

 

[مـهره]

الغالية شي كتاب مفيد جدا

قرأت عنه باحد المواقع اسمه (كيف تكسبي محبوبك) لجاسم المطوع

مفيييد وايد لتحسين العلاقة بين الزوجين وفهم نفسياتهم

 

[الله لايحرمنا]

هلاا لحظات الم ,, مشكوره اختي على ردك بس والله انا مثل ماقلت لك اغلب الاحيان محسسته انه على قولتك سي السيد بس مادري وش يي هو بالضبط الا اذا زودها عاااد انفجرررت...

اهلاا يادكتور موزه ...
كررهني اهييييي اهييي بس واالله اني احس اني مب غاليه يستخسر فيني الشي
وكيف حبيبتي استوعبه يعني اخليه مثلا يسبني واسكت ! وارضى
وكيف انظر له نظره ثانيه وضحي الله يوفقك يالغاليه ,,,

وبانتظار اراء الاخوات ,,,

 

[الله لايحرمنا]

الله يعطيك العافيه اختي مهره ماقصرتي يااااعمري
وبقرأه ان شاء الله ,,,
الله يوفقك يارب ..

 

[^-^ ريـم ^-^]

هلا حبيبتي فيه بعض الصفات المشتركه بين سي سيدنا وسي سيدكم ههههه
هو العناد
وقدرت اتخلص منه الحمدلله بالسياااسه
اولا خليني ابدا من اول
تقولين يجلس مع خواته وسوالف حريم وكل شي زوجي كان كذا
يجلس معهم وسوالف ومدري ايش بس انا ماقلت له ولاشي لاني عارفه ان تكلمت عن اهله بيزيد
الطين بله ويعاند اكثر اتركه يسوي اللي يبي مع اهله ولابد ياعنري يجلس مع خواته
اهله وماله غنا عنهم لاتتدخلين بهالشي الا اذا كان يجلسون معاه بنات من اقاربه لا هنا قولي
انه مايصير كذا تجلس معاهم وتسولف معهم سوالف حريم وش راح يقولون عنك
وشوي شوي راح يمل من قعداتهم تحسبينه ميت على سوالف الحريم لا بالعكس كل هذا عناد لك
عشانك تمنعينه احيانا انتي خليه وبيمل من نفسه
اما العصبيه على الطفل قوليله بدلع لاااااا حراااام عليك تووه صغير ومايفهم
لاتهاوشه هذا حبيبك حراام عليك تسامح منه ضمه وبوسه وكلمه بكلام لطيف

ومن ناحيه الطلبات هذي سحريه بجد اذا طلبتي منه
بكل رقه ودلع حبيببببييييييي مطيها انتي هههه
ممكن تجيب لنا كذا وكذا اذا قال لا وهذا المتوقع قولي برااااااحتك ياغلاي
واي حاجه بتطلبيها تدلعي ومطي كلامك وكلمات حلوووه والله راح يجيب اللي تبين
واذا التغييرات اللي بالبيت اساليه وش رايك وش نسوي هنا وش نحط هنا
انا صرااحه اثق بذووقك حياتي انتا ذوقك مررره حلوو وعشان كذا اخترتني واضحكي بدلع وميااعه
وتحملي تعاندينه والله راح تتعبين من العناد هم يعرفون يعاندون
بس مو نردها لهم بعناد لا بذكاء المره تردها له بالسياسه والحكمه
انتي عارفه مره قال سي سيد ترى انا معااندي وقلت له وانا بعد معانديه اكثر منك من الغباء اللي فيني
قال لي مووتي اللي يعاندني انتبهي لنفسك احسن لك
انا هنا صراحه اكتشفت انه فعلا مايحب اللي يعانده
الرجاال عموما
فانتي لاتعاندينه مثل ماقلت لك بالسياسه تاخذين اللي تبين

 

[الله لايحرمنا]

مشكووره ريومه,,,
ااما سالفه مط الحكي ههههههههههه (( ربنا لا تحملنا مالا طاقه لنا به ))
ان شاء الله احاووول
بس ماعلقتوا على ألفاظه السنعه .... وش لون اخليه يبطلها بليز يااابنات مسوويه لي احباط مش طبيعي ,,,,,,,,,

وارجو ان الدكتوووره تعطيني رايهها وتقولي العله فييني ولا فيه ,,

في انتظااررركم ,,

 

[موزة خلفان]

اخبرتك افهمي شخصيته وتقبليه في بادي الامر بكل عيوبه تقبليه واستمتعي بهذا الموضوع ودعيه يشعر بانك تحبينه بشخصه ولا ترغبين بتغيره عندها ستلاحظين التغير لانه سيحبك والانسان يتغير عندما يحب

 

[om___fahd]

الله يكون بعونك حبيبيتي

في موضوع في قسم الصحه النفسيه مثبت اسمه أنماط الشخصيات طبقي هالاختبار على السي سيد بتاعك وتعاملي مع شخصيته واايد مفيده

وبالاخير اتمنى لك حياه زوجيه سعيده بأذن الله

 

[الله لايحرمنا]

يامال الثانكيووو ,,,
مشكورين على ردودكم الرائعه
والله يوفقني ويوفقكم لما يحب ويرضى ,,,,

 

[المزن]

يا ريت لو الدكتوره ترد عليج لن ناس ملا تفيد معهم السياسه ولا الدلع

 

[الله لايحرمنا]

شقصدك المزن ؟؟
ادلي بدلووك دايراكت .........