سلم ع الجميع جايبه اليوم موضوع غير شكل يعني عشان مانمل جايبه موضوع كاتبته مصريه الله يجزاها خير وباللغه المصريه يالله اليوم غيروا شويه مافيش حاجه خخخ
انا بقالى عشر سنين متزوجه ومن خبرتى دى اقدر اقولك ازاى تخلى جوزك يحبك وتبقى انتى وهو كيان واحد لالالالالالالالالالالايمكن يتجزء
اولا الحكايه لازم تبدا قبل الجواز وحقولك ازاى
اولا ياحبيبتى لازم قبل ماتفكرى تتجوزى فلان او علان فكرى انتى فى نفسك الاول انا مين ومتربيه ازاى واخلاقى ايه وايه الشخصيه اللى تناسبنى وتناسب تربيتى واخلاقى واكيد انتى بنت حلوه وقموره وكويسه ومتربيه احسن تربيه واخلاقك فوق الوصف طيب مع المواصفات دى لازم تختارى اللى يراعى ربنا فيكى حتقوليلى طب ازاى وانا ماعرفش اللى حيتقدملى ده اقولك اولا لو واحد اتقدملك وحسيتى فيه القبول اوكلى امرك كله لله واستخيرى المولى سبحانه وتعالى لانه اعلم باللى انتى مش شايفاه وهو الاعلم البنى ادم ده حيصونك ويحافظ عليكى ويسترك وتبنى انتى وهو بيت يرضى الله واكيد يرضيكوا انتوا الاتنين ولا لا عملتى الاستخاره وربنا قرب بينكوا اوعى تبطليها لحد ماتتجوزى علشان ممكن يكون ربنا وفق مابينكوا لدرس تتعلموه انتوا الاتنين لكن بعد مااتعلمتوا الدرس خلاص ماينفعش تبقوا لبعض خلاص اللى كان ربنا مقدره ليكى من الخطوبه دى خلص خلاص يبقى لازم تعمليها لحد ماتدخلى بيتك انتى وجوزك حبيبك وحتى لو حصلت مشكله بينكوا لقدر الله فى يوم من الايام برده تستخيرى اللى لايغفل ولا ينام ودى اول خطوه فى انك تخلى جوزك يحبك هو انه دايما يشوفك موكله امرك كله لله دايما يبقى عارف ان اللى بينك وبينه مش علاقة بشر لا دى علاقه كانت وحتكون دايما بارادة الله مش شطاره منك او منه صدقينى دى اول لبنه فى بيتكوا واهم لبنه لان البيت اللى قايم على رضى الله مهما كان باين انه حيفشل لا ده هو ده اللى حينجح والزوج اللى بيشوف ان زوجته دايما موكله امرها لله بيخاف اوى انه يظلمها او يجى على حقها حتى لو عمل كده والله العظيم بيبقى بينه وبين نفسه ضميره دايما مأنبه لحد مايحس انه رضاكى علشان يرضى ربه ده اول حاجه عملتها وصدقينى نفعتنى كتير فى حياتى مع زوجى حتى مع اكتر الازمات اللى ممكن تتخيليها
ازاى يعنى اشحن رصيد هوانا حتجوز موبايل ولا حتجوز بنك لا ياحبيبتى انتى حتتجوزى بنى ادم والبنى ادمين لازم تشحينهم دايما مش بفلوس لا بمشاعر ايجابيه مشاعر حب حنان عشق اخلاق حميده تضحيه امان واستقرار وحنقول دلوقتى ازاى اقولك اولا اول حاجه مع جوزك يخليكى ليكى رصيد هايل ودايما الوصول لقلبه سهل من ناحيتها استنى لا مش معدته لا اهله دايما فى اول حياتك معاه طولى بالك قوىىىىىىىىىىىىىىىى عليهم ليه انتى فى فترة الخطوبه واول الجواز دايما حتلاقيهم نازلين ضغوط عليكى وخصوصا كده من تحت لتحت علشان يوقعوكى فى الغلط قدامه ويقولوله شفت لا يابنى دى ماتنفعكش وامه تقوله خد يابنى بنت اختى دى البنت دى اللى حتخاليك ياما هنا ياما هناك وابوه يقوله شفت لالالالا دى ماتنفعكش خد بنت اخويا دى البت دى ايه حتخليك ماتبصش لحد تانى ابدا وطبعا حتى لو خد ملاك من السما لا بنت اخته ولا بنت اختها ولا بنت الجن الازرق كمان مش حتعجبهم لالالا استنى مش عايزين نظلمهم اصل دول مامته وباباه برده شايفين انهم احق الناس بيه دول اللى ربوا وتعبوا وشقيوا وشايفين انك جيتى على الجاهز اخدتيه كده منهم وده اللى لازم توصليه لجوزك او خطيبك فى الاول واللى ماعملتش كده من الاول تحاول تتصالح مع نفسها وتتصالح مع جوزها وتلحق تعمله دلوقتى حتقوليلى اصلك ماتعرفيهومش عاملين فيه ايه دول بيقولولى كلام يحرق الدم بيتدخلوا فى اللى يعنيهم واللى مايعنيهمش حقولك انا عارفه واكتر واحده شافت وحست الكلام واكتر منه كمان بس انا كنت فى الاول بستحمل لسببين اولا علشان انا كنت فاهمه كويس انهم بيعملوا كده من منطلق حبهم ليه وانهم مش عايزين حاجه تاخده منهم زى ماانتى دلوقتى لو جوزك قالك اتجوز او شاف واحده عجبته تقوليله عيوبها وتبرزيها ليه علشان تلفتى نظره اولا ليكى انك انتى اللى احسن بنى ادمه فى الدنيا وانه لو لف العالم مش حيلاقى ضفرك فبتكريهيه فيها علشان تحافظى على وجوده معاكى هما كمان بيعملوا كده اولا لازم تقدرى تمسكى اعصابك على الاخر معاهم لو حاولوا يستفزوكى قدامه ومش عايزاكى فى نفس الوقت تفرطى فى كرامتك لا استحملى اى شئ منهم انتى عارفه انهم بيعملوه بحكم انهم بيحبوه وبيدافعوا عن موقفهم لكن لو وصلت لاقدر الله للاهانه اوعى اوعى تفرطى فى كرامتك وخصوصا برده قدامه علشان يبقى فاهم انك اه بتحبيه ومتفهمه موقفهم لكن لحد الكرامه لا انا كرامتى من كرامتك وخدى حقك برده لكن مش بعصبيه ولا غلط عودى نفسك دايما ان الصوت العالى والشتيمه والعصبيه حتضرك قبل ماتضر حد فى كلام بيبقى بالادب لكن بيبقى اقوى من الضرب تحت الحزام وساعات السكوت بيبقى من دهب وساعات برده لازم يبقى فيه كلام لكن برده من الماظ صحيح براق وحلو لكن هو اللى يشرخ الزجاج فى وقت من الاوقات فاللى يتعامل معاكى يبقى عارف انك طيبه اه حنينه يووووووووه مافيش اكتر من كده مضحيه هو فيه تضحيه اكتر من انى ضحيت براحتى ومسكت اعصابى علشان خاطر ارضى ربنا وارضيك اخلاق حميده مافيش كرم اخلاق اكتر من كده دى مامتك استفزتنى وانا استحملتها علشان بقول دى اللى ربتك وتعبت فيك لكن فى نفس الوقت انا انسانه ليه مشاعرى اللى تحترم واحاسيسى وبرده بالادب والاحترام اوعى تفرطى فى انك تكونى على خلق لابعد الحدود وخصوصا مع اهله علشان دى اللى حتعملك رصيد هاااااااااااااايل فى قلبه وبعد كده هو حيشوف انهم بيظلموكى من غير ماتتكلمى ويرد باللى انتى عايزاه واكتر وفى حاجه مهمه قوى ودى نصيحه اتقدمتلى اول مااتخطبت مشيت عليها لحد دلوقتى وفرقت معايا كتير لو امه ادتك طبق فيه شوك علشان تستفزك اول ماتفتحيه بصى فيه واقفليه تانى واول مايجى اديهولوا واقوليله ماما بعتت الطبق ده وانا مرضتش افتحه الا لما تيجى علشان شكله طبق حلويات هايل قلت مش حمد ايدى عليه الا لما تيجى وناكله سوا طبعا حيفتحه ويتفاجئ باللى فيه استنى ماتنفعليش قوليله ايه ده الظاهر انها نسيت وادتنى طبق تانى روح بقى واديهولها لحسن تكون محتاجاله فى حاجه بس سيبيه بقى طبعا ده مثل واللى حيحصل انتى فاهمه ايه اللى حتدهولك ده طبقيه معاهم بحذافيره ليه هو شافك انتى متوقعه منهم الخير اللى زى اللى فى قلبك لكن اتفاجئ انهم بعتولك كل شر وفى نفس الوقت لانك كلك خير توقعتى انهم مش واخدين بالهم لسه مستنيه منهم الخير وبتبعتيه ليهم وانتى عارفه ومتاكده انهم لافيهم خير ولا حاجه بس هو شاف بعينه ولما بعتيه فى ساعاتهاوهو لسه مشحون بالمفاجئه الجميله دى حيجيبلك حقك تالت ومتلت من غير اى انفعال منك صدقينى الحكايه دى فرقت جدا معايا وخصوصا فى السنين الاولى فى جوازنا ودلوقتى انا بسحب من الرصيد وانا عارفه انى شحنت رصيدى كويس بسحبه ازاى بانى لو حصل منهم شئ استعجب ده انا استحملت وشفت الوحش والمر معاهم واستحملت علشان ربنا وعشان خاطرك ياحبيبى وهما برده بيحاربونى طب ليه لاحول ولا قوة الا بالله فخلاص حرقت الدم بتاعت زمان قلت وهما كمان عرفوا ان اللى حيلعب بالنار معايا انا رصيدى فى قلب جوزى لالالالالالالالالالالا ينضب وكل مااحس انه اقل اشحنه تانى بموقف جميل كده فى حقهم على فكره انا ماعملتش الكلام ده وانا بعمله بلؤم او كنت بارده قوى لا انا كنت بعمله لانى عايزه اعيش مع جوزى فى امان وفكرت لو فضلت فى حرب مع اهله انا اللى حخسر فيها وانى لو ظلمتهم حبقى بظلمه واظلم نفسى فى حياه كلها مشاكل زائد حبقى ضيعت اجرى عند الله فى انى ماكظمتش غيظى ومادفعتش باللتى هى احسن اللى بقولهولك منهج ربانى صدقينى واللى حتبنيه دلوقتى واللى حتزرعيه حتحصديه فى يوم من الايام
احنا اتكلمنا امبارح عن طريقة شحن رصيدك فى قلب جوزك مع اهله فى حالة لو حاولوا يشوهوا صورتك قدامه النهارده حتكلم معاكى فى انك لو عادى الامور هاديه او هى تبان كده تعملى ايه معاهم اولا لازم تحاولى تكسبى رضا جوزك عنك فى الفتره دى وتبقى مطمناه انك اخلاقك لاتسمح انك تشوفى حد محتاج منك مساعده وماتعمليهاش اول حاجه بتبسط الراجل قوى مع اهله انه يشوفك بتساعدى اى حد محتاج مساعده منك من غير حتى مايتكلم ودى اصلا اخلاق كل مسلم ومسلمه انه يكون فى عون اخيه وفى حاجة اخيه حتى لو قوبل فى وقت من الاوقات بعدم اهتمام من الطرف اللى ساعدته فى وقت مااكون انا محتاجله وحقولك ايه انواع المساعده مثلا وليه انا بقولك كده وحتعود عليكى الفايده بايه اولا امه انتى روحتى عندها متستنيش حد يطلب منك حاجه اعملى اللى شايفاه عايز يتعمل من غير ماتستنى ان حد يقولك لكن وانتى مفهمه اللى حواليكى انا عملت كده من اخلاقى الحميده مش عشان خايفه من اى حد والكلام ده انا عوزاه يوصل لجوزك بالذات انا عملت او بعمل كده مش عشان انافق حد او انى مغصوبه اعمله لا دى اصلا هى اخلاقى واللى هى اخلاق جميع المسلمين والمساعدات دى تبقى لاهله عموما مش امه فقط يعنى امه ابوه اخواته اى حد وعلى فكره ياريت تبقى دى اخلاقنا مع الناس كلها حتى لو الناس مقدرتش ده وظلمونا لكن احنا بنعامل وجه الله ولازم يبقى جوزك لامس ده انك دايما فى عون الناس ومش لاهله فقط ليه لان اهل جوزك احنا متفقين انهم حيحاولوا يشوهوا صورتك قدامه وممكن يقولولوا لو اضطر انه يدافع عنك فى موقف مثلا ويقولهم انتوا بتعملوا معاها مثلا اى موقف وحش ليه مع انها بتعاملكوا كويس اللى حيتقال منهم انك بتعملى كده لؤم منك ونفاق مثلا لكن لان جوزك لامس فيكى النقطه دى مش معاهم بس لا لكن دى اخلاقك على الرغم انه شاف برده ان حد اذاكى حتى لو كان هو وانتى احتسبتى اجرك عند الله وبرده ساعدتيه حيرد عليهم وقلبه جامد لانه خلاص اكتسب ثقه فيكى ان دى اخلاقك على فكره ممكن جوزك لما يشوفك بتعملى كده مع اهله يتقبلها ويبقى فرحان بيكى اوى لكن لو عملتى كده مع حد غريب ساعدتيه يعنى وهو انكر الجميل يقولك لا ماتعمليش ليه اى شئ تانى قوليله انا بعمل كده لوجه الله زى ماعملت مع فلان وفلان برده ومستنتش منهم اى رد للجميل ممكن فى الاول ينكر عليكى ده انه مش عايزك تساعدى حد غير اهله بس ولا حتى اهلك تساعديهم لكن انتى من جواكى قبل ماتكونى بتعملى كده علشانه انتى على مبدء واحد لا يتجزء انا بعمل الخير ومش برميه البحر لا انا عارفه انه عند ربنا كويس اوى وحيبقى شفيع ليه فى يوم من الايام حتى لو الناس مش فاهمين دلوقتى لكن حيتفهم بعدين ليه بقى بقولك الكلام ده اى بنى ادم مننا اول علاقته بالناس بيحطهم فى اختبارات كتير علشان يعرف هما يستهلوا ثقته والمعامله معاه ولا لا وجوزك فى اول علاقتكوا حيحطك فى الاختبارات دى ولان رجالتنا اتربت على ان زوجته دى بيتجوزها علشان يفتح بيت اه وكل حاجه لكن كمان علشان يرضى امه بانها تلاقى حد يقف جنبها وكل الرجاله بتتعامل مع زوجتهم من المنطلق ده حتى لو ماقالش وكابر بس صدقينى هو ده تفكيرهم
معلش انا طولت عليكوا فى جزء شحن رصيدك وخصوصا مع اهله لان دى اول واخطر نقطه حتعملك رصيد هااااااااااااايل فى قلبه ودى اصعب نقطة خلاف بين الزوجين واللى بتخلى الراجل مشتت يرضى مين ويزعل مين وطبعا حيجى على الطرف الاضعف فى وقت من الاوقات اللى هو انتى لكن لما يكون شايف انك عمرك ماقصرتى فى حقهم واللى هو قبل حقه كمان على رغم انهم بيعادوكى مثلا ده اذا حصل لان فيه ناس كتير بتبقى فاهمه انى لو عملت مشكله مع مرات ابنى حتعود على ابنى فبتتعامل كويس بس لو هما من النوع التانى جوزك حيبقى عارف كويس قوى ان ربنا اكرمه بالزوجه الصالحه اللى تعينه مش توديه للتهلكه لانه لو عادا اهله اكيد انتى عارفه مصيره ايه وانتى كمان مصيرك ايه يوم مايكون معاكى ولد او بنت حتتعامل معاكى نفس المعامله فاحيدافع عنك وبكل ثقه وحيحبك فوووق الوصف غير ان ربنا مش حيرضى عنك انك كنتى السبب فى الفرقته عن والديه وقطع صلة الرحم بينهم وبين اخواته كمان
ونصحتى ليكى هنا اصبرى واحتسبى وحقك مش حيضيع
الجزء الرابع
حبيه الاول صح علشان يحبك صح الصح
اكتساب الثقه
اولا دى بتبدى من فترة الخطوبه اللى هى اخطر وقت لكسب الثقه لاتمام الزواج وفترة الخطوبه عموما هى فترة بناء حاجات كتير فى حياتكوا واختبارات كتير فى حياتكوا علشان ضمان الحياه بعد الزواج فى سعاده حتى مع المنغصات اليوميه لكن اختلاف الراى لايفسد للود قضيه والود ده مش بيجى من يوم او اتنين ولا من موقف او اتنين دى من طولت عشره ومن كتر الاختبارات اللى حتمرى بيها منه زى ماانتى حتختبريه اختبارات كتير لازم تبقى فاهمه ان فترة الخطوبه مش معموله علشان فسح وخروج وكلام حلو واحيانا وقوع فى الغلط مع خطيبك اللى اكيد حينقص من قدرك قدامه من دخول فى مناطق مش من حقكوا دلوقتى تتعدوها لا الفتره دى اتعملت علشان تفكرى كويس اوى وتتمعنى فى التفكير الانسان ده حقدر اعيش معاه ولا لا وخدى بالك ساعات بتحصل شوية مواقف بسيطه كده منه على رغم كلام الحب الروعه اللى بيتقال فى الفتره دى لكن ساعات يحصل موقف منه تبقى مستغرباه هو عمل كده علشان انفعل مثلا ولا دى فعلا طباعه لا اعرفى ان ده طبعه اللى بيحاول يخبيه عنك لكن الموقف الصعب اللى مريتوا بيه فضحه ومهما حاول يقولك لا والله اصلى انفعلت ومش عارف انا عملت كده ليه لا افهمى ان الحاجات اللى تبان صغيره منه وقتها دى اللى حتبقى ماشيه فى حياتكوا بعد كده ساعاتها تعملى ايه فكرى انا حقدر لو لا قدر الله حصل موقف كبير بعد الجواز وعمل معايا كده استحمل ولا لا لو اه وانتى شايفه انك بطولت البال حتغيريه يبقى اتكلى على الله شايفه لا انا ايه اللى يخلينى استحمل ده يبقى بلاش تتممى الجواز احسنلك واحسنله مثلا انتى مابتحبيش الراجل اللى بيشرب سجاير وده الصح لقتيه مره حد عزم عليه بيها وخدها وشربها يبقى هو دى طباعه وحاول يخبيها عنك لكن لو خدها مثلا بس وماشربهاش يبقى ده بيستفزك عشان يشوف رد فعلك ايه فى الحالتين لازم تفكرى كويس حتقدرى تعيشى معاه على كده وتغيرى الطبع الوحش ده ولا ماعندكيش طولة بال وحتبيعى القضيه من الاول وتقولى بلا وجع دماغ ولو ماقدرتيش انصحك بلاش تكملى مش لانه عيب فيكى لكن لانك ماعندكيش الطاقه دى وحتتعبى قوى وحتبقى الخلافات كتير وانتى مش مستحملاها كمان فترة الخطوبه فيه اختبارات حتتعملك ممكن تلاقيه حاول يمسك ايدك مثلا فى غفله من اهلك خدى بالك ده اختبار ومهما الراجل كابر وقالك لو سحبتى ايدك واعترضتى ليه كده احنا مخطوبين وعمل نفسه زعلان ماتصالحهوش واذا كلمك قوليله انا ماعنديش استعداد ادى حد حاجه مش من حقه انا كده لو مش عايزنى كده براحتك لكن دى اخلاقى ومش حسمح لحد يتعدى عليها انا مخطوبالك علشان اقدر اعرف انا حعاشرك فى يوم من الايام ازاى وعلشان انت كمان تعرف لكن اكتر من كده لا واظن دى حاجه ماتعبنيش والمفروض انها تعجبك لانى لو وافقت دلوقتى معاك وانا مش ضامنه حتبقى جوزى فى يوم من الايام ولا لا يبقى حوافق مع اى حد غيرك لو اتخطبتله انتى كده بتكسبى ثقته فيكى حتى لو مابينش كده حاجه تانيه خطيره بتعملها الستات انها تحاول تثير غيرة جوزها فى ان فلان عاكسنى وكان واد ماعرف ايه وتوصف فى جماله والتانى دماغه شغاله وبيخزن حتى لو كان بيضحك لكن اعرفى انك بتهزى ثقته فيكى واللى حتعملك مشاكل كتير بعد كده وانتى فى غنى عنها اما لو هو عمل حاجات كده تحسى انها غريبه مثلا اتفق انه يجيلك وبعدين قالك لا انا مش حاجى لظروف حصلتلى واتفاجئتى انه جه فعلا يبقى كان عاملك اختبار انتى حتخرجى ولا لا وحتروحى فين بلاش تبينى انك فهمتى وتقوليله هو انت مش واثق فيه ولا ايه لانه ساعاتها مش حيثق فيكى فعلا لكن لو خدتى الامور عادى حيعرف انك مافيش حاجه بتعمليها غلط ولا خايفه من حاجه والكلام ده حتى لو قاله صريح يعنى اترفز لما لاقاكى بره حتى لو متجوزين وقعد يزنق عليكى ارجوكوا بلاش ايه انت مش واثق فيه وخصوصا فى اول حياتكوا لانه فعلا مابيبقاش واثق وحيثق ازاى وانت من عيله وهو من عيله تانيه ولسه ماعاشركيش وعرف اخلاقك كويس وهو كده بيبنى ثقته فيكى لو لقاكى بتعترضى وتغلطيه وبتترفزى حيحس ان فيه حاجه غلط ببتعمل وانتى بتدارى عليها بتصرفاتك دى لكن ليه انا ولا يهمنى انا مابعملش حاجه غلط سألك فى الاول وزنق عليكى بالاسئله ردى فى منتهى الهدوء ومن غير نرفزه لكن لو قالها صريحه وان ايه يضمنى ان كلامك صح لا ساعاتها من حقك تعترضى وتقوليله انت مش واثق فيه طب انا لو اثبتلك الحقيقه دى انت اللى حتخسر جزء من حبى ليك علشان تكسبى ثقته لازم انتى الاول تكونى واثقه فى نفسك انك ماعملتيش حاجه غلط وعارفه ومتاكده انك لايمكن تعملى حاجه ضد اخلاقك ولو حتى لمجرد العند او محاولة اثارة الغيره لان فاقد الشئ لايعطيه لو انتى مش واثقه فى افعلالك هو حيثق فيكى ازاى ويطمنلك ويحبك ومايشوفش حد غيرك اتقى الله فى نفسك قبل ماتطلبى منه انه يتقى الله فيكى
على فكره دى اخطر نقطه بعلاقته المباشره بيكى ولو اطمن ان زوجتى لايمكن تعمل حاجه تغضب ربنا قبل ماتغضبنى التضيق اللى بيعملوه الازواج والخطاب فى الاول على زوجاتهم ده حيقل واحده واحده ومع الوقت كل مايكتسب ثقه فيكى
والتضيق ده لمصلحتك انتى لانك عرفتى انك غاليه عنده وبيخاف عليكى وعايز مصلحتك وبيحفظك من زمن الله الاعلم بيه وصدقينى لما يشوفك مقدره موقفه فى خوفه عليكى بيديكى كل الثقه مع الوقت ولا يمكن يصدق عليكى اى غلطه مهاما يحاولوا الناس ودى بتيجى بتدريب نفسى ليكى انى ماعملش حاجه تتمسك عليه حتى لو هو مش شايفها لكن ربنا شايفها وحيفضحها لو صممتى على غلطك ولو كان زوجك انسان كويس وبيتقى الله فيكى فبلاش اغلط علشان ماضطرش انى اتاسف واكفر عن ذنب حتى لو كان بدون قصد والحكايه دى حتبان تاثيرها على علاقتكوا اوى بعد يمكن سنتين او حاجه واللى كنتى بتضايقى منه من خنقه ومش بيثق فيه ومش عايز يخرجنى لوحدى ومش عايز يخلينى اشتغل كل ده حيقل مع اكتسابه الثقه فيكى
دى اهم حاجه فى علاقتك مع زوجك لكن انتوا حتمروا بمرحلة الخطوبه فحتتقسم ازاى تعبرى عن مشاعرك فترة الخطوبه وازاى تعبرى عنها فترة الجواز وحبتدى بالخطوبه
طبعا لان الفتره دى عليها محاذير فحتبقى مشاعرك لخطيبك فيها نوع من الرقه والنعومه والحياااااااااااااء وحطى تحت كلمة الحياء دى الف خط ليه لانه اه هو ده زوج المستقبل لكنه لسه مش اكيد واحنا متفقين انه لازم يكسب ثقه فيكى عارفه انك نفسك تسمعى كلام حلو وعارفه انك نفسك تحسى بلمسات ناعمه لكن دى مش من حقك او من حقه دلوقتى تعبيرك عن مشاعرك فى الفتره دى حيبقى بائيمائه بسيطه بنظره مكسوفه بلفته حلوه فى عيد ميلاده او اى مناسبه وصدقينى الرجاله بتحب اوى من الست حيائها وبتفضل مشاعر الكسوف بتاعتك اللى فى الاول دى معلقه فى دماغه حتى بعد الجواز وحتى لما يبقى عندكوا ميت سنه وبتبقى ذكرى حلوه اوى ليكوا انتوا الاتنين بعد لما تمر الايام ويبقى عندكوا الكتاكيت الصغيره وحاولى دايما انك تبقى فى ابهى صوره مش فى الوقت ده بس لا حتى وانتى معاكى ميت عيل ومر على جوازكوا ميت سنه ومش معنى انك فى ابهى صوره يعنى المكياجات واللبس الضيق والملفت لا صدقينى النظافه الشخصيه وريحة الصابون احلى بكتير من ريحة اغلى برفنات العالم والهدوم المهندمه والمرتبه حتى لو كانت بكم وتحجيبه بتبقى احسن الف مره من احسن لانجرى والبنت العفيفه فى عيون زوجها وخطيبها احسن الف مره من ملكات جمال العالم
واحلى مافى الموضوع انك تمرى بكل مرحله باحكمها زى ماهى علشان دايما تحسى بالفرق بتاع المرحله اللى بعدها فتستمتعى بكل مرحله على حده
مرحلة الزواج
انتى وجوزك حبيبك دخلتوا على اجمل مرحله فى حياتكوا ورغم ان كتير منا ظلمها وخلاها مرحلة جحيم لكن لاننا مافهمناش معنى الزواج صح طب ايه هو معنى الزواج هو اخص علاقه بين اتنين اللى مباح فيها كل انواع الاستمتاع ماعدا اللى انكره الله علينا واكيد انتوا عارفينها معنى الزواج ان انتى بقيتى الغطاء اللى بيحفظ زوجك من الوقوع فى المحظور زى مابقى هو الغطاء اللى بيحميكى من نفس الشئ معنى الزواج انكوا انتوا الاتنين بقيتوا لبعض حلال بعض مباح ليكوا اى شئ مابقاش بينكوا حاجه اسمها حواجز او محاذير وقت ماتحبى تقولى انا بحب وقت ماترغبى تقولى انا ارغب فيك وقت ماتعشقى تذوبى فى لحظات العشق دى وهو نفس الشئ تعبيرك عن مشاعرك فى الوقت ده ممنوع تكتمى اى حاجه تخطر على دماغك تحسى انك فى اللحظه دى بتحبيه قوليله انا بحبك وبالطريقه اللى تخرج من قلبك حتى لوكنتو بتتناقشوا فى شئ جد جدا وحتى لو كنتى بتتخانقى معاه كمان لكن فى لحظه حسيتى انا بحب الراجل ده قوليها فى ساعاتها وصدقينى حتكون وقعها على سمعه احلى من لو كنتى قايده الشموع وقايده الانوار الحمراء ومشغله موسيقى هاديه حتى ليه لان دايما المفاجئه ليها وقع تانى وليها حلاوه تانيه واظن وانتوا بتتكلموا فى موضوع جد او فيه مشكله عنيفه بينكوا هو مش حيتوقع ابدا انك تقوليله كده فاساعة ماتقوليها حتكون احلى كلمه يسمعها فى العالم وحتنتهى المشكله فى ثانيه اوعى تخبى اى مشاعر حب بينك وبين زوجك وتقوليلى بتكسف اتكسفى زى ماانت عايزه قبل الجواز لكن بعد الجواز كل الحواجز اتشالت بقيتى حلاله وبقى حلالك وباكد على الكلمتين دول حلاله وحلالك اظن انتى بتشوفى من البنى ادم ده وهو بيشوف منك اللى لايمكن بشر غيركوا يشوفوه او يعرفوه ومن غير ماتتكسفوا حتيجى بقه على الكلام اللى عامل زى العسل اللى بيحلى الكيكه وتخبيه وتتكسفى تقوليه باكد عليكى اللى يخطر على بالك وتحسى بيه قوليه فى ساعاتها من غييييييييييييييييير تردد
الجزء السادس
اساليب تجعل زوجك متلهف على رؤيتك وعشرتك دائما
هذا هو زوجى اصبح كل حياتى واصبحت جزء من حياته فهو مسؤليته لاتتعدانى فقط ولكنه يحمل مسؤليات اخرى كثيره وان كنت الجزء الاكبر منها كيف اجعلنى كل حياته يصبح ويمسى ويعمل وياكل ويشرب ويلهو وانا لااغيب عن خاطره لحظه؟
سؤال كلنا بنستصعبه ازاى ابقى كده النور اللى بيضئ لزوجى حياته وان غاب وقفت حياته عن السير وعارفه انكوا حتقولولى اشمعنا يعنى هو بقى كل حياتى وانا بقيت جزء من حياته اقولك ليه دلوقتى وخصوصا فى الفتره الاولى من الزواج وانتوا مامعكوش اطفال هو مسؤليتك الوحيده فى حياتك اه ليكى اهل اب وام لكن مسؤليتك عنهم صلة رحم لكن انتى مش مسؤوله تأكليهم وتصرفى عليهم بل هما احيانا اللى بيفضلوا متحملين مسؤليتك حتى بعد جوازك اماالزوج فمسؤول فى شغله ومسؤول فى بيته مسؤول عنك فى مأكلك ومشربك وكسوتك وسعادتك وشقائك وكمان مسؤول عن والديه امه وابوه واخواته بنات او شباب لسه صغير احيانا كمان فهو مش بيفكر فيكى انتى لوحدك هو بيفكر فى الكم الهائل ده من البشر كمان ودى مسؤليه حملهاله رب الكون ولازم تكونى انتى معينه على كده ماتكونيش عقبه ليه فى حياته تتسبب فى انه يقصر فى مسؤلية حد ويمكن تسبب فى شقائه والعياذ بالله دنيا واخره ومتهيألى انتى بتحبى زوجك قوى وتخافى تكونى سبب فى شقائه اللى صدقينى حيعود عليكى فى يوم من الايام انا سامعه حد بيقولى لالالالالالالالالالالا انا فهمت ليه طب ازاى اعينه على مسؤليته وفى نفس الوقت اكون كل شئ فى حياته
بدايتا كده مجرد اعانتك ليه على مسؤليته وتكملة اللى يقصر فيه هو ولفت نظره لتقصيره ده سواء تقصير فى حقك او حق ولاد المستقبل او حق اهله ويمكن اهلك انتى كمان فى وقت من الاوقات انتى كده بقيتى جزء كبير فى حياته لايمكن يتصور حياته بدونك. لا طب انا شايفه كده انى انا مش واخده حقى معاه ماهو كده مش حيدينى لحظات الحب وكلمات الشوق وتعبيره عن حبه ده ولو بورده وحياخد على انى بعمله اى حاجه وبسد عنه اى حاجه؟ بصى بقه تعالى نتفق من النهارده على اتفاق حلو اوى انتى ابنك او بنتك لما اتولد وخدتيه فى حضنك بمنتهى الحنان والحب كان هو بيديكى اىىىىىى شئ سعاتها لا. وكان مشاعرك وقتها مش بتقل وتقولى لا مش حرضعه او اغيرله او اهتم بيه لانه مش بيدينى اى شئ ده بياخد من صحتى وحياتى واعصابى لا بالعكس انتى اديتى بدون مقابل وفضلتى تدى اكتر واكتر ومابتكليش ولا تملى بالعكس كل ده كان بحب وحنان اكتر واكتر طب ليه هل علشان كنتى مستنيه لما يكبر حيديكى اقولك لا بدليل ان الام حتى لو ولادها عاقين ليها عمرها ماتقدر تمنع مشاعرها عنهم وعندها كم رهيب من المشاعر الفياضه ليهم وده مش عشان ادوكى او مادوكيش دى طبيعه ياحبيبتى خلقها فينا رب الكون عطاء بلا حدود وحنان بلا قيود وحب يفيض ويكسر كل السدود وربنا ماخلقش فينا المشاعر دى لاولدنا بس ده خلقها جوانا لكل البشر من ام واب وزوج واولاد وقرايب ويمكن لحيوانات كمان انتى ياحبيبتى ميزان الكون لو اختل الميزان فى حنانه وحبه ومال للكفه الناقصه حتتقلب الحياه كلها لغابه ولو مال للكفه الزايده حتخرب الدنيا ويصيبها الدلع والكسل طب انتى عايزه كمان تتدلعى وتتحبى عارفه والله وانا عنوان موضوع ازاى تخلى جوزك يحبك وازاى انتى تحبى نفسك وهو ده بيت القصيد لو حبيتى نفسك وفهمتى نفسك وفهمتى ربنا خلقك بمشعرك دى ليه حتعرفى تخلى الحجر مش جوزك بس يحبك وينطق بحبك وهنا بقى افكرك بفيلم حلو قوى الجميله والوحش هى جميله والكل بيرغب فيها لكن الوحش اخدها ليه غصب عنها وحبسها وعاملها اسوء معامله لكن هو جواه بشر بيحس مالوش دعوه بالوش الوحش اللى هو فرض عليه وهى فهمت ده وحسته بفطنتها اللى ربنا خلقنا بيها واللى هى الحاسه السادسه اللى عندنا ومااخدتهوش بافعاله لا لكن اخدته باللى كامن فى مشاعره وعايز بس اللى ينكش فيه ويبحث فى اعماقه فيه وهى عملت كده علمته اللى هو مش فاهمه ولا عارف انه كامن جوه نفسه اخدت بايده وعرفته ان الدنيا فيها حاجات حلوه ومشاعر جميله وهى بتتعامل معاه بكل حذر لايغدر بيها فى لحظه لكن حبته وحبت نفسها وصممت انها تخليه مش يحبها لا يدوب فى عشقها ونجحت فعلا فى ده لدرجة انها غيرت اللى جواه وبراه كمان فبقت كل حياته
هو ده اللى عايزكى تعمليه وخصوصا فى المراحل الاولى فى حياتكوا ادى ومتستنيش المقابل ولو قسى عليكى مايمنعش انك تفكريه باللى ادتيه بس مش بالمن لا من منطلق انى كنت بعمله علشان بحبك وعشان ارضى ربى وكان نفسى قوى انى يتردلى ولو بالقليل وسيبيه يفكر شويه وابعدى عن نظره شويه علشان مايحسش انك بتستجديه انه يعاملك كويس او انه حيمن عليكى لا انتى فى حالت لو مافهمش اضربى ولاقى ماتضربيش على طول ولا تلاقى على طول خليها سيجال يارب اكون قدرت افهمك المعانى اللى عايزه اوصلهالك ودلوقتى حقولك ايه الاساليب اللى تخليه يحبك ويموت فى التراب اللى بتمشى عليه وانا قلتلك الوصفه لكن فى الجزء اللى جاى حقولك المقادير والطريقه بالهنى والشفا
الجزء السابع تابع اساليب تجعل زوجك متلهف على رؤيتك وعشرتك
زوجى حبيبى انا مسؤليتك فكن على قدر المسؤليه
يمكن يكون العنوان غريب بمعنى ازاى تبقى اساليب تجعل زوجى يحبنى ويتلهف عليه وفى نفس الوقت انا بحمله المسؤوليه اقولك ليه احنا مش اتفقنا ان مسؤوليتك انك تعطى حب وحنان وامان وعشره طيبه بلا حدود علشان جوزك يحبك وعلشان برده يحبك لازم تمنحيه وتقوى عنده الاحساس اللى ربنا خلقه بيه وخلق جواه انه يكون سعيد لانه بيعمله وهو احساسه بانه مسؤول عنك وعن سعادتك وعن اولادك وعن كل اللى حواليه وده مفتاح شخصية الرجل المسؤوليه زى مامفتاح شخصية المراه الحب والحنيه وعلشان كده ربنا خلقنا من ادم علشان نكون دايما جزء منه لايتجزء يقوم يخاف عليه ويحميه ويراعيه لانه جزء منه وساعاتها بيفرح قوى انه عمل الوجبات اللى كانت عليه علشان حيكون حافظ على الجزء الجميل اللى فيه واللى هو سر حياته لو الجزء ده مراعاهوش كويس واعتنا بيه عمره هو ماحيكون سعيد غلطه بتغلطها معظم السيدات تخلى جوزها ينفر منها انها تحسسه انها من غيره احسن وانها حتعتمد على نفسها ومش محتاجه منه حاجه وانها متحسسهوش بمسؤليته عنها وتدور على سعادتها بعيد عنه لاعمره حيبقى سعيد بكده ولا انتى حتبقى سعيده لانكوا اخليتوا نظام الكون اللى منظمه رب الكون
طب ازاى احمله مسؤوليتى دايما علشان اسعده واسعد نفسى واخليه دايما حاسس انه مسؤول عن راحتى وسعادتى فبالتالى يحب مسؤوليته دى ويحبنى؟ اقولك بقى واحده واحده دى حاجه حيحسها من قبل الجواز فى انه يتعب علشان يلاقى عش الزوجيه ويبنيه طوبه طوبه ويجهزه علشان الاميره المصونه والدره المكنونه تعيش فيه وعلشان كده يوم مااتحملنا احنا البنات جزء من بناء بيوت المستقبل اصبحت بيوت هشه ليه لان الزوج ماحسش ان البيت ده تعب فيه وعرق علشانه بما يكفى فبقى من السهل عليه انه يفرط فيه بسهوله ومايتعبش علشان يقويه ويحميه ويراعيه كويس فاصبح بيتنا زى بيوت العنكبوت وهنه اى شئ ممكن يقلقلها ويهزها ويهدها كمان لكن ان كنتى بتساعدى لانك مش عشان تشيلى الحاجات الاساسيه فى البيت لا لكن علشان تجيبى الحاجات اللى مش حيعرف يجيبها علشان ده شغل ستات واذا جبتى لازم تحسسيه ان دى كانت مسؤوليته وانتى رفعتى عنه جزء منها مش عشان راحته لا علشان راحتك انتى فتقوى احساسه بمسؤوليته عنك فيحب الحاجه اللى تعب علشان ينولها ويظفر بيها
اما بعد الجواز فلازم تعامليه على انك طفلته المدللة فى اوقات كتير ولازم يوصله فعلا انك طفله عايزه لعبه فى وقت من الاوقات عايزه شيكولاتايه عايزه بنبونى زى ماهى عايزه رعايه كمان وعايزه مأكل ومشرب وملبس كويس مش بقولك حمليه فوق طاقته لكن بقولك على قد امكانياته عارفه ليه سيدنا محمد عليه الصلاة والسلام احب السيده عائشه اكتر واحده لانها كانت طفله يوم مااتجوزها بتلعب باللعب قدامه ومع الاطفال ومتمرح وبتخاف وتجرى عليه فى وقت من الاوقات وتتمسح فيه زى القطط وكان بينام على رجلها وهى زى الطفله تداعبه وكان جواه احساس انها طفله بيوجها وبيخاف عليها وكانت ساعات تتصرف تصرفات الاطفال تكسر حاجه جايه من ضره ليها لانها غارت تقوله عباره تدل على طفولتها احيانا زى مالراجل طفل كبير عايز التدليل وفهم انتى كمان جواكى طفله عايزه تحس انها مسؤوله من حد امنحيه الاحساس ده وماتبخليش عليه بيه اجرى فى الشقه زى العيال وماتتكسفيش اجرى منه كمان حتى لو عندك اطفال لعبيه انتى واطفالك واجروا ورا بعض منه واجروا وراه كمان كلميه ساعات زى الطفله المدللة ومايمنعش تقوليله بدلع يابابا وانا سمعت انه حرام لكن انتى فى نيتك انه مش ابوكى ده زوجك الراجل بيحب اوى احساسه بمسؤوليته لاسعادك استغلى الاحساس ده صح حتى فى الفراش اسمع سيدات تقول انا بمثل انه اسعدنى ووصلنى لقمة النشوه وفى الحقيقه هى مااخدتش ربع حقها وده اكبر غلط الراجل بيفرح قوى ويحس برجولته قوى لما يعرف انه وصل زوجته لقمة النشوه ويبقى عايز يديها اكتر ماوصلتيش ماتنفريش وتتاففى لا بس فهميه انك كنتى نفسك تكونى معاه مده اطول من كده علشان تستمتعى بيه اكتر يقوم يجاهد ويتعب ويجى على نفسه اكتر علشان يسعدك فيحبك ومايستغناش عنك وعن الحاجه الجميله اللى فى حياته اللى بيتعب علشانها وعلشان يسعدها وكل مايشوف النتيجه بتاعت تعبه فى انك سعيده منه لما حققلك اللى انتى عايزاه ومحتجاه منه وبكلماتك الرائعه ليه بعد ماتوصلى للسعاده دى منه حتديه تشجيع اكتر انه يبذل مجهود اكبر لاسعادك وحتمنحيه جو من المرح والطفوله والسعاده اكتر فيحبك اكتر واكتر الزوج مابيحبش الشاويش حسن فى البيت بيحب بنت مدللة احيانا واحيانا زوجه فى قمة النضج واحيانا عشيقه له فى الحلال
الجزء الثامن
تابع اساليب تجعل زوجك متلهف على رؤيتك وعشرتك
كنا اتفقنا ان احساس جوزك بمسؤوليتك بيقربه منك ويجعلك غاليه عنده ويجعلك حبه الاوحد اللى بيشوف فيه نتيجة كده وتعبه لتحمله تلك المسؤوليه وبيسعده اكتر لما تديله تشجيع منك لما يتم مهمته فى تحمل مسؤولية سعادتك على اتم وجه النهارده حكلمك على اساليب تانيه تشتركوا فيها انتوا الاتنين فى انك تشاريكيه فى كل شئ فى حياته مشاركتك ليه بدات فعلا يوم ماوافقتنى على الارتباط بيه ومشاركتكوا الحياه بحلوها ومرها لكن فيه حاجات تانيه في حياتنا بتحتاج المشاركه ومابنبقاش واخدين بالنا منها زى التفكير حاولى تفهمى طبيعة جوزك وتفهمى تفكيره ودماغه رايحه لفين وشاركيه التفكير ولطبيعته دى دايما بصى لجوزك فى كل حياته فى طريقة كلامه فى طريقة نومه فى طريقتة اكله والنوعيات اللى بيحبها فى اكله وشاركيه فيها حتى لو انتى مش بتحبيها اعمليهالوا وجربى تاكلى منها مره والتانيه حتتعودى عليها ساعات بنبقى كارهين الشئ لمجرد انطباعنا بشكله لكن مع تجربته وتعودنا عليه بنحبه وخليه هو كمان يشاركك فى اهتماماتك والحاجه اللى بتحبيها صحيح فى الاول حيكون عنيد معاكى زى الطفل اللى بتحاولى تاكليه اول مره ويرفض اكلك بس مع محاولاتك معاه بيحب اكلك ده ومايستغناش عنه جوزك وانتى كمان كده بنبقى رافضين الحاجه لكن لمجرد شعورنا ان الحاجه دى حتبسط اللى بنحبه حنحبها مع الوقت بس مع وضع لمسات حلوه فيها مننا فتبقى على مزجنا احنا دايما حببيه فى اللى انتى بتحبيه مش بالغصب لا بكلمه حلوه منك بالمسه حلوه على الحاجه اللى عايزه تحبيبه فيها باضافه صغيره تديها طابع خاص واتشاركوا فيها وفى حبها اكيد حيحبك اكتر وانتى مشاركاه فى حاجات اللى بيحبها لا وضايفالوا كمان حجات بتحبيها ومحبباه فيها ساعاتها حيحس وحتحسى انكوا بقيتوا واحد
فيه حجات تانيه مابنبقاش واخدين بالنا ان ليها فعل السحر فى حياتنا المشاركه فى الصلاه انك تصلى انتى وهو صلاوتكوا صلاة جماعه وتصممى على كده وطبعا هو حيبقى الامام فى الصلاه دى فحيديله انطباع انه الامام فى كل حياتى وانه القائد ليها وانى مش بستمتع حتى بصلاتى الا لما تكون مشاركنى فيها وانتى القائد فيها حتى لو نسى وصلى مره لوحده وانتوا مع بعض فى البيت بينيله انك كان نفسك قوى تصلوا مع بعض حتى علشان تاخدوا الثواب اكتر لان صلاة الجماعه افضل من صلاة الفرد ب27 درجه فقوليله كده واحده واحده حيقولك هو تعالى نصلى مع بعض بكده حتقربوا اكتر من بعض وحيبقى رباط مقدس فعلا
كمان وقت النوم وخصوصا فى اول حياتكوا حسسيه انك لايمكن يجيلك نوم الا وهو نايم جنبك وانتى فى حضنه وتصرى على كده حتى لو لاقدر الله حصل بينكوا مشكله ماترتاحيش الا لما تتصالحوا وينام جنبك وحتى لما تجيبوا اولاد تصرى على كده اما لو كانت اماكانتياتكوا مش سامحه بوجود غرفه لبيبى قريبه منك واضطريتى تنامى جنبه وتبعدى عنه من وقت للتانى ادخلى فى السرير جنبه حتى لو هو نام وادخلى فى حضنه واهمسى فى ودنه اصل حضنك وحشنى قوى ولاقيت نفسى مش عارفه اخد راحتى فى النوم الا وانا فى حضنك لمجرد بس انك تشعرى وتخليه يشعر بدفئ المشاعر ودفئ الفراش بيكوا انتوا الاتنين
حتى وانتى فى المطبخ وهو موجود معاكى فى البيت اندهى عليه وقوليله انا عايزاك بس تقعد قدامى وانا بشتغل وتونسنى بس ممكن فى الاول يتذمر ويقولك مش فاضى او ماشفش بعد نظرتك فى انك عايزاه جنبك لكن اصرارك مره وسكوتك مره حيخليه يجرب ولما يجرب خليه يشعر انها متعه حتى وجوده جنبك وانتى بتقشرى البصل وريحتك طبيخ حتى مجرد انه يشوفك رايحه جايه قدامه انتى بتعوديه انك ليكى وجود كبير فى حياته وليكى طله فى حياته وطله متغيره مره حلوه وناعمه وليها طابع ورائحه مالهاش مثيل ومره هوجائيه مبعثره وشكلها مش مرتب ومره كلها حيويه ونشاط وحب ومره هاديه وكلها دفئ ومره كلها ايمان وتقوى خليه يشاركك ويشوفك فى كل حالاتك علشان دايما يحس انه فيه فرق وان فيه تجدد وانك مش شخصيه واحده ولا ماشيه على وتيره واحده يقوم يحب وجوده معاكى ولايمل ولاكل منك حاولى بكل الطرق انه يشاركك وتشاركيه كل حياته حتى مشاكله فى الشغل شاركيه فيها وفى ايجاد حلول ليها
كنا قد اتفقنا ان مشاركتك لجوزك وجعله اشتراكه معكى فى كل شئ فى حياتكوا يجعله فى لهفه دائما لتلك المشاركه ولك ايضا من تلك الاساليب التى تجعله متلهف لرؤيتك وسماع صوتك وعشرتك تخصيصه باشياء لايمكن ان تكون لغيره مثل التزين له اسماء الدلع رسائل حب مستمره التجديد المستمر فى حياتك معه
وابدء بالتزين ليس التزين فقط فى وضع المكياجات ولبس القمصان الضيقه لان هذا شئ طبيعى مع زوجك لانه هو وحده اللذى له احقية ذلك ولكن التزين حتى بابسط الاشياء حتى باضافة لمسات بسيطه لملابس كانت قديمه عندك او راها كثيرا ولكن بلمسه بسيطه منك عادت وكانها جديده مره اخرى وفى التزين حاولى دائما ان تكونى مثيره حتى وان كان ماتلبسيه فى منتهى البساطه ولكن ببعض الحركات المثيره منك والكلمات الحاره ستجعلينه لايرى ماتلبسين ولكن يراكى فى ابهى صوره حتى وان كان رداء بسيط جدا طبعا لايمنع ان تلبسى القمصان المثيره القصير والطويل والمفتوح وكل اشكالها المتعدده وممكن ان يكون بنطلون ضيق وعليه بلوزه مثيره اى شئ المهم الحشو الداخلى اللذى ينطق حتى وان كان تحت عباءه سوداء وحجاب المهم انك تفهمى لغة جسدك وايه المناطق المثيره فى جسمك اللى دايما جوزك بيبقى حاطط عينه عليها ومش بيشيلها وابرزيها اكتر بحركات مثيره وانحناءات مثيره اكتر التزين هو اظهار المفاتن واظهار المفاتن ساعات مش بيحتاج مساحيق تبرزه ولكن يحتاج فهم وذكاء وتعامل بزينه وساعات همسك باذن زوجك بكلمات حب او حانيه اكتر من اغلى ميكياجاتك
اسماء الدلع اختارى لجوزك اسم دلع غريب على مسمعه ومايكونش ليه علاقه باسمه الاصلى علشان يكون اسم خاص بيكى انتى فلما يسمعه يبقى حاسس انك ليكى خصوصيه حتى وانتى بتدلعيه يعنى اسم بعيد خالص عن اسمه فيبقى خاص بيكى انتى وهو بس صدقينى الراجل دايما يحب يحس بخصوصيته فى قلب مراته وفى تفكيرها وفى تصرفاتها حتى وفى دلعها ليه واسيبك انتى تبتكرى اسم الدلع ده علشان وانتى بتقوليه تبقى حساه اكتر مايمنعش انك لو جوزك مش بيقولك اسم دلع مخصوص ليكى انتى كمان انك تلفتى نظره لده وتقوليله انا عايزه اسم مخصوص ليه علشان احس بخصوصيتى فى قلبك زى مانا عملت معاك
رسائل حب مستمره
مش شرط تكون رسايل تليفونيه ولكن ممكن تجيبى ورقه وقلم وتكتبى اللى حاساه لجوزك كل اللى يطرق على دماغك وقتها من مشاعر رقيقه وناعمه وسيبيهالوا فى اى مكان ظاهر او حتى وانتوا متخانقين اكتبيله ايه اللى زعلك منه ببساطه وقوليله انك كنتى تتوقعى منه انه يفهمك اكتر ويحس بمشاعرك اكتر الكتابه بتخرج اللى جوانا من غير مانشعر وبتبقى احلى من كل كلام العالم لانه كلام خرج منك بفكر وعمق اكبر فبيطلع باللى كامن جواكى فعلا وانتى حتى مش عارفاه وقرايته للكلام ده بيداعب نظره وقلبه لانه بيخرج من قلبك يدخل قلبه على طول عودى نفسك دايما على رسايل الحب دى سواء ونتوا فرحانين او زعلانين او بعاد عن بعض اوحتى بتعبريله عن حاجه حاكت فى نفسك ومش قادره تقوليهالوا وجها لوجه
دورى دايما على جديد
جديد فى كل شئ اكله جديده دوقيهاله حتى لو باظت منك اول مره اهو ممكن تضحكوا عليها وتخلق بينكوا حوار لبس جديد حتى وان كان قديم عندك بس بلمسه منك تجدده حتى لو مره تفاجئيه انك لابسه حاجه من لبسه هو صدقينى لو حلوه عليكى حتتفاجئى بنظرته ليكى وتعبيراته ومشاعره وقتها ولو شكلها مضحك حتخلق جو من السعاده والضحك والفرح يعنى ممكن تلبسى جلابيته البيضه اللى بينزل يصلى بيها مره مره الترنج بتاعه كامل ومره الجزء الفوقانى بس ان شاء الله تلبسى التى شيرت بتاعه والبنطلون وقلديه كمان فى حركاته معاكى وقوليله النهارده انا حبقى انتى وانتى انا بس مش على طول طبعا ههههههههههه كل ده بيخلق تجديد فى حياه روتينيه ممله ويجعل ليها طعم تانى
جددى حتى فى ترتيب العفش بتاع البيت دايما فاجئيه وفاجئى نفسك بشكل جديد لبيتكوا وليكى ولاكلك وشربك وحياتك كلها
الالعاب الزوجيه
فيه مواضيع كتير بتتكلم على الالعاب الزوجيه ادخلى عليها وحاولى تنفذيها وابتكرى كمان فيها وغيريها على طريقتك او ابتكرى العاب جديده دايما خلى مخك شغال ابتكر ازاى لان ابتكارك للاشياء بيخليكى مميزه عند جوزك ويخلى حياته معاكى ليها طعم تانى مش حيلاقيه الا معاكى انتى بس حتى لو شاف حد تانى لكن انتى ليكى اسلوبك اللى ربنا ميزك بيه عن غيرك
الجزء العاشر
الحقونىىىىىىىىىىىىىى جوزى ثاير وعامل زى عاصفة الصحراء مع كل اللى عملته ده اعمل اييييييييييييييييييه
فى حالة غضب زوجك كيف تتصرفين
كتير مننا ممكن يقول ياستى انا بعمل كل اللى انتى بتقولى عليه ده بس اصلك ماتعرفيش لما جوزى بيثور بيبقه عامل ازاى
والله ده انا بترعب منه انا والعيال حتى وبنبقى عاملين زى الفار اللى دخل المصيده
اقولك لا عارفه وكلنا مر علينا لحظات الثوره العارمه دى ولما تيجى تدورى على السبب تلاقى
مافيش اصلا سبب احنا بنبقى شايفين كده انه مافيش سبب لكل ثورتك العارمه دى وحتى هو لما يهدى تساليه يقولك انا مش عارف انا ثورة كده ليه اقولك انا ليه علشان الحياه الزوجيه بالذات حياه مستهدفه من شياطين الانس والجن ياحبيبتى ابليس كل يوم بيجتمع بالشياطين ويسالهم هاه كل واحد عمل ايه النهارده وازاى انتصر على البنى ادم وخلاه يقع فى الغلط واحد يقوله انا خليت فلان يسرق والتانى يقول انا خليت علان يقتل واللى يزنى واللى يرتشى لكن يجيله كوماندا الشياطين ويقوله انا خليت فلان طلق مراته
يقوله ابليس لا تعالى انت هنا جنبى ياحبيبى
انا من النهارده عينتك الوزير الاكبر ليه فهمتى ليه بقولك ان حياتنا الزوجيه دايما مستهدفه من شياطين الجن لان الشيطان فاهم انه لما يهد البيت والكيان الصغير بتاعنا ده يبقى مشى اول خطوه فى مشوار خراب الدنيا ماهو لما يهدم بيت المحاكم حتشتغل بين الزوجين ولما يهدم بيت السجون حتشتغل وتلم اولاد مشردين كانوا فى البيت ده لكن بعد الخراب ده انتشروا فى الشوارع اللى يسرق واللى يقتل واللى يزنى من غير اى مجهود يذكر من الشيطان فللى هدم البيت ده لازم يتعين الكوماندا طب ده شياطين الجن طب والانس ايه بقه طبعا فى مثل بيقول العين ماتكرهش الا الاحسن منها والناس ماتكرهش فعلا قد اللى مبسوط ومستقر فى حياته فانتى وجوزك معرضين لناس تنخور فى حياتكوا وتنفخ فى ودانكوا هو من اهله او صحابه او حتى زمايله فى الشغل يفضلوا يتكلموا قدامه حتى مش كلام مباشرعشان عارفين انه مستقر فى حياته ويفضلوا يقولوا ده انا مراتى امبارح بكلمها بصتلى بس روحت رافع ايدى ومديها بالالم
وهو تلاقيه ولا ادا بالالم ولا حاجه واللى يدور عليه يلاقيه هو اللى خد الالم ده فى الاخر والتانى يقولوا قالتى اروح لامى قولتلها ماعنديش ستات تخرج بره البيت ياهانم وتلاقيه هو ياولاداه اللى مراته رميته هو وبئجته فى الشارع وراح بات عند مامته وطبعا جوزك عمال يسمع ده كله ويخزنننننننننن ولا حتى من اهله عمالين يقولولوا انتى سايبلها السايب فى السايب وداخله وخارجه ولا هممها منك خليك سايبها لما تركبك وبرده هو ياولداه فاتح مخزن وعمال يخزن تلاقيه مره واحده بتردى السلام يقولك وكمان بتقوليلى وعليكم السلام طب خدى بقه زعيق وشتيمه وعاصفة الصحراء تبتدى وشياطين الانس والجن عمالين يقولوا طوبه على طوبه خلى العاركه منصوبه وهما واقفين ورا الباب ووراكى ووراه كمان وكمان فيه حاجه تانيه جوزك بيخرج للشغل معرض ان مدير يضايقه سواق ميكروباص يزنق عليه واحد من زمايله يأسفن فيه وهو ماعرفش ياخد حقه وبقه مستنى اللى يحكله على مناخيره بس وطبعا جت فيكى انتى والعيال ياولداه تتعصبى بقه انتى كمان وتبهدلى الدنيا وتقولى انا بنت ناس ياناس وتفضلى تشيلى وتنكتى وتصوطى قدامه وبقيتوا عاملين زى العاصفه لما تقابل البيوت وتخلعها من جدورها وترميها بعزم مافيها مكسره طب وليه مافيه حلول تانيه احسن طب الحل ايه
اولا عندك نوعين من الغضب
غضب بسيط يعنى حاجه كده خفافى زعلايه صغنونه كده على الماشى دى الافضل فيها المواجهه العاقله اللى تقعدى معاه كده فيها وكأنكوا قاعدين فى مؤتمر صحفى ابتدى معاه طب انتى زعلان بس من ايه يقولك اصل عملتى كذا وكذا قوليله مبرراتك فى اللى عملتيه واحده وحده من غير انفعال النقاش طبعا ممكن يحتدم قوليله لا لو مش حتسمعنى اسكت احسن ونأجل الكلام وقت تانى علشان انتى عارفه شوشو قاعد جنبكوا ينفخ فى النار ساعاتها يحس انه ممكن يكون زودها يرجع يقولك لا طب تعالى طب ماانتى لما عملتى كده كانت نتيجة فعلتك كذا كذا قوليله لا انا مااخدتش بالى المره اللى جايه اوعدك انه مايحصلش كده مناقشة ناس عاقله مش مناقشه بدءت عاقله وانتهت فى القسم
طب دى الخفافى التانيه بقه اعمل فيها ايه
اذا كان غضب شديد بسبب وبدون سبب
هنا كان دور شوشو حلو قوى اولا لو جه الوقت ده انصحك اوعى وبلاش وحذارى المواجهه فى الوقت ده باللذات لانه لا سامع منك ولا شايف ولا اى شئ هو الشيطان قفل عينه وودانه وكل حاجه المطلوب منك اسمعى لحد مايخلص كلام او الثوره تهده شويه وانتى ساكته
واما تحسى ان ابتدى يسكت قومى يقولك رايحه فين بكلمك قوليله قايمه اتوضا علشان اهدى وانتى تهدى شويه لان واضح ان الشيطان اتملك منك ومش عايزاه يتمكن منى انا كمان ساعاتها حيفكر ايه ده صحيح ايه اللى بعمله ده لكن لو برده استمر قوليله بكل بساطه على فكره انا مش حتكلم معاك طول ماانت ثاير كده لانه حيكون جدال عقيم مافيش منه اى نتيجه يااما تهدى وتقوم تتوضا كده وتستعيذ بالله من الشيطان يااما مش حرد بكلمه ليه بقولك قومى وخليه يقوم يتوضا لان الشيطان مخلوق من نار ومافيش حاجه تطفى النار غير الميه والميه دى حتيجى بالوضوء كمان الوضوء بيعمل هاله حوالين الانسان من المشاعر الايجابيه وبيغسل الذنوب وبتنزل مع مية الوضوء فلما تتوضى ويتوضى هو المشاعر السلبيه دى حتهدى والنار اللى الشيطان كان بينفخ فيها دى حتنطفى وكمان ممكن انك تقومى وتصلى وتدعى ربنا وتقرى قران قدامه ساعاتها حيتكسف من نفسه ومن اللى عمله وكل الكلام اللى ودنه اتنفخت بيه ده وضغوط الشغل حتتنسى ويبتدى يفكر صح وقتها حيجى يصالحك بلاش بالله عليكى تتمنعن وانتن الراغبات وقتها لان لسه الشيطان قاعد بعيد وعايز يدخل تانى فامتدلوش الفرصه دى لما الموضوع يروق خالص بعدها بساعه او اتنين بعد ماتكون كل حاجه رجعت لطبيعتها وشربتوا حتى كوباية عصير تسيبى حقك بقه لا تتكلمى معاه وتقوليله انت قلت كذا وكذا وغلطت فيه ليه انا عمتلك ايه ساعاتها حيبتدى يعتذر وياريت تقبلى الاعتذار لانه فعلا وقتها ماكانش فى وعيه وكانت ساعة شيطان فعلا لكن كفايه انتصارك عليه ومحافظتك على هدوئك واعصابك وبيتك يمكن تكون حرقت الشيطان ده وواحد واحده الشيطان حيخاف يخطى ناحية بيتك اما شياطين الانس فهو حيتكفل باللرد عليهم والمدافعه عنك قلبا وقالبا
ونصيحه منى خلى دايما سورة البقره شغاله فى بيتك واقريها انتى كمان على طول لانها بتطرد الشياطين من البيت تلات ايام وبتقتل الحسد كمان
كلنا بتجيلنا اوقات نكون منشغلين فيها اما فى البيت او لتقضية واجبات بره البيت زى زيارات عائليه او معرفيه او حتى تكونى موظفه وبتخرجى لشغلك وعموما الرجال فيهم طبع انهم عايزين دايما اللى يشعرهم بذاتهم وبوجودهم ومايقبلوش الانشغال عنهم باى حال من الاحوال طب اعمل ايه ماانا ورايا ميت حاجه فى اليوم مش هو بس ؟ اقولك نعمل ايه فى الورطه دى
1- اثناء انشغالك بالاعمال المنزليه: كلنا بنصحى الصبح اول مانفتح عنينا على طلبات الزوج والاطفال والبيت من اكل وشرب ولبس ونظافه واهتمام باى شئ تانى والله يكون فى عونا طبعا بس انا عايزاكى بس تفتكريه من وقت للتانى انك تدخلى وتقوليله اعملك كوباية شاى ياحبيبى من غير ماهو يطلب او تعملى فعلا من غير ماتساليه او حتى كوباية عصيراو اى حاجه حلوه حتى او وانتى فى المطبخ تخرجى جرى عليه وتندهى عليه وكان حاجه مهمه حتقوليهالوا وتروحى طابعه على خده قبله حلوه وتقوليله اصلك وحشتنى يا(اسم الدلع بتاعه)وتسيبيه وترجعى تانى المطبخ تكملى فى الاول لانه مش متعود منك على كده حيقول ايه ده الست دى اتجننت وممكن يقولك حتى كده اضحكى ضحكه صغيره مع نظره وغمزه كده ارجعى تانى للى كنتى بتعمليه بس بعد كده حيفرح قوى انك دايما فاكراه ومش بتنسيه ابدا حتى وانتى فى عز انشغالك عنه او حتى اندهى عليه وقوليله انا عايزاك فى حجه ضرورى قوى لما يجى برده فاجئيه بكلمه حلوه او قبله حلوه او حضن دافى كده او حتى وانتى قاعده على الكمبيوتر وفى عز ماانتى منشغله ياتندهى عليه بدلع او زى صوت الاطفال ان شاء الله تقلدى صوت طمطم حتى يااما انتى تروحيله وتقوليله هات بوسه حلوه بقه ماليش دعوه واعملى كانك طفله عايزه لعبه حلوه مثلا كل ده حيعمله احساس انه دايما فيه جديد لمشاعرك ويروح الفتور اللى بيبقى بين الازواج وخصوصا بعد مرور كام سنه من الجواز وصدقينى الحكايه دى بتحسسه انك مش واحده عامله زى السجان فى البيت وقاعده طول النهار تشتكى بس لا دى برده بتبقى ساعات عامله زى الاطفال ومره كلها حب ومشاعر ومايمنعش انها مره بتشتكى بعصبيه ومره بنبرة شجن وحزن واحتياج للمنقذ ارجوكى بلاش الاهمال فى المشاعر وبلاش الفتور والنكد الدائم يعنى نكدى شويه وحبى شويه وادلعى شويه واهتمى شويتين بنفسك وجوزك يعنى تبقى متعددة الاشكال
1- فى حالة انشغالك فى العمل: مايمنعش وانتى فى الشغل تبعتيله رساله حلوه على الموبايل انك مستنيه الساعات والدقايق تمر بسرعه علشان تروحى بسرعه وتشوفيه او حتى ابعتيله نكته حلوه او فكريه بموقف حلو بينكوا برساله و بمكالمه حلوه يعنى خليكى مجدده معاه بره وجوه او قوليله لو الميزانيه تسمح انك تعزميه بره بعد الشغل ان شاء الله على كوباية حلبسه (حمص الشام) حتى او كوز ذره اى شئ تحسسه باهتمامك بيه وانك عايزه دايما تكونى معاه ويكون مشاركك فى كل شئ وانك بتفرحى لوجوده ده قوى زى الطفل اللى بيفرح بلعبه حلوه
3_فى حالة عدم وجودك فى البيت لزيارات عائليه للاطمئنان على الاهل: هنا بقه الغيره من جوزك بتبقى على اوجها وبيفكر دى اهم حاجه فى حياتها امها واخواتها وعلشان تروح تعمل واجب معاهم ممكن تنسانى وتنسى نفسها حتى وتلاقى معظم الرجاله بتغير من اهل زوجاتهم يمكن اكتر مابتغير من خروج زوجاتهم للشغل وتلاقيهم دايما حاسين ان اكيد لما بتروح لامها امها بتفضل تسلطها عليه وتلاقيه بيلاحظ قوى اى تصرف منك ليه حتى لو كان فى خلاف قبل ماتروحى وكلمتيه وفتحتى فيه تانى يقول اه اكيد حكت لامها وامها سلطتها ويلاحظك ياترى حتتصل بيه ياترى لما اكلمه حتتكلم كويس وحتى بعد ماتروحى يبقى قاعد ملاحظك بعدها اسبوع كمان طيب انتى علشان تتجنبى المشاكل دى شويه دايما خليكى على اتصال بيه وانتى عند مامتك او اهلك وحتى كلميه مكالمه ساخنه كلها حب واشتياق وتفكريه بايام ماكنتى فى بيت اهلك وبيتصل بيكى ايام الخطوبه كنتوا بتبقوا نفسكوا تقولوا كلام كتير لبعض ومش قادرين وانك مبسوطه دلوقتى انك قادره تعبرى عن اشتياقك بحريه مش زى الاول وكل ده علشان تساكتى الشيطان اللى قاعد يوسوسله طول ماانتى مش موجوده وكمان انتى حتحسى ان البعد ده ممكن يرجع اشتياقك ليه وتبقى فعلا حاسه بكل كلمة اشتياق ليه وخصوصا لو اضطرتك الظروف انك تقعدى فتره عن اهلك وممكن تكلميه بليل خالص بعد ماالكل ينام بصوت هامس كله مشاعر حب واشتياق وقوليله وعبريله عن شوقك ولهفتك ليه ساعاتها حتبقى شاغله كل تفكيره حتى وانتى بعيد
طب ماانا بعمل كل ده وهو مش بيقدر اعمل ايييييييييه؟
ده اللى حيقولك عليه الجزء اللى جاى
الثانى عشر
فى حالة لم يفهم او يقدر زوجى كل ماافعله من اجله
انا عملت كل كلامك ده بالنص وماخلتش اى كلمه الا ونفذتها وساعات كنت احس انه بيقدر ده ويبقى فرحان كمان واحس انه بيحبنى لكن مش بيعبر عن حبه ده كويس اوقات لكنه برده مش بيقدر المجهود اللى بذلته فى انى اسعده وحاسه ان كل اللى بعمله بيروح هدر ومش حاسه منه بالاستجابه المطلوبه اعمل ايه؟
هنا بقى عايزه اقولك ان زى مالستات انواع نوع يظهر حبه على طول ويبقى كله حنان كمان ونوع يبقى بيحب لكن بيتكسف يعبر عن حبه ده ونوع انانى عايز ياخد بس مايديش الا القليل ونوع الحب عنده ماديات يعنى مايحسش بحب اللى قدامه الا لو اخد منه حاجه ماديه او اتهادى بهديه قيمه ونوع اقل كلمة حب واقل هديه تفرحه وتسعده وتخليه طاير فى السما وعايز يدى اكتر واكتر كمان الرجاله انواع وكل نوع انتى وحدك اللى تقدرى تفهميه وتحاولى تتماشى معاه واحده واحده لحد ما يااما تصلحى نظرته ليكى يااما تبقى عارفه من جواكى انه بيحبك لكن مختلف فى طريقة تعبيره دى وقبل اى نصيحه من الاول قلتلك ان الحكايه عايزه شوية صبررررررررررررررررررر وان ساعات مجهودك ده مش بيبان من يوم وليله وساعات كمان بتقعدى سنين تحاربى علشان فى الاخر توصلى انتى وهو والعيله لبر الامان ولحالة السلام المطلق لكن اعرفى انك طالما من الاول اخترتى انسان متدين وعارف ربنا واستخرتى ربنا مره واتنين ومليون لحد مااتجوزتيه يبقى هو ده الخير ليكى حتى لو بان مش كده وطال الزمن بس النتيجه حتظهر اكيد فى يوم من الايام
لكن تعالى نفترض انه كويس بس لسه مش فاهم وعايز اى شئ يحفذه انه يفهم مشاعرك كاانثى ويقدر يتعامل معاكى خدى بالك ان زى ماانتى ولدتى انثى وفاهمه قوى مشاعر الانثى ايه وايه اللى يسعدها وايه اللى يحزنها وايه اللى يخليها مستقره فى حياتها لكن انتى بتتعلمى واحده واحده مشاعر الراجل ايه لانك مااتولدتيش راجل فمع الوقت بتفهمى طريقة الرجال فى المعامله ومشاعر الرجال ايه وايه اللى يسعدهم وايه اللى يضايقهم وان كان انا عارفه ان السيدات عندهم استعداد اكبر للفهم والتضحيه عن الرجال لكن عايزه اقولك انه هو برده زيك مااتولدش انثى وبالنسباله انتى طلاسم مش قادر يفهمك وحتى لو فهمك مش عارف ازاى يسعدك فى دماغه انك زى الراجل مجرد مايتعامل معاكى انه يجيبلك اكلك وشربك خلاص هو فى فكره انه عمل الواجب اللى عليه وانه اسعدك وبمجرد انه دخل جامعك على طول من غير اى مقدمات هو فاكر انك زيه مش بتحتاجى اى مقدمات انتى مجرد انك تشوفيه عارى خلاص يبقى انتى كده بقى عندك رغبه فيه وعلشان كده ربنا قال ايه فى القران تفهمه كويس انك مش زيه مجرد ماتحسى بالرغبه يبقى انتى مستعده لا ربنا قاله (وقدموا لانفسكم) علشان يفهمه ان المخلوقه دى مش زيك دى لازم تديها مشاعر حب الاول علشان تاخد منها امتاع حقيقى انتى كمان لازم تعلمى جوزك واحده واحده ازاى يعاملك وايه اللى يسعدك وايه اللى يحزنك وايه اللى يبعث جواكى الاطمئنان وايه اللى يخليكى خايفه طول الوقت انه يغدر بيكى وايه اللى يرضيكى وايه اللى لايمكن تحسى فيه بالرضا واعرفى انه مش زيك عندك الحاسه السادسه اللى كلمتك عليها فى انك تفهمى اللى قدامك حتى من غير مايتكلم اعتبرى انك بتربى طفل صغير لسه مايعرفش اى شئ فى الدنيا ساعات تلاقيه يستجيبلك ويفهم من غير مايتعبك وساعات تقعدى تفهمى فيه سنتين حاجه وتقعدى تدربى فيه انه يفهمها ويعرفها وفين وفين لما يفهم ويعرف يعملها لو زهقتى من اول ماابتديتى تعلميه لاعمره حيتعلمها ولاعمرك حترتاحى وحتفضلى انتى اللى تعمليهاله طول حياتك يااما بقه ترميه علشان تجيبى غيره بيفهم بسرعه وده مستحيل يحصل طبعا ومستحيل حتلاقى الطفل اللى بيتولد عارف ايه اللى انتى عايزاه ويعملهولك من غير ماتتكلمى علشان كده ربنا جعل فيكى القدره على التحمل اكتر من الراجل لانه عارف انك حتتحملى تربية طفل صغير اللى هو ابنك وكمان تتحملى تربى طفل كبير اللى هو جوزك فااولا وصيتى ليكى الصبرررررررررررررر عليه والصبرررررررررررررررر على ظهور نتيجة اللى بتعمليه لانك لو ماصبرتيش لاحيفهم دلوقتى ولا بعدين وفى كل الاحوال انتى اللى حتتعبى علشان زهقتى بدرى وماجاهدتيش علشان توصليه انه يفهمك اولا ويقدرك ثانيا وبعدين يديكى اللى كنتى بتتمنيه واكتر
لكن احنا برده حنحاول نشوف طرق تخليه يراجع نفسه ويقدر يفهمك وده فى الجزء اللى جاى
تابعينى
طبعا لسه مانزلت الجزء اللي بعده بس تنزله بجيبه لعيونكم000000000000000000
