تزيين سلات المطبخ والحمام**تم الرد**

[قلبي جنوبي]

السلام عليكم ورحمة الله وبركاته



ياهلا بهالطله ويامرحبا

ابيكم تفيدوني انا افداكم

عندي سلات اللي تجي تشيل البصل والثوم والبطاط وهي تجي ادوار وعاجبني شكلها بس مشكلتها انها من سعف ماحبيت شكلها ابي ابدع فيه فكرة اشتري تجليد لون حلو واجلدها او قماش واخيطها بس خايفة يتوصخ القماش واقعد بها فا وش رايكم ابي افكاركم


الثاني عندي سلة الملابس وجاي معها طقم متكامل لدورة المياه بس عيبه ما اعجبني الوانه لانها متناسب اثاني والسيراميك جاي شكلها مو حلو كيف اتصرف فيها هل اني اجلدها كمان تكفون ابي ارائكم اليوم العصر بنزل السوق



** ملاحظه اللي فوق كلها جتني هديه هي معجبتني ابي استخدمها بس عيبها قلتلكم الالوان مره ماهي متناسبه مع السيراميك

 

[عبيره]

صباح الورد عزيزتي
بالنسبه لسلة المطبخ تقدرين تحطين الطبقه الداخليه اللي بتحطين عليها البصل والبطاطس نايلون شفاف واللي عالاطراف الخارجيه قماش باللون اللي تحبينه وسويها اما على شكل لبس تدخلين السله فيه واطرافه ثبيتها بخيط مغاط او طقطق

وطقم الحمام نفس الشي في انواع قماش قريب من البلاستيك ماتخرب بالمويه

اتمنى اني قدرت افيدك عزيزتي

بالتوفيق

 

[-من الناس-]

عزيزتي ممكن تبخيه بألوان البوية البخاخ الموجود في المكتبة
فيه الذهبي والأحمر والأسود وغيره
بس بخي في مكان هاوي مثل السطح أو بلكونة وحطي تحته سفرة عشان ما ينعدم وبالتوفيق
اذا عجبتك الفكرة لا تنسيني من الدعاء

 

[^غلا دبي^]

عزيزتي


هالفكره تناسب سلات المطبخ

اما عن طقم الحمام

ممكن تغطينه بقماش وتزينينه بالطرابيش

فكرة احدى الخوات حبيت انقلها لج



الأدوات :

طقم من نوع رخيص للحمام أو استخدمي طقم قديم عندك و المكون عادة من (السلة, صحن الصابون ,علبة المناديل, كاس الماء,علبة فرش الأسنان,وهكذا) إذا كان لون الحمام ازرق مثلاً استخدمي الطقم ابيض .
دانتيل ازرق ويفضل أن يكون مكرمش حتى توفري على نفسك الوقت .
شرائط ساتان زرقاء وبيضاء .
ورود لونها زهري وابيض وموف.


الطريقة:


لفي الدانتيل على صحن الصابون و ثبتيه بصمغ المسدس ثم لفي عليه الشرائط ثم ثبتي الورود على حسب ذوقك.
سلة الزبالة غلفيها من الداخل بتجليد شفاف ومن الخارج بقماش ابيض وعلى أطرافه ضعي الدانتيل ثم نسقي الورود بالطريقة التي تناسبك.
من الممكن وضع شموع مع مراعاة وضع قاعدة لها وتزيينها بالدانتيل والورود وأيضا وضع سلة فيها ورد مجفف وتزين بالطريقة السابقة
إذا كان الحمام لونه كحلي فتكون الشرائط مثلاً ذهبي وكحلي و الدانتيل كحلي أو سكري والورود كحلي وسكري ونسبة بسيطة جدا أحمر.
إذا كان لون الحمام زيتي فيكون الدانتيل زيتي والشرائط ذهبية والورود صفراء.
إذا كان الحمام لونه بيج فيكون الدانتيل بني والشرائط ذهبي وبيج والورود بني وبيج وهكذا ... ​

 

[قلبي جنوبي]

عبير ....

الله يجزاكي بالخير ويفرجها بوجهكي ولا يرد لك دعوه

 

[قلبي جنوبي]

من الناس


الله لا يريكي مكروه ولا يرد لكي دعوه


سعدة بمرورك

 

[قلبي جنوبي]

غلا دبي


سعدة بمرورك ووضع بصمتك في متصفحي


الله لايحرمك الاجر ولا يرد لك دعوه وربي يوفقك

 

[^غلا دبي^]

تسلمين عزيزتي


وان شاء الله تطبيقينها وتطلع حلوه​