تحويشة العمر

[um hamani]

السلام عليكم
مبارك عليكم الشهر وكل عام وانتو بخير
حبيباتي أبي منكم جواب لهذا السؤال
إذا طلب زوجك منك تحويشة العمر على أنه يردها بعد فترة ؟؟؟؟؟؟
هل تلبين طلبة أم لا
وإذا لبيتي طلبة هل تعتبرين تصرفج صح؟؟؟؟؟؟

 

[um hamani]

الظاهر ماشاء الله عليكم خواتي محد تعرض حق هالموقف !!!!!!!!!!!!!

 

[um hamani]

قصدي انج خاشة فلوس يعنني اتشلينها من معاشج
فلوس خاصة فيج انتي تيمعينها حق شي معين في بالج مثلا: تشترين سيارة كشخة ، ساعة ماركة ،
أو تدخلين فيها بمشروع وزوجج عارف بالسالفة وطلب منج هذي الفلوس ؟؟؟؟؟؟؟؟؟؟
تلبين طلبة أم لا ؟؟؟؟؟؟
ومشكورة حبيبتي على الإستفسار

 

[العروس]

السلام عليكم ...

يعتمد حبيبتي ليش هو طالب تحويشة العمر ، ويعتمد ايضاً بالدرجة الأولى على نوعية زوجك ..

يعني اذا زوجك انتي ضامنته والشغلة اللي محتاج لها الفلوس مهمة واهم من اللي انت ناويه تسوينه بها .... من رأيي ليش لا <<<<<<<<< يستاهل ابو الشباب ..

اعرف وحده علاقتها بزوجها حلوة ومع ذلك اذا احتاج مبلغ تعطيه اياهم على اساس انهم سلف ويردها لها وهذا حقها ... بس اعتقد ان الزوج حاط في خاطره على هذه السالفة ..

عني انا وزوجي الجيب واحد بس في المبالغ الكبيرة تكون هناك اولويات ...

 

[um hamani]

حبيبتي ماذا تقصدين بالأولويات؟؟؟؟؟؟؟؟

 

[العروس]

يعني
الاولويات : في شي اهم من شي ...
يعني احنا حاليا كل مبلغ يجينا سواء انا او زوجي يكون لبناء البيت ...
لكن في مرحلة مر شخص من هلي بمحنة فحبيت اني اساعده فكان بمبلغ من التحويشة لان الوضع طارئ فكان هالموقف اولى من البيت ...
والاولويات انتي ترتبينها حسب اهميتها لك ..
ولو كان زوجك مديون مثلا ... بتفكرين تعطينه ولا لا ...
طبعا تعطينه ولا السيارة او الساعة اولى من زوجك ....

اتمنى فهمتي شقصد ..

 

[ميوسه]

عزيزتي

قدري الامور

ووانا مع انو ماتعطيه هو رجل وبيقدر ياخذ قرض يتسلف يبيع اي شي يخصه


خليك بعيده عن الامور الماديه


وانو لاتدخلين نفسك بمتاهات


حتى لو كنتي راح تعطيه خليك يوقع على ورقه انو يرجعها باختصار احفظي حقك


بس حاولي تفهمينه انو ماتقدرين تعطيه لامور خاصه فيك او خاصه بالاهل

لان هو رجل ويقدر يصرف عمره



موفقه

 

[حواء في ارض ادم]

بالنسبه لي لما احتاج فلوس
رااااح اكتب في ورقه وحط شهودفي
ذلك لان الدنيا دواره وماتدرين لو بيكون مبلغ حلو ر اح بيتهرب
او ينكر

 

[Bride 2007]

في نظري مش ضروري يعرف ان عندي مبلغ او كم في حسابي

 

[آه يازمن]

شووووفي ترى الرجال فيهم نذالة وهذا من واقع تجربة احفظي حقك واذا كان لابد تعطينه خليه يكتب ويوقع ماتدرين عن الدنيا .......ياما عطيناهم وانكروا وجحدوا

 

[رومانسيه تائهه]

موقف الصراحه مزعجالله لايحطني فيه
بس مادري انت أعلم بزوجك وبالظروف اللي يمر فيها الله يعينك

 

[غلاي ولدي]

لاتعطينه فلوسك الرجال يدبر نفسه من غيرك

قولي احتاجتها اامي واعطيتها لها هديه مو سلف

ولاتقولين له بعد هالمره كم حوشتي فهميه انك تساعدين اسرتك بكل راتبك

لتضعفين في حقك اختي اقري مشاكل الحريم وبتفهمين قصدي

موفقه يالغلاا

 

[ا روان]

بعض الزوجات تعطي زوجها تعب عمرها
لكن بالمقابل هل الزوج مستعد يعطي زوجته
اللي الاحظه اكثر الرجال بخلاء طبعا لااتكلم عن المليونير انا اتكلم عن الرجل اللي امكانياته متوسطه
وكثير من الزوجات الموظفات تتساعد مع زوجها لبناء بيت العمر وبالاخير ينكتب باسمه هو مع انه احيانا تكون دافعة نص المبلغ او اكثر هل الزوج مستعد انه يكتب البيت باسم زوجته القليل منهم سيكتبها باسم زوجته والكثير منهم مستحيل يرضى انه تكون باسم زوجته​

 

[المعلمة الراقية]

حسب الحاجة الي يبغى المبلغ لها اذا كان امر مهم فأنت المفروض اول من يقف بجانبه بلا منة وانت ادرى بمقدار حاجته فأناافضل مساعدته وقت الحاجة مع حفظ حقي فهو من سلمته حياتي كاملة وهو ابو ابنائي واولى الناس بطاعته ومحبته شرعا

ولكن اعيد عليك مع المحافظة على حقوقك اي ان تتكاتبا بما بينكما دون حساسية تطبيقا لقول الحق تبارك وتعالى في اية الدين وفقك الله لما فيه صلاحك

:shiny::shiny::shiny:​