تحليل شخصية زوجي

[بورصة الحب]

السلام عليكم ورحمة الله وبركاته

شخباركم حبايب قلبي


:sadwalk: احترت وانا احاول اعرف بالضبط بوصلة الشخصيه لزوجي

في احد يقدر يساعدني .... صاير استيعابي بطيئ:busted_red:

ابقول مواصفاته عل وعسى احد يحن علي ويقولي :sad_1:

:detective2: وحتى انا ابي اعرف بوصلتي خخخخخخخخخخخ >>>> كاني مصختها

:blush-anim-cl: ادري انكم ماراح تقصرون معاي

ابتدي بزوجي
اممممممممممممم
طيب ومايقصر من ناحيه مصاريف البيت ومتطلبات عياله
كتووم مايقولي اي شي صار بالعالم وياليته سر يعني انحرج لما احد يتكلم بموضوع واسالهم عنه يقولون غريبه زوجج يعرف ماقالج :schmoll: شوفو قمة الاحراج وبلحظتها ودي اذبح زوجي

مايعرف يقول كلام حلووووووو ابدا واذا قاله يقول غصب وبعديت يقول ماعرف اقول كلام حب :surrender: المهم تعرفين اني احبج
(زين شدراني انه يحبني ياربي حلات الكلام )
_ مايقول شنو يحب بشكلي او شنو اغير له وشنو الوان اللبس ... مادري يحب الشعر الطويل او القصير ياربي ومرات احسه ينتبه للبس الفنانات او الناس مثل يقول مو حلوة هاللون عليها يقصد فنانه او شعرها اي شي ومن هالكلام يعني يعرف يميييز واذا سالته عن نفسي قال اي شي عادي
مو يقهر الواحد :sad_1:
امممم يحب السياسه والكره والاسهم ....وانا اكرهم خخخخخخ
مو عارفه شلون اتكلم معاه ... مرات اسولف اسولف اسولف اخر شي اكتشف انه ماسمع ولا كلمة بس المشكله انه يقول كلمات ...يبين انه منتبه معاي ...مثل والله صج .... اي زين .... او يعطي ابتسامه
:harhar1: يضحك علي
ومن يومها مااحب اسولف معاه ... الا اتاكد انه منتبه ميه % معاي ...بس زهقت والله
مااعرف شلون الفت انتباه لي
يحب يسهر مع ربعه ودوانيات والحين مخيمات ... ومايحب حيييييل الطلعات..الكثيرة بس حرام يطلعنا بس لما اقوله طلعني ...
اول زواجنا نطلع دايما بس حاليا قليل
نحب بعض وماخذين بعض عن حب بس مادري احس فيه شي غلط في تعاملنا مع بعض



انا انسانه رومانسيه حالمة
طيبه جدا ... اسامح بسرعه واعصب بسرعه وارضى بسرعه :fish:
خجوله _احب الناس.... واحب اقعد مع اللي اعرفهم يعني مااتعرف بسرعه مااحب اغامر
موظفه الحمدالله وعندي عيال اموت فيهم
احب احتفالات يعني قبل ماانسى اي مناسبه تخصني انا وزوجي الا واحتفل فيها بس لكثرت سهره بطلت اسوي حفلات بس ماانسى اقدم له هديه ومااحس اني القى رد فعل حلو يعني كنت اتوقع منه ششي ومايصير ياخذها يسال عن سعرها ومتى شريتها ياربي هديه هديه
بس ترى مو بخل منه هههههههههه من كثر مايتابع الاسهم والاعمال الحره خخخخخ
:essen: احب اطلع معاه بمطعم بس احاول الطف الجوو معاه بس نجي ناكل ونطلع

انا هاديه عند الناس مااسولف صرت اهذر واجد معاه بدون فايده كاني اكلم جماد خخخخخ

اممممم اول سنتين من زواجنا كانت حلوة بعدها مادري تدخلات اهله المزعجه
امور خلت حياتنا ممله
المهم اني مليييييت جد جد مليت
حياتنا صارت ممله وروتينيه
ودي اسافر معاه بس اهله يدشون عرض وبيسافرون معانا وانا مااحب اكسر فيهم واخليه يسفرني ويطنشهم قلبي ابيض
ونقعد لا سفره لا طلعه مثل العالم
احسه اهو يبي تغيييييير
وانا بعد ابي تغيييييييييييير
اف مادري شقول ترى والله ببكي :tears:

مادري شقول اكثر بس اللي تفهمني ترد علي

 

[بورصة الحب]

امممممممممممممممممم زين ع الاقل ارفعوو موضوعي مو تدشون وتطلعون

 

[كفاني عذاب]

شوفي يالغاليه انا بقولك على حاجه تغير حياتكم بس ابي منك تدعلي ,
نجي رقم
اول شي انتي وايد لزقه في زوجك يعني دايم تحشرينه وتبينه يكون عندك ويسولف عليك
ياختي خليه يشتاق حق القعده عندك والسوالف معك يعني مو 24 ساعه مقابلته وبعدين يبيلكم
اجازه زوجيه يعني تروحين حق اهلك وتقعد يوم يومين المهم تبعدين عنه .
ثاني شي شوفي اهتمامه انتي تقولين يحب الرياضه ويحب الاسهم يعني حاولي تقرين كثير عن الاسهم والرياضه
خليك اقل شي الاجاء يحاورك يدري انك راح تفهمين انتي جربي هذي الاشياء للي قلت عنها واذ حصل فيه تغير
راح اكملك الباقي تحياتي

 

[بورصة الحب]

هلا قلبي مشكورة ع الرد

لا والله ماابي يلزق فيني بالعكس عندي اهتمامات واطلع دوم مع رفيجاتي وموظفه
بس مرات اشتاق نسهر مع بعض لو بيوم بالاسبوع نحدده وهو موراضي مرات يجي بيسهر معاي اكون مشغوله باشياء خاصه ويخرب علي او اكون معزومه او هلكانه ابي انام

انا مرات اروح انام عند اهلي يومين خاصه الخميس والجمعه ... يعني اعطيه فترات راحه مااقصر
للمعلوميه انا تخصصي دارسه للاسهم وكنت باول زوجي نشتري اسمهم واقوله اذا الاسهم ارتفعت او انزلت
واتابع معاه كورة ... واتشارك معاه بهالامور بس بصراحه مليت من هالامور او بمعنى اصحى زهقت
ودي اعرف شلون..اقدر اخليه يشاركني بالاشياء اللي احبها ويستمتع مثل ماانا استمتع معاه بالامور اللي يحبها
شلون اخليه يخصص يوم واحد بالاسبوع لي وله نطلع بروحنا ونسهر مع بعض ..
انا ادري انه يحبني ومايقصر بس ماابي ابيه يتكلم شوي
اممممممممممم وابعرف شنو بوصلته ههه جنوبي والا شرقي
وللعلم انا حاليا ..عند اهلي بيصير لي شهر... لانه مسافر للعمل ..

اتمنى تردين علي وماتقصرين

وباذن الله مايقصرون الباقي لو بدعوة حلوة

 

[بورصة الحب]

افا ولله
مو مشكله يعطيكم العافيه غلطانه اني سالت

اتمنى الغاء موضوعي
ا

 

[فيروزه]

بورررصة الحب .... الله يعيك
زووجي مثل زووجك ... اضيفي الى ذااالك راعي بنااات من الدرجه الاولي
هههههه... وطبيعة عمله يغيب عنا اااا كثير .. يعني كلها كم يووم الي نشوفه , تخيلي ....ويكون معانا جسد بلا رووح .
وفي الدوااام كله ع البااال توك مع خويااته .هذا غير صديقاااته وعشيقاااته اللي في كل مكاان ... تخيلي يسمووونه اخطبوط البنااات .. واتمنى احدد شخصيته علشاان اعرف اتعامل معااه بس مو عارفه كيف


الله يكوون في عونك .