تحليل الزوج ؟؟؟؟؟

[مجنونه زعلاته]

مساء الخير لكل الحوامل والله يتمم لكم على خير وتقومون بالسلامه والف مبروك مقدما :28:
والغير حوامل الله يرزقني واياكم عاجل غير اجل الذريه الصالحه يارب ياكريم

بغيت اسألكم انا دايم اروح عند الدكتور ويكشف علي يقلي مافيك شي ! بس الدوره ماهي منتظمه ومابين شهر وشهر اروح ويقول نفس الكلام طبعا انا خلاص ابغى احمل ماابغى انظم الدوره الا بعدين لانه صارلي خمس سنوات وماحملت وداخله بالسنه السادسه ونفسي في بيبي مررررررره ...
طلب الدكتور من زوجي تحاليل طبعا تعرفونها وتعرفون طريقتها في البدايه زوجي رفض رفض تااام وزعل بعد شهور واخيرا اقتنع ماشاءالله وجا بنفسه وقلي خلاص نروح نسوي التحليل بس ابغى اسألكم هل هو مكلف لانه لمن قلتله يالله خلينا نروح طلعلي بعذر وهو انه مكلف وميزانيتنا ماتسمح !!!!!!!!!

يقلي انه 1900 بالله عليكم صح السعر ؟؟ والا وش سالفة زوجي اللي متعبني مع انه يحب الأطفال ويبغى بس مدري ليه بس مااتوقع الا انه خايف يسوي التحليل صح لانه كل مااقله وديني انا ابغى اكشف يوديني بس لمن يطلب الدكتور منه شي يرفض ...!!!


وجزاكم الله خير .

 

[رمش هيمانة]

والله لو نفسه في الاطفال يدفع مايتعذر ...بس شكل زوجك محلل قبل وعارف شي ,,بس انتي اصري عليه


وبعدين كثير يحملون ودورتهم مو منتتظمة وملخبطة


الله يرزقك يارب بهاليوم يارب انتي وكل من تتمنى الضنى

 

[مجنونه زعلاته]

طيب كم يكلف التحليل هذا سؤالي ......................

 

[فتاة الخير]

الفلوس مو مهم

 

[روماسية]

اللة يرزقك ويرزق كل محرومة
ماعندى خبر ان شاللة البنات يفيدونك

 

[رقاااوي]

ياقلبي التحليل يكلف 150 ريال بسسسسسسسسسسسسسسسسس قبل فتره اخذت ورقه لزوجي ودفع 150 ولحد الان ما سواه

 

[س؟..ج:..]

الله يرزقكم ان شاءالله

ماعندي خبر بتكلفة التحليل ..

 

[الى الله امضي]

ياقلبي وش يكلف مايكلف

اعملوه في مستشفى حكومي

خصوصي المستشفيات العسكريه على احسن مايكون

هو خايف من النتيجه الرجال اهم شئ عندهم لا احد يدري انه فيه او فيه الله على عقولهم بس

نجي للتحليل

التحليل الافضل ينعمل 3 مرات كل 3 شهور

مره وحده مايعطي نتيجه طيبه

بعدين الدكتور لازم يفحص عشان يتاكد ان مافيه دوالي الخصيتين

اغلب الدكاتره يكتفي بتحليل واحد

بس انا سمعت دكتور يقول الافضل 3 مرات يفصل بين كل مره ومره شهور

زوجي اول ماسواه قالو عندك ضعف في العدد وتشوه

بعد سنه سواه قالو طبيعي جدا

معناته كلام الدكتور صح الجسم يمر بتغيرات خصوصي مسالة الغدد والهرمونات

اكدت لي كلامي هذا طبيبة غدد صماء ان الغدد تضعف واحيانا تعطي نتائج تخوف بس الجسم يتعامل معها

سبحان الله

لازم يروح يشوف الدكتور يفحصه ويتناقشون في موضوع التحليل 3 مرات وبعد التحليل مباشرة يوديه المختبر

 

[& ميلاف &]

السلام عليكم

يالله ترزقنا بالذريه الصالحه ولايروح تعبنا خساره

تعبت انفسنا يابنات الله يصبرنا على مابلانا

ياختي يالغاليه انا زوجي كم مره سوا تحليل

ماتوصل 200 ريال تقريبا بالكويت 16 دينار

اصري عليه وعسا فالامر خيره

الله يبلغك ويبلغنا الخير ويثبتنا على دينه

 

[القاسية الحنونة]

ماتزيد قيمته عن 200 واتوقع انه 150
مادري ليه كل الرجال يرفضونه وبقوة ومايوافقون الا بطلوع الروح كأن فيه جرح لكرامتهم
الله يرزقك عاجلا غير اجل ويفرح قلبك

 

[لين بنت بابا]

لااعلم
رزقك الله الذرية الصالحة اسأل الله لك ولكل محرومه الحمل هذا الشهر

 

[الحامي الله]

طيييب بسألكم الحرمه
ان سوت تحليل واحد يكون احسن ولا لازم كل شههههر
ردوووا علي
واعذرييني ياصاحبه الموضوووع بس ردوا علي الله يصلحكم يارب

 

[قشوووطه]

الله يرزقك الذريه الصالحه
بس مو اكثر من 200 ريال

 

[جمالي بأخلاقي]

الله يشفينا

 

[الحامي الله]

طيب جاوبوا على سؤالي الله يجزاكم خير

 

[um_rqawy]

رووحو مستشفى حكووومه وبكذاا مايصير له عذررر

 

[ِضيــآءْ]

تحليل السائل المنوي 50 او 60 ريااال فقط لااكثر
اما تحليل الدم مشان الهرمونات ماعندي علم

ربي يكتب لك اللي به الخير ويهدي زوجك لك​

 

[مجنونه زعلاته]

يعطيكم العافيه جميعا والله يسعدكم ويسخر لكم ازواجكم ...


وسؤال الحامي الله ))) المأه مالها تحليل الا تحليل الحمل بس اما هي يكشف عليها من جوا الرحم ومن فوق تحت السر والرجال تحليل المني فقط .......