تجمع عصقولات 2013 معاً في مدرسه محو النحافه

ا

احتويني ياسماء

New member
إنضم
2013/01/25
المشاركات
6
السلام عليكم ورحمة الله وبركاته

مرحبا بنات،،،حبيت اقول لكم سالفتي مع هالنحافه الي صار لي معاها تقريبا من يوم لدت وهي ماسه فيني مسكه كنها دعوه علي لا سمح الله ،،،عصقوله، نحيفه،فرشة اسنان، طالعه من مجاعه،عود يابس،:4:والكثير الكثير من الاسماء التي تطلق علي ،بصراحه تعقدت مو كفايه النحافه الي انافيها الا يجيك تحطيمات وتعليقات من كل فئات المجتمع ،حريم ومتزوجات وبنات اخوان وعيال صغار وصديقات وزميلات حتى بايعين الملابس ،والشكوى لله وانا اغير اجرب خلطات على نفسي واشرب بهالحبوب الي فاتح شهيه والي فيتامينات والي حليبات وحلبه وماش على قولتهم والعسل مع مكسرات وال ، وال، وال،وكل حبوبات فاح شهيه طلبتها من انت وجربتها وحالتي من سيء الى اسواء:8:والحين انا قررت اني اغير من وزني واحاول بكل الامكانيات اني اسمن واوصل للوزن المناسب لطولي واغى منكم يا حبيباتي :3:انكم تتعاونو معي واي وحده مشكلتها مثل مشكلتي حياها الله نبغى نسوي جروب وكل وحده تحط طولها وطوها والهدف الي تبي توصل له ونشد حيلنا مع بعض ونكون يدا بيد في مدرسه محو النحافه بليز يابنات اغى منكم تشاركو معي الله يسمنا من غير شرونوصل كلنا للاوزان الي تناسبنا يلا يارشقات المستقبل غى شوف ردود ع موضوعي لاتحبطوني الل يخليكم ،،عشان ارجع انزل تجاربي مع بعض العقاقير الي جربتها والي فاد معي والي مافاد....
 
هلا وغلا غنج نورتي موضوعي،،،،تقريبا يبغي لك 10كيلو عشان يصير وزنك مثالي ،،،ان شاء الله تزيدهم بالصحه والعافيه،،،
انا انتظر بنات يشاركو معنا عشان نتحمس ونصير قروب ونبدا بالحمله ونودع النحافه النشبه ذي الى الابد...
 
عليك بالشوكولاتات والشيبسات
والنشويات كلها تسمن..
 
بنات ايش صار ماعاد احد رد نبغى اشياء مفيده وتسمن واللي نحيفه تنضم معنا شدوا الهمه**
 
:30:
مرحبا بنات,,,سووري على التاخير بس انشغلت كثير بالدراسه
المهم جبت لكم خلطات اتمنى نسويها طبعاا لازم نلتزم بالثلاث الوجبات
الرئيسيه هذا اهم شي ،،كمان لازم ناخذ فاتح شهيه انا دكتورتي كتبت لي
على حبوب برياكتين قالت لي انها ممتازه لفتح الشهيه بس تجيب نوووووم
وكل مااخذتها انام طول اليووم ولااستفيد ,,,والسبروفيتا اخذتها من فتره سمنتني 3كيلو
بشهر واحد مع انه انا صعب ازيد بس عيبها انها تجيب دقه بالقلب وتجيب خمول غير
طبيعي لذالك اظتطريت اوقفها لانه كنت احس نفسي مثل المريضه وتلخبط يومي كله
تعب وخمول ونووم ,,,المسيقور سالفتها سالفه تجيب نووم وخمول ومااستفدت منها ولا كيلوو
قررت اني ما عاد اخذ اي فتح شهيه حتى اذا قالت الدكتووره.....
بحط لكم الخلطات الي ببدأ اسويها ويا ليت القى تفاعل وبنات تشترك معي
وكلنا ننستفيد ان شاء الله تعالى ....
ما أهم القواعد الغذائية التي تساعد على علاج النحافة وفتح الشهية؟ يجيب عنه الدكتور خالد يوسف أخصائي السمنة والنحافة، عضو الجمعية المصرية لدراسات السمنة، عضو الجمعية الأمريكية للسمنة قائلا: هناك بعض المأكولات التي تساعد بشكل كبير في علاج مشكلة النحافة ومن أهمها:

1-التمر واللبن: ينقع التمر في الحليب لمدة ست ساعات ثم يتناوله المريض ويساعد التمر واللبن على فتح الشهية للطعام، ولا شك أن هذين المصدرين يعتبران من أغنى المواد بالمعادن والفيتامينات والأحماض الأمينية والسكريات والبروتين والمواد الدهنية، ويجب على الأشخاص المصابين بالسكري عدم استعمال تلك الوصفة.

2 – الحلبة: يعتبر مغلي الحلبة من المواد المشهية للأكل وطريقة تناولها هي أن تؤخذ ملء ملعقة من الحلبة البلدي وتوضع في ملء كوب ماء ثم يغلي على النار لمدة 1/4 ساعة ثم يصفى ويشرب بعد تحليته بالعسل أو السكر قبل الوجبة الغذائية بنصف ساعة.

كما يمكن إضافة القمح إلى الحلبة وهاتان المادتان مع الحليب والعسل والسمن البلدي تعتبرا من الوصفات الجيدة للتسمين وخاصة للنحفاء والطريقة أن يؤخذ 1/2 كيلو من بذور الحلبة ثم توضع في وعاء ويضاف ما يغطيها من الماء، وعند الغليان يزاح الماء ويبدل بماء جديد ويترك حتى يغلى ثم يزاح وتكرر العملية أربع مرات ثم بعد ذلك تهرس بذور الحلبة ويضاف لها حليب وتوضع فوق النار وتحرك ثم يضاف لها 1/2 كيلو دقيق قمح ويضاف قليلاً مع التحريك على النار حتى انتهاء الكمية. وتتكون عصيدة رخوة ثم يزاح من على النار ويضاف ملء ملعقة كبيرة سمن بلدي ويمزج مع العصيدة جيداً ثم يضاف ملء كوب صغير عسل طبيعي ويحرك جيداً حتى الامتزاج وتوضع هذه الخلطة في وعاء زجاجي ويحكم إغلاقه ويوضع في الثلاجة ويؤخذ منه يومياً ملعقة كبير.

3- الينسون: تحتوي ثمار الينسون على زيوت طيارة وأهم مركباته الأنيثول، والذي يساعد على عملية الهضم والطريقة أن يؤخذ ملء ملعقة من ثمار الينسون وتوضع في كوب ثم يملأ بالماء المغلى ويترك لمدة 15 دقيقة ثم تصفى ويشرب مرة بعد الفطور وأخرى بعد العشاء، وهذه الوصفة جيدة لفتح الشهية، كما يمكن وضع التين والينسون مع قليل من الماء فى إناء ويترك قليلا على نار هادئة ويداوم على الإفطار من هذا الخليط لمدة أربعين يوماً..
باقي خلطات كثيره بالنت طبعاً انا نقلت لكم هذه لآني ان شاءالله بأبدأ في واحده فيهم
يلا حبيباتي ابغى تفاعل ومشاركات يانحيفات :27:

 
السلام.عليكم انا بانظم الى القروب انا طولي تقريبا 156 او حوله وزني زمان ماراح اقوله لانكم ماراح تتوقعون إهئ.. المهم نفس كلامك عن حبوب موسيقور وازيدك من الشعر بيت انا زدت عدد المرات حق الاستخدام وجابتلي المرض هههههه والله عوار ببطني لين تركتها واستخدمتها يمكن ثلاثه شهور ولا زدت الا كيلو او اثنين..


المهم نجي للي استفدت منها بعد ما ارتفع ضغطي من ذي النحافة.. رحت. عند العطار وقلت ياولد انقذنييييييييي. . خخخخ امزح كان زوجي يعطني كف يلصقني بالجدار.. .المهم عطاني خلطة خاصة بالعطارة حق الشرقيه مدري ف مناطق ثانية يسوها ولا لا المهم.. هي عبارة عن حلبة وماش وعنبر وحبة السوداء ومكسرات مطحونه سوى وحاط ع عسل تؤخذ م ك قبل النووم....


ي للنتائج والله والله روووووعة انا مثلك مافي شي بهالدنيا سمني لكن هذي الخلطة قسم بالله فتحت شهيتي من اول يوم والحين ليه شهر ع وتقريبا زدت ع 7كيلو وانا كنت اكل موز وحليب لانه يسمن. . والحين تركتها لاني بشوف تتاثر شهيتي ولا لا اذا رجعت مثل اول برجع استخدمها انا اخذت نص كيلو ب130تكفيك شهر...


راللي تستخدمها ابي منها دعوة ان الله يفتح شهيتي من غير شر واطلع رشييييقة. ..ولكم خالص دعاي بان تنعمن بجسم رشييييق... اختكم الرشيقة بإن الله ..
 
الله يقويكم ويعطيكم العافية

ذكرتوني بصديقتي ايام الجامعة كان وزنها 39 كجم وبعد ما خلصنا قامت تشرب حليب مضاعف الدسم ، ومع الدوام وكثرة الجلوس وصل وزنها 60
والحين بعد الزواج والولادة صار وزنها 72 وتتمنى تنزل وزنها مب قادرة

فانتوا حاولوا تزيدون بطريقة صحية وفي حدود المعقول ولا تنسون المشي والرياضة بطريقة مناسبة
اهم شي الصحة والعافية
 
تسموا بنات كلكم على التفاعل فطوم مشكوره على الخلطه بس حبيت اسالك كل المكونات بمقادير متساويه ولا كيف لان اعجبتني خلطتك
 
والله ياحبي أنا العطار خلطها وإذا مالقيت عطار يسويها خذي من كل نوع ربع كليو ولازم تكون مطحونه حتى المكسرات وبعدين حطي مثلا نص كوب من كل نوع وأخلطيها سوى وبعدين جيبي علبه قزاز علشان مايخرب وحطي العسل وأضيفي الخلطه شوي شوي وحركيها
 
وبعدين قبل ماتنام خذي منه مقدار م أكل كبيرة وفي كل مرة تاخذين منه حركيه من جديد حتى ماتترسب المكونات أنا كنت بسوي الطريقة ذي بس بشوف تحليلي حامل ولا لا لأني أخاف يضرني إذا حامل...وكل وحدة تستفيد من الخلطة تدعيلي
 
بنات شئ مهم لازم تعرفونه سمنه عن سمنه تفرق سمنة الأكل الصحي تسمنكي سمنه حلوه يعني ما تخلي لك كرش وزوائد جسم مترهل يعني جسم مشدود وبشره روعه يعني تسمنكي لحيمات مو شحيمات زي البروتينات من حليب ودجاج والفواكه والخضروات ودهون بنسبه قليله ونشويات ومكسرات والماء مهم ..ولازم تسوون رياضه حتى يروح هذا الأكل لبناء عضلاتكم حتى تكبر ...لأنها بدون رياضه بس تغذي عضلاتكم بدون ما تزيد الوزن و الزايد يروح شحوم ومع الرياضه تسمنكم سمنه حلوه اما سمنة البباسي والحلويات والأكل المليان دهون والشيبسات فتسمنكم سمنه شينه أما إذا ما عندكم خلايا دهنيه فما راح يزيد وزنكم غير تدمرون صحتكم اما زيادة العضلات فأكيده بس تفرق من ناس لناس على حسب حجم العضله فيه اللي نحيفه مره تزيد شوي وكل ما كانت أسمك كانت زيادتك أكثر واحلى وأهم شئ االغذاء يكون كثير جدا ومنوع صراحه يبغاله إراده وأهم شئ البروتينات يعني تاكلي دجاجه كامله باليوم وهذا صعب عشان كذا فيه بروتين يبييعوه عند أرمال تاخذين منه ملعقتين باليوم او على حسب وزنك مع الأكل المنوع ملعقه ضروري بعد التمرين مباشره إقروا أكثر بالنت عن كيفية زيادة الوزن بالرياضه ولا تخافون تر اما راح تصيرون زي الرجال بعضلاتهم لا عضلات الأنثى شكلها غير
 
وانا معاكم. يابنات

وصح ابي اقولكم ان شاء الله عن خلطه زادتني لحد الان 3 كيلو خلال ثلاث أسابيع بطلوع الروح هههههه


بس الحمدلله ع كل حال
 
مرحبا
هم اناخاطري اسمن شوي طبعن طولي 142وزني 48
خاطري تبان عندي معالم الانوثه اكثر يعني ابي اكون رويانه
طبعن عندي ملاحضه عن حبوب مسيغور ترهم حلوت بس تره تبيك تاكلين يعني ماينفعن الامع اكل كولي كثر اكل امااذاكليهم لوحدهم راح يضرونك يعني انااشوف حريم من عائلتي ياكلونهم اجسامهم روعه بس يقولون لازم ناكل كثير يعني كل شوي كلوي حاجه طريتهم الشهر الاول كولي ثلاث حبات يعني اول ماتصحي كولي حبه وافطري فطور دسم الظهر هم كولي حبه وتغدي غدا دسم وحولي ماتمر ساعه الاونتي تاكلين حاجه والمغرب كولي حبه وتعشي عشاء دسم كثري اكل بلعربي كولي الاخضر واليابس هههههههه بعدين قللي الحبه خليهم حبتين في اليوم بعدين علئ حبه وشوفي كيف جسم كيف يكون بس تره تبي تنوممممممممك بس ميخالف النوم زين اهم شي انه يريحك نفسيان ويبدر اعصابك

في نقطه ثانيه الماش صح يسمن بس تره كثره موحلو ابد تره عن تجربه اتكلم اذاتبينه تاكلينه انصحك تاكلينه فقط ايام الحيظ االايام الاولئ ملعقه مع كلس حليب دافي واشربيه مرتين في اليوم
مفيد للجسم ويسمن بعد الحلب بعدهم شربه زين بس لاتشربينه ايام الحيظ الاخيره امابعد الحيظ عادي وفعل يسمن العنبر اوالعنبريه اناسمعته انهامظره لداماغ يعني ابعدي عن الشر ازين ا نامدري ليش مدخلت مزاجي المكسرت حلوووووووه خصوصن المطحونه مع عسل تصديقواعرف بنات اذاصارعندهم زوجي قبل الزوج يكولونها مكسرات مطحونه مع عسل قبل كل وجبه اوبعده وي اجسامهم تجننن يعني صدر حلو وخصر ولاحلئ يعني هذي اجربه بستمر عليه بي اذن الله
بتوفيق
 
مرحبا
انا طولي 159 و وزني 57
وابي ازيد 5 او 6 كيلو
واغلب الخلطات ماتناسبني لان عندي حساسية ضد العسل والمكسرات والبيض وفوق كذا عندي التهاب بالمعدة ماينفع آكل شي دسم او اكثر من الحلويات - دعواتكم لي.
الحالة النفسية لها دور كبييير.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل