تجربتي في نزول 16 كيلو بشهر رمضان

[مصدوووومه]

السلام عليكم حابه اقول تجربتي في نزول الوزن ولله الحمد
اولا هي تجربة زوجي كنا في امريكا اراد زوجي ان ينحف وقرر ان يذهب لااخصائي تغذيه وذهبنا للعياده
قال زوجي دوامي ملخبط اريد نظام بسيط وفي نفس الوقت عندما اكون خارج المنزل استطيع ان اوفر الوجبات
قال لزوجي انتظرني قليلا وجلس يكتب على الكمبيوتر وطبع ورقه واعطه كوب صغير جدا قال له نظم الوجبات فطور غذاء عشاء من أي صنف ولكن لاتتجاوز هذا الكوب الفطور مثلا يفطر شريحة توست خاصه بالرجيم وعليها شريحة جبنه وكوب شاهي بدون سكر بعد الوجبه بنص ساعه
الغداء يملئ الكوب بالايدام من أي صنف بالبيت وكوب رز وكوب سلطه أي صنف طعام يملئ به الكوب
العشاء أي صنف مثلا بيوم اشتهى فول يملئ هذا الكوب فول ويقطع التميس قطع صغيره الين يملء الكوب وياكله نحف خلال شهر ماشاءالله تبارك الله 9 كيلو بدون رياضه رمضان اللي فات طبعا انا كل يوم زوجي ينتقدني بطنك رجلك فخذك كرشتك وانا كل يوم اتحطم اقول خلاص ماعاد باكل اول يوم رمضان تحمست كثير اخذت كوب زوجي ومليته مويه وكبيته بفنجان القهوه لقيته نفس المقاس صرت كل يوم اخذ بالفطور حبه تمر واقوم اصلي ولمن ارجع اكل حبه سمبوسك طابختها في الفرن منعت البيت من اكل المقليات لي ولزوجي واطفالي المهم الفطور حبه تمر وحبه سمبوسك محشيه لحم او خضار او دجاج زي ماتحبي وفنجان سلطه وفنجان شوربه من أي نوع واذا مسويه مكرونه باشميل املى الفنجان مكرونه مااكل زياده عليهم واقوم من السفره او 4 ايام اقوم جيعانه بس بعدها تعودت اصلي التراويح وارجع البيت اسوي كوب شاهي اخضر او اشرب نسكافه أي مشروب يعجبني بسكر الرجيم تروبيكانا واقوم احط السير قدام التلفزيون وامشي عليه واتفرج برنامجي المفضل احيانا امشي 20 دقيقه واحيانا اكثر مابين مشي عادي وهروله وبدها اخذ دش وابدل ملابسي واكل حبه فاكهه كنت غالبا اكل تفاحه او شريحتين اناناس ويجي وقت السحور الساعه 2 او 3 اتسحر اللي يعجبني بس بالفنجان عندي لبن زبادي خالي الدسم املئ الفنجان لبن زبادي ومعاه مثلا حبه خياره فقط .

الحلويات ممنوعه غير مره بالاسبوع منعت نفسي عنها أي حلى باخر الاسبوع كنافه مااكل أي كميه بس اعبي الفنجان واكل حتى جلي اسوي بالفنجان والكاسترد لمن اسويه اسوي بحليب قليل الدسم وسكر رجيم مرهبالاسبوع ولاتنسون شرب الماء مهم جدا لاحظ زوجي بعد مرور 13 يوم قالي نحفتي الين اخر الشهر واااااااااو ماشاءالله تبارك الله نحفت من ( 80 كيلو الى64 كيلو ) يعني نزلت 16 كيلو بشهر رمضان ولله الحمد شويه وراجعه زوجي وصل عن اذنكم يابلقيسيات



7
7
7
7
مثل هذا الفنجان اللي كنت اكل فيه بس طبعا الفنجان من قوقل لكن بمقاس فنجاني

من بكره ببدا ان شاءالله لاني جمعت خلال سنه 6 كيلو زياده صرت اخبص بالاكل واكل على كيفي :5:

برجع لنظامي اول اللي تحب تشاركني حياها الله ونتقابل بعد التراويح كل يوم ونكتب يومياتنا
حبه سمبسوك + فنجان شوربه من اي صنف + فنجان سلطه+ حبه تمر + فنجان قهوه

مابين الفطور والسحور حبه فاكهه
بعد التراويح رياضه نص ساعه
السحور
فنجان سلطة فواكه + فنجان لبن زبادي خالي الدسم + حبه فيتامين للجسم

ملاحظه الاكثار من الماء مهم
ومسموح شرب الشاهي والقهوه والينسون والشمر .......... بدون سكر او بسكر خاص بالرجيم زي ماقال الدكتور - الله ينحف الجميع بصحه وعافيه يارب.

 

[حور الشوق]

مشكوووووووووورة يا أختي
على الفكره ساعتيني واااااااايد​

 

[ام سلطان416]

الله ينحفك من غير شر ويوصلك لمبتغاااك ...
مشكوره ع طرح التجربه وانشاااء الله الكل يستفيد

 

[doonat]

انا ابي ابدا معك وش رايك

 

[يالوردي]

مشكوره

 

[*999*]

يسلموووووووووووووووووووو

 

[وريفو]

روعه ماشاء الله انا بقروب الثمانينات بسوي نظامك لو اخس زيك اكون وصلت لحلمي فديتك ع هالنظام

 

[أم وؤمة العسل]

تسلمي

 

[كسرني الالم]

والله حلوه الفكره
ان شاء اقدر اسويها .. ​

 

[غرام حبيبي]

مشكورة حبيبتي .........لكن أنا عندي مشكلة ماعندي عزيمة امنع نفسي عن الاكل
انامشتركة بنادي رياضي ومانعة نفسي عن الحلى ونزلت 2 كيلو

 

[خجولة بصمت]

انا عندي استفساار صغير انا مره متحمسه وبصرااحه محتاجه انزل من وزني

و16 كيلو بشهر شيء خيااال ... واكيد بتعب كثير وانا توني لما سافرت نزلت 5 كيلو وخايفه ارجعهم

ودي اكمل وبجرب معاكي لو ما عندك مانع وبحاول باذن الرحمن اني اجي واقولك يومياتي

بس استفساري هو ؟؟

الحين الكوب اللي تحطين فيه الاكل والشوربات واللي قلتيه >>> هو فنجان القهوه الصغير

نفسه ما غيره .... لاني لما كنتي تكتبين كنت افكر كوب زي حق النسكافيه

عشان كذا ودي بس اتاكد من المعلومه .... وانا ان شاء الله معاكي والله ينحفنا ونكون بصحتنا وعافيتنا يارب

وجزاك الله خير على كل شيء يا عسل
والله ينحفك يارب بصحه وعافيه

 

[جنى الجنوب2]

مشكوووووووووووورة

 

[ريري الشرقيه]

ماشاء الله إنجاز الله ينحفنا من غير شر يارب.

 

[ادارية مبدعة]

وانا بعد بكون معاكم بس الفنجااااااااااااااان مره صغير بس المسأله قناعه لازم يكون فيه قناعه واراده قويه بحاول اليوم انشالله باي

 

[منبع الانوثه]

انا سسمعت اختي ان سكر الريجيم تربيكانا يسبب امراض وابحثوا بالنت وشوفوا
سبحان الله وبحمده سبحان الله العظيم

 

[مـلاك الصغيرة]

مشكورة غناتي

 

[خجولة بصمت]

السلام عليكم ورحمه الله وبركاته

بما اني متحمسه مرررره قلت اقولكم وش هببت اليوم ههههههه

اليوم ما قعدت على السفره الا متاخر شوي اكلت تمرتي ورحت قلت تكون نص الاكل شفطو

عليه اخواني لكن يوم جيت كان باقي والله كثير

جلست على السفره شربت شوربه نفس المقدار اللي قلتيه كانت امي مسويه شوربه عدس

وبعدها اكلت سبوستين وسبرنق رول وحده >>>> انتي قلتي سمبوسه وحده بس ما قدرت اقاوم

بس المره الجايه ان شاء الله

المهم

وبعدها اكلت سلطه تقريبا كثرت شوي من المقدار الاساسي وبس

بعدها قمت على طول ورحت اصلي .... وطولت بالصلاه عشان لما ارجع يكونو خلصو السفره وارجع

مالاقي شيء ... والحمدلله يوم رجعت لقيتهم يشيلون وشلت معاهم وبس


هذا يومي الاول وش رايك فيه ... ممتاز ولا جيد جدا ولا ايش ؟؟؟

ادري خبصت شوي بس ان شاء الله باقي اليوم بلتزم باذن الرحمن
والله يوفقكم جميعااا يا حلوين

 

[ديم..]

خجوله ممتاز جداً
انا اول من يجلس واخر من يقوم أكل عيالي واكل معهم خخخ خربتها صح

 

[زيـــ سكر ــاده]

مشاركة جديده

السلام عليكم
يسعدني ويشرفني تكون اول مشاركه لي معكم هنا وعن موضوع الرشاقه :showoff::showoff:
واتمنى ان تتقبلوني بصد رحب لاشارك معكم بهالوصفه لاني بصراحه جربت رجيمات اشكال وانواع ولكن للاسف مافادت :25:

 

[الورده رودين]

انا ناويه ابدا بس انشالله اقدر